Dimma

06/07/2026

,,Bókin er eins mannleg og þær verða og snerti við mér á tilfinningalegan hátt ekki síður en hún vakti mig til umhugsunar um hvernig ég kem fram við fólk í lífi mínu.” - Amanda Líf

Við bjóðum nýjan penna velkominn í hópinn, Amöndu Líf Fritzdóttur ✍️🖊️ Lesið fyrstu umfjöllun hennar hér 👉🏻 https://lestrarklefinn.is/2026/07/03/adgat-skal-hofd-i-naerveru-salar

Dimma

04/06/2026

Gyrðir hlaut Zinklar-verðlaunin fyrir smásögur sínar

Gyrðir Elíasson hlaut Zinklar-verðlaunin 2026, heiðursverðlaun að upphæð 100.000 danskar krónur, sem veitt eru dönskum eða erlendum smásagnahöfundi. Verðlaunin voru fyrst veitt árið 2013, en þá hlaut þau hinn kunni danski höfundur Klaus Rifbjerg. Síðan hafa þau verið veitt 10 sinnum. Meðal fyrri verðlaunahafa eru Julian Barnes, Lydia Davies, Pia Juul, Judith Herman, Georgi Gospodinov og Liliana Colanzi.

Við afhendingu verðlaunanna í Kaupmannahöfn 4. júní var sagt frá dönskum þýðingum á verkum Gyrðis og þýðandinn Erik Skyum-Nielsen, sem þýtt hefur 15 bækur eftir hann, ræddi við höfundinn um smásögur hans og smáprósa.

Zinklar-verðllaunin voru stofnuð af danska rithöfundinum Finn Zinklar (1923–2010), sjá: https://danskforfatterforening.dk/zinklar-prisen/

Í tilefni verðlaunanna kom fyrsta smásagnasafn Gyrðis, BRÉFBÁTARIGNINGIN, út að nýju á dönsku hjá bókaforlaginu Jensen & Dalgaard, en það var fyrst gefið út í Danmörku 1991.

03/06/2026

https://www.mbl.is/menning/2026/06/03/flestir_vildu_otid_i_viti_i_mai/

Lífsreynslusaga Gyrðis Elíassonar mest selda bókin í nýliðnum maímánuði.

23/05/2026

https://www.bbl.is/lif-og-starf/menning/mennska-skaldsins-sigrar?fbclid=IwY2xjawR9jsNleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeqxfCcZpoXWguHataHgcY6pfeGdBQrUjlfy0lY2hyT4NFfgkJ9YcDJSf0fpg_aem_jl_qD_5hV7iBGgXgio-gDw

„Það sem er svo hræðilegt við þennan sjúkdóm, þunglyndi og yfirgnæfandi kvíða, er að hann er ósýnilegur,“ segir Gyrðir Elíasson í nýrri bók sinni, Ótíð í víti, og hann bætir við að þessi sjúkdómur sé ekki bara ósýnilegur „þeim sem horfa á manneskjuna úti á...

04/05/2026

NÝTT NAFN - Sjöleikurinn VI-VII eftir Jon Fosse er komin út.
Seiðmagnað verk þar sem lífsbarátta og hugsjónir mætast. Undir sléttu yfirborði ólga heitar tilfinningar og glíma við drykkjuskap tekur sinn toll. Í samspili gleði og sorgar er samt óbilandi trúin á náð Guðs alltumlykjandi.

Hjalti Rögnvaldsson íslenskaði

04/05/2026

Þrjár nýjar útgáfur í sívaxandi Ritsafn Gyrðis Elíassonar. LJÓÐASAFN IV (2005-2012) sem geymir bækurnar Upplitað myrkur (2005), Nokkur almenn orð um kulnun sólar (2009) og Hér vex enginn sítrónuviður (2012), smáprósasafnið ÞÖGLU MYNDIRNAR sem kom fyrst út 2022 og smáprósasafnið PENSILSKRIFT, einnig frá 2022. Fyrri útgáfur allra þessara bóka eru löngu uppseldar svo nú er kjörið tækifæri til að bæta þeim í bókasafnið!

30/04/2026

ÓTÍÐ Í VÍTI, einstök og allt öðruvísi bók eftir Gyrði Elíasson kemur út í dag! Í henni deilir hann með lesendum erfiðri lífsreynslu og dregur ekkert undan. Átakanleg og einlæg frásögn.

„Lesendur Gyrðis Elíassonar hafa alltaf haft grun um annan heim á bak við orð hans, jafnvel þegar þau sýnast tær og ljós og mynda fullkomlega eðlilega frásögn. Við skynjum, frekar en heyrum, einhverja undirtóna eða yfirtóna, eitthvað handan þess sem textinn sýnir okkur, stundum er það hátíðin að baki daganna, eins og góður rithöfundur orðaði það, stundum bíður dauðinn með bikar sinn fullan af myrkri eins og segir í ljóðinu. Töfrar og dulúð sagna og ljóða Gyrðis felast ekki síst í þessu og því að höfundur eftirlætur okkur lesendum alla túlkun. “ (Úr umsögn Halldórs Guðmundssonar)