مەکتەبی ڕاگەیاندن.Kurdistan Social democrat

مەکتەبی ڕاگەیاندن.Kurdistan Social democrat لاپەڕەی فەرمی مەکتەبی ڕاگەیاندنی پارتی سۆسیال دیموکراتی کوردستان

بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان لە هەژماری فەرمی خۆی لە تۆڕی کۆمەڵایەتی ئێکس دەربارەی دو...
23/06/2025

بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان لە هەژماری فەرمی خۆی لە تۆڕی کۆمەڵایەتی ئێکس دەربارەی دواین پێشهاتەکانی ناوچەکە پەیامێکی بڵاوکردەوە:

• کۆماری ئیسلامی ئێران لەڕێگەی پێکانی بنکەی سەربازی عودەیدەوە لەقەتەر، گۆڕانی گەورەی لە ناوچەکەدا دروست کردووە.
• باشترین وەڵامی ئەمریکی ئەوەیە چیتر ترەمپ قسە نەکات و تا سبەی بخەوێت.
• دەرکەوت سەرۆکی ئیسرائیل، ئەمریکای بەهەڵەی گەورەدا بردوە.

ڕاگەیاندراوی کۆتایی كۆبوونەوەی مەکتەبی سیاسی حزبی سۆسیال دیموکراتی کوردستان ئەمڕۆ ۱٦ـی حوزەیرانی ۲٠۲٥ لەهۆڵی شەهید عەتا ...
16/06/2025

ڕاگەیاندراوی کۆتایی كۆبوونەوەی مەکتەبی سیاسی حزبی سۆسیال دیموکراتی کوردستان

ئەمڕۆ ۱٦ـی حوزەیرانی ۲٠۲٥ لەهۆڵی شەهید عەتا لە شاری سلێمانی، بەسەرپەرشتی بەڕێز محەمەد حاجی مەحمود، کۆبوونەوەی مەکتەبی سیاسی حزبی سۆسیال دیموکراتی کوردستان ئەنجامدرا

سەرەتای کۆبوونەوەکە بەساتێک وەستان بۆ ڕێزگرتن لە گیانی پاکی شەهیدانی حزب و گەل دەستی پێکرد، دواتر بەشێوەیەکی گشتی هەڵسەنگاندن بۆ دواین پەرەسەندنە سیاسی و ئەمنییەکانی ناوچەکە کرا، بەتایبەت هێرشەکانی ئیسرائیل بۆ سەر کۆماری ئیسلامی ئێران و کاریگەرییەکانی لەسەر عێراق و هەرێمی کوردستان، لەوچوارچێوەیەدا کۆبوونەوە، جەختی لە هەڵوێستی بەڕێز محەمەد حاجی مەحمود لە ۱۳ـی حوزەیران کردەوە پەیوەست بە پەلاماردانی کۆماری ئیسلامی ئێران لەلایەن ئیسرائیلەوە تەئکید کرایەوە هێرشە ناڕەواکەی ئیسرائیل بۆ زیاتر ئاڵۆزکردنی نائارامییەکانی ناوچەکەیە و لەبەرژەوەندی هیچ لایەک نییە و ئامانج لێی تەنها بۆ لەباربردنی ئەو دەرفەتەبوو کە بۆ گفتوگۆ و دیالۆگ لە نێوان ئەمریکا و ئێران هاتبووە کایەوە، هەروەها ئیدانەی هەڵوێستی لاوازی حکومەتی عێراق کرا لەپای واڵاکردنی ئاسمانەکەی بەڕووی فڕۆکە و موشەکەکانی ئیسرائیلدا.

لەتەوەرێکی تری کۆبوونەوەکەدا، باس لە خۆڕاگری و پشوو درێژی خەڵکی هەرێمی کوردستان کرا لەهەمبەر سیاسەتی برسیکردن و دەستبردن بۆ قوت و گوزەرانیان لەلایەن حکومەتی بەغداوە، ڕاگەیەندرا، لەهیچ یاسا و عورفێکدا نەبووە حکومەت بەهەر بیانو و پاساوێک بێت موچەی موچەخۆرانی ڕابگرێت و مافە دەستوری و یاساییەکانی خەڵک پێشێل بکات، بۆیە حزبی سۆسیال دیموکراتی کوردستان لەبەرامبەر ئەو فشاری برسیکردنەی بەغدا، داوا لە سەرکردایەتی سیاسی هەرێمی کوردستان و حکومەتی هەرێمی کوردستان و گشت هێز و لایەنە سیاسییەکان دەکات، کە ڕێگەچارەیەکی نیشتمانی بۆ دابینکردنی گوزەرانی خەڵک بدۆزرێتەوە و سەرجەم کارتەکانی فشار بەکاربێت وەک گرتنەوەی ئاوی بەنداوەکان و بڕینی تەزووی کارەبا، تا ڕادەی کشانەوە لە پرۆسەی سیاسی، بایکۆتکردنی هەڵبژاردنەکانی تشرینی دووەمی ئەمساڵ، ناردنەوەی ئاوارەکان و گەڕانەوە بۆ بڕیاری چارەنوسسازی خەڵکی کوردستان لە بارەی چارەنوسی خۆیانەوە (ڕیفراندۆم).

