PUK Press

24/06/2025

لیژنەی ئەمنی سلێمانی خۆپیشاندانەکەی دواخست

10/06/2025

هاووڵاتییەكی شاری هەولێر دەڵێت لەلایەن شارەوانی هەولێرەوە خانوەكەی ڕووخێندراوە
وێنە؛ حەسەن ئەحمەد

08/06/2025

رێورەسمی پێشوازی سەرکردەکانی UNOC3 لەفەرەنسا

سەرۆک کۆمار و خانمی یەکەم به شداری له ئاهەنگی پێشوازی له سەرکردەکان و سەرۆکی وڵاتانی بەشداربووی کۆنفرانسی ئۆقیانووسانەکـان دەکەن

بەڕێز سەرۆک کۆمار د.لەتیف جەمال ڕەشید و خانمی یەکەم خاتوو شاناز ئیبراهیم ئەحمەد، ڕۆژی یەکشەممە 8 ی حوزەیرانی 2025 لە نیس ئامادەی ئاهەنگێکی پێشوازیکردن بوون کە لەلایەن سەرۆکی فەڕەنسا ئیمانوێل ماکرۆن بۆ ڕێزلێنان لە سەرکردە و سەرۆک وڵاتان و وەفدەکانی بەشداربووی سێیەمین کۆنفرانسی نەتەوە یەکگرتووەکان سەبارەت بە ئۆقیانوسەکان سازکرا.

لە کاتی گەیشتنی بەڕێز سەرۆک کۆمار و خانمی یەکەم بۆ شوێنی پێشوازیکردن لە لایەن سەرۆکی فەڕەنسا و خاتوو بریجیت ماکرۆن هاوسەری پێشوازییان لێکرا و سەرۆک ماکرۆن و هاوسەرەکەی بەخێرهاتنی سەرۆک کۆمار و خانمی یەکەمیان کرد و دەستخۆشییان لە بەشداریکردنیان لە کۆنفرانسەکەدا کرد کە ئەمەش ڕەنگدانەوەی بایەخ و پەرۆشی عێراقە بۆ دروستکردنی پردی هاریکاری بۆ ڕووبەڕووبوونەوەی تەحەداکانی گۆڕانی کەشوهەوا و ژینگە و پاراستنی سەرچاوەکانی ئاو.

بەڕێز سەرۆک و خانمی یەکەم سوپاسگوزاری خۆیان بۆ بانگهێشتەکە دەربڕی و هیوای سەرکەوتنیان بۆ کۆنفرانسەکە خواست و هیوایان خواست بڕیارەکان بۆ خزمەتی مرۆڤایەتی دەربکرێن.

03/06/2025

شاناز ئیبراهیم ئەحمەد خانمی یەکەمی عێراق لەپەیامێکدا پیرۆزبایی لە پەروین بوڵدان دەکات، ئەمە دەقەکەیەتی:

پیرۆزبایی لە خاتوو پەروین بوڵدان دەکەم بەبۆنەی دەستنیشانکردنی وەک جێگری سەرۆکی پارلەمانی تورکیا.

سەرکردایەتیکردن و هەوڵە بێووچانەکانی بۆ زامنی یەکڕیزی و دادپەروەری و ئاشتی جێی شانازی و پێزانینە.

هیوای سەرکەوتنی بەردەوامی بۆ ئەخوازم لە بنیاتنانی دوارۆژێکدا کە هەموو پێکهاتەکانی گەل لەخۆبگرێت، بەتایبەت پرۆسەی ئاشتی کە ئێستا کەوتۆتەگەڕ.

24/04/2025

لە (٥١)ەمین ساڵیادی بۆردومانکردنی قەڵادزێ و لەمیانی کۆبونەوەیەکی جەماوەریی کەسوکاری شەهیداندا، تاجەگوڵینەی خاتوو شاناز ئیبراهیم ئەحمەد خانمی یەکەمی عێراق لەسەر مۆنۆمێنتی شەهیدان و قوربانیان دانرا.

