Myndarsögur

07/03/2026

Bíó Paradís, í samstarfi við Franska sendiráðið og Alliance Française, bjóða upp á listasmiðju í tengslum við sýningu myndarinnar Arco sunnudaginn 8. mars kl 14:00.

Bíó Paradís býður upp á tilboðið: „Tveir fyrir einn“ á þessa sýningu. Hægt er nýta tilboðið bæði í netsölu og miðasölu á staðnum.

Myndin vann sem besta teiknimyndin á Evrópsku kvikmyndaverðlaununum, hlaut hin virtu César verðlaun fyrir bestu teiknimyndina, var tilnefnd til Golden Globe verðlaunanna og Óskarsverðlauna 2026 sem besta teiknimyndin.

Að myndinni lokinni verður skapandi teiknismiðja með Aron Daða Þórissyni. Viðburðurinn hentar öllum aldurshópum - ungum sem öldnum!

Aron Daði Þórisson er útgefandi fyrir safnritið Myndarsögur á Íslandi sem taka saman og setja fram það besta í íslenskri myndasögugerð. Hann hefur kennt áfanga í myndasögugerð við Myndlistarskóla Reykjavíkur ásamt smiðjum um víðan völl. Hér ætlar hann að bjóða ykkur að taka þátt á skapandi teiknismiðju þar sem ykkur er boðið að dreyma upp framtíðina sem þið viljið sjá. Öll velkomin.

Sjáið meira frá honum og fleiri listamönnum inni á Myndarsogur.is

Um myndina:

Arco er frönsk teiknimynd frá 2025 sem sameinar vísindaskáldskap, ævintýri og vináttu. Sagan fjallar um tíu ára gamlan dreng sem kemur frá fjarlægri, bjartri framtíð þar sem tímaferðalög eru möguleg. Í tilraun til að fljúga á eigin vegum lendir hann óvart árið 2075, þar sem hann hittir unga stúlku að nafni Iris sem tekur hann inn og hjálpar honum við að reyna að koma aftur til síns tíma. Myndin kannar vináttu, forvitni og áskoranir í framtíðarheimi sem er bæði óvenjulegur og kunnuglegur.

Myndin er sýnd á frönsku með íslenskum texta.

Nánar: https://bioparadis.is/mynd/801_arco/

26/02/2026

Allir eru að slaka á og njóta sín niður við umferðina. Þegar kisa kemur. Einhver klappar henni of vel og hún fer ekki. Vill bara lenda í æfintýrum með þeim.

Löw

Haha

Let’s do it!

Solidarity

——
Það þurfti ekki mikið til að sannfæra alla. Þau voru á leið í glimmerhellinn.

—-

Glimmerhellirinn er fullur af furðum. Dularfullur og djúpur. Og í gegnum hann rennur áin.

—

Þau sigla á bátum. Eplabát, appelsínubát, bananabát og vínberi. Þau mæta öldungi á leiðinni.

—-

Þau verða vitni að fæðingu kúkalabba.

—-

Sigla svo í gegnum skóginn. Þar sem skógsveinarnir finna þau og þau verða að flýja og týnast.

—-

Þau finna torfæruna. Þar sem kúkalabbarnir keyra upp og hrynja niður allan liðlangan daginn. Þar til þeir breytast í blóm.

—-

Þau fara svo inn í nóttina. Klöngrast í henni. Þar sem allt virðist leiða að því næsta.

—

Þau fara á fallegasta stað í heimi.

—-
Þau hitta páfann. Þau tefla við hana.

23/02/2026

Kúkalabbar eru komnir á fullt skrið. Það eru komnar nokkrar skyssur af senum. Svo á bara eftir að útfæra fleiri karaktera til að mæta á svæðið. Nokkur drög af lögum komin á borðið og allt að môtast hægt og rólega.

Við byrjum í þorpinu þar sem einn krakkinn klappar aðkomukisu of vel svo hún fer að elta hann um allt.

Krakkarnir eru að hlusta á umferðarniðinn í gerfiumferðinni sem að býr til gufu upp í loftið. Margir fara þar til að hugleiða eða njóta eða bara hitta vini og hanga.