لەبەشێکی تری کۆبوونەوەکەدا، هەڵسەنگاندن بۆ کاروبارەکانی دەزگا و ئۆرگانەکانی حزب لەنێوان دوو کۆبوونەوەی مەکتەبی سیاسیدا کرا و هەڤاڵان ڕاسپێردران کە لێبڕوانە لەخەمی خەڵک و چین و توێژە جیاوازەکانی گەلەکەماندا بن.


مەکتەبی سیاسی
حزبی سۆسیال دیموکراتی کوردستان
٢٠٢٥/٦/١٦

بەناوی خوای گەورە و میهرەبانلە کاتێکدا کۆماری ئیسلامی ئێران و ئەمریکا لەهەوڵی گفتوگۆ و دانوستاندا بوون، سەرلەبەیانی ڕۆژی...
13/06/2025

بەناوی خوای گەورە و میهرەبان

لە کاتێکدا کۆماری ئیسلامی ئێران و ئەمریکا لەهەوڵی گفتوگۆ و دانوستاندا بوون، سەرلەبەیانی ڕۆژی هەینی ۲٠۲٥/٦/۱۳ جارێکی تر ئیسرائیل هێرشێکی ناڕەوای کردە سەر کۆماری ئیسلامی ئێران بۆ نانەوەی ئاژاوە و شەڕ لە ڕۆژهەڵاتی ناوەڕاست و تەواوی ناوچەکەدا.

ئێمە بەتوندی سەرکۆنەی ئەو هێرش و پەلاماردانە دەکەین بۆ سەر خاکی کۆماری ئیسلامی ئێران، کە ئەبێتە هۆکاری ئاژاوە و نائارامی و ناسەقامگیری زیاتر لە ناوچەکەدا.

وێڕای تەئکید کردنەوەمان لە پێویستی و گرنگی گفتوگۆ و دیالۆگ بۆ چارەسەری گرفتەکان لە ناوچەکە، ڕایدەگەیەنین؛ شەڕفرۆشتن لەبەرژەوەندی هیچ کەس و لایەک نییە و ئێمە دژی هێرش و پەلاماردانە ناڕەواکەی ئیسرائیلین بۆ سەر کۆماری ئیسلامی ئێران، کە دەبێتە مایەی جەنگێکی درێژخایەن و زیانگەیاندن بە گەلانی موسوڵمانی ناوچەکە.

محەمەد حاجی مەحمود
۲٠۲٥/٦/۱۳
گوڵەخانە

به‌یاننامه‌ى مه‌کته‌بى سیاسى به‌بۆنه‌ى یادى 34ساڵه‌ى ڕاپه‌ڕینى جه‌ماوه‌رى کوردستانه‌وه‌ جه‌ماوه‌رى کوردستان.....پێشمه‌رگ...
04/03/2025

به‌یاننامه‌ى مه‌کته‌بى سیاسى به‌بۆنه‌ى یادى 34ساڵه‌ى ڕاپه‌ڕینى جه‌ماوه‌رى کوردستانه‌وه‌