18/04/2025

گرتوخانەکانی نوگرەسەلمان و رەشاد دەکرێنە مۆزەخانە و دەپارێزرێن

ڕۆژی پێنجشەممە 17 ی نیسانی 2025 لە مۆزەخانەی ئەمنەسورەکە لە سلێمانی خانمی یەکەم خاتوو شاناز ئیبراهیم ئەحمەد پێشوازیکرد لە پارێزگاری موسەنا بەڕێز موهەند ئەلعەتابی .

لەکۆبوونەوەیەکدا گفتوگۆ لەهەوڵە هاوبەشە نیشتمانیەکان کرا بۆ بەدیهێنانی داواکاری کەسوکاری شەهیدان و ئەنفالکراوەکان بۆ بەردەوامبوون لەگەڕان و کردنەوەی گۆڕە بەکۆمەڵەکان لەناوچەی تەلشێخەی سەر بە پارێزگای موسەننا کە تا ئێستاش تەرمی پیرۆزی ئەنفالکراویان تێدایە.

خانمی یەکەم جەختی لەسەر گرنگی بەردەوامی ئۆپەراسیۆنەکانی گەڕان و هەڵکەندن بۆ گۆڕە بەکۆمەڵەکانی تری ناوچەکە کردەوە و ستایشی بڕیاری پارێزگاکەی کرد بۆ ڕاگرتنی ڕێوشوێنەکانی گرێبەستی زەوی لەو ناوچەیەی ناوبراو کە گۆڕەکانی دیکەی شەهیدانی ئەنفالکراو لە لایەن ڕژێمی پێشووەوە دەگرێتەوە

خاتوو شاناز ئیبراهیم ئەحمەد جەختی لەوە کردەوە کە پێویستە لایەنە پەیوەندیدارەکان گرنگی بەم شوێنانە بدەن و بپارێزن بەتایبەتی زیندانی ڕەشید کە بڕوا دەکرێت قۆناغەکانی زیندانی و ئەشکەنجەدانی شەهیدانی ئەنفالی بەخۆوە بینیوە پێش ئەوەی بنێردرێنەوە بۆ ناوچە بیابانییەکان لە قوڵایی بیابانی شاری سەماوە.

خانمی یەکەم ئاماژەی بە گرنگی سوودوەرگرتن لە ئەزموونی گۆڕینی بینای بەڕێوەبەرایەتی ئەمنەسورەکەی سلێمانی کرد لە سەردەمی ڕژێمی بەعسدا بۆ مۆزەخانەیەکی نیشتمانی کە دیوارەکانی تراژیدیا و خوێنڕشتنی ڕووداوەکان دەگێڕێتەوە و ببێتە شایەتحاڵی نەوەی نوێ لەسەر ستەم و دڕندەیی ڕژێمی دیکتاتۆری و وێستگەیەک بۆ یادکردنەوەی چیرۆکی قارەمانێتی و تێکۆشان بۆ ئازادی.

لەلایەکی دیکەوە خانمی یەکەم ئیمزاکردنی یاداشتنامەی لێکتێگەیشتنی نێوان زانکۆکانی چەرمۆ و موسەنا بە هەنگاوێکی گرنگ وەسف کرد بۆ ئامادەکاری بۆ کۆنفرانسی زانستی نێودەوڵەتی لەسەر گۆڕە بەکۆمەڵەکان.

لەبەرامبەردا پارێزگاری موسەننا ئاماژەی بەو هەوڵانە کرد کە بە هەماهەنگی لەگەڵ فەرمانگەکانی گەشتوگوزار بۆ پاراستنی زیندان و گرتووخانەکانی ڕژێمی پێشوو لە پارێزگای موسەنە بەتایبەتی (نوگرە سەلمان) کە چیرۆکی ترسناکی دەستگیرکردن و ئەشکەنجەدانی گەلی کوردمان بەژنان و منداڵان و بەساڵاچووانەوە بەخۆوە بینیوە.

06/04/2025

20/02/2025

نووسینگەی رۆژنامەوانیی سەرۆکی یەکێتیی :سەبارەت بەو هەواڵ و زانیارییە چەواشەکارانەی لەبارەی تەندروستی خاتوو هێرۆ ئیبراهیم ئەحمەد بڵاوبووەتەوە، هەموولایەک دڵنیادەکەینەوە کە دۆخی تەندروستی بەڕێزیان زۆر باشە و لە ئێستادا سەرقاڵی بەڕێکردنی ژیانی رۆژانەی خۆیەتی.