Þau ákveða að fylgja kisunni í átt að kúkalöbbunum handan við fjöllin. Þau fara gegnum glimmerhellinn. Á ávaxtabátum. Koma svo inn í skóginn. Þar eru Skógsveinar sem elta þau. Vilja fórna þeim til sólarinnar.

Þeim tekst að flýja og þau koma að torfærubrekkum. Þar keyra menn upp og velta niður allan liðlangan daginn. Svo breytast þeir í blóm neðar á völlunum.

Þau hitta páfann og þurfa að tefla við hana.

Hitta sófakartöflu

Fara inn í nóttina

Og fara á fallegasta stað í heiminum

16/02/2026

Hvað ef við tökum frá vikuna nú í lok Febrúar og búum til eitt stórt margmiðlunarverkefni um æfintýri nokkurra barna sem reyna að komast í gegnum heimsendalandslag eftir að hræðilegur sjúkdómur hefur breytt öllum í kúkalabba.

Öllum er velkomið að taka þátt í að skapa þennan heim á hvaða hátt sem er. Tónlist, hugmyndir, persónur, pappírsbæir, umhverfi, hreyfing litir og líf. Endilega verið með!

Okkur vantar þetta allt og meira til.

Ég ímynda mér að þetta verði um 7 senur og 7 lög. Með um 10-15 persónum. En sjáum til hverju við getum náð fram.

Þér er velkomið að hafa samband á [email protected] til að taka þátt. Allar hugmyndir, persónur, lög, ljóð og viðbætur eru velkomnar. Því meira, því betra.

Það er enginn tími til að gera hlutina fullkomna og enginn tími til að ofhugsa neitt. Við bara búum þetta til, hvað sem það verður.

Fleygjum fram hugmyndum og pælingum núna með ógnarhraða. Klárum allt svo á milljón eftir viku. Verkefninu lýkur svo í enda febrúar.

Vávává!

Spenanndi!

Hlakka til að vinna þetta með ykkur!

15/02/2026

Hvað ef við tökum frá vikuna nú í lok Febrúar og búum til eitt stórt margmiðlunarverkefni um æfintýri nokkurra krakka sem þurfa að takast á við stærstu ôgn lífs síns.

Í dalnum býr fólkið. Verndað, óhult, laust við áhyggjur. Allt í kring og handan við fjöllin geysar heimsfaraldur. Hræðilegur sjúkdómur sem hefur breytt öllum í kúkalabba.

Höfum ekki þróað mikið meira núna. En vinnum áfram í þessu og förum í allt af fullum krafti núna í lok febrúar.

Endilega verið með! Okkur vantar, hugmyndir, persónur, hús og umhverfi, tónlist, leik og hvað sem er hægt að setja inn í svona verkefni.

Hlökkum til að vinna þetta með ykkur!

01/02/2026

Stundum eru bara fuglar útum allt. Stundum eru þeir hvergi. En ég hef alltaf solldið gaman af þeim. Þeir virðast einhvern vegin bara vera til og finna útúr því. Klárir þannig. Veit að þegar þeir ákveða einn daginn að hella sér út í stjórnmál að það verður flókið að takast á við alla spillinguna. En þangað til er bara hægt að njóta og sjá hvað þeir taka sér fyrir hendur. Með engar hendur.

Ef þú vilt senda inn fugl í fugl vikunnar ekki hika við að senda á okkur. Það þarf alltaf fleiri fugla. Sama hvað!

26/01/2026

25/01/2026

Myndarsögur til sölu

18/01/2026

Vikulokin. Eins og augnlokin. Ljúka sér af þegar öllu er lokið. Það er hægt að líta á lífið frá mörgum hliðum. Á stóru menningarviðburðina sem eiga sér stað allt um kring. Á klósettunum og flugvöllunum. En hvað er það sem þarf til þess að þetta gangi allt saman upp og hverjir fá að finna fyrir því? Þetta er það sem við viljum finna. Í gegnum það að skapa samtal hvort við annað og hvað eftir annað finna eitthvað annað sem kemur okkur af stað og fær okkur til að finna ástæðu til að setja eitthvað fram, leggja okkur fram. Svo við getum lokað augunum. Vitandi það að við sáum hvað við gàtum og gerum eitthvað meira fyrir það næsta og það nærsta.