Jar, Sulaimanieh (2025)

18/07/2025

‎محەمەدی حاجی مەحمود: تێناگەم، هەمووان هاواریانە کە ماوەی دوو هەفتەیە فڕۆکەی بێفڕۆکەوان هێرش دەکاتە سەر ژێرخانی ئابوری هەرێمی کوردستان بەتایبەت کێڵگە نەوتییەکان، بەڵام هیچ کەس جورئەت ناکات بڵێت؛ ئەوە حکومەتی عێراقە هێرش دەکاتە سەر ئەو کێڵگانە و ناپرسن بۆ هێرش دەکەنە سەرمان.

18/07/2025

لە کۆتایدا چۆن گۆڕایین...

ئیستا هە ست بە چێژی ژیان ناکە یین...

تە نانە ت چێژ لە بە های مردنییش وەرناگریین...

چۆن ئیستا پەنجەکانمان قسەئەکەن بەڵام زمانمان ڵاڵ بوە...

ئیستاهاوڕێی ڕاستەقینەمان نەماوە...

زۆربەی هاوڕێکانمان هاوڕێی کاتو شوێنن...

هە ندێکیان هەندێ جار بەچە ند ڕویە کە وە دەردەکەون...

و هەندێک جایش بە دە مامکی جۆراو جۆرەوە دەرئەکەون...

لەم زەمەنە بۆنی تەنورەکان گۆڕاون ...

تەنانەت تە نورەکانیش پێویستیان بە دار نیە...

ئێستا جەژنەکانیش بونە تە بۆنە یەکی بازرگانی...

لە کاتێکا پێشتر جەژنەکان وەرزی خۆشیو موحیبەت بوون...

پێشتر ئەوانە ی خراپەکاربوون هەمیشە شەرمەزار بوون...

بەڵام ئێستا کەسە شەرمنەکان لە شەرموحەیای خۆیان وڵاتیان جێ هێشتوەو کۆچیان کردوە...

ئێستا چیرۆکی ڕۆبن هودیش چیتر باوی نەماوە...

پێشتر هەژارەکان دزیان لە دەوڵەمەندەکان ئەکرد...

بەڵام ئێستا دەوڵەمەنەکان دزی لە هەژارەکان ئەکەن...

ئێستا دەوڵەمەندەکان بە قانون دزی لە هه ژارەکان ئەکەن...

ئەگەر ڕەخنەشیان لێ بگرن هەربەقانون دەستگیریان ئەکەن...

هەربە قانونیش ئەیان کوژن...

هەر بە قانونی شەرعیەت بە کوشتدانیان دەدەن...

ئێستا زەمەن واگۆڕاوە کە س باس لە بەهەشت ناکا...

یەکێ لە لێواری دۆزەخو یەکێکی تر لە قوڵایی دۆزەخایە..

ئەحمەد جۆڵا

18/07/2025

ئەمشەو لە دەرەوەی یاریگەی شەعبی نێودەوڵەتی لە بەغدا، لەکاتی یاری کۆتایی جامی عێراق لەنێوان هەردوو یانەی (دهۆک و زاخۆ) گرژی لە نێوان هاندەران و دواتر لەگەڵ پۆلیسیش دروستبوو.

18/07/2025

یانەی دهۆک بە لێدانی یەکلاکەرەوە لە یانەی زاخۆی بردەوە و بووە پاڵەوانی جامی عێراق

18/07/2025

(هێڵی ئاسمانی ماهان ئێر) گەشتە ئاسمانیەکانیان لە نێوان (تاران-سلێمانی-تاران) دەست پێکردەوە.

فڕۆکەخانەى نێودەوڵەتى سلێمانى
بەشى پەیوەندییەگشتییەکان و ڕاگەیاندن‎
٢٠٢٥/٧/١٨

17/07/2025

قوباد تاڵەبانی داوا لە تورکیا دەکات ئاسمانی وڵاتەکەی بەڕووی گەشتەکانی فڕۆکەخانەی نێودەوڵەتیی سلێمانیدا بکاتەوە

جاڕ میدیاـ

قوباد تاڵەبانی، جێگری سەرۆکوەزیران پێشوازیکرد لە ئانل بۆرا ئينان، باڵیۆزی تورکیا لە عێراق و لە کۆبوونەوەی نێوانیاندا پرۆسەی ئاشتی لە تورکیا، پەیوەندییەکانی هەرێم و بەغدا و چەند پرسێکی دیکە تاوتوێ کران.