25/01/2025

خاتوو شاناز ئیبراهیم ئەحمەد ئەمڕۆ وتارێکی بەناونیشانی (ساڕێژی برینەکانی مێژوو، رێزلێنان لەقوربانیانی جینۆسایدی ئەنفال) لەسایتی (نیوز ویک) ی ئەمریکیدا بڵاوکردەوە.
خانمی یەکەمی عێراق ڕایدەگەیەنێت لەم وتارەدا بۆچونەکانم دەربارەی ئەو ئازارانە ئەخەمەڕوو کە کۆمەڵگە سەرکوتکراوەکان چەشتویانە لەگەڵ ئەو وانانەی نابێت بەهیچ جۆرێک لەیادیان بکەین.
خاتوو شاناز ئیبراهیم ئەحمەد زیاتر دەڵێت گۆڕە بەکۆمەڵەکان بیرەوەرییەکی بەئازارە بۆ ئەو وڵاتانەی گرفتاری توندوتیژیی بوون و رژێمە سەرکوتکارەکان خاکەکانیانی کردە گۆڕستانێکی بێ دەنگ.
لەبەشێکی تری وتارەکەیدا لە (Newsweek) خاتوو شاناز ئیبراهیم ئەحمەد وێنای سەردانەکەی دەکات بۆ سەماوە، و دەڵێت: کەچوومە سەر ئەو خاکە پیرۆزە لە بیابانی تەل ئەلشێخیە، هەستم کرد بەنەهامەتی قوربانیان و بەرپرسیارێتیمان. خێزانەکانیان تەنیا شایستەی هاوسۆزی نین، بەڵکو پێویستیان بەهەنگاوی کردارییە.
لە درێژەی وتارەکەیدا خانمی یەکەمی عێراق دەڵێت ئەم بابەتە تەنیا سەبارەت بەڕابردوو نییە، بەڵکو پەیوەندیدارە بە ئایندەمان. و هەر گیانێک کەلەو گۆڕە بەکۆمەڵانەدا لەدەستچوبێت، گەواهیدەری تێچووی بێدەنگی و بێ کردارییە. دەبێ چیرۆکەکانیان بگێڕدرێتەوە، تا قوربانیدانیان بۆ هەمیشە لە ویژدانی مرۆڤایەتیدا بمێنێتەوە بۆ هەتایە. دەبێ پێکەوە پارێزگاری لەبیرەوەرییان بکەین، دادپەروەری بەدی بهێنین، دوارۆژێک بنیات بنێین کەتێیدا هیچ منداڵێک لەترس و تۆقاندندا خۆی بەئامێزی دایکیەوە نەگرێت.

لەم لینکەوە دەقی وتارەکەی خاتوو شاناز ئیبراهیم ئەحمەد بخوێننەوە:

https://www.newsweek.com/healing-wounds-historyhonoring-victims-anfal-genocide-opinion-2020553?fbclid=IwZXh0bgNhZW0CMTEAAR2ZV_amHX2xDgJJ9ZZf5jqnr-SKajOsg_ftewhbzPvAIl4btkJuSvWxIqg_aem_UdgTpKJcSsAlbgMcqh5hFg

The Anfal genocide, one of modern history's darkest chapters, claimed 182,000 Kurdish, Assyrian, Shabak, Turkman, Yazidi, and Mandean lives and destroyed 4,500 villages.

23/01/2025

خاتوو شاناز ئیبراهیم ئەحمەد خانمی یەکەمی عێراق ئێوارەی رۆژی پێنج شەممە ٢٠٢٥/١/٢٣، لەشاری سلێمانی ئامادەی مەراسیمی بڵاوکردنەوەی کتێبی ئامێدی بوو.