جه‌ماوه‌رى کوردستان.....
پێشمه‌رگه‌ قاره‌مانه‌کان ....
ئه‌مڕۆ 34ساڵ تێده‌په‌ڕێت به‌سه‌ر ڕاپه‌ڕینى جه‌ماوه‌ریى کوردستاندا، که‌ تیایدا هێزى پێشمه‌رگه‌و خه‌ڵکى تێکۆشه‌رى کوردستان پێکه‌وه‌، کۆتاییان به‌ جه‌ور و سته‌مى ڕژێمى به‌عسى دیکتاتۆر هێناو به‌شێکى کوردستانیان ئازاد کرد، پشده‌ر و بتوێن و ڕانیه‌ بوونه‌ ده‌روازه‌ى ڕاپه‌ڕین و بریسکه‌ى ئه‌و ڕاپه‌ڕینه‌ له‌ که‌رکوک تاجى ئازادى له‌سه‌رنا..
5ى ئادارى 1991، ئه‌و ڕۆژه‌ پرشنگداره‌ى مێژووى هاوچه‌رخى نه‌ته‌وه‌که‌مانه‌، که‌ ئه‌و ڕاستییه‌ى دووپات کرده‌وه‌ هیچ زوڵم و هێز و واقیعێک ناتوانێت ئیراده‌ى ئازادییخوازانه‌ى گه‌ل ڕیشه‌کێش بکات، ئه‌گه‌رچى بۆ ماوه‌یه‌کیش به‌ ئاگر و ئاسن سه‌رکوت بکرێت، هه‌روه‌ها ڕاپه‌ڕین ئه‌نجامى سته‌مى بێ وێنه‌ى داگیرکه‌ران و خه‌باتى دوور و درێژى ده‌یان ساڵەی تێکۆشه‌رانى گه‌ل و قوربانى زۆرى ڕۆڵه‌کانى بوو، ئه‌و ڕاپه‌ڕینه‌ ئه‌نجامى تاوانه‌ گه‌وره‌کانى ئه‌نفال و کیمیاباران و زیندان و ئه‌شکه‌نجه‌دانى خه‌ڵکى بێ دیفاعى کوردستان و سیاسه‌ته‌کانى ڕاگواستن و ته‌عریب و ته‌بعیس بوون، به‌رى ڕه‌نجى ده‌یان شۆڕش و جووڵانه‌وه‌ و ڕاپه‌ڕین و گیانفیدایى هه‌زاران پێشمه‌رگه‌ و سه‌رکرده‌ و تێکۆشه‌رى ئه‌مه‌کدار و خوێنى شه‌هیدان و خۆڕاگریى که‌سوکاریان بوو..
ڕاپه‌ڕینى به‌هارى 1991 ده‌روازه‌ى ئازادیى کوردستان بوو به‌ شارى که‌رکوکى پڕگه‌وهه‌رى کوردستانیشه‌وه‌، که‌ له‌ نه‌ورۆزى هه‌مان ساڵدا، جارێکى تر بۆ دۆست و دوژمنی سه‌لماند خاکى زه‌وتکراو ئه‌مڕۆ یا سبه‌ى ده‌گه‌ڕێنرێته‌وه‌ و هیچ هێزێک ناتوانێت حه‌قیقه‌تى مێژوویى و ناسنامه‌ى ڕاسته‌قینه‌ى بۆ هه‌تاهه‌تایى بشێوێنێت و بشارێته‌وه‌، ئه‌و ڕاپه‌ڕینه‌ بوو، که‌ خه‌باتى گه‌لى کوردستانى گه‌یانده‌ کۆڕه‌وى ملیۆنى و ڕه‌فزکردنه‌وه‌ى سه‌رتاسه‌رىی ژیان له‌ژێر سیاسه‌تى حوکمى بێگانه‌ و دیکتاتۆردا، بووه‌ ده‌روازه‌ى ڕزگارى سه‌رتاسه‌ریى عێراق و کوانووى خه‌بات دژ به‌ ڕژێمى ڕووخاوى سه‌دام حسێن له‌سه‌رتاسه‌رى عێراقدا.
ئه‌م ساڵ له‌کاتێکدا یادى ڕاپه‌ڕینى ئادارى ساڵى 1991 ده‌که‌ینه‌وه‌، ناوچەکە لەبەردەم گۆڕانکاری و پێشهاتی نۆێدایە و کورد بووەتە هێزێکی کاریگەر، بەڵام یەکڕیزی و یەکگرتوی زیاتری پێویستە بۆ دەستەبەرکردنی مافە ڕەواکان، بۆیه‌ ده‌بێت هه‌موو لایه‌ک به‌ وریایی مامه‌ڵه‌ له‌گه‌ڵ دۆخه‌که‌ بکه‌ین چونکه‌ وه‌ک ده‌بینین مه‌ترسی گه‌وره‌ ڕوبه‌ڕوومان بۆته‌وه‌، له‌ پاش 34ساڵ له‌ خه‌بات و قوربانیدان، یاری بە قووت و بژێوی هاوڵاتیان دەکرێت و وەک فشارێکی سیاسی بەکار دێت تا دەستبەرداری مافە نیشتمانیی و نەتەوەییەکان بین، بۆیه‌ پیویسته‌ حکومه‌ت هه‌نگاوى جدى و به‌په‌له‌ بنێت بۆ چاره‌سه‌رکردنى کێشه‌کانى هاوڵاتیان، ئێستا له‌ هه‌موو کات زیاتر هێز و لایه‌نه‌ سیاسیه‌کانى کوردستان پێویسته‌ یه‌ک گوتاربن و کێشه‌کانیان وه‌لا بنێن و نێو ماڵی کورد یه‌ک بخه‌ن و کۆتایی به‌م دۆخه‌ چه‌قبه‌ستووە‌ بهێنن و کێشه ‌و قه‌یرانه‌کانى دارایى و سیاسیی چاره‌سه‌ر بکه‌ن، چونکه‌ جه‌ماوه‌رى کوردستان، چیتر به‌رگه‌ى نه‌هامه‌تى و ململانێی نێو ماڵی کوردیی ناگرێت و پێویستى به‌ بژێوى و ئارامى و سه‌قامگیرى زیاتر هه‌یه‌، وه‌ ئاماده‌کاریی بکه‌ن بۆ ڕوبه‌رووبوونه‌وه‌ى پێشهات و گۆڕانکارییە‌کانى ناوچه‌که‌ و دونیا و هه‌نگاونان به‌ ئاراسته‌ى قۆناغێکى نوێ بۆ به‌ده‌یهێنانى ئاینده‌یه‌کى گه‌شتر بۆ گه‌له‌که‌مان...

