09/07/2025
ئەوانەى لە ڤیدیۆکەدا بوون لەگەڵ ڕێبەر ئاپۆ ئەمانەن:
1 ـ حامیلی یەلدرم
1 ـ عومەر خەیری کۆنەر
3 ـ وەیسی ئاکتاش
4 ـ ئەرگین ئاتابەی
5 ـ مەحمود یامالەک
6 ـ زەکی بایهان
1 ـ
🔴ئەرگین ئاتابەی
ئەرگین ئەتابەی لە ساڵی 1973 لەدایک بووە، لە دۆسیەی ناسراو بە دۆسیەی بازاڕی شین دەستگیرکراوە و سزای زیندانی هەتاهەتایی بەسەردا سەپێنراوە.
ئەتابەی کە ٢٧ ساڵە زیندانی کراوە، لە ماوەی زیندانیکردنیدا بەشداری لە بەرخۆدان لە بەرامبەر زۆرێک لە پێشێلکارییەکانی مافی مرۆڤدا کردووە. بەشداری زۆرێک لە مانگرتنەکانی خواردنی کرد، بەتایبەتی سیاسەتی یەکپۆشی و بەرگری بە زمانی دایکی، کە لە زیندانەکاندا هێنرایە بەرنامەی کار.
زۆرێک لە وتارەکانی ئەتابەی لە زۆر گۆڤار و ڕۆژنامە و لە نێویاندا مۆدێرنیتی دیموکراتیک بڵاوکراونەتەوە. هەروەها خاوەنی چوار کتێبی چاپکراوە کە بریتین لە “ڕژێمی ڕاستی”، “بەهارا بێداوی”، “کۆمەڵگەی نادەوڵەتی” و “کۆنفیدرالیزمی دیموکراسی”.
2 ـ
🔴زەکی بایهان
لە ناحیەی گەڤەر لە هەکاری لەدایک بووە، ئابوری خوێندووە. بەیحان لە ساڵی 1998 بە تۆمەتی ئەندامێتی PKK دەستگیرکراوە و سزای زیندانی هەتاهەتایی بەسەردا سەپێنراوە، ماوەی 27 ساڵە لە زینداندایە.
بەیھان تا ئێستا ئەم کتێبانەی بڵاوکردۆتەوە: "بەرزبوونەوە بۆ سفر"، "پارادایمی ئازادیخوازانەی جێندەری ئیکۆلۆژی دیموکراسی"، "سۆسیالیزمی دیموکراتیک: ئایدۆلۆژیای سەدەی بیست و یەکەم"، "دەرچوون لە پارادایمی دەوڵەتی نەتەوەی جینۆساید: سۆسیالیزمی دیموکراتیک"، و "بۆچی پارادایمێکی نوێی زانستی کۆمەڵایەتی" (2 بەرگ).
3 ـ
🔴وەیسی ئاکتاش
خەڵکی ئامەدە،بەتۆمەتی هەوڵدان بۆ پارچەکردنی وڵات ماوەی 31 ساڵە لە زیندانەکانی دەوڵەتی تورکدایە،بڕیاربوو ساڵی 2024 ئازاد بکرایە بەڵام لەلایەن دەوڵەتەوە ڕێگری لێکرا.
4 ـ
عومەر خەیری کۆنار
کادری پێشکەوتووی ساڵی 2003 لەلایەن حکومەتی بەعسی سوریاوە ڕادەستی دەوڵەتی تورک کراو بە زیندانی هەتا هەتایی حوکم دراوە.
5 ـ
🔴مەحمود یامالک
لەدایکبووی ساڵی 1969 ی ئاگریە،بەتۆمەتی ئەندامێتی لە ساڵی 1994 لە زیندانەکانی تورکیادایە،مەحمود خاوەن پێنوسێکی ئەدەبیەو خاوەنی دوو ڕۆمانە،هەروەها هۆنراوەی بەناوبانگی"بۆنی ئادار"کە لەلایەن گروپی ئاگری ژیان کراوە بە گۆرانی لە نوسینی یامالکە.
6 ـ ئاپۆ
7 ـ
🔴حامیلی یڵدرم
کادری پێشکەوتووی خەڵکی ئەلعەزیز ساڵی 1978 دەخرێتە زیندان و ئازاد دەکرێت دواتر ساڵی 1980 لە زیندانی بەدناوی ئامەد زیندانی دەکرێت و پاش ئەشکەنجەدانێکی زۆر ساڵی 1992 ئازاد دەکرێت،ساڵی 1997 وەک فەرماندەیەکی مەیدانی دەچێتە هەرێمی دێرسیم و ساڵی 2002 دەبێتە بەرپرسی KADEK لە ڕوسیا.
ساڵی 2005 لەلایەن دەوڵەتی تورکەوە دەستگیر دەکرێت و زیندانی هەتاهەتایی بەسەردا دەسەپێنرێت.