بەپێی ڕاگەیەنراوی نوسینگەی میدیایی خانمی یەکەمی عێراق، لەمبارەیەوە خاتوو شاناز ئیبراهیم ئەحمەد ڕایگەیاندووە: شادبووم بەدیدەنی شوێنەوارناسی دانیمارکی، کریستیان ئەلێکس لارسن کە ئەوپەڕی سەرسامی خۆی بە کوردستان نیشاندا ، بە تایبەتیش زیندووکردنەوەی مێژووی دەوڵەمەندی ئامێدی کە دەگەڕێتەوە بۆ هەزارەی سێیەمی بەر لە لەدایک بونی حەزرەتی مەسیح.
ئەم شارۆچکە جوانەی پێگەیەکی دەگمەنی هەیە لەکلتوری ئێمەدا سەردەمانێک پایتەختی میرنشینی بادینان بوو. کتێبەکەی کریستیان کەلەسەر ئەرکی دامەزراوەی ئیبراهیم ئەحمەد چاپکرا و لەگەڵ گەلاوێژی هاوسەریدا پێشکەشی کردین، کلتور و کەلەپوری ئامێدی و هۆکاری شایستەیی چوونە نێو لیستی کەلەپوری جیهانی یونسکۆ دەخاتەڕوو. سوپاس بۆ ئنستیتیوتی داکۆ بۆ گەشەپێدانی هونەر و کولتور لەپای رێکخستنی مەراسیمی رێزڵێنان لە مێژووی ئامێدی .

21/01/2025

خانمی یەکەمی عێراق: زیندووڕاگرتنی کلتورمان ناسنامەمان دەپارێزێت.
ئەمڕۆ لە سلێمانی هەنگاوێکی ترمان نا بەرەو زیندووکردنەوە و بنیاتنانەوەی پردی دێرینی قلیاسان کە بەڵگەیەکی ترە لەسەر مێژوو و کەلەپوری دەوڵەمەندمان.
مێژووی بنیاتنانی پردەکە دەگەڕێتەوە بۆ ساڵی 1912 کە ئەوکات شوێنەوارێکی گرنگی هاتوچۆ بووە.
بەهاوکاری پارێزگا و لایەنە پەیوەندیدارەکان و کۆمپانیای ئەندازیاریی ڤیو پایۆنێر پابەند دەبین بە گێڕانەوەی ئەم شوێنەوارە دێرینە. دیارە بۆ سەردەمی پێشووی وەک سمبولی پێکەوە پەیوەستبوون و یادی جاران و گەشتیارییە بۆ نەوەکانی ئایندە.

18/11/2024

خاتوو شاناز ئیبراهیم ئەحمەد ئەندامی مەکتەبی سیاسی یەکێتیی نیشتمانیی کوردستان، رۆژی دووشەممە ١٨ی نۆڤەمبەری ٢٠٢٤، چاویکەوت بە لێپرسراو و بەرپرسی بەشەکانی مەڵبەندی یەکی رێکخستنی سلێمانی.

لەبارەی هەوڵ و هەنگاوەکانی یەکێتیی نیشتمانیی کوردستان لەدوای تەواوبوونی پرۆسەی هەڵبژاردن و ڕاگەیاندنی ئەنجامەکان، زیاد جەبار لێپرسراوی مەڵبەند کورتەباسێکی دەربارەی کاری ئۆرگانەکان و بازنەکان لەبەجێگەیاندنی کاروبارەکانی پرۆسەی هەڵبژاردن پێشکەش کرد.

خاتوو شاناز ئیبراهیم ئەحمەد ئەندامی مەکتەبی سیاسی (ی.ن.ک) رایگەیاند لەبەر رۆشنایی ئەنجامەکانی هەڵبژاردنی خولی شەشەمی پەرلەمانی کوردستان و کۆبونەوەی مەکتەبی سیاسی دەبێت هەڵسەنگاندنی پێویست بکرێت بۆ ئەدای کاری ئۆرگانەکان و کادران تا لەسەر ئەو بنەمایە بەرنامەی یەکێتی دابڕێژرێت بۆ هەڵبژاردنی داهاتووی ئەنجومەنی نوێنەرانی عێراق.

لەو دیدارەدا هەڤاڵانی بەرپرسی بەشەکانی مەڵبەندی یەکی رێکخستنی سلێمانی بەگیانێکی یەکێتیانە، پێویستی پشتیوانی بۆ پەرەپێدانی کاری رێکخراوەیی و بەهێزترکردنی ریزەکانی رێکخستنەکانیان دووپاتکردەوە.