Stûn

Stûn "ستوونـ"ـێک بۆ هەواڵ و شیكاری "The political climate is a minority in the Middle East. It is always boiling. We are trying to find out the current truth

05/10/2026

لە دیمەنێکی ڕاستەوخۆی ناو یاریی GTA دەچێت...
بەڵام ئەوە سەربازێکی ڕووسیاییە کە بە مووشەکی شوێنکەوتووی سەرشان (MANPADS)، تەقە لە درۆنێکی ئۆکراینایی دەکات، ڕێک لەسەر ڕێگەیەکی خێرا لە مۆسکۆ.

بەخێر بێن بۆ ساڵی ٢٠٢٦!
Writer: Mhedi

ئیسڕائیل ئامادە بووە فڕۆکەکەی فلای دوبەی تێکبشکێنێتهەوڵێکی خۆکوژی و تیرۆریستی بۆ تێکشکاندنی فڕۆکەیەکی هێڵی ئاسمانیی فلای...
05/10/2026

ئیسڕائیل ئامادە بووە فڕۆکەکەی فلای دوبەی تێکبشکێنێت

هەوڵێکی خۆکوژی و تیرۆریستی بۆ تێکشکاندنی فڕۆکەیەکی هێڵی ئاسمانیی فلای دوبەی لە ڕێگای ئیسڕائیلدا، نزیک بوو ببێتە گەورەترین کارەساتی هاوشێوەی ١١ی سێپتەمبەر، بەڵام بەهۆی ئازایەتیی تیمی فڕۆکە و گەشتیاران و ئامادەکاریی تووندی ئەمنییەوە، کارەساتەکە لە چرکە ساتەکانی کۆتاییدا پەکخرا.

وردەکاریی هەواڵەکە:
• پیلانەکە: هومام ئەلهومامی، یاریدەدەری فڕۆکەوانی عوممانی (کە پێشتر لە ساڵی ٢٠٢٤ بە مەترسیی ئەمنی ناسرابوو)، هەوڵی دا فڕۆکەیەکی هێڵی فلای دوبەی کە بەرەو ئیسڕائیل دەچوو، بڕفێنێت و لە فڕگەی بن گۆریۆن یان تاوەرەکانی عەزرائیلی لە تەلئەڤیڤ بیخاتە خوارەوە، وەک هێرشێکی هاوشێوەی ١١ی سێپتەمبەر.
• ئامادەکاریی ئیسڕائیل: کاتێک پێوەندی لەگەڵ فڕۆکەکە پچڕا و نزمبوونەوەی لەناکاو و نائاسایی ڕووی دا، ئیسڕائیل فڕۆکەی جەنگیی ناردنە ئاسمان و ئامادە بوو فڕۆکەکە بخاتە خوارەوە (سەڕەڕای بوونی زیاتر لە ١٥٠ هاووڵاتیی ئیسرائیلی لەناویدا) بۆ ڕێگریکردن لە کارەساتێکی گەورەتر.
• ڕزگارکردنی فڕۆکەکە: بەهۆی ئازایەتیی کاپتن (سەمیت مێتچاهار)، تیمی فڕۆکە و چەند گەشتیارێکی ئیسرائیلی (لەوانەیش یانیف حیون و دوو فڕۆکەوانی دەرەوەی ئەرک)، هێرشەکە تێکشکێنرا و تاوانبارەکە کۆنتڕۆڵ کرا، فڕۆکەکەیش بە سەلامەتی لە شاری تایفی سعوودیە نیشتەوە.
• لێکۆڵینەوەکان: تاوانبارەکە ئێستا لە ئیماراتە و ئەگەری سزای لەسێدارەدانی هەیە. هەروەها پشکێنەرانی مووساد و هەواڵگریی ئەمەریکایی گەیشتوونەتە ئەبوزەبی بۆ لێکۆڵینەوە، ئەمەریکایش پشکنین بۆ ئەگەری تێوەگلانی ئێران دەکات، هەرچەندە هێشتا بەڵگەی یەکلاکەرەوە نییە.
سەرچاوە: CBS News

ئیسڕائیل لە عێڕاق دەدات؛ ئەمەریکا چرای سەوزی بۆ هەڵکردواشنتۆن لە پلانی ئیسڕائیل بۆ بەئامانجگرتنی گرووپە نزیکەکانی ئێران ...
05/10/2026

