Krossgötur

09/06/2026

Veist þú hvað hugtakið „foid“ þýðir? Í þessari dúndurgrein fer Þorsteinn Siglaugsson beint inn að kjarnanum á þessu hvimleiða net-slangri, sem er í raun hluti af skipulögðu kvenhatri í skúmaskotum internetsins.

Þorsteinn er næstum því óþægilega sannur og þjarmar rækilega að hættulegri hugmyndafræði og flettir ofan af fordómum sem eru að smitast úr afkimum netsins yfir í meginstrauminn.

Þörfin fyrir femínisma í nýrri og uppfærðri mynd hefur sennilega aldrei verið meiri.

Hlekkur á greinina á Krossgötum er í athugasemdum.

19/04/2026

Handtaka Ahmed Eldin í Kúveit er rökstudd með vísan í að upplýsingamiðlun hans sé „ógn við þjóðaröryggi“, ásakanir sem samtök á borð við Committee to Protect Journalists telja hluta af háskalegri þróun þar sem þjóðaröryggi sem hugtak er notað sem réttlæting fyrir þöggun í fjölmiðlum og stýringu á narratívi (sögugerð).

19/04/2026

Mál rannsóknarblaðamannsins Ahmed Eldin minnir óþægilega mikið á mál Julian Assange. Enn á ný hefur blaðamaður verið sviptur frelsi sínu eftir að hafa miðlað efni úr stríðsátökum, nú á milli Bandaríkjanna og Íran. Hann hefur verið einn frambærilegasti og ötulasti talsmaðurinn gegn þjóðarmorðinu í Palestínu. Nú hefur Instagram-reikningi hans verið eytt og honum haldið föngnum síðastliðnar s*x vikur. Án dóms. Þögnin er ærandi! Enn á ný er blaðamennsku ógnað þegar yfirvöld misnota lögin.

Handtaka rannsóknarblaðamannsins Ahmed Eldin er nýr prófsteinn á fjölmiðlafrelsi.

31/12/2025

Thorsteinn Siglaugsson skrifar áramótahugvekju sem færir okkur jólaboðskapinn ekki sem friðsæla helgisögu heldur sem ákall um djúpstæðar samfélagsbreytingar. Greinin tengir röskun á hefðbundnum kynjahlutverkum við víðari samfélagslega umbreytingu og setur hana í samhengi við samtímann, þar sem hefðbundin gildi og valdakerfi standa á tímamótum.

Með þökk fyrir árið sem er að líða og hugheilumáramótakveðjum🌟

„Á svona tímum þurfum við súrrealisma“ sagði gamall vinur við mig um daginn. Og hvað er súrrealískara en meyfæðingin? Það má vel hafa um hana sömu orð og Tertullianus hafði um upprisuna: „Það er ómögulegt, þess vegna er það ábyggilegt“.

24/11/2025

"... þau kafa í verkið, brjóta upp textann, blanda saman þýðingum, bæta inn, sleppa úr, skapa nýtt samhengi, hræra saman listformum og þannig ná þau að tengja kjarna þessa mikilfenglega harmleiks við veruleika þeirra sem á horfa. Þau greina persónurnar, samskiptin, tilfinningarnar, kjarnann í þessu verki og þau grafa upp þennan gimstein, þurrka af honum óhreinindi aldanna og leyfa honum að skína í öllum sínum mikilfengleik þannig að áhorfandinn sjái hann, heyri hann, upplifi hann, taki af einlægni á móti spurningunum sem hann spyr. Þetta er ekki auðvelt. Það er í rauninni næstum ofurmannlega erfitt. En þeim tókst það. Ykkur tókst það, Kolfinna Nikulásdóttir og Sigurbjartur Sturla Atlason"

En á meðan til er fólk sem getur skapað listaverk á borð við þessa nýju uppfærslu á Hamlet þá lifir það sem á endanum skiptir öllu máli: Listræni sköpunarkrafturinn, hugrekkið og heilindin, og þessi kraftmikla og hrokafulla uppreisn gegn lágkúrunni.