لە تەوەرێکی کۆبوونەوەکەدا کە رۆژی پێنج شەمە(17/7/2025) لە هەولێر بە ئامادەبوونی ئەرمان تۆبجو، کونسوڵی گشتیی تورکیا لە هەرێم بەڕێوەچوو، باس لە دواین بەرەوپێشچوونەکانی پرۆسەی ئاشتی لە تورکیا کرا. جێگری سەرۆکوەزیران پرۆسەی چەکدانانی پەکەکەی بە هەنگاوێکی مێژوویی ناوبرد و هیوای خواست هەنگاوەکانی دیکەی پرۆسەی ئاشتی بە سەرکەوتوویی بەڕێوەبچێت. لەم چوارچێوەیەشدا جەختی کردەوە لەسەر پشتیوانی حکومەتی هەرێم لە پرۆسەکە و ئامادەیی هەرێمی کوردستانیشی دەربڕی بۆ هەموو جۆرە هاوکارییەک بۆ سەرخستنی پرۆسەکە.

لە بەشێکی دیکەی کۆبوونەوەکەدا باس لە کێشەی فرۆکەخانەی نێودەوڵەتی سلێمانی کرا و قوباد تاڵەبانی داوایکرد تورکیا ئاسمانی وڵاتەکەی بەڕووی گەشتەکانی فڕۆکەخانەی نێودەوڵەتیی سلێمانیدا بکاتەوە.

لە تەوەرێکی دیکەدا گفتوگۆکرا لەبارەی پەیوەندییەکانی نێوان هەرێم و بەغدا. لەم چوارچێوەیەشدا جێگری سەرۆکوەزیران رێککەوتنی نێوان هەرێم و بەغدای لەبارەی چارەسەرکردنی کێشەی موچە و هەناردەکردنەوەی نەوتی هەرێمی بە هەنگاوێکی گرنگ بۆ بەهێزترکردنی پەیوەندییەکانی نێوان هەرێم و بەغدا زانی و رایگەیاند هەرێمی کوردستان خوازیارە هەموو کێشەکانی لەگەڵ بەغدا بەپێی دەستور چارەسەر بکات. باڵیۆزی تورکیاش خۆشحاڵی خۆی لە رێککەوتنەکە دەربڕی و هیوای خواست پەیوەندییەکانی نێوان هەرێم و بە‌غدا بەرەوپێشچوونی زیاتر بەخۆیەوە ببینێت.

17/07/2025

کرێکارێک لە نهۆمی ٢٥ی پڕۆژەیەکی نیشتەجێبوونی سلێمانی کەوتەخوارەوە و گیانی لەدەستدا

عوسمان زیندانی، زانیاری لەبارەی رووداوەکە ئاشکرا دەکات.....

17/07/2025

بزانە بەغداد چەند مووچە دەنێرێت؟

ئەنجومەنی وەزیرانی عێراق بڕیارەکانی لەبارەی نەوت و مووچەی هەرێم بڵاوکردەوە

جاڕ میدیاـ

بڕیارنامەکانی دانیشتنە بەپەلەکەی ئەنجومەنی وەزیران کە بە سەرۆکایەتی سەرۆکی ئەنجومەنی وەزیران بەڕێز محەمەد شەیاع سودانی بەڕێوەچوو
••••

سەرۆکی ئەنجومەنی وەزیران بەڕێز محەمەد شەیاع سودانی، ئەمڕۆ پێنجشەممە، سەرۆکایەتی دانیشتنێکی بەپەلەی ئەنجومەنی وەزیرانی کرد.

سەبارەت بە دۆسیەی داهاتی نەوت و نانەوتی و ڕێککەوتن لەگەڵ حکومەتی هەرێمی کوردستان لەو بارەیەوە، بەڕێز سەرۆکی ئەنجومەنی وەزیران ستایشی هەوڵەکانی سەرۆکی یەکێتی نیشتمانی کوردستان بەڕێز بافڵ تاڵەبانی و وەزیرە پەیوەندیدارەکانی کرد بۆ هەوڵە بەرچاوەکانیان، کە بووە هۆی ڕێککەوتن، لەسەر بنەمای ئەوەی لیژنە وەزارییەکە پێشکەشکی کرد، کە لەسەر فەرمانی بەڕێز سەرۆکی ئەنجومەنی وەزیران لە 27"ـەمین دانیشتنی ئاسایی ئەنجومەنی وەزیران لە 8ی تەمموزی 2025 پێکهێنرا و ڕاسپاردەکانی سەبارەت بە ناوەڕۆکی بڕیارەکەی ئەنجومەنی وەزیرانی هەرێمی کوردستان ژمارە 285 لە 16ی تەمموزی 2025.