جه‌ماوه‌رى کوردستان....

ئێمه‌ له‌ حزبى سۆسیال دیموکراتى کوردستان، له‌گه‌ڵ پیرۆزبایى له‌ یادى ڕاپه‌ڕین و سه‌رجه‌م بۆنه‌ و یاده‌کانى ئادار، جه‌خت له‌سه‌ر به‌رده‌وامیى ڕێگاى تێکۆشان ده‌که‌ینه‌وه‌ بۆ به‌دیهێنانى سه‌رجه‌م مافه‌ ڕه‌واکانى گه‌له‌که‌مان و به‌رپاکردنى دادپه‌روه‌ریى و عه‌داله‌تى کۆمه‌ڵایه‌تیى و فه‌راهه‌مکردنى ژیان و گوزه‌رانى شایسته‌ بۆ سه‌رجه‌م تاکه‌کانى کۆمه‌ڵگاى کوردستان و هێنانه‌کایه‌ى کۆمه‌ڵگایه‌کى ئازاد و ئارام و خۆشگوزه‌ران له‌سایه‌ى ده‌وڵە‌تى دامه‌زراوه‌ییدا،به هەمان گوڕ و تین بەردەوام دەبین، چۆن لە ڕاپەڕینە مەزنەکەدا ڕێکخستنەکان و هەڤاڵانمان و پێشمەرگەکانمان لە تەواوی کوردستان رۆڵی کارایان هەبوو وە یەکەم شەهیدی ڕاپەڕین لە ڕیزەکانی حزبمان بوو لە ڕانیەی دەروازەی ڕاپەڕین تا سەرکەوتن و ڕزگارکردنی کەرکوک و برینداربوونی سکرتێری حزب و شەهیدبوونی چەندین پێشمەرگەی قارەمان.
له‌ هه‌مان کاتدا پشتگیریی داوا ڕه‌واکانى خه‌ڵکى کوردستان ده‌که‌ین، سه‌باره‌ت به‌ باشکردنى ژیان و گوزره‌رانى هاوڵاتیان و دابینکردنى پێداویسته‌کانى ڕۆژانه‌ى هاوڵاتیان له‌لایه‌ن حکومه‌ت و پێدانى موچه‌ى فه‌رمانبه‌ران له‌کاتى خۆى و ئاوه‌ڕدانه‌وه‌ى زیاتر له‌ که‌سوکارى شه‌هیدان.
حزبى سۆسیال دیموکراتى کوردستان، پشتیوانى له‌خه‌باتى نه‌ته‌وه‌یى کورد ده‌کات له‌ ته‌واوى ناوچه‌که‌ و پشتگیری چاره‌سه‌رى ئاشتى دیموکراسى بۆ دۆزى نه‌ته‌وه‌که‌مان که‌ ئێستا له‌ جووڵەیه‌کى ئومێدبه‌خشدایه.، هه‌روه‌ک پێمان وایه‌، له‌گه‌ڵ ئاوابوونى ڕۆژگارى دیکاتۆریه‌تى قه‌ومى و مه‌زهه‌ب و حزبى و تاکه‌که‌سى له‌ عێراقدا و خۆسه‌پاندنى به‌ناو و ناونیشانى جیاواز له‌ ناوچه‌که‌، به‌ڵام هێشتا ڕێگایه‌کى درێژمان له‌پێشه‌ بۆ به‌دیهێنانى ئاوات و ئامانجه‌ گه‌وره‌کان، ئه‌و ڕێگایه‌ى که‌ به‌ خوێن و خه‌بات ده‌روازه‌که‌یمان کردووه‌ته‌وه‌ و 34ساڵیشه‌ به‌ هه‌موو دژوارییه‌که‌وه‌ پارێزگارى لێده‌که‌ین و ئه‌زموونى ده‌که‌ین، ته‌نها به‌ دادپه‌روه‌ریی و گه‌ڕانه‌وه‌ بۆ خه‌ڵک و ڕێزگرتن له‌ ئیراده‌ و خواستى جه‌ماوه‌رى کوردستان وه‌ یه‌کێتى ڕیزه‌کان درێژه‌ى پێ ده‌درێ و جه‌ماوه‌رى کوردستان زامنى گه‌وره‌ و سه‌رمایه‌ى یه‌که‌م و کۆتایى پاراستن و سه‌رخستنى هه‌میشه‌یى و مایه‌ى سه‌نگ و قورساییشامانه‌ له‌ ناوچه‌که‌و جیهاندا.

