Sögur útgáfa

08/10/2025

Metsölubókin Sálfræði peninganna hefur nú tekið Ísland með trompi 🏆 Þessi einstaka bók, sem farið hefur sigurför um heiminn talar til allra, ekki bara fjármálafólks, því Sálfræði peninganna fjallar um hegðun, viðhorf og sjálfsþekkingu – og þar af leiðandi um hvernig við getum tekið betri og meðvitaðri ákvarðanir um peninga. Við erum afar stolt af að gefa þessa bók út á íslensku í afbragðs þýðingu Georgs Lúðvíkssonar og Kristrúnar Tinnu Gunnarsdóttur. Takk fyrir frábærar móttökur! 🙏

10/09/2025

Sjálfsævisagan sem allir eru að tala um toppar aftur metsölulistann 🔥

05/09/2025

Nýja sjálfsægisagan hans Reynis Grétarsson fær frábærar viðtökur!

„Ég hef reynt að vera frekar til hlés, ekki farið í viðtöl mikið og þá bara til að ræða viðskipti. Fyrr en síðasta vetur, þá ákvað ég að prófa, gá hvernig því væri tekið að tala um mig og gera það einlægt,“ segir Reynir Finndal Grétarsson.

03/09/2025

🚀 Ævisagan Fjórar árstíðir er á toppi metsölulistans! Takk fyrir viðtökurnar! Reynir Finndal Grétarsson ólst upp í litlu þorpi á Norðurlandi. Hann stofnaði ungur fyrirtækið Lánstraust, síðar Creditinfo, og gerði það að öflugu alþjóðlegu fyrirtæki. ✨ Fjórar árstíðir er einlæg og persónuleg sjálfsævisaga Reynis um drauma, áskoranir og það að finna nýjan tilgang í lífinu. 🌟

23/08/2025

Bókin Don Juan – sextán kviður, eftir Byron lávarð, er kominn út í fyrsta skipti á Íslandi í vandaðri og metnaðarfullri þýðingu Jóns Erlendssonar.

Byron lávarður (1788-1824) er eitt virtasta skáld Breta fyrr og síðar og eru kviðurnar um Don Juan það framlag hans til heimsbókmentanna sem hvað glæsilegast þykir.

Jón Erlendsson hefur lengi fengist við þýðingar og skáldskap en kom fyrst fram á sjónarsviðið sem þýðandi heimsbókmennta haustið 2023 með Paradísarmissi Miltons. Það verk hlaut frábæra dóma gagnrýnenda. Fékk hann fyrir það Íslensku þýðingaverðlaunin 2024.

Nánar um bókina: https://sogurutgafa.is/vara/don-juan-eftir-byron-lavard/

14/08/2025

Strákarnir í VÆB fljúga beint á topp metsölulistans hjá krökkunum með nýju bókina sína 😁😁😁 Þessi skemmtilega bók er stútfull af gleði, spennu, góðu væbi og flottum myndum sem krakkarnir kunna svo sannarlega að meta. Til hamingju strákar 🥳🥳🥳

11/08/2025

Við fögnum útgáfu bókarinnar 🌹Rósir fyrir íslenska garða🌹 Í þessari fróðlegu og fallegu bók leiðir Vilhjálmur Lúðvíksson okkur um heim rósanna og miðlar hagnýtri nálgun og skýrum ráðleggingum um hvernig við best getum gert drottningu blómanna kleift að dafna og blómstra í allri sinni dýrð í íslenskum heimagörðum og skógargörðum.

Vilhjálmur hefur stundað garð- og skógrækt í yfir 65 ár og byggir hann verkið á áratugalangri reynslu sinni og Rósaklúbbs Garðyrkjufélags Íslands af rósarækt við íslenskar aðstæður.

HGM / Helga Gerður Magnúsdóttir hannaði bókarkápuna af sinni alkunnu snilld.

Nánari upplýsingar um bókina og útgáfutilboð er að finna hér 👉 https://sogurutgafa.is/vara/rosir-fyrir-islenska-garda/

28/06/2025

29/01/2025

Konungur krimmanna var krýndur í kvöld þegar hann tók við Blóðdropanum, hinum íslensku glæpasagnaverðlaunum, úr hendi forseta Íslands við hátíðlega athöfn á Bessastöðum. Verðlaunin hlýtur Stefán Máni fyrir nýjustu bók sína, Dauðinn einn var vitni. Þetta er í fjórða sinn sem Stefáni Mána hlotnast þessi mikli heiður, oftast allra höfunda. Til hamingju Stefán Máni 👑👑👑👑
Rán Flygenring, Guðjón Friðriksson og Kristín Ómarsdóttir hlutu Íslensku bókmenntaverðlaunin og óskum við þeim ennfremur til hamingju.

Kristín Ómarsdóttir, Rán Flygenring og Guðjón Friðriksson hlutu fyrir stundu Íslensku bókmenntaverðlaunin 2024 úr hendi Höllu Tómasdóttur forseta Íslands, er þau voru afhent við hátíðlega athöfn á Bessastöðum í 36. sinn. Við sama tækifæri voru Íslensku glæpasagnaverðla...

27/01/2025

Forval Íslensku hljóðbókaverðlaunanna stendur nú sem hæst hjá Storytel og samgleðjumst við þeim höfundum okkar og þýðendum sem valdir hafa verið til þátttöku. Þú getur kosið þínar bestu bækur hér https://awards.storytel.com/is/

02/01/2025

Safapressur, sous vide, air fryer og æfónar koma og fara. Það sem fellur aldrei úr gildi eru góðar sögur. Eftirspurnin eftir spennandi, skemmtilegum og gefandi sögum er alltaf til staðar.
Við þökkum okkar frábæru höfundum fyrir áhrifaríkar sögur síðasta ár, einnig þýðendum, hönnuðum, ritstjórum, prófarkarlesurum, ljósmyndurum, prenturum, bóksölum og öllum þeim fjölmörgu sem lögðust á eitt við að ljá góðum sögum vængi. Lesendum okkar þökkum við ástsamlega fyrir að njóta þeirra með okkur. Megi nýtt ár færa okkur öllum gefandi og gæfuríkar sögur. Gleðilegt nýtt ár!

22/12/2024

„Hafið þið einhvern tímann komist í svo góða bók að þið þurfið að láta setja upp hjá ykkur þvaglegg og fá næringu í æð til að geta lesið hana í einni beit án þess að stoppa? Nei, ekki ég heldur, en fyrsta bókin í þríleiknum Mold er bara mold, eftir Almar Stein Atlason, listamann og rithöfund, komst ansi nálægt því hjá mér.“ Lestarklefinn / Sjöfn Asare

https://lestrarklefinn.is/2024/12/21/ofbeldi-verdur-ad-vogguvisu/