ئەنجومەنی وەزیران ئەم بڕیارانەی خوارەوەی پەسەندکرد:
یەکەم: ڕادەستکردنی نەوت.
1- حکومەتی هەرێم دەستبەجێ دەست دەکات بە ڕادەستکردنی سەرجەم نەوتی بەرهەمهاتوو لە کێڵگە نەوتییەکانی هەرێم بۆ کۆمپانیای بەبازاڕکردنی نەوت (سۆمۆ) بە مەبەستی هەناردەکردن و وەزارەتی دارایی فیدراڵی پابەند دەبێت بە پێدانی پێشینەیەک بە حکومەتی هەرێمی کوردستان بە بڕی 16 دۆلار (بە شێوەی ماددی یان کاش) بۆ هەر بەرمیلێکی وەرگیراو بەپێی یاسای هەموارکردنەوەی بودجە، بە مەرجێک بڕی وەرگیراو لە ئێستادا لە 230 هەزار بەرمیل لە ڕۆژێکدا کەمتر نەبێت و هەر زیادەیەک لە بەرهەمهێنان لە ڕێگەی لیژنەی پێوانە و قەبارەدانانی هاوبەشەوە، لە ئەگەری ڕاگرتنی هەناردەکردن بە هەر هۆکارێک، تەواوی ئەو بڕە ڕادەستی وەزارەتی نەوتی فیدراڵی دەکرێت.

(ڕوونکردنەوە: کۆی بەرهەمهێنان لە ئێستادا 280 هەزار بەرمیلە لە ڕۆژێکدا، ئەمەش بەپێی ڕاپۆرتەکانی هەرێم و لەو ژمارەیە ڕۆژانە 50 هەزار بەرمیل بۆ بەکارهێنانی ناوخۆ لە هەرێم تەرخان دەکرێت و ئەو 230 هەزار بەرمیلەی لە کە ڕۆژێکدا دەمێنێتەوە لەگەڵ هەر زیادبوونێک لە بەرهەمهێنان لە داهاتوودا، ڕادەستی کۆمپانیای سۆمۆ دەکرێت بە مەبەستی هەناردەکردن)

2- بڕی 50 هەزار بەرمیل لە ڕۆژێکدا بۆ بەکارهێنانی ناوخۆیی لە هەرێم تەرخان دەکرێت، بە مەرجێک حکومەتی هەرێم پابەند بێت بە پێدانی تێچووی بەرهەمهێنان و گواستنەوە بۆ ئەو بڕە، بە مەرجێک داهاتی فرۆشتنی بەرهەمە نەوتییەکان، و دەبێت تێچووی بەرهەمهێنان و گواستنەوە و پاڵاوتنی بگوازرێتەوە بۆ گەنجینەی فیدراڵی، و ئەگەر هەرێم پێویستی هەبوو، ئەوە وەزارەتی نەوتی فیدراڵی بڕێک لە بەرهەمەکان بۆ هەرێم دابین دەکات، بە مەرجێک بەرهەمی پاڵاوتنی لە 15 هەزار بەرمیل نەوتی خاو لە ڕۆژێکدا زیاتر نەبێت، هەروەها لیژنەیەکی هاوبەش لە وەزارەتی نەوتی فیدراڵی و وەزارەتی سامانە سروشتییەکانی هەرێم، هەڵسەنگاندن بۆ پێویدوایستی ڕاستەقینەی هەرێم بۆ بەرهەمە نەوتییەکان دەکەن بە مەبەستی تەرخانکردنی، و دەبێت لیژنەکە لە ماوەی دوو هەفتەدا ڕاپۆرتەکەی پێشکەش بە ئەنجومەنی وەزیرانی فیدراڵی بکات بۆ بڕیاردان لەسەری.

دووەم: داهاتی نانەوتی.
1- حکومەتی هەرێم سەرەتا (120) ملیار دینار وەک بڕێکی مەزەندەکراو لە پشکی گەنجینەی دەوڵەت لە داهاتە نانەوتییەکان بۆ مانگی ئایار ڕادەستی وەزارەتی دارایی فیدراڵی دەکات، بە مەرجێک دوای تەواوبوونی وردبینییەکە بەپێی بڕگەی (2)ی خوارەوە یەکلایی بکرێتەوە.