جه‌ماوه‌رى کوردستان خاوه‌نى ڕاسته‌قینه‌ى ڕاپه‌ڕین و ئازادى و ده‌سه‌ڵات و سامانى وڵات و خاوه‌نى شانازیى ده‌ستکه‌وت و سه‌رکه‌وتنه‌کانه‌، وه‌ک چۆن سووته‌مه‌نى به‌ده‌ستهێنانیان بووه‌، بۆیه‌ ده‌بێت یادى ڕاپه‌ڕین له‌گه‌ڵ بیره‌وه‌رى ڕۆژگارى سه‌خت و تاڵى قوربانیدان و یادى سه‌رکه‌وتنه‌ گه‌وره‌کان، بیکه‌ینه‌ ڕۆژى ئاشته‌وایى سه‌رتاسه‌رى و یه‌کده‌نگ و یه‌ک هه‌ڵوێستى جه‌ماوه‌ر و حزب و حکومه‌ت و دامه‌زراوه‌کانى حوکم له‌ کوردستاندا، وه‌ پێکه‌وه‌ کار بکه‌ین بۆ چاره‌سه‌رکردنى قه‌یران و کێشه‌کان و دروستکردنى دیدێکى هاوبه‌ش له‌پێناو هینانه‌دى مافه‌ نیشتمانیی ونه‌ته‌وه‌ییه‌کان و دیاریکردنى چاره‌نوسی گه‌له‌که‌مان..

به‌رز و شکۆدار بێت بیره‌وه‌ریى 34ساڵه‌ى ڕاپه‌ڕین..

نه‌مریى بۆ شه‌هیدانى کاروانى خه‌باتى ڕزگارى کورد و کوردستان

مەكتەبى سياسى پارتی سۆسیال دیموکراتى کوردستان
٤-٣-٢٠٢٥

بەڕێز شاسوار عەبدولواحید سەردانی بەڕێز محەمەد حاجی مەحمود دەکاتئەمڕۆ ٢٣ـی شوباتی ٢٠٢٥ لە گوندی گوڵەخانەی ناوچەی شارەزوور...
23/02/2025

بەڕێز شاسوار عەبدولواحید سەردانی بەڕێز محەمەد حاجی مەحمود دەکات

ئەمڕۆ ٢٣ـی شوباتی ٢٠٢٥ لە گوندی گوڵەخانەی ناوچەی شارەزوور، بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان، بەئامادەبوونی ڕێبین محەمەد و د. فەرهاد تۆفیق، کارگێڕانی مەکتەبی سیاسی پێشوازیکرد لە بەڕێز شاسوار عەبدولواحید، سەرۆکی جوڵانەوەی نەوەی نوێ و شاندێکی باڵای جوڵانەوەکە، کەپێکهاتبوو لە ڕێبوار ئەوڕەحمان، محەمەد سڵێمان، ئازاد کەریم و فاروق ڕەفیق، عەدنان سەید حسێن ئەندامانی پەڕلەمانی کوردستان و ئەنجومەنی نوێنەرانی عێراق.

لەدیدارەکەدا، گفتوگۆ کرا دەربارەی گۆڕانکارییەکانی هەرێمی کوردستان، عێراق و ناوچەکە و ژیان و گوزەرانی هاووڵاتیانی هەرێمی کوردستان بەگشتی و موچەخۆران بەتایبەتی.

لە بەشێکی تری دیدارەکەدا، تەئکید لە گرنگی زوو هەڵبژاردنی دەستەی سەرۆکایەتی پەڕلەمان و پێکهێنانی کابینەی دەیەم کرایەوە لە پێناو چارەسەری گرفتەکان و دەربازکردنی هەرێمی کوردستان لەو بۆشاییە یاساییەی، کە بەهۆیەوە دروست بووە.

لەکۆتایی دیدارەکەدا، باس لە پەیوەندی دۆستانەی نێوان حزبی سۆسیال دیموکراتی کوردستان و جوڵانەوەی نەوەی نوێ کرا لەپێناو بەرژەوەندی گشتی و دۆزی ڕەوای میللەتەکەمان.

بەئامادەبوونی بەڕێز محەمەد حاجی مەحمود مەراسیمی چلەی ماتەمینی تێكۆشەری دێرین مامۆستا عەلی حەوێز بەڕێوەچووئەمڕۆ ۲۲ـی شوبا...
22/02/2025

بەئامادەبوونی بەڕێز محەمەد حاجی مەحمود مەراسیمی چلەی ماتەمینی تێكۆشەری دێرین مامۆستا عەلی حەوێز بەڕێوەچوو

ئەمڕۆ ۲۲ـی شوباتی ۲٠۲٥ لە قەزای کۆیە، بەئامادەبوونی بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان و شەرام محەمەد، ئەندامی مەکتەبی سیاسی و فاخر نەجمەدین، ئەندامی ئەنجومەنی سەرکردایەتی و نوێنەری دەزگا حکومی و حزبییەکان و خانەوادە و هاوڕێ و هاوسەنگەرانی کۆچکردوو و ژمارەیەک لە چین و توێژە جیاجیاکان، مەراسیمێک بۆ چلەی تێکۆشەری دێرین مامۆستا عەلی حەوێز بەڕێوەچوو.

