Castor Media

09/09/2025

Vissir þú að Castor veitir líka ráðgjöf og stuðning í tæknimálum fyrir sjónvarp og bíó?

Til viðbótar við að hafa sjálfir smíðað útsendingarbíl og myndverið okkar, þá var Ingimar að koma heim frá Ameríku þar sem við sáum um ráðgjöf og verkstjórn við endurbætur á 42 ára gömlum útsendingarbíl fyrir svæðisstöðvar Sinclair Broadcasting í Fresno! Við breyttum innra skipulagi, endurnýjuðum allan hljóðbúnað með Dante og settum upp Xpression grafikkerfi frá Ross.

Hér má sjá bílinn á lokametrunum - en hljóðstjórn og replay er fyrir aftan tækjarekkana. Það gerir enginn athugasemd við það að fara út til að komast á milli rýma í Fresno - þó sú lausn henti kannski síður hér heima!

25/08/2025

Melrakkasléttan verður ráðandi í dagskrá RÚV laugardagskvöldið 6. september. Castor framleiddi bæði glæsilega tónleikamynd og heimildarþátt og við getum ekki beðið eftir því að deila þessu með ykkur!

Það var Ingimar Eydal sem stýrði tónleikaupptökunni, Rafnar Orri leikstýrði heimildarmyndinni og Örlygur Hnefill framleiddi allt heila klabbið.

Laugardagskvöldið 6. september á Rúv! Upptaka frá tónleikum Skálmaldar í Heimsskautagerðinu við Raufarhöfn!

26/07/2025

Upptökubíllinn okkar er í Vaglaskógi í dag - við tökum upp dagskrána á sviðinu fyrir heimildarmynd, sjáum um mynd fyrir IMAG og reddum meiraðsegja hljóðmixi fyrir beina útsendingu á Bylgjan. Virkilega gaman að fá að vera partur af þessari merku helgi!

17/07/2025

í Ásbrekku. Töfrar festir á filmu.

12/05/2025

Castor Media var á Akureyri Energy Seminar í síðustu viku og festi á filmu. Við notuðum upptökubílinn (sem einmitt er rafknúinn og umhverfisvænn) sem klippisvítu á hjólum og vorum tilbúnir með þetta myndband við fundarlok 🥳👏🎉
Takk EIMUR fyrir samstarfið og traustið.

11/05/2025

Þarna værum við til í að sjá upptökubílinn okkar sem oftast 🥰

07/05/2025

Castor miðlun vinnur mikið með tæknibúnað frá Blackmagic Design, og við erum stöðugt að leita að nýjum og frumlegum leiðum til að miðla efni. Þess vegna elskum við svona sögur:

Hljómsveitin KoЯn hélt nýverið 30 ára afmælistónleika sína. Með hjálp Blackmagic Camera smáforritsins og Blackmagic Cloud tókst að virkja yfir 200 aðdáendur til að taka upp efni á eigin síma og deila því beint í verkefnið í DaVinci. Þannig verður tónleikaupptakan full af einstöku myndefni frá sjónarhorni aðdáendanna sjálfra. Við hlökkum til að prófa þetta hér á landi. Sjáðu myndbandið hér: http://bmd.link/RWtJUq

25/04/2025

Okkar eigin ofurframleiðandi Örlygur vippaði þessu fram úr erminni fyrir félaga okkar hjá BBC á mettíma - og það meiraðsegja þó hann væri á Tenerife. Það var snillingurinn Rafnar Orri Gunnarsson sem leikstýrði, Elvar Örn Egilsson sá um kvikmyndatöku.

Remember Monday travelled to Iceland to film a cover of My Hometown, from Netflix's Fire Saga movie.

29/03/2025

29/03/2025

Verkefnin eru stundum misjöfn. Castor Media er að sinna streymi á MMA bardaga í Iowa fyrir XFC deildina. Streymum beint frá Xstream Arena í Iowa til sjónvarpsstöðva í USA, Kanada og Brasilíu, ásamt Youtube og Triller.

21/01/2025

Við höldum áfram för okkar um Norðurland! Á morgun verðum við á Ólafsfirði, fyrir utan Menntaskólann á Tröllaskaga kl. 11 og eftir hádegið verðum við á Akureyri, fyrir utan Drift EA á Ráðhústorgi. Hvetjum alla sem hafa áhuga á dagskrárgerð og kvikmyndagerð á svæðinu til þess að koma og hitta okkur!

20/01/2025

Kærar þakkir Húsavík!

Við þökkum þeim sem kíktu á okkur fyrir utan Stéttina á Húsavík í dag. Á miðvikudaginn verðum við með bílinn fyrir utan Menntaskólann á Tröllaskaga á Ólafsfirði kl. 11 og fyrir utan Drift EA á Akureyri kl. 14. Við höfum mikinn áhuga á að hitta sem flesta og ræða hugmyndir og samstarf.
Við endum svo túrinn á Sauðárkróki á föstudag.