Kaiku Sound

07/02/2025

Við erum stolt af því að vera einn af samstarfsaðilum Músíktilrauna í ár, þriðja árið í röð. Það er mikill heiður að fá að styðja við bakið á þessum mikla menningarstólpa sem Músíktilraunir eru, og að styðja við unga tónlistarfólkið okkar.

Meiri tónlist, meiri Mússó!

11/04/2023

Nýjasta plata Egils Ólafssonar, Tu Duende/El Duende, er loksins komin á Spotify! Ég var svo heppinn að fá að koma að þessari plötu sem upptökutæknimaður, ásamt Ása Jóhannssyni og Matta Kallio.

Framleiðsla plötunnar var öðruvísi og skemmtilegt ferli og ég skrifaði nokkur orð um það á síðunni okkar. Þar má einnig finna nokkrar ljósmyndir sem ég tók á meðan á upptökuferlinu stóð.

Upptökur á nýjustu plötu Egils Ólafsson, Tu Duende/El Duende.

16/03/2023

Það gleður okkur að tilkynna að við verðum einn af styrktaraðilum Músíktilrauna í ár! Annað sætið í ár mun fá tuttugu tíma í stúdíóinu með okkur.

Við hlökkum til að fylgjast með keppninni í ár og bíðum spennt eftir því að taka á móti ungu og efnilegu tónlistarfólki í stúdíóinu.

Stúdíó fyrir allskonar hljóðupptökur, próduseringu, mix & masteringu. Sér hlaðvarpstúdíó. Stórt upptökurými fyrir hljómsveit. Gerum líka tónlistarmyndbönd.

07/02/2023

Nýr þáttur af Veistu hver ég er? er kominn í loftið! Gestur okkar í dag er Viktor Ingi Guðmundsson. Viktor Ingi er tónskáld, tónlistarmaður og starfar sem Director of Audio hjá Myrkur Games. Í þættinum spjöllum við um Hans Zimmer, áskorunina við að semja tónlist fyrir tölvuleiki, Guitar Hero og feril Viktors Inga sem slagverkleikara.

Hægt er að nálgast þáttinn, sem og fyrri þætti, á heimasíðunni okkar eða á Spotify!

Hans Zimmer, tölvuleikjatónlist, Guitar Hero og slagverk.

19/01/2023

Þáttur númer tvö af Veistu hver ég er? er kominn í loftið! Í þættinum spjöllum við við Illuga Magnússon, b.þ.s. DJ Platurn. Illugi er plötusnúður og pródúser sem ólst upp í Kaliforníu og býr þar enn. Illugi hóf feril sinn sem plötusnúður árið 1994, í blóma hip-hop-senunnar í Bandaríkjunum, og spannar ferill hans nú hátt í þrjá áratugi. Illugi hefur spilað út um allan heim og hefur starfað og spilað með stórum nöfnum í bransanum á borð við De La Soul, Quest Love, DJ Premier, MF Doom og Pete Rock, þó fáeinir séu nefndir. Við spjöllum við Illuga um lífið í Kaliforníu, líf plötusnúðsins og hip-hoppið.

Hægt er að nálgast tónlistina hans Illuga hér: https://linktr.ee/platurn

Hægt er að nálgast alla þætti hlaðvarpsins á vefsíðunni okkar:
https://www.kaikusound.is/veistu-hver-eg-er

VEISTU HVER ÉG ER? VEISTU HVER ÉG ER? Viðtalsþættir við áhugavert fólk í hinum ýmsu öngum skemmtanabransans: tónlistar- og hljóðbransanum, kvikmyndabransanum, leikhúsbransanum og fleira. Adam Murtomaa 19/01/2023 Adam Murtomaa 19/01/2023 Þáttur 2 - DJ Platurn Hip-hop, Kalifornía og ...