ئیسڕائیل لە عێڕاق دەدات؛ ئەمەریکا چرای سەوزی بۆ هەڵکرد

واشنتۆن لە پلانی ئیسڕائیل بۆ بەئامانجگرتنی گرووپە نزیکەکانی ئێران لە عێراق ئاگادارە، لە کاتێکدا نیگەرانییەکان لە چەسپاندنی ڕێڕەوێکی وشکانی کە تاران بە لوبنان دەبەستێتەوە زیادیان کردووە، هاوکات لایەنە چەکدارەکانی عێراق سوورن لەسەر پاراستنی ترسناکترین جبەخانەی مووشەک و فڕۆکەی بێفڕۆکەوانی دوورمەودا.
بەگوێرەی سەرچاوەی ڕۆژئاوایی، لە ڕاپۆرتێکدا کە ماڵپەڕی «إرم نيوز» بڵاوی کردووەتەوە، وڵاتە یەکگرتووەکانی ئەمەریکا "چرای سەوز"ی بە ئیسڕائیل داوە بۆ فراوانکردنی ئازادیی کارکردنی ئۆپەراسیۆنی خۆی لە مەودای ئاسمانیی نزیک لە عێراق، کە ئەمەیش ڕەنگە ڕێی پێ بدات هێرش دژی میلیشیا و لایەنە چەکدارە پێوەندیدارەکان بە ئێران ئەنجام بدات.
بەپێی ئەو سەرچاوانەی لە ڕاپۆرتەکەدا هاتوون، ئیدارەی ئەمەریکا لەو پلانەی ئیسڕائیل ئاگادارە کە ئامانج لێی لەباربردنی هەوڵی میلیشیا نزیکەکانی تارانە بۆ چەسپاندنی بوونی خۆیان لە ناوچەکەدا. لە بەرانبەردا، واشنتۆن خۆی ئامادە دەکات بۆ بەهێزکردنی سیستەمە بەرگرییەکانی بە ئامانجی پاراستنی هێز و بەرژەوەندییە ماوەکانی لە ڕۆژهەڵاتی ناوەڕاستدا، لەگەڵ درووستکردنی سیستەمێکی بەرگریی هەرێمی وەک خۆپارێزییەک لەبەردەم ئەگەری کاردانەوە و پەرەسەندنی بەرفراوان دوای هەر هێرشێکی ئیسڕائیلی.
ئەمەتش لە کاتێکدایە کە بەگوێرەی مەزەندە هەواڵگرییە ڕۆژئاواییەکان لە ڕاپۆرتەکەدا، سوپای ئیسڕائیل و مووساد زنجیرەیەک ئامادەکاریی ئۆپەراسیۆنیان تەواو کردووە بۆ ئەگەری ئەنجامدانی هێرشی ئاسمانی و ئۆپەراسیۆن کە بارەگا و کۆگاکانی چەکی تایبەت بە لایەنە چەکدارە نزیکەکانی تاران لە عێراق بەئامانج بگرن.

نیگەرانییەکانی ئیسڕائیل لە درووستبوونی ڕێڕەوێکی وشکانی

بەپێی ئەو سەرچاوەیانەی ڕاپۆرتەکە پشتی پێبەستوون، یەکێک لە دیارترین نیگەرانییەکانی ئیسڕائیل، بریتییە لە لێکەوتەکانی کەمبوونەوەی بوونی سەربازیی ئەمەریکا لە ناوچەکەدا، چونکە تەلئەڤیڤ دەترسێت کشاوەنەوەی ئەمەریکا ببێتە هۆی ئەوەی ئێران بتوانێت ڕێڕەوێکی وشکانیی پێکەوەبەستراو بچەسپێنێت، کە خاکەکەی لە ڕێی عێراقەوە بە لوبنان دەبەستێتەوە، کە ڕێڕەوێکە پێوەندیدارە بە ئەوەی بە "هیلالی شیعە" ناو دەبرێت.
بەپێی ڕاپۆرتەکە، وڵاتە یەکگرتووەکانی ئەمەریکا و ئیسڕائیل مەزەندە دەکەن کە سوپای پاسدارانی ئێران، زیاتر و زیاتر لەم ڕێڕەوە کەڵک وەردەگرێت بۆ گواستنەوەی کەلوپەلی سەربازیی پێشکەوتوو، مووشەکی بالیستیی ورد، فڕۆکەی بێفڕۆکەوانی دوورمەودا، جگە لە هاوکاریی دارایی و لۆجستی کە ئامانج لێیان بنیاتنانەوەی تواناکانی میلیشیا و هاوپەیمانە پێوەندیدارەکانە بە ئێران لە ناوچەکەدا.
لەو چوارچێوەیەدا، یەکێک لە ئامانجە دەرخراوەکانی پلانە ئیسڕائیلییەکان بریتییە لە بەئامانجگرتنی ڕێگاکانی گەیاندنی دابینکردن کە بە عێراقدا تێپەڕ دەبن، لە هەوڵێکدا بۆ ڕێگریکردن لەوەی ببێتە بنکەیەکی پشتێنەیی سەرەکی بۆ گواستنەوەی چەکی ئێرانی.