2- پێکهێنانی گروپێکی کارکردن لە وەزارەتی دارایی فیدراڵی و دیوانی چاودێری دارایی فیدراڵی، بە هەماهەنگی لەگەڵ وەزارەتی دارایی و دیوانی چاودێری دارایی لە هەرێم، بەمەبەستی پۆلێنکردن و وردبینیکردن لە داهاتە نانەوتییەکان و دیاریکردنی پشکی حکومەتی فیدراڵی، لە مانگی ئایاری 2025"ـەوە دەستپێدەکات، لەگەڵ ڕەچاوکردنی بەهای ڕێژەی داهاتی نانەوتی، بەپێی تەرازووی پێداچوونەوە کە لە ڕاپۆرتە هاوبەشەکانی نێوان دیوانی چاودێری دارایی فیدراڵی و دیوانی چاودێری دارایی هەرێم ئاماژەی پێکراوە لە دوای چوونە بواری جێبەجێکردنی یاسای بودجەی گشتی فیدراڵییەوە، بە مەرجێک تیمەکە لە ماوەی دوو هەفتەدا ڕاپۆرتەکەی پێشکەش بە ئەنجومەنی وەزیرانی فیدراڵی بکات بۆ بڕیاردن لەسەری.

3: پێکهێنانی لیژنەیەکی هاوبەش لە نێوان حکومەتی فیدراڵی و حکومەتی هەرێم بۆ تەواوکردنی خۆجێی کردنی مووچە لە هەرێم، بەگوێرەی بڕیارەکەی دادگای فیدراڵی، و دەبێت ئەم لیژنەیە لە ماوەی سێ مانگ زیاتر نەبێت ئەرکەکەی تەواو بکات و دارایی کردن لە کۆتایی ئەم ماوەیەدا تەنها بۆ ئەو مووچانە دەبێت کە خۆجێی کراون.

4: پێکهێنانی تیمێک لە وەزارەتی دارایی فیدراڵی و دیوانی چاودێری دارایی فیدراڵی بە هەماهەنگی لەگەڵ وەزارەتی دارایی و دیوانی چاودێری دارایی لە هەرێم، بە مەبەستی دیاریکردنی ڕێژەی زیادە لە پشکی هەرێم لە خەرجییە ڕاستەقینەکان و چۆنیەتی چارەسەرکردنی بەپێی یاسای بودجەی گشتی فیدراڵی بۆ ساڵانی (2023-2024-2025) و دەبێت لە ماوەی دوو هەفتە زیاتر نەبێت و ڕاپۆرتەکەی پێشکەش بە ئەنجومەنی وەزیرانی فیدراڵی بکات.

5: وەزارەتی دارایی وەک سەرەتای جێبەجێکردنی ڕێککەوتنەکە دەست بە خەرجکردنی مووچەی فەرمانبەرانی هەرێم بۆ مانگی ئایار دەکات، دوای ئەوەی وەزارەتی نەوتی فیدراڵی/سۆمۆ پاڵپشتی لەسەر وەرگرتنی تەواوی بڕی ئەو نەوتە دەکات کە لە بڕگەی یەکەمدا / 1 (لەئێستادا 230 هەزار بەرمیل لە ڕۆژێکدا ) ئاماژەی پێکراوە، لە بەندەری جەیهان، بەپێی یاسا.

6 : سەرتای ئەو ماوانەی لەم بڕیارەدا ئاماژەیان پێکراوە لە بەرواری پەسەندکردنی لەلایەن ئەنجومەنی وەزیرانەوە دەست پێدەکات.

••••
نوسینگەی ڕاگەیاندنی سەرۆکی ئەنجومەنی وەزیران
17ی تەمموزی 2025

16/07/2025

درۆنێکی بۆمبڕێژکراو لە قەزای بەحرکەی سەر بە هەولێر کەوتەخوارەوە

زانیاری لە کۆمێنتە....

16/07/2025

وەزارەتی سامانە سروشتییەکان زانیاری لەبارەی هێرشە درۆنییەکەی ئێوارەی ئەمڕۆ بۆ سەر کێڵگەیەکی نەوتی لە هەرێم ئاشکرا دەکات

زانیاری لە کۆمێنتە.....