25/11/2022

Fyrr í mánuðinum fengum við það skemmtilega verkefni að sjá um vídéotökur á tveimur tónlistarmyndböndum fyrir finnsku harmonikkuleikkonuna Anne-Mari Kavimäki, sem var hér á landi stödd. Myndböndunum var leikstýrt af Tommi Kainulainen. Í öðru myndbandanna fór Marjo Lahti með leik. Með í för og framleiðslu var einnig Jaana Kurttila, sem sá um förðun og búninga.

Þetta var mjög skemmtilegt og krefjandi verkefni sem við erum stolt af því að hafa tekið þátt í. Í blogfærslunni hér að neðan má sjá nokkra sérvalda ramma úr tökunum sem við erum frekar hreykin af.

Tónlistarmyndbandstökur fyrir Anne-Marie Kivimäki á Íslandi. Leikstýrt af Tommi Kainulainen og skotið af Adam Murtomaa hjá Kaiku Sound.

25/10/2022

Klefinn klár í hlaðvörp dagsins.

26/09/2022

Lykillinn að góðu mixi eða góðum master er að heyra almennilega hvað þú ert að gera. Eftir að hafa setið með þessa mónitora í rúmt ár verð ég bara skotnari og skotnari í þeim.

16/09/2022

Í dag kom út nýr singúll frá hljómsveitinni LAG. Lagið er skemmtileg harmónía af gleðilegum og kætandi hljóðfæraleik, og ljóðrænt þunglyndislegum texta - hin fullkomni íslenski listamallingur.

Með LAGI í liði var lítið föruneyti tónlistarfólks, en um pródúseringuna sá Viktor Ingi Guðmundsson.

Lagið var svo hljóðblandað og masterað af Kaiku Sound-feðgunum, Adam og Jan Murtomaa. Einnig var bassaleikurinn tekinn upp hjá okkur.

Artwork er gert af íslensku myndlistakonunni Brimrúnu Birtu (BrimRun og á Instagram).

Hægt er að lesa meira um lagið, ásamt því að hlusta á það, hér:

Í dag kom út nýr singúll frá hljómsveitinni LAG, sem samanstendur af Viktori Inga Guðmundssyni og Brimrúnu Birtu. Lagið er skemmtileg harmónía af gleðilegum og kætandi hljóðfæraleik, og ljóðrænt þunglyndislegum texta - hin fullkomni íslenski listamallingur. Lagið er pródúsera...

21/07/2022

Kvikmyndin Þrot eftir leikstjórann Heimi Bjarnason var frumsýnd í Laugarásbíói í gær. Kvikmyndin fylgir tveimur ungum stúlkum í kjölfar dularfulls andláts í litlu smábæjarsamfélagi á suðurströnd Íslands. Við hér hjá Kaiku Sound fengum það á borðið til okkar að sjá um hljóðblöndun fyrir trailer kvikmyndarinnar, sem sjá má á hlekknum hér að neðan.

Við hvetjum fólk eindregið til þess að leggja leið sína í Laugarásbíó til þess að sjá Þrot á stóra tjaldinu!

www.kaikusound.is/is/verkefni/throt-trailer

Kvikmyndin Þrot eftir leikstjórann Heimi Bjarnason var frumsýnd í Laugarásbíói í gær. Kvikmyndin fylgir tveimur ungum stúlkum í kjölfar dularfulls andláts í litlu smábæjarsamfélagi á suðurströnd Íslands. Við hér hjá Kaiku Sound fengum það á borðið til okkar að sjá um h...

10/06/2022

Í dag kom út fyrsta sólóplata íslenska raftónlistarmannsins og pródúsersins Alfreðs Drexlers (), sem gefin er út af íslenska plötufyrirtækinu Heavy Knife Records ().

Platan er pródúseruð, tekin upp og mixuð af Alfreði og svo masteruð af okkur hjá Kaiku Sound.

05/05/2022

Kaiku Sound er lítið fjölskyldurekið hljóðver á höfuðborgarsvæðinu, drifið áfram af ástríðu fyrir hljóði og góðri þjónustu. Við getum aðstoðað þig við tónlistarvinnslu, hlaðvörp og margt fleira.