میلیشیاکان ڕەتی دەکەنەوە دەستبەرداری چەکە ستراتیژییەکان ببن

لە بەرانبەردا، ڕاپۆرتەکانی ڕاگەیاندنی عێراقی ئاماژە بەو سەختییانە دەکەن کە حکوومەتی بەغدا لە هەوڵەکانیدا بۆ قۆرخکردنی چەک لە دەستی دەوڵەتدا ڕووبەڕووی دەبێتەوە. بەپێی «إرم نيوز»، سەرەڕای درێژکردنەوەی مۆڵەتی دراو بە لایەنە چەکدارەکان بۆ ڕادەستکردنی چەکەکانیان و تێکەڵکردنی ئەندامەکانیان لە دامەزراوە ئەمنییە فەرمییەکاندا تاوەکو ناوەڕاستی ساڵی ٢٠٢٧، بەڵام لایەنە سەرەکییەکان، لەوانە کەتیبەکانی حیزبوڵڵا و بزووتنەوەی نوجەبا، ڕەتی دەکەنەوە دەستبەرداری جبەخانەکەیان ببن.
بەپێی مەزەندە گواستراوەکان لە ڕاپۆرتە عێراقییەکاندا، لایەنەکان جیاوازی دەکەن لە نێوان چەکی سووک و مامناوەنددا کە ئارەزوویەکی دیار سەبارەت بە نەرمونیانی تێدا نیشان دەدەن سەبارەت بە خستنەژێر دەستەڵاتی دەوڵەتەوە، لەگەڵ ئەوەی بە "چەکی ستراتیژی" ناوی دەبەن.
بەپێی ڕاپۆرتەکان، ئەم پۆلێنە، فڕۆکەی بێفڕۆکەوانی مەودادرێژ، مووشەکی کرۆز و مووشەکی بالیستی دەگرێتەوە. لایەنەکان، بەپێی ئەم مەزەندانە، سوورن لەسەر هێشتنەوەی ئەم توانایانە وەک هێزێکی سەربازیی سەربەخۆ، کە باس لەوە دەکرێت پێوەندییەکی ڕاستەوخۆیان بە فەیلەقی قودسی سوپای پاسدارانی ئێرانییەوە هەیە.
ئەم پەرەسەندنانە، بەگوێرەی گێڕانەوەکەی ناو ڕاپۆرتەکە، ئاماژەن بۆ تێکەڵبوونێکی گەشەسەندوو لە نێوان هەوڵەکانی بەغدا بۆ سەپاندنی قۆرخکاریی دەوڵەت بەسەر چەکدا و، نیگەرانییەکانی ئیسرائیل لە گەشەسەندنی تواناکانی سەربازیی لایەنە پێوەندیدارەکان بە ئێران لە عێراقدا، لەو کاتەی وڵاتە یەکگرتووەکانی ئەمەریکا خۆی بۆ ئەگەری پەرەسەندنێکی هەرێمیی نوێ ئامادە دەکات.

