Salka

14/08/2026

Sunburn eftir Chloe Michelle Howarth er komin aftur í hillu ásamt Heap Earth Upon It eftir sama höfund.

Komdu og nældu þér í eintak!

12/08/2026

Þú færð bækurnar sem tilnefndar eru til Booker-verðlaunanna í bókabúð Sölku 💫

08/08/2026

Gleðin er við völd í Sölku í dag! Happy hour allan daginn - tilvalið að líta við eftir gönguna 🏳️‍🌈🏳️‍🌈

07/08/2026

„Árelía Eydís Guðmundsdóttir er afar skemmtilegur rithöfundur enda umfjöllunarefni hennar spennandi þar sem það fjallar um konur, krossgötur, leitina að sjálfum sér og leiðum til að láta drauma sína rætast. Nýjasta bók hennar Umrót er engin undantekning frá þeirri reglu...Umrót er fyrirtakslesefni á ferðalagi eða bara hvenær sem þörf kviknar til að minna sig á að lífið er ævintýri sem við sköpum sjálf.“

Steingerður Steinarsdóttir - Lifðu núna

Árelía Eydís Guðmundsdóttir er afar skemmtilegur rithöfundur enda umfjöllunarefni hennar spennandi þar sem það fjallar um konur, krossgötur, leitina að sjálfum sér og leiðum til að láta drauma sína rætast. Nýjasta bók hennar Umrót er engin undantekning frá þeirri reglu. Rakel...

04/08/2026

Gleðilega Hinsegin daga 🏳️‍🌈🏳️‍⚧️
Þú færð tímarit Hinsegin daga hjá okkur. Við erum einnig búnar að safna saman hinsegin bókunum á einn stað svo þú þurfir ekki að leita og bjóðum upp á úrval af regnbogavarningi frá korteri.is

18/07/2026

Kitchen Confidential eftir Anthony Bourdain kom fyrst út árið 2000 og er ein áhrifamesta bók síðari ára um mat og veitingageirann. Í bókinni dregur Bourdain lesendur á bak við tjöldin og segir frá lífinu í eldhúsum veitingastaða í New York af einstakri hreinskilni, húmor og sjálfsgagnrýni.

Bókin vakti strax mikla athygli fyrir afhjúpun ýmissa leyndarmála í bransanum, allt frá vinnuumhverfi og skipulagi eldhúsa til persónulegra frásagna af lífsstíl kokka á þessum tíma.

Bourdain skrifar af mikilli ástríðu um matargerð en hikar ekki við að segja frá dekkri hliðum starfsins.

Kitchen Confidential er eftirminnileg bók, Bourdain er bæði skemmtilegur og einlægur og tekst að grípa áhuga lesenda hvort sem þeir hafa sérstakan áhuga á matargerð eða ekki.

Fyrir öll sem hafa einhvern tíma velt því fyrir sér hvað gerist inni í eldhúsi á meðan beðið er eftir matnum er Kitchen Confidential bæði skemmtileg og áhugaverð lesning.

Þú færð bókina hér: https://www.salka.is/products/kitchen-confidential

10/07/2026

Bókabarinn sinnir bókþyrstum og öðrum þyrstum 🥂 gleðistund alla daga frá 15-18 🍻

10/07/2026

Virginia Evans hlaut Women's Prize for Fiction í ár fyrir bókina The Correspondent. Bókin er hennar fyrsta skáldsaga en nú er unnið að kvikmynd byggðri á verkinu þar sem sjálf Jane Fonda fer með aðalhlutverkið.

The Correspondent er svokölluð bréfaskáldsaga og er nær eingöngu sögð í formi bréfa. Í fyrstu öðlaðist bókin vinsældir í gegnum munnmæli. Lesendur rákust á hana í bókabúðum og á bókasöfnum, heilluðust og létu orðið berast. Í dag er bókin ein af vinsælustu bókum ársