18/09/2025
اغرب موقف جامعي صار ويايه
خلصت المحاضرات وگلت خلي أرتاح بالقاعة لان بعد ساعتين يلا الخط يطلع، شغلت السبلت الكونتوري وگعدت على الكرسي الدوار وساد بابي حسيت نفسي ابيتي…
اخذت غفوة "VIP" بدون مادري وكعدت ، گلت يلا للخط. أفَتح الباب… الباب مقفول!
منو مرحوم الديـن اللي حب يسويلي تجربة "Escape Room" ببلاش؟ 😭
دگيت الباب مثل عريس محبوس ببيت العروس، واخابر أصدقائي محد يجاوب. حسيت نفسي بسجن أبو غريب النسخة الجامعية.
الحصار النفسي وصل لدرجة گلت بعد شويه أكتب وصيتي عالسبلت.
بس الحمد لله الشباب تلاحكولي، جابوا المفتاح وطلعوني… وگلتلهم: هاي أول وآخر مره أعرف شعور السجن وفقدان الحرية، بدون ما أسوي جريمة!
احجولي مواقف صارت وياكم