یەمەن: کۆنترۆڵکردنی بابولمەندەب و دەستپێکی شەڕی گەورەی سەنعاسەرۆکی ئەنجومەنی سەرکردایەتیی یەمەن، ڕەشاد عەلیمی ڕۆژی دووشە...
05/10/2026

یەمەن: کۆنترۆڵکردنی بابولمەندەب و دەستپێکی شەڕی گەورەی سەنعا

سەرۆکی ئەنجومەنی سەرکردایەتیی یەمەن، ڕەشاد عەلیمی ڕۆژی دووشەممە دەستپێکردنی ئۆپەراسیۆنی سەربازیی (فەجری یەمەن)ی لە سێ بەرەی باکوور، ڕۆژئاوا و باشوورەوە ڕاگەیاند، بە ئامانجی گێڕانەوەی دامەزراوەکانی دەوڵەت، ڕزگارکردنی سەنعای پایتەخت و کۆتاییهێنان بە (کودەتای میلیشیا حوسییەکان)، کە لەلایەن ئێرانەوە پاڵپشتی دەکرێن.
هێزەکانی یەمەن بە پاڵپشتیی هاوپەیمانیی عەرەبی هێرشێکی ستراتیژییان دەستپێکرد و دەستیان بەسەر گەرووی بابولمەندەبدا گرت.

عەلیمی جەختی کردەوە شەڕەکە دژ بە خەڵکی سڤیل نییە، بەڵکو بۆ گێڕانەوەی دەوڵەتە، داوای لە دانیشتووانی ناوچەکانی ژێر دەستەڵاتی حوسییەکان کرد لە بنکە و سەربازگەکانیان دوور بکەونەوە.

ئیسرائیل خۆی بۆ لێدان لە ئێران ئامادە دەکات.. ڕەنگە چاوەڕێی واشنتن نەکاتسوپای ئیسرائیل ئامادەکاری دەکات بۆ لێدانی سەرباز...
05/10/2026

ئیسرائیل خۆی بۆ لێدان لە ئێران ئامادە دەکات.. ڕەنگە چاوەڕێی واشنتن نەکات

سوپای ئیسرائیل ئامادەکاری دەکات بۆ لێدانی سەربازی لە ئێران؛ چ بە هەماهەنگی لەگەڵ ئەمەریکا بێت یان بە شێوەیەکی سەربەخۆ، بەتایبەت بەهۆی نیگەرانیی بەردەوام لە دۆسیەی ئەتۆمی و بڕی یۆرانیۆمی پیتێنراوی تاران.

هەرچەندە ئەگەری دەستپێشخەریی هێرش پێش هەڵبژاردنەکانی نیوەی خولی ئەمەریکا لە نۆڤەمبەر کەمتر دەبینرێت و تڕەمپ ئێستا زیاتر پشتی بە گوشاری ئابووری بەستووە، بەڵام ئەگەری پەرچەکردار یان هەنگاوی پێشوەختەی ئێران هێشتا بە کراوەیی ماوەتەوە.

ئەمەریکا لە ئێستادا ٣ هەزار سەربازی لە ئیسرائیل هەیە (بۆ بەڕێوەبردنی بەرگریی ئاسمانی و فڕۆکەوانی) و پلانی هەیە لە هەفتەکانی داهاتوودا هێز و فڕۆکەی زیاتر ڕەوانە بکات بۆ خۆئامادەکردن لە ئەگەری سەرهەڵدانی جەنگی فراوان و هێرشی مووشەکی.

ئەمەریکا، B-1B Lancerەکانی لە بنکەی فەیرفۆردی بەریتانیای لابردنئەمەریکا کشانەوەی ١٢ بۆردوومانکارە ستراتیژییەکەی جۆری (B-...
05/10/2026

ئەمەریکا، B-1B Lancerەکانی لە بنکەی فەیرفۆردی بەریتانیای لابردن

ئەمەریکا کشانەوەی ١٢ بۆردوومانکارە ستراتیژییەکەی جۆری (B-1B Lancer)ی لە بنکەی فەیرفۆردی بەریتانیا پشتڕاست کردەوە کە پێشتر لە هێرشەکانی سەر ئێراندا بەکار هێنرابوون، بەڵام جەختی کردەوە کە هێشتا لە خاکی ئەمەریکاوە ئامادەی ئەنجامدانی هێرشی دوورمەودان.

