PUK Press

PUK Press ئێمە یەکێتین

خاتوو شاناز ئیبراهیم ئەحمەد پەیامێکی هاوخەمی بۆ کۆچی دوایی (مام عەلی سۆفی) بڵاودەکاتەوە، کەئەمە دەقەکەیەتی: زۆر غەمبارب...
12/02/2026

خاتوو شاناز ئیبراهیم ئەحمەد پەیامێکی هاوخەمی بۆ کۆچی دوایی (مام عەلی سۆفی) بڵاودەکاتەوە، کەئەمە دەقەکەیەتی:

زۆر غەمباربووم بەبیستنی هەواڵی کۆچی دوایی مام عەلی سۆفی ئەحمەد پێشمەرگەی ١٩٧٦ی یەکێتی نیشتمانی کوردستان و جوامێری کوردایەتی و شۆڕشی نوێ.

مام عەلی پێشمەرگە کۆڵ نەدەرەکەی کاتی تەنگانە بەڵێن دەدەم وەک چۆن لە کاتی گرتنی ئەو وێنەیەدا داوات لێ کردم کە یەکێتی بپارێزم و ووتت هیوامان پێتە ، هەر وەک چۆن هیوای ئێوە و پشتیوانتان بووم ئاواش درێژەپێدەری رێبازی مام دەبم.
درێژە پێدەری رێگەی هەموو ئەوانە ئەبم کە کەم ژیان و کەڵ ژیان ، ئەوانەی بە شکۆمەندی و نەبەردی و سەربەرزی ژیان ، ئەوانەی پەرۆشی و نیشتمانپەروەری و کورد و کوردستانی بوونیان هەڵبژارد.

پرسە و سەرەخۆشی لە خانەوادە سەربەرزەکەتان و خزمانی گوندی بێکڵۆی سنوری پشدەر ئەکەم و هاوبەشی خەم و پەژارەیانم، خواى گەورە سەبرو ئارامی بەهەموو لایەک ببەخشێت و ئەمە دوایین ناخۆشییان بێت.

شاناز ئیبراهیم ئەحمەد

شاناز ئیبراهیم ئەحمەد : من بەشێکم لەخەڵک و هەرگیز خۆم جیا نەکردۆتەوە
30/01/2026

شاناز ئیبراهیم ئەحمەد : من بەشێکم لەخەڵک و هەرگیز خۆم جیا نەکردۆتەوە

بانگەوازی مرۆیی بە داخ و پەژارەیەکی زۆرەوە هەواڵی جەرگبڕ و پڕئازار لەبارەی گەلی کوردەوە لە ڕۆژهەڵاتی سووریا (ڕۆژئاڤا)وە ...
20/01/2026

بانگەوازی مرۆیی

بە داخ و پەژارەیەکی زۆرەوە هەواڵی جەرگبڕ و پڕئازار لەبارەی گەلی کوردەوە لە ڕۆژهەڵاتی سووریا (ڕۆژئاڤا)وە دەبیستین، کە هاوڵاتییانی مەدەنی لە ژن و پیاو و منداڵ ڕووبەڕووی شاڵاوێکی دڕندانە دەبنەوە، ئەمەیش بە هۆی ئەو هەڵمەتە دڕندانەوەیە، کە چەند گروپێکی ناو سوپای سووریا و جیهادییەکان و داعشە ئازادکراوەکانی دوێنێی زیندانی شەدادی و زیندانەکانی تر، بەرپایان کردووە و شەپۆلێکی تری ئاوارەبوونی هاوڵاتییانی بەدوای خۆیدا هێناوە.
لەکاتێکدا داوا لە کۆمەڵی نێودەوڵەتی دەکەم، کە بکەونە خۆ و فشار بکەن بۆ ئاگربەست و ڕاگرتنی ئەم هێرشانە، هۆشداریشیان پێ دەدەم، کە ئەمە لێکەوتەی مرۆیی و سیاسیی زۆر خراپی لێ دەکەوێتەوە.
هەموو کۆمەڵگەیەک بە جیاوازی نەژاد و ئایین و ڕەچەڵەکییەوە، مافی یەکسانیی ژیان و ئازادی و ئارامی هەیە.
بە داخی زۆرەوە، لە گەلێک میدیا و سەرچاوەوە، قێزەونترین ڕەفتاری نامرۆڤانەی ئەو هێزانە دەبینین، کە گوایە نوێنەرایەتیی سوپای سووریا دەکەن، بەرامبەر ئەو خەڵکە بێتاوانەی، کە ١٤ ساڵە لەگەڵ جەنگ و کۆچدا دەژین.
بەرپرسیارێتیی هەموو ڕووداوەکانی سووریا لە ئەستۆی ئەو وڵاتانە دایە، کە لە نێوەندگیریی ڕێکەوتنی نێوان بەڕێزان ئەحمەد شەرع و مەزڵووم عەبدیدا بوون، وادیارە ئەم ڕێکەوتنەیش جێبەجێ نەکرا.


