Fljúgum hærra

14/07/2026

Þeir sem sakna Lindu, sem ég veit að eru margir, ættu að fara á vefinn hjá RÚV og hlusta á hana segja frá Hljóðrás ævi sinnar á Rás 1.
Og svo er aldrei að vita nema hún snúi til baka hérna í hlaðvarpið með haustinu. það verður nú gaman!!

Umsjón með Hljóðrás ævi minnar þessa viku hefur Linda Ásdísardóttir.

08/07/2026

Nýr þáttur fór í loftið í morgun eftir langa bið.
Blame it on the sun, eins og Stevie Wonder sagði í kvæðinu. Þegar veðrið er búið að vera svona sólríkt og fínt eins og er búið að vera þá er eins og maður sé skyldugur til að vera úti og njóta þess því þú veist aldrei hvenær dettur svo í grámyglu og rigningu í 6 vikur.
En í þessum þætti segi ég frá viðburðaríkri ævi George Michael og sorglegum endi þegar hann var enn í blóma lífsins.

Hvað svo sem sumum okkar, og þar á meðal mér, finnst um Wham! þá getur enginn sagt annað en að George Michael hafi verið frábær söngvari og líka lagahöfundur og oft vanmetinn sem slíkur.Hann gaf ekki út margar sólóplötur á ferlinum en þar er að fi...

31/05/2026

Í síðasta þætti var farið yfir feril Guns´n´Roses og m.a minnst á að hljómsveitin hafi spilað á Monsters of Rock festivalinu 1988.
Það voru rúmlega 100.000 manns sem mættu það árið og hafa aldrei verið fleiri og var eftirvæntingin eftir að sjá G´n´R gríðarleg. Þarna var Appetite for Destruction loksins búin að slá í gegn.

Ég var á þessum tónleikum enda mega aðdáandi G´n´R á þessum tíma. Ég man alveg eftir að Axl hafi á einhverjum tímapunkti stoppað tónleikana og beðið fólk að færa sig aðeins aftar þar sem að troðningurinn við sviðið var orðinn svo mikill.
En það var ekki fyrr en eftir á að við heyrðum fréttir af því að það hafi fjöldi fólks troðist undir og tveir látið lífið sem var skelfilegt og árið eftir var hátíðin ekki haldin.

En það hefur örugglega verið stuð baksviðs og hér eru Lemmy og Lars Ulrich að mingla við þá G´n´R stráka og Dave Mustein en Megadeth spiluðu einmitt líka þennan sama dag

20/05/2026

Nýr þáttur fór í loftið í morgun á þessum sólríka og fallega degi.
Í þetta skiptið eru það Guns ´n´Roses, "the most dangerous band in the world" eins og þeir voru kallaðir á sínum tíma. Hljómsveit sem gaf út 4 stórar plötur með frumsömdu efni á ferlinum en er enn að fylla stórar íþróttahallir út um allan heim hlítur að hafa gert eitthvað stórkostlegt.

Margir segja að Guns ´n´ Roses séu síðasta risa rokk bandið sem komið hefur fram á sjónarsviðið. Þeir spiluðu sína blöndu af pönki, blues og classic rock og komu með, eins og einhver sagði "danger, attitude and legitimacy" þegar hair metalið hafði...

27/04/2026

David Bowie hafði verið mikill aðdáandi Velvet Underground og þegar hann sjálfur var búinn að skjótast upp á stjörnuhimininn með Ziggy Stardust þá hefur hann samband við útgáfufyrirtæki Lou Reed og býðst til að sjá um upptökur á næstu sólóplötu hans, sem var nr 2 í röðinni eftir að hann hættir í Velvet.
Þó sú fyrsta hafi vakið jafn mikla athygli og Morgan Kane bók í Góða Hirðinum þá var allt annað uppi á teningnum þegar platan Transformer kemur út 1972 þar sem að Bowie og Mick Ronson voru við stjórnvölinn. Walk on the Wild Side og allt það.
Reed og Bowie voru best buddies meðan á því stóð og mingluðu við aðrar rokkstjörnur af öllum stærðargráðum. Hér eru þeir með Iggy Pop og Mick Jagger og er ekki annað hægt að segja en að fari vel á með þeim.
Allt um Lou Reed í nýjasta þætti hlaðvarpsins

21/04/2026

Nýr þáttur fór í loftið í morgun!
Þar er það Lou Reed sem er umfjöllunarefnið. Hann er væntanlega þekktastur fyrir að vera aðal maðurinn í Velvet Underground og kannski í seinni tíð fyrir að hafa fengið 7 milljónir Metallica aðdáenda til að fá heilablóðfall af hneikslan og reiði þegar Lulu platan kom út sem var samstarfsverkefni þeirra tveggja.

Einhver blaðamaðurinn sagði um Lou Reed: Það eru til allskonar áhrifavaldar. Sumir hafa áhrif á ákveðna bylgju tónlistar meðan aðrir hafa áhrif á ákveðna kynslóð. Áhrif Lou Reed náðu langt út fyrir eina tónlistarbylgju eða eina kynslóð heldur náði...

16/04/2026

Það er unnið hörðum höndum fram á kvöld að klára næsta handrit og vonandi fer nýr þáttur í loftið eftir helgina. Því hver vill hafa svona brúnaþungan ritstjóra horfa á mann ásökunaraugum í marga daga í viðbót?

09/04/2026

Það er alltaf gaman þegar ný og skemmtileg hlaðvörp um tónlist fara í loftið.
Þeir Addi í Sólstöfum og Gísli kenndur við Sororicide og maðurinn á bak við Sátuna á Stykkishólmi, sem er metnaðarfyllsta tónlistarhátíð á Íslandi, eru nýlega byrjaðir með hlaðvarpið Bastards þar sem þeir ræða um metal í þyngri kantinum.
Ég er alla vega búin að rifja upp hvað mér finnst Celtic Frost frábær hljómsveit.
Hægt að hlusta á Spotify og væntanlega líka Apple Podcast og jafnvel fleiri stöðum

27/03/2026

Nýjasti þátturinn er um enga aðra en kóngana sjálfa í Metallica.
Ef einhver hefur verið að velta fyrir sér hvernig Lars Ulrich fékk þetta stórkostlega trommusánd sem er á St. Anger plötunni þá er hér mynd af settinu sem hann notaði...

26/03/2026

Glænýr og brakandi þáttur fór í loftið í morgun og þar er það hvorki meira né minna en kóngarnir í Metallica sem fá sína umfjöllun.
Mæli með að setja eina eða tvær Metallica plötur á fóninn í tilefni dagsins....hvað sem er nema St. Anger

Metallica er án nokkurs vafa ein áhrifamesta og goðsagnakenndasta metal hljómsveit sögunnar. Ferill þeirra spannar áratugi og milljónir aðdáenda um allan heim hafa hlustað á lögin þeirra, mætt á tónleika og keypt plötur allar götur síðan Kill ´em ...