هۆکاری بڕیارەکە: ئەم کشانەوەیە دوای هەفتەیەک دێت لە دەستگیرکردنی شەش گومانلێکراو لە بەریتانیا (لەوانە کەسێکی ئێرانی-بەریتانیایی) بەهۆی بوونی گومانی پیلانگێڕی لە دژی بنکەکە؛ هەرچەندە تۆمەتبارەکان بە کەفالەت ئازاد کراون، بەڵام لێکۆڵینەوەکان لەسەر تێوەگلانی ئێران یان دەوڵەتێکی بیانی بەردەوامن.

ئەکرەم کەعبی بەسەر ئاڵای ئەمەریکادا دەڕواتئەمینداری گشتیی بزووتنەوەی نوجەبا لە گرتەیەکی ڤیدیۆییدا بەسەر ئاڵای ئەمەریکادا...
05/10/2026

ئەکرەم کەعبی بەسەر ئاڵای ئەمەریکادا دەڕوات

ئەمینداری گشتیی بزووتنەوەی نوجەبا لە گرتەیەکی ڤیدیۆییدا بەسەر ئاڵای ئەمەریکادا دەڕوات. ئەوە لەکاتێکدایە عەلی زەیدی، سەرۆکوەزیران و فەرماندەی گشتیی هێزە چەکدارەکانی عێراق بڕیاری دەستگیرکردنی ئەو کەسانەی داوە کە لە کاتی رێوڕەسمی (رۆژی سەروەری)دا پێشێلکارییان بەرانبەر ئاڵای ئەمەریکا کرد.

ئێوارەی رۆژی یەکشەممە، ئەکرەم کەعبی لە هەژماری فەرمیی خۆی لە تۆڕی کۆمەڵایەتیی (ئێکس) ڤیدیۆیەکی بڵاوکردەوە کە تێیدا بەسەر ئاڵای ئەمەریکادا دەڕوات و لەسەر ڤیدیۆکە نووسیویەتی: "تاوانەکانتان لەژێر پێماندان."

بڵاوکردنەوەی ئەم گرتەیە لەکاتێکدایە، ئێوارەی هەمان رۆژی بڵاوکردنەوەی ڤیدیۆکەی ئەکرەم کەعبی، حکوومەتی عێراق بە فەرمانی عەلی زەیدی، ئەو کارمەندانەی سەر بە حەشدی شەعبی دەستگیرکرد کە لە رێوڕەسمی (رۆژی سەروەری)دا بە ئۆتۆمبێلی سەربازی بەسەر ئاڵای ئەمەریکادا رۆیشتبوون. بزووتنەوەی نوجەباش لە راگەیێندراوێکدا داوای ئازادکردنی دەستبەجێی ئەو کەسانەی کرد.

لە چوارچێوەی کاردانەوەکاندا، یاریدەدەری سەربازیی بزووتنەوەی نوجەبا عەبدولقادر کەربەلایی، لە پۆستێکدا لە تۆڕی کۆمەڵایەتیی (ئێکس) ڕەخنەی لە هەڵمەتی دەستگیرکردنەکە گرت و بە "پێشینەیەکی مەترسیدار" ناوی برد گوتی: "ناکرێ لە ئاست ئەم رێکارانەدا بێدەنگی هەڵبژێردرێ."

بزووتنەوەی نوجەبا یەکێکە لە پێکهێنەرانی گرووپی موقاوەمەی ئیسلامی لە عێراق و نزیکە لە ئێران. ئەکرەم کەعبی کە لە لیستی تیرۆری ئەمەریکادایە، ئەمینداری گشتیی بزووتنەوەکەیە.

ئەو بزووتنەوەیە لە پاڵ کەتیبەکانی حیزبوڵڵا و گرووپی ئەسحابولکەهف، بەتەواوی پڕۆسەی کۆکردنەوەی چەک لە دەستی دەوڵەت رەت دەکەنەوە و ئامادەنین چەکەکانیان بخەنە ژێر فەرمانی فەرماندەی گشتیی هێزە چەکدارەکانی عێراق.