سەرەتای مەراسیمەکە بە چەند ساتێک وەستان بۆ ڕێزگرتن لە گیانی پاکی شەهیدانی گەلەکەمان دەستیپێکرد، دواتر لە چەند وتارێکدا باس لە خەبات و تێکۆشان و کەشکۆڵی پڕ لە شانازی مامۆستا عەلی کرا.

بەڕێز محەمەد حاجی مەحمود، لە میانەی وتارێکدا، تیشکی خستە سەر چەند وێستگەیەکی گرنگی قۆناغە سەختەکانی خەبات و لەوچوارچێوەیەدا ڕۆڵی تێکۆشەری کۆچکردووی وەک پێشمەرگە و فەرماندە و مامۆستایەکی تێکۆشان بەرزنرخاند لە بزاڤی ڕزگاریخوازی گەلەکەماندا.

سەرۆکی حزبی سۆسیال دیموکراتی کوردستان، تەئکیدی کردەوە، کە سەروەریی و دەستکەوتەکان بەرهەمی خوێنی شەهیدان و تێکۆشەرە دێرینەکان و زیندانیانی سیاسی و گشت چین و توێژەکانی گەلەکەمانە، بۆیە پاراستی ئەزمونەکە لە ئەستۆی هەموولایەکە و دەبێت گشت هێز و لایەنە سیاسییەکان بە تەواوی جیاوازییەکانیانەوە لەسەر بنەما و بەها و پرەنسیپە نەتەوەیی و نیشتمانییەکان کۆکبن چونکە گرێدراوە بە ئێستا و چارەنووسی میللەتەکەمانەوە.

پیرۆزبێت ڕۆژی جیهانیی زمانی دایکخەبات و قوربانیدان و پێشمەرگایەتی ئێمە بۆ بەزیندوو هێشتنەوەی زمان و شوناسی نەتەوەکەمان ب...
21/02/2025

پیرۆزبێت ڕۆژی جیهانیی زمانی دایک

خەبات و قوربانیدان و پێشمەرگایەتی ئێمە بۆ بەزیندوو هێشتنەوەی زمان و شوناسی نەتەوەکەمان بوو. بەهەمان روحیەت ئامادەم بۆ بەرگری لە پاراستنی زمان، خەڵک و خاکی وڵاتەکەمان. ئومێدەوارم، لەگەڵ پێشکەوتنەکانی سەردەم، هەموولایەک گرنگی بەزمانی کوردی بدات.

محەمەد حاجی مەحمود
٢٠٢٥/٢/٢١

شێری ماڵ و ڕێوی مەیدانی شەڕەکانبەداخەوە دوانیوەڕۆی ١٧-٢-٢٠٢٥ هەندێک سەربازی سوپای عێراق، بەشێوەیەکی دڕندانەوە نامرۆڤانەو...
17/02/2025

شێری ماڵ و ڕێوی مەیدانی شەڕەکان

بەداخەوە دوانیوەڕۆی ١٧-٢-٢٠٢٥ هەندێک سەربازی سوپای عێراق، بەشێوەیەکی دڕندانەوە نامرۆڤانەو نابەرپرسانەو بێڕێزانە، پەلاماری جوتیارانی کوردی کەرکوکیان لەسەر موڵک و ماڵ و گۆڕی بابوباپیرانیان، دا، وێڕای ئەوەی زۆر بەتوندی ئیدانەی ئەو هەڵوێستەیان دەکەین، وەک پارتی سۆسیال دیموکراتی کوردستان ئامادەی هەموو ئەگەرێک و پشتیوانییەکین، هاوکات ئەم چەند خاڵە دەخەینەڕوو:
١. سوپای عێراقی مێژوو پڕ لەتاوانی دژی کورد، بەم هەڵوێستەیان سەلماندیان درێژەپێدەری هەمان ئەوسوپایەن، کەتاوانەکانی وێرانکردنی کوردستان و ئەنفال و کیمابارانیان ئەنجامداوەو تاوانی دژبەکورد بووەتە پیشە.
٢. ئەم سوپایە هەمیشە سوپایەکی دۆڕاو ترسنۆک دیل و زەلیلی مەیدانی جەنگەکانی ئێران و کوەیت و ئەمریکاو ئیسرائیل بووە، کەچی هەمیشە قارەمانی دژی خەڵک و هاوڵاتیانی هەژاری کورد بووە.
٣. ئەپرسین ئەم سوپا قارەمانەی عێراق بۆ ناچێت بەرگری لە غەزەو فەلەستین بکات؟!
٤. با نەیارانی کورد بزانن چیتر سوکایەتیکردن بەجوتیارانی کورد قبوڵناکرێت.