16/07/2025

ئەنجومەنی سەرکردایەتی یەکێتی راگەیەنراوێکی لەبارەی پرسی مووچە و هێرشە درۆنییەکانی سەر هەرێم بڵاوکردەوە

زانیاری لە کۆمێنتە.....

16/07/2025

سەنتەری میترۆ: هێزە ئەمنییەكانی شاری هەولێر، بەشەق و هەڕەشەكردن و جنێودان دەستبەسەر مۆبایلی كەسی رۆژنامەنووسان و كەلوپەلی رۆژنامەگەری دەگرن

جاڕ میدیاـ

دەقی راگەیەنراوی سەنتەری میترۆ:

سلێمانی، 16ی تەمووزی 2025: هێزە ئەمنییەكانی شاری هەولێر، بەشەق و هەڕەشەكردن و جنێودان دەستبەسەر مۆبایلی كەسی رۆژنامەنووسان و كەلوپەلی رۆژنامەگەری دەگرن و بە مەرجی وەرگرتنی پاسوۆرد مۆبایلەكانیان رادەست دەكەنەوە، هەموو ئەمانە جێگەی رەفز و ئیدانەكردنن.
لە 14ی تەمووزی 2025، لە چەند گەڕەكێكی شاری هەولێر كۆنگرەی رۆژنامەگەری و ناڕەزایەتی هەبوون، هێزە ئەمنییەكان گەمارۆی شوێنەكانیان دا و ئاستەنگیان بۆ كارەكانیان درووست كرد.

هێزێكی جنێودەر
ژنانی كورانی عەنكاوە لە شاری هەولێر لە بەرانبەر كەمی ئاوی خواردنەوە، شەقامی سەرەكی گەرەكەكەیان داخستبوو، داوای دادوەرییان دەكرد لە دابەشكردنی ئاوی خواردنەوە.
لەو كاتەدا (هێرش قادر) پەیامنێری ئێن ئارتی و هاوكارەكانی (عەلی عبدالهادی وێنەگر، ئازاد سەعید شوفێری دەزگاكە) چووبوون بۆ رووماڵكردنی رووداوەكە، لەگەڵ گەیشتنیان، هێزێكی ئەمنی پەلاماری دان.
هێرش قادر بە میترۆی گووت،" پێنج كەس بەشەق پەلاماری منیان دا، ئازارم پێ گەیشت "گووتیشی" لە شەق و پەلاماردانەكە بە ئازارتر بێڕێزی كردن و جنێودانە بە كەس و كارت لەلایەن ئەو هێزە ئەمنییانەوە".

سپێدەی ئاژاوەگێڕ
هەر ئەو رۆژە، كاتێك تیمی كەناڵی سپێدە (هیوا فەقیانی، محمد گەنجۆ، نەبەز گورزەیی)، دەگەنە شوێنی نارەزایەتییەكەی ژنانی كورانی عەنكاوە، ئاسایش سەرقاڵی بڵاوە پێ كردنی بەشداربوانی چالاكییەكە و لابردنی بەربەبەستەكانی بەردەم شەقامەكە بوون .
پەیامنێری سپێدە بە میترۆی گووت، " كە گەیشتین، هێزە ئەمنییەكان هاتنە لامان و وتیان برۆن واز لەو خەڵكە بهێنن، ئێوە ئاژاوە مەنێنەوە، هیچ كیشەیكیان نییە"
بە زەبری هێز و هەرەشەكردن تیمەكەی سپێدە لە شوێنی ناڕەزایەتیەكە دوور دەخەنەوە، "یەكێك لە هێزەكە كە قسەی بۆ دەكردین دەمانچەی بەدەستەوە بوو نەك بە قەدییەوە بێت" پەیامنێرەكەی سپێدە وای گووت.

دوژمنانی میمۆری
تیمی وێستگە نیوز، (شاهین فوئاد، ئەحمەد شاخەوان) و ئاپۆڕا نیوز لە یەك ئۆتۆمبێلدا بوون كاتێك هێزێكی مەدەنی چەكدار كە زیاتر لە 10 كەس دەبوون خۆیان نەناساندووە، گەمارۆیان داون، داوای مۆبایلی هەردوو تیمەكەیان كردووە، ‌و ئەوانیش رادەستیان كردووە.
بەر لە گەمارۆدانیان ئۆتۆمبێلێكی جۆری ئەلەنترای رەنگ سیلڤەریان بینیوە چەند كەسێكی تیا بووە، وێنەی دوو تیمەكەیان گرتووە.
شاهین فوئاد، پەیامنێری وێستگە نیوز، بە میترۆی گووت "پەیوەندیمان بە ئاسایشەوە كرد، ئەوكاتە زانیمان ئەمانە ئاسایشن پاش پێنج كاتژمێر مۆبایل و كامێراكەمان وەرگرتەوە بەڵام بە بێ میمۆری".