سەرچاوە: ڕووداو

وەزیری نەوتی ئێران دەستی لەکار کێشایەوەوەزیری نەوتی ئێران، موحسین پاکنەژاد، بە هۆکاری کەسی دەستلەکارکێشانەوەی پێشکەش کرد...
05/10/2026

وەزیری نەوتی ئێران دەستی لەکار کێشایەوە

وەزیری نەوتی ئێران، موحسین پاکنەژاد، بە هۆکاری کەسی دەستلەکارکێشانەوەی پێشکەش کرد، لە کاتێکدا تاران هەوڵ دەدات لە سایەی تووندتربوونەوەی گەمارۆکانی ئەمەریکادا کەرتی نەوتی وڵاتەکە بپارێزێت.

بەپێی ئەوەی کە ئاژانسی هەواڵی "ئیرنا" ئاشکرای کرد، سەرۆککۆماری ئێران، مەسعوود پزیشکیان دوێنێ یەکشەممە، دەستلەکارکێشانەوەی پاکنەژادی پەسەند کرد، دوای ئەوەی لە ماوەی پێشوودا چەند داواکارییەکی ئەو بەرپرسە ئێرانییەی بۆ دەستلەکارکێشانەوە لە پۆستەکەی ڕەت کردبووەوە.

بەپێی ئەوەی ئاژانسی هەواڵی "شانە" ئاشکرای کردووە، پزیشکیان، حەمید بوفارد، جێگری وەزیری نەوت و بەڕێوەبەری جێبەجێکاری کۆمپانیای نەوتی نیشتیمانیی ئێرانی، وەک وەزیری بەوەکالەت دیاری کرد. پێشتر بوفارد بەڕێوەبردنی چەند یەکەیەکی سەر بە کۆمپانیای نەوتی نیشتیمانیی لە ئەستۆ گرتووە، کە گرینگییان بە بەرهەمهێنان و گەڕان بەدوای نەوت و گازدا دابوو.

کەرتی نەوتی ئێران لەژێر گوشاری بێوێنەدا

وەزیری نوێ بەرپرسیارێتیی کەرتی نەوتێک هەڵدەگرێت، کە ڕووبەڕووی گوشارێکی بێوێنەی ئەمەریکا بووەتەوە. گەمارۆی دەریاییی ئەمەریکا لە کەناراوەکانی کەنداوی عەرەبی بووە هۆی ڕاگرتنی هەناردەی نەوتی ئێران، کە سەرچاوەیەکی سەرەکییە بۆ داهاتی تاران، ئەمەیش کەرتی نەوتی ناچار کرد لە بەرانبەردا بەرهەمهێنان کەم بکاتەوە. هەروەها ئێران بە دەست کەموکوڕی لە بەنزین و گازەوە دەناڵێنێت کە بەهۆی جەنگەکەوە دۆخەکەیان خراپتر بووە.

ئەم گۆڕانکارییە وەزارییەیش لە سایەی زیادبوونی وردبینیکردن لەسەر تۆڕی نێوەندگیرەکان دێت، کە تاران بۆ تێپەڕاندنی گەمارۆکانی ئەمەریکا پشتیان پێ دەبەستێت.

غوڵامحوسێن موحسنی ئێژی، سەرۆکی دەستەڵاتی دادوەری، ڕەخنەی لە سیستەمی ئەوکەسانە گرت کە پێیان دەگوترێت "ئەمیندارەکان"، ئەوانەی پڕۆسەکانی فرۆشتنی نەوت ئاسان دەکەنەوە و تۆمەتبارن بە نەگەڕانەوەی داهاتی فرۆشتنەکە بۆ ناو وڵات.

پێیان گوتوون ئێرە بۆ ئێوە سەلامەت نییە! چیرۆکی ئەو دوو ڤلۆگەرە ئەمەریکاییەی، بەغدا دەریکردنڕۆژێکی درێژیان لە گەشتکردن بە...
05/10/2026

پێیان گوتوون ئێرە بۆ ئێوە سەلامەت نییە!
چیرۆکی ئەو دوو ڤلۆگەرە ئەمەریکاییەی، بەغدا دەریکردن

ڕۆژێکی درێژیان لە گەشتکردن بەرەو بەغدا بەڕێ کردبوو، کاتە خۆشە ڕاستەقینەکە بڕیار بوو ڕۆژی دواتر دەست پێبکات، بەڵام لە کاتی گەڕانەوەیاندا چوار ئۆتۆمبێل دەوریان دان، دەزگا ئەمنییەکان بوون.