محەمەد حاجی مەحمود
۱۷/۲/۲٠۲٥

‎بەناوی خوای گەورە و میهرەبان ‎بەبۆنەی یادی ٥٥ ساڵەی دامەزراندنی یەکێتیی نووسەرانی کورد، گەرمترین پیرۆزبایی لە تەواوی ڕۆ...
11/02/2025

‎بەناوی خوای گەورە و میهرەبان

‎بەبۆنەی یادی ٥٥ ساڵەی دامەزراندنی یەکێتیی نووسەرانی کورد، گەرمترین پیرۆزبایی لە تەواوی ڕۆشنبیران و نووسەرانی گەلەکەمان دەکەم، ئومێدی سەرکەوتن و بەردەوامییان بۆ دەخوازم لە کاروانی داهێنان و نووسین و پاراستنی کولتوری میللەتەکەمان.

‎یەکێتی نووسەرانی کورد، بەدرێژایی ئەو مێژووە، نەک تەنها پاسەوانی زمان و ئەدەبی کوردی بوون، بەڵکو مەشخەڵی ڕووناکی و هۆشیاری نەتەوەییشیان بەرز ڕاگرتووە، لە ڕۆژە سەختەکانی خەبات و ڕووبەڕووبونەوەی دوژمنان و سیاسەتی لەناوبردنی گەلەکەماندا، قەڵەمەکانیان وەک چەک و وشەکانیان وەک فیشەک بوون.

‎ لەم قۆناغەشدا، بایەخ و ڕۆڵی گرنگی نووسەران و ئەدیبان و ڕۆشنبیرانی گەلەکەمان بەرزدەنرخێنین لە خەباتی نەتەوەیی و تێکۆشان بۆ بەدیهێنانی ئامانجە باڵاکانمان و بەزیندو هێشتنەوەی روحی نیشتمانپەروەری.

‎ لەم یادە مێژووییەدا، بەڕێز و شکۆوە یادی ئەو نەمرانە دەکەینەوە، کە تا دواساتەکان خزمەتیان بە وشە و زمانی کوردی کرد.

‎محەمەد حاجی مەحمود
۲٠۲٥/۲/۱٠

لە شاری سلێمانی، مەراسیمێک بۆ ساڵیادی سەرکەوتنی شۆڕشی کۆماری ئیسلامی ئێران بەڕێوەچووئەمڕۆ ۹ـی شوباتی ۲٠۲٥ لە شاری سلێمان...
09/02/2025

لە شاری سلێمانی، مەراسیمێک بۆ ساڵیادی سەرکەوتنی شۆڕشی کۆماری ئیسلامی ئێران بەڕێوەچوو

ئەمڕۆ ۹ـی شوباتی ۲٠۲٥ لە شاری سلێمانی، بەئامادەبوونی بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان و ژمارەیەک لە ئەندامانی مەکتەبی سیاسی و ئەندامانی مەکتەبی پەیوەندییەنیشتمانییەکان و نوێنەرانی دەزگا حکومی و حزبییەکان و کەسایەتی ئاینی و کۆمەڵایەتی و ژمارەیەک لە چین و توێژە جیاجیاکان و بەشێک لە هاونیشتمانیانی ئێرانی دانیشتووی هەرێمی کوردستان، کونسولخانەی کۆماری ئیسلامی ئێران لە شاری سلێمانی مەراسیمێکی بۆ ساڵیادی سەرکەوتنی شۆڕشی کۆماری ئیسلامی ئێران ڕێکخست.

سەرەتای مەراسیمەکە بە خوێندنەوەی چەند ئایەتێک لە قورئانی پیرۆز و ساتێک وەستان بە بێدەنگی بۆ ڕێزگرتن لە گیانی پاکی شەهیدان دەستیپێکرد، دواتر محەمەد مەحمودیان، سەرکونسوڵی کۆماری ئیسلامی ئێران لە سلێمانی وتارێکی پێشکەشکرد و باسی لە دەرئەنجامەکانی شۆڕش و گۆڕانکارییەکانی دوای ئەو ڕووداوە کرد لە ئێران و ڕۆژهەڵاتی ناوەڕاستدا، پاشان تیشکی خستە سەر ئامانجەکانی کونسولخانە بۆ پەرەپێدانی پەیوەندییەکان و ڕەخساندنی دەرفەت و کارئاسانی بۆ جموجوڵی بازرگانی و فەرهەنگی لەنێوان هەردوولادا.

لەبەشێکی تری مەراسیمەکەدا، وتاری چەند هێزێکی سیاسی پێشکەشکرا، لەوچوارچێوەیەدا بەڕێز محەمەد حاجی مەحمود لە میانەی وتارێکدا بەوردی باسی لەپەیوەندییەکانی هێزی پێشمەرگەی کوردستان و سەرکردەکانی شۆڕشی ئیسلامی و هەماهەنگی نێوانیان لە بەئاکام گەیشتنی ئەو شۆڕشە کردەوە.