شاناز ئیبراهیم ئەحمەد
خانمی یەکەمی عێراق
٢٠/١/٢٢٦

11/11/2025

شاناز ئیبراهیم ئەحمەد بۆ ئەوانەی دەنگیان نەداوە: پەیڕەوی ئەم مافەی خۆتان بکەن لەدەستی مەدەن. بەشداربن با دەنگتان ببیسترێت.

پەیامێک بۆ فازل مەتنیجارێ یەکەم ناماقوڵیت کرد و نەک هەر تەنیا شەکرت شکاند بەڵکو قەندی کەرەجیشت شکاند!!ئەگەر ئەتەوێت لاپە...
10/11/2025

پەیامێک بۆ فازل مەتنی

جارێ یەکەم ناماقوڵیت کرد و نەک هەر تەنیا شەکرت شکاند بەڵکو قەندی کەرەجیشت شکاند!!
ئەگەر ئەتەوێت لاپەرەکانی خیانەت هەڵبدرێنەوە کێشە نیە باهەڵی بدەینەوە، بەڵام پێویستە پێشەکی بزانین لە فەرهەنگی ئێوەدا خیانەت و جاشایەتی و خۆفرۆشی بە واتای چی دێت و لای ئێمەی کوردیش بەچی ؟
تۆ باسی شەستەکانت کرد بەڵام من پێم باشە بگەڕێنەوە بۆ چلەکان و بەتایبەتی بۆ سەردەمی کۆماری مەهاباد، ئەرێ ئەوە باوکی من بوو کە پشتی کردە پێشەوا و لەچاوتروکانێکا بە جۆگەلەی ئاراسا پەریەوە و بەجێیهێشت ؟؟ ئەرێ ئەوە باوکی ئێوە بوو کە باوکی منی لە رووسیاوە دووبارە گەڕاندەوە عیراق و کردیە ئەوەی کە بوو و پاشان خیانەتی لێکرد یا باوکی من بوو؟
ئەوە باوکی من بوو لە سەرەتای شەستەکانا تەیارەی باجرو سۆخۆی و دەبابەی حکومەتی عیراقی ناردە سەر لادێ و ژن و مناڵی ئێوە لە کانی حسێنی؟؟ ئەی ئەوە باوکم بوو کە ئاگری بەردایە ماڵە گڵییەکەتان و کتێب و یادگاریەکانی مناڵی رابووردووتانی سوتاند ؟ ئەرێ ئەوە باوکی من بوو یا باوکی ئێوە بوو کە بە شانازیەوە گووتی من قەیتانی پێلاوەکانی عەبدوالکریمم ؟ ئەرێ ئەوە باوکی من بوو یا باوکی ئێوە بوو کە پەیماننامەی ئازاری لە پشتەوە بە دەرهێنانی کەرکوک لە
موعادەلەیەکا واژوو کرد بە بێ گوێدانە گرنگی و ماندووبوونی ئەوانەی کە کەرکوکیان بە گرنگترین خاڵی ئەو پەیماننامەیە دانابوو ؟ ئەری ئەوە ئێوە بوون یا باوکی من بوو کە ئاشبەتاڵی کرد و چەمایەوە و دەستی شای ئێرانی ماچ کرد ؟ باوکی من تەرمی سلێمانی موعینی و برادەرانی دایەوە ئیران ؟ ئەرێ ئەوە باوکی من نەبوو کە لە مەلا مستەفا پاڕایەوە و ووتی کاک عەلی عەسکەری ودکتۆر خالید و شێخ حسین ئازار مەدە با ناکۆکییەکان قووڵتر نەبنەوە ؟ باوکم تاوانی هەکاری ئەنجامدا ؟
ئەرێ ئەوە باوکی من بوو یا ئێوە بوون کە دەبابەی سەدامتان هێنایە ناو هەولێری پایتەختەوە و پەرلەمانی بەخوێن دەستکەوتووی گەلەکەمانتان داگیر کرد ؟؟ ئەرێ ئەوە باوکی من بوو یا ئێوە بوون کە زیاتر لە نەوەد ئەفسەری ئەندامی ئای ئێن سی و ئوپۆزسیۆنی عیراقی کە لە هەولێرەکەمانا پەنابەر بوون رادەستی سەدامی کردن و لە سێدارەی دان ؟ ئەرێ ئەوە ئێمە بووین یا ئێوەبوون کە لە بەرەبەیانا شەنگالتان رادەستی داعش کرد و رێگەتان دا لە بازارەکانی رەقەدا کڕین و فرۆشتن بە کێژۆڵە نازدارەکانمانەوە بکرێت؟ ئەرێ باوکی من نەوتی هەرێمی تاڵان فرۆش کرد ؟ ئەرێ ئەوە باوکی من بوو یا ئێوە بوون کە بە ریفراندۆمێکی بێ سەروبەر لەسەدا پەنجا و یەکی خاکی کوردستانتان بە کەرکوکیشەوە لەدەستدا ؟ ئەرێ ئەوە ئێوە نین کە شاری ئازیزی قەڵا و منارەتان کردوەتە شانۆیەک بۆ سەماکەرو کچە مۆدێل و ئاست نزمەکانی ئەملاو و ئەولا؟ پێ ئەچێت کە تێکەڵاویتان لەگەڵ دەرودراوسێکاندا کاریگەری لەسەر زمانتان دروست کردبێت !! چونکە بافڵ باسی سەردەمێکی کرد کە هەمووان شاهێدین و تێیدا ئەژین کەچی تۆ باسی هەڵتەکاندنی قەبری مردوو ئەکەیت .. !!
ئەگەر چی ئێمە وا پەروەردە نەکراوین کە بێرێزی بەرامبەر بە مردوو بکەین بەس توو زۆر زیاد رۆیشتیت و کارێکی واتکرد کە پڕیشکی هەڵتەکاندنی قەبرێک، قەبرەکانی خوشتان هەڵتەکێنێت ..!! گەر پێویستت بە بەڵگەش هەیە دەتوانم نامەکانی خوالێخۆشبووان پێشەوا قازی محمد و مەلا مستەفا و ئیدریس بارزانی و تۆمارە دەنگیەکانی نێوان باوکم و خودی کاک مسعودی کاتی شەڕی ناوخۆ و بەڵگە نامەکانی ئەحمەد چەلەبیت بۆ بڵاو بکەمەوە؟
خۆ کە ئێمە بێدەنگین مانای ئەوە نیە کە زمانمان قرتاوە و پەنجەکانمان هەڵوەریون.. ئێمە هەست بە بەرپرسیارێتی ئەکەین بەرامبەر بە ژیانی هاووڵاتیانمان و ڕاگرتنی ئاشتی و تەبایی و ئارامی و سەقامگیری هەرێمەکەمان.
بابەت زۆرن کە لێرەدا جێی نابێتەوە و ئەمەوێت بگەرێمەوە سەر بەیانەکەی کە لە یانزەی ئازاردا بڵاوتان کردەوە، ئەگەر ووردەکارییەکانی ناو پەیماننامەکەشم لەیاد کردبێت هەرگیز لافیتەکانم لەیاد نەکردوە کە بە خەتی خۆم نوسیم و بەدیوارەکانی بەغدایا بۆمان هەڵواسین گەر بیرت چووە بابیهێنمەوە بیرت کە چی لەسەر نوسرابوو (یا من تعب یا من شگە یا من علە الحاضر لگە )..
بەداخەوە ئێوە هەر وابوونە و هەموو شتێکتان بۆ لواوە بۆیە باکتان نە بە مردوو و نە بە زیندووش نیە…. وا ئەزانن بۆ بەدەست هێنانی کورسییەک ئەتوانن دەستی چەوری خۆتان بە سەرە بەرزەکان بسڕن.

شاناز ئیبراهیم ئەحمەد
١٠-١١-٢٠٢٥

سەرۆک بافڵ جەلال تاڵەبانی کۆتایی بە قەیرانی مووچە هێنا
17/07/2025

سەرۆک بافڵ جەلال تاڵەبانی کۆتایی بە قەیرانی مووچە هێنا

24/06/2025

لیژنەی ئەمنی سلێمانی خۆپیشاندانەکەی دواخست

هاووڵاتییەكی شاری هەولێر دەڵێت لەلایەن شارەوانی هەولێرەوە خانوەكەی ڕووخێندراوەوێنە؛ حەسەن ئەحمەد
10/06/2025

هاووڵاتییەكی شاری هەولێر دەڵێت لەلایەن شارەوانی هەولێرەوە خانوەكەی ڕووخێندراوە
وێنە؛ حەسەن ئەحمەد

رێورەسمی پێشوازی سەرکردەکانی UNOC3 لەفەرەنساسەرۆک کۆمار و خانمی یەکەم به شداری له ئاهەنگی پێشوازی له سەرکردەکان و سەرۆک...
08/06/2025

رێورەسمی پێشوازی سەرکردەکانی UNOC3 لەفەرەنسا

سەرۆک کۆمار و خانمی یەکەم به شداری له ئاهەنگی پێشوازی له سەرکردەکان و سەرۆکی وڵاتانی بەشداربووی کۆنفرانسی ئۆقیانووسانەکـان دەکەن

بەڕێز سەرۆک کۆمار د.لەتیف جەمال ڕەشید و خانمی یەکەم خاتوو شاناز ئیبراهیم ئەحمەد، ڕۆژی یەکشەممە 8 ی حوزەیرانی 2025 لە نیس ئامادەی ئاهەنگێکی پێشوازیکردن بوون کە لەلایەن سەرۆکی فەڕەنسا ئیمانوێل ماکرۆن بۆ ڕێزلێنان لە سەرکردە و سەرۆک وڵاتان و وەفدەکانی بەشداربووی سێیەمین کۆنفرانسی نەتەوە یەکگرتووەکان سەبارەت بە ئۆقیانوسەکان سازکرا.

لە کاتی گەیشتنی بەڕێز سەرۆک کۆمار و خانمی یەکەم بۆ شوێنی پێشوازیکردن لە لایەن سەرۆکی فەڕەنسا و خاتوو بریجیت ماکرۆن هاوسەری پێشوازییان لێکرا و سەرۆک ماکرۆن و هاوسەرەکەی بەخێرهاتنی سەرۆک کۆمار و خانمی یەکەمیان کرد و دەستخۆشییان لە بەشداریکردنیان لە کۆنفرانسەکەدا کرد کە ئەمەش ڕەنگدانەوەی بایەخ و پەرۆشی عێراقە بۆ دروستکردنی پردی هاریکاری بۆ ڕووبەڕووبوونەوەی تەحەداکانی گۆڕانی کەشوهەوا و ژینگە و پاراستنی سەرچاوەکانی ئاو.

بەڕێز سەرۆک و خانمی یەکەم سوپاسگوزاری خۆیان بۆ بانگهێشتەکە دەربڕی و هیوای سەرکەوتنیان بۆ کۆنفرانسەکە خواست و هیوایان خواست بڕیارەکان بۆ خزمەتی مرۆڤایەتی دەربکرێن.

شاناز ئیبراهیم ئەحمەد خانمی یەکەمی عێراق لەپەیامێکدا پیرۆزبایی لە پەروین بوڵدان دەکات، ئەمە دەقەکەیەتی: پیرۆزبایی لە خات...
03/06/2025

شاناز ئیبراهیم ئەحمەد خانمی یەکەمی عێراق لەپەیامێکدا پیرۆزبایی لە پەروین بوڵدان دەکات، ئەمە دەقەکەیەتی:

پیرۆزبایی لە خاتوو پەروین بوڵدان دەکەم بەبۆنەی دەستنیشانکردنی وەک جێگری سەرۆکی پارلەمانی تورکیا.

سەرکردایەتیکردن و هەوڵە بێووچانەکانی بۆ زامنی یەکڕیزی و دادپەروەری و ئاشتی جێی شانازی و پێزانینە.

هیوای سەرکەوتنی بەردەوامی بۆ ئەخوازم لە بنیاتنانی دوارۆژێکدا کە هەموو پێکهاتەکانی گەل لەخۆبگرێت، بەتایبەت پرۆسەی ئاشتی کە ئێستا کەوتۆتەگەڕ.

Address

Sulaimaniya
00964

Website

Alerts

Be the first to know and let us send you an email when PUK Press posts news and promotions. Your email address will not be used for any other purpose, and you can unsubscribe at any time.

Contact The Business

Send a message to PUK Press:

Shortcuts

Share

Category