پڕكردنەوەی فۆرم و پەنجەمۆركردن
لەگەرەكی عەدالەی شاری هەولێر، دوو ئۆتۆمبێلی چەكدار بەبەرگی مەدەنییەوە، بەردەم تیمی ئاپۆرانیوز دەگرن، تیمەكە هاتبوون بۆ رووماڵی كۆنگرەی رۆژنامەگەری یەكێك لە كاندیدەكانی هەڵبژاردنی عێراق.
هێزەكە كە دەزانن تیمەكە (دیاكۆ حسێن پەیامنێر، مەسعود رەسوڵ وێنەگر، تەیب ڕەزا شۆفێر) میدیاكارن، داوایان لێدەكەن لە ئۆتۆمبێلەكە دابەزن، مۆبایل و كامێراكانیان رادەست بكەن.
دیاكۆ حسێن، پەیامنێری ئاپۆڕانیوز بە میترۆی گووت، "بە شێوازێكی ناشرین مامەڵەیان لەگەڵدا كردین و موبایلی كەسی و كامێرا و میمۆرییان لێ سەندین" گووتیشی، "ئێوارە لە ئاسایشی هەولێر داوای پاسوۆردی مۆبایلەكانیان لێكردین، بەناو گەلەری مۆبایلەكاندا دەگەڕان و وێنەیان دەسڕییەوە".
دیاكۆ باسی لەوەكرد كە لە ئاسایش فۆرمێكی زانیارییان پێ پڕكردونەتەوە كە ناونیشانی تەواوی كەسی تیا بووە. جەختیكردەوە، "پاشان پەنجەمۆریان وەرگرتین و مۆبایلەكانمان وەرگرتەوە".

لولتان دەدەین بە شاپان دەتانبەین
لەهەمان شوێندا تیمێكی كەناڵی زووم ( كاروان حەمە ساڵح، شێوان مەولود، ئیسماعیل محەمەد)، پاش ئەوەی كۆنگرە رۆژنامەنووسییەكەیان رووماڵكرد، هێزەكە نزیكیان دەبنەوە و بۆ ماوەیەك دەستبەسەریان دەكەن موبایل و كامێرا و كەلوپەلەكانیان لێ دەستێنن.
كاروان حەمە ساڵح گووتی، " هەڕەشەیان لێ كردین كە ئەگەر قسە بكەین بە شاپان لولتان دەدەین" گووتیشی، "ئێوارە چووین بۆ ئاسایش بۆ وەرگرتنەوەی موبایلەكانمان، بەڵام هەتا پاسوۆردمان نەدا پێیان موبایلەكانیان نەداینەوە".
كاروان باسی لەوەكرد كە كاتێ موبایلەكانیان وەرگرتەوە، واتسئاپ و مەسنجەر و تێلیگرامەكەی كرابوونەوە و نازانێت تەماشای چییان كردووە بەڵام گووتی، " لە ناو گەلەری موبایلەكەم چەند وێنە و ڤیدیۆیەكی تایبەت بە خۆم سڕاونەتەوە كە هیچ پەیوەندییان بە رووداوەكانی ئەو ڕۆژەوە نەبووە".

سەنتەری میترۆ رایدەگەیەنێت رووداوەكانی 14ی تەمووز بەرانبەر بە تیمەكانی راگەیاندن پێمان دەڵێت كە بارودۆخی كاری رۆژنامەنووسی پڕ ئاستەنگە و پێشێلكاری بەرانبەریان هێشتا نەبووەتە مایەی شەرمەزاری بۆ هەر كەسێك كە ئەنجامی دەدات لە هەر پلە و پایەكی دەسەڵاتدا بێت.

Jar

18/07/2025

18/07/2025

18/07/2025

18/07/2025

18/07/2025

17/07/2025

17/07/2025

17/07/2025

16/07/2025

16/07/2025

16/07/2025

16/07/2025

Address

Telephone

Website

Alerts

Shortcuts

Share

Category