ئێمیلی گیفین (٢٢ ساڵ) و لارێدۆ ئێرتێل (٢٨ ساڵ) درەنگانی شەوی پێنجشەممە گەیشتبوونە بەغدا، پەرۆش بوون بۆ گەڕان و بینینی یەکێک لە گرینگترین ئەو شوێنانەی لە لیستی ئاواتەکانیاندا بوو. چاویان بە چەند هاوڕێیەکی ناوخۆیی کەوت و بڕیاریان دا بە ناو شاردا پیاسە بکەن. نزیکەی کاتژمێرێک دواتر، لەلایەن چەند ئۆتۆمبێلێکی ئەمنییەوە گەمارۆ دران، هێزە ئەمنییەکان خۆیان کرد بە ناو ئۆتۆمبێلەکەیاندا و بردیانن بۆ بنکەی پۆلیس، دواتریش بە هۆکاری "پاراستنی سەلامەتیی خۆیان" لە پایتەختی عێراق دەرکران.

ئەو دوو گەنجە چەند ڕۆژێک پێشتر، لە ٢٦ی ئەیلوولدا، گەیشتبوونە هەرێمی کوردستان. گیفین ڤلۆگەر(ڤیدیۆساز)ێکی گەشتیاریی ئەمەریکاییە و لەژێر ناوی (emilysfamous) زیاتر لە ٣٠٠ هەزار فۆڵۆوەری لە ئینستاگرام هەیە، هەروەها ئێرتێل، کە ئەویش ئەمەریکاییە، بەڕێوەبەری سۆشیاڵ میدیا و هاوسەفەری گیفینە.

لە ماوەی چوار ساڵی ڕابردوودا، ئەم دوو کەسە گەشتیان بۆ چەندین وڵات کردووە، ئێستایش تەنیا بە یەک مەبەست لە عێراق بوون.

گیفین ڕۆژی یەکشەممە بە (The New Region)ی ڕاگەیاند: "پلانمان ئەوە بوو بەغدا بگەڕێین. زۆر، مەبەست بوو زانیاریی زۆر لەسەر گەلی عێراق کۆ بکەمەوە، چونکە پێوەندی و مامەڵەیەکی زۆر باشمان لەگەڵیاندا هەبوو، هەروەها شتی زۆر باشم بیستبوو. دەمەویست مێژووەکەی ببینم، بەناو بازاڕەکانی کتێبدا پیاسە بکەم، بچم بۆ زۆنگاوەکان، تەنیا بۆ ئەوەی عێراق بگەڕێم و لە سۆشیاڵ میدیاکەمدا پێشانی بدەم."

هەردووکیان ڤیزای فەرمیی عێراقیان پێبوو، دوای بەسەربردنی پێنج ڕۆژ لە هەرێمی کوردستان، وایان دانابوو گەشت بۆ باشووری عێراقیش بکەن، بەڵام کاتێک تەنیا ڕۆژێک دوای کشانەوەی دوایین سەربازانی ئەمەریکا لە وڵاتەکە گەیشتنە بەغدا، خەونەکەیان لەباربرا؛ ئێستا ناتوانن شەقامی بەناووبانگی موتەنەبی لە بەغدا، زۆنگاوەکان و شاری مێژووییی بابیل ببینن، بەڵکوو تەنیا وەک ئەو چیرۆکە ئینجیلییانە لە یادیاندا دەمێنێتەوە کە لە منداڵییەوە گوێیان لێی بووە.

گەشتەکەی بەغدایان کە نزیکەی یەک کاتژمێری خایاند، بە زەحمەت دەرفەتی پێدان تەنانەت چاوێکیش بە شارەکەدا بخشێنن.

سعوودیە لە جەنگ نزیک دەبێتەوە: حووسییەکان بابولمەندەبیان کۆنترۆڵ کردڕیاز تاوتوێی ئۆپەراسیۆنێکی سەربازی لەسەر چەندین بەرە...
05/10/2026

سعوودیە لە جەنگ نزیک دەبێتەوە: حووسییەکان بابولمەندەبیان کۆنترۆڵ کرد

ڕیاز تاوتوێی ئۆپەراسیۆنێکی سەربازی لەسەر چەندین بەرە دەکات بۆ کۆنترۆڵکردنەوەی بابولمەندەب.. واشنتۆنیش داواکاریی سعوودیە بۆ بەشداریکردن لە شەردا تاوتوێ دەکات.

سعوودیە تاوتوێی دەستپێکردنی ئۆپەراسیۆنێکی سەربازیی فراوان دەکات دژی حووسییەکانی سەر بە ئێران لە یەمەن، ئەوەیش لە کاتێکدایە کە گرژییە هەرێمییەکان ڕوو لە هەڵکشانن و ئیدارەی دۆناڵد تڕەمپ، سەرۆکی ئەمەریکا، بژاردەکانی بۆ ڕووبەڕووبوونەوە لەگەڵ ئێران تاوتوێ دەکات. بە گوتەی بەرپرسانی هەرێمی و ڕۆژئاوایی بۆ ئاژانسی «ڕۆیتەرز»، ڕیاز تاوتوێی هێرشێک دەکات کە هێزە وشکانییە یەمەنییەکان بە پاڵپشتیی ئاسمانیی سعوودیە پێشڕەویی بکەن، لەگەڵ ئەگەری دەستپێکردنی ئۆپەراسیۆنەکە لە چەند هەفتەی داهاتوودا.

ئەم پێشهاتە هاوکاتە لەگەڵ کۆبوونەوەیەکی ئەمنی و سیاسیی ئاستبەرز کە گەورەبەرپرسانی ئیدارەی ترەمپ ڕۆژی هەینی لە هاوینەهەواری کەمپ دەیڤید بە سەرۆکایەتیی جەی دی ڤانس، جێگری سەرۆک، ئەنجامیان دا؛ کۆبوونەوەکە چەند کاتژمێرێکی خایاند و تێیدا پەرەسەندنەکانی جەنگ لەگەڵ ئێران، لە پاڵ ڕووبەڕووبوونەوەی نێوان سعوودیە و حووسییەکان لە یەمەن تاوتوێ کرا. سێ بەرپرسی ئەمەریکایی بە ماڵپەڕی (ئاکسیۆس)یان ڕاگەیاندووە کە کۆبوونەوەکە نائاسایی بووە، چونکە لە دوای مانگی حوزەیرانی ٢٠٢٥ و کەمێک پێش هەڵگیرسانی جەنگە ١٢ ڕۆژەکە لەگەڵ ئێران، کۆبوونەوەیەکی لەو شێوەیە ئەنجام نەدرابوو.

لە کۆبوونەوەکەدا هەریەک لە مارکۆ ڕۆبیۆ وەزیری دەرەوە، پیت هێگسێت وەزیری جەنگ، ستیڤ ویتکۆف نێردەی کۆشکی سپی، جۆن ڕاتکلیف بەڕێوەبەری ئاژانسی هەواڵگریی ناوەندی (CIA) و، جەنەراڵ دان کاین سەرۆکی دەستەی ئەرکانی هاوبەش بەشدارییان کردبوو. بە گوتەی بەرپرسەکان، لە میانی کۆبوونەوەکەدا چەندین بڕیار دراون و گفتوگۆی قووڵ لەسەر کۆمەڵێک قەیرانی ناوچەکە کراوە.

ئەمەیش لە کاتێکدایە ترەمپ لە سایەی چەقبەستنی دانوستانەکاندا، تاوتوێی دەستپێکردنەوەی ئۆپەراسیۆنی سەربازیی فراوان دژی ئێران دەکات. سەرۆکی ئەمەریکا ڕۆژی پێنجشەممە ڕایگەیاند کە بژاردەی ئەوەی لەبەردەمدایە ڕێککەوتن لەگەڵ تاران بکات یاخود هەنگاوی سەربازی بنێت، گوتیشی کە ئێران "لە بارودۆخێکی باشدا نییە". کاتێکیش ڕۆژی هەینی پرسیاری هەنگاوی دابێی بەرانبەر ئێران لێ کرا، ترەمپ گوتی ئاشکراکردنی پێشوەختەی ئەو هەنگاوە دەبێتە "بابەتێکی گەورە"، بەڵام ئەوەیشی زیاد کرد کە کارەکان "بە شێوەیەکی زۆر باش بەڕێوە دەچن".

Address

Shaqlawa
44001

Website

Alerts

Be the first to know and let us send you an email when Stûn posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Stûn:

Shortcuts

Share