10/12/2025
73 سال خەبات و تێکوشانا بێ راوەستیان ژ بۆ پاراستنا وەلات و کەرامەت و ئازادییێ .
ل بیرەوەریا 73 ساڵییا دامەزراندنا ئێکەتیا ئافرەتێن کوردستانێ، ب هەمی شانازیێ رۆلێ خەباتگێری یێ پر رێز یێ ئافرەتا کورد دهێنینە بیرا خو یا کو چ جاران ژ هەڤکێشا خەباتێ دیرنەبووی، بەلکو د رێزا پێشیێ دا بوویە، و قوربانی و شەهید داینە ژ بۆ پاراستنا وەلاتی و کەرامەت و ئازادییێ.
ئافرەتا کورد، د درێژاهیا دیرۆکا خەباتێ دا سەلماندیە کو ئەو هەڤپشکا خوین و قوربانیدانێ یە، ل گەل رۆلێ وێ د خۆراگریێ و پەروەردەکرن و ئاڤاکرنا جڤاکی دا، ئەڤ چەندە ژی کریە سیمبۆلەک ژ بۆ ئیرادە و بەخشینا نشتیمانی.
ژ ڤێ باوەریێ، پارتی دیموکراتی کوردستان، درێژەپێدەرا رێبازا بارزانی ، پشتەڤانەکێ بەردەوام بویە ژ بۆ رۆلێ ئافرەتێ، باوەریا وێ ب مافێ وێ هەبوویە د پشکداریکرنا سیاسی و جڤاکی دا، و ب جهکرنا وێ د پۆستێن بەرپرسیاری و بڕیارێ دا.
و ب ڤێ هەلکەفتێ، ب هەمی شانازی پیرۆزباهیێ ل ئێکەتیا ئافرەتێن کوردستانێ دکەین، و رێزێ ل هەول و خەباتا وان یا سياسى ، ئيدارى ، جڤاکی دگرین، هەروەسا پشتەڤانیا خو یا تمام و بەردەوام ژ بۆ ئێکەتیا ئافرەتێن کوردستانێ دووپات دکەین .
هزار سلاڤ ل گیانێ پاکێ هەمی شەهیدێن وەلاتی
و سلاڤا شانازیێ ل هەمی ئافرەتێن کوردستانێ یێن خەباتگێر .
عومەر ئۆرەیی
بەرپرسێ لقی 8 یێ پارتی ل زاخو
