17/10/2024
شاسوار تۆ بەنیاز نیت بمری؟
یەکەم غەدری شاسوار عەبدلواحید لە کێ بوو!
پێش هەموو شتێک دەمەوێ بە خوێنەر بڵێم کە بابەتەکە پەیوەندی بە بانگەشەو حزبایەتییەوە نییە، لەبەردەم خوای گەورەدا بەرپرسیار دەبم لەسەر ئەم قسانەی دەیکەم، تەنها ویستم شاسوار عەبدلواحید بەدرۆ بخەمەوە، کە لەبەرچاو خەڵک و لەسەر شاشەی تیڤییەکان دەڵێ لە ژیانمدا غەدرم لەکەس نەکردوە!، هەروەها باسی غەدری حزبەکانی دەسەڵاتیش دەکات!، دەی خوای گەورە لەگەڵ دزەکانی دەسەڵات حەشرت بکات.
من لێرە یەکەمین غەدری شاسوارتان بۆ ئاشکرا دەکەم، بۆیەش باسی دەکەم، چونکە دڵنیام دوایەمین غەدری نابێت، کورد دەڵێ "خویەک فێربوی بە شیری، قەد تەرکی ناکەی بە پیری".
خەڵکی دەبێ بزانن ئەو کەسە (شاسوار عەبدلواحید) بەناوی خواوە درۆ دەکات و سوێند دەخوات، کەسێک کە سوێندی درۆی بەناوی خوا خوارد، ئیتر خەڵک چییە درۆیان بۆ نەکات.
خەڵکانێک پێیانوایە حزبەکان قسەو درۆو سیناریۆ بۆ شاسوار دروست دەکەن، بۆیە باوەڕیان پێیەتی! ئێمە حەقمان بە حزبەکان نییە خوا هەموویان بکات بە قوربانی یەک کوردی پاک و دڵسۆزو لەخواترس، رەنگە حزبەکانیش درۆی بۆ دروست بکەن، وەک چۆن خۆشی ئوستازی درۆیە.
من غەدرێکی شاسوارتان بۆ باس دەکەم، کە لێرەوە دەستی بەغەدرو حەقخواردنی خەڵک کرد.
کەسێک هەبوو ساڵی ٢٠٢٠ کۆچی دوایی کرد، ناوی (کارساز ئەحمەد نەجار)بوو، خوا لێی خۆش بێت و بەهەشت مەنزڵی بێت، هەتا بڵێی کوڕێکی خێرکارو دڵ بەئیمان و پیاو بوو لەگەڵ هەموو کەسێکدا.
کارساز، کوڕێکی بازرگان بوو، لەگەڵ والی و شاسوار پڕۆژەی گوندی ئەڵمانییان دەستپێکرد، کە ئەوکات شاسوار نوێنەری بەرپرسێک بوو، کەسی یەکەم لەم پڕۆژەیەدا کارسازی ئەحمەد نەجار بوو، ڤیدیۆی ئیفتیتاحی پڕۆژەی گوندی ئەڵمانی هەیە کە ئەو بەرپرسەی شاسوار، کردیەوە.
بۆ ئەوەی لە خەڵکی نەشارمەوە عومەر فەتاح بوو، کە ئێستا ژنبرایەکی عومەر فەتاح کاندیدی ژمارە یەکی حزبەکەی شاسوارە لە سلێمانی!.
بەهەرحاڵ، دوای فەترەیەکی کەم، کارساز لە بازاڕی دۆلارەکەی سلێمانی توشی پارە خوران هات، کە چەند کەسێکی ئێرانی پارەیان بردو هەڵهاتن و خواردیان، کە مەبلەغەکەی نزیکەی هەشت ملیۆن دۆلار بوو.
لەو سەروبەندەدا کە کارساز سەرقاڵی ئەو روداوە بوو، پشکەکانی کارساز لە گوندی ئەڵمانی لەرێی شاسوارەوە دەستی بەسەردا گیرا. شاسوار پارێزەری پڕۆژەکەی کڕیبوەوەو بەشەکانی کارسازی کرد بەناوی خۆیەوەو پارێزەرەکەشی نارد بۆ هەندەران!
کاتێک کارسازی رەحمەتی کە پێیزانی پارێزەرەکە گەیشتبوە هەندەران. شاسواریش بەهۆی دەستڕۆیشتنییەوە لەگەڵ بەرپرسان و پەیوەندی لەگەڵ دادوەرەکان، توانی بەسەر کارسازدا سەرکەوێت و بگرە رەحمەتیشیان خستە زیندانەوە!، ئەمەیە دەڵێن "تا خاوەن ماڵ دزی گرت، دز خاوەن ماڵی گرت"!.
بەهەرحاڵ بەهۆی فشارو هەڕەشەوە وایان لە کارساز کرد لە مافەکانی دوربکەوێتەوە!.
دەی ئێستا کارساز چوەتەوە بەر رەحمەتی خوا، بەڵام شاسوار لەسەر شاشەکان درۆ ریز دەکات و دەڵێ غەدرم لەکەس نەکردوە! ئەمەیە منی هێنایە قسەو ئازاریدام بۆیە ئەم راستییەتان بۆ باس دەکەم.
جەنابی کاک ناشاسوار، کارساز نەماوە، بەڵام خوای هەر دەمێنێ، کارساز نەماوە، بەڵام دوو مناڵ و ژنەکەی ماون، خوا لەشساغ و تەمەندرێژیان بکات، گەرچی بەهۆی ماڵی باوکی ژنەکەیەوە شکور بۆ خوا مناڵەکانی موحتاج نین و بگرە گوزەرانیشیان باشە، خوا هەزار ئەوەندەیان باتێ، بەڵام ئەو حەقە هی ماڵ و منداڵییەتی، بۆیان بگێڕەرەوە، ئینجا لەبەردەم خەڵک و کامێرا بڵێ من غەدر لەکەس ناکەم!.
ئەرێ شاسوار عەبدلواحید تۆ بەنیاز نیت بمری؟ تۆ لە خوا ناترسی؟ بۆچی حەقی کارساز بۆ مناڵەکانی ناگێڕیتەوە؟ تۆیەک کە بە ئاشکرا غەدرت لەو کوڕە کردو دواتر فێری غەدر بویت و پارەی پشکی هەزاران کەست لوشداو هەروەها پارەی چەندین ستافی بۆیاخچی و ئاسنگەرو کەسانی بیناسازیت خواردوە، دەتەوێ هەتا کەی دژی خەڵک و خوا بیت؟
کاکە شاسوار، ئەوە بزانە کفن گیرفانی نییە، هیچ یەک لە پارەکانت نابەیتە گۆڕ، بەڵام ناحەقی و غەدرەکانت لەسەرت نوسراون..
تۆ ئێستا خوا پێیداوی، بۆچی دژی خودا هەنگاو دەنێیت و غەدر دەکەیت؟
بۆچی واز لە غەدرو فریودانی خەڵک ناهێنی؟ حەقی ئەو خەڵکە بدەرەوەو لەخوا بپاڕێرەوە لێتخۆش بێت.
کەناڵی دینی مەکەرەوەو خۆت بە لەخواترس دەرمەخە. تۆ دەتوانی خەڵک بخەڵەتێنی، بەڵام ناتوانی خوا بخەڵەتێنی. تۆش ماڵ و مناڵت هەیە، مافی دایک و باوکی مناڵانی تر مەخۆ، با خراپتر نەیەتە رێت. سەروەتی ئەم دنیا، ئەودنیات لەبیر نەباتەوە.
هاوڕێیەکی کارساز ئەحمەد نەجار