سەرۆکی حزبی سۆسیال دیموکراتی کورستان ڕایگەیاند، کە سەرکەوتنی شۆڕشی کۆماری ئیسلامی ئێران لە زۆر ڕووەوە بووە پاڵپشتییەکی کاریگەر بۆ ئۆپۆزسیۆنی عێراقی بەگشتی و لایەنە کوردستانییەکان بەتایبەت، بەڕێز محەمەد حاجی مەحمود، ڕۆژانی سەخت و پڕ کارەساتی گەلەکەمانی بەبیرهێنایەوە، دروست لەوکاتەی بەعسییەکان بە چەکی کیمیاویی و پرۆسەی بەدناوی ئەنفال هەوڵی لەناوبردنی گەلەکەمانیان دەدا، کۆماری ئیسلامی و دامەزراوەکانی بەهانای خەڵکی بێتاوانی گەلەکەمانەوەهاتن و دەنگی ستەملێکراوی کوردیان بە کۆمەڵگای مرۆڤایەتی گەیاند.

پەیوەست بە پەیوەندییەکانی نێوان گەلی کوردستان و کۆماری ئیسلامی ئێران، سەرۆکی حزبی سۆسیال دیموکراتی کوردستان ڕایگەیاند، پەیوەندییەکانی ئێمە لە هۆتێلە ئەستێرەدار و هۆڵە مۆدێرنەکان بنیادنەنراوە بەڵکو پەیوەندی سەردەمی ڕووبەڕووبونەوەی دوژمنێکی خوێنڕێژی هاوبەشە، کە لە سەنگەرەکان و لەمیدانی جەنگدا دروستبوون، بۆیە جێی خۆیەتی پەرە بەو پەیوەندییانە بدرێت و قوڵتر بکرێتەوە.

پاشان چەند چالاکییەکی هونەری و ڕۆشنبیری و دیکۆمێنتارییەک لەبارەی گەشەسەندنەکانی کۆماری ئیسلامی ئێران لە سێکتەرە جیاوازەکان لەدوای شۆڕش لە وڵاتەکە پێشکەشکرا.

بەئامادەبوونی بەڕێز محەمەد حاجی مەحمود، مەراسیمێک بۆ ڕێزلێنان لە محەمەد ئەمین پێنجوێنی سازکرائەمڕۆ ۸ـی شوباتی ۲٠۲٥ لەهۆڵ...
08/02/2025

بەئامادەبوونی بەڕێز محەمەد حاجی مەحمود، مەراسیمێک بۆ ڕێزلێنان لە محەمەد ئەمین پێنجوێنی سازکرا

ئەمڕۆ ۸ـی شوباتی ۲٠۲٥ لەهۆڵی ڕێکخراوی ئازادبوون لە شاری سلێمانی، بە ئامادەبوونی بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان و شادمان شەهید ڕۆستەم، ئەندامی مەکتەبی سیاسی و ژمارەیەک لە بەرپرسانی حکومی و حزبی، دامەزراوەی کەریمی عەلەکە بە دروشمی "ئەزمونی قەڵەمێک لەپێناو ئاشتی و جوانیدا" مەراسیمێکی بۆ ڕێزلێنان لە ئەزمون و ژیان و نووسینی نوسەر و کەسایەتی نەتەوەیی محەمەد ئەمین پێنجوێنی سازکرد.

لەمەراسیمەکەدا، وێڕای نمایشکردنی فیچەرێک دەربارەی ژیان و تێڕوانینەکانی نوسەر و بڵاوکردنەوەی نوێترین چاپکراوی شیعری، خەڵاتی ڕێزلێنانی دامەزراوەکەی پێبەخشرا و دواتر بەڕێز محەمەد حاجی مەحمود چەپکەگوڵی ڕێز و پێزانینی پێشکەش بە بەڕێز پێنجوێنی کرد لەپای خەبات وتێکۆشان و بەرهەمەکانی.

بەڕێز محەمەد حاجی مەحمود، لە پارێزگای هەڵەبجە، بەشداریی کرد لە پرسەی وریا حەمەکەریم، ڕۆژنامەنووس و ڕاگەیاندکاری دیاری ک...
07/02/2025

بەڕێز محەمەد حاجی مەحمود، لە پارێزگای هەڵەبجە، بەشداریی کرد لە پرسەی وریا حەمەکەریم، ڕۆژنامەنووس و ڕاگەیاندکاری دیاری کوردستان.

Address

Sulaimanieh

Telephone

+9647701521890

Website

Alerts

Be the first to know and let us send you an email when مەکتەبی ڕاگەیاندن.Kurdistan Social democrat posts news and promotions. Your email address will not be used for any other purpose, and you can unsubscribe at any time.

Shortcuts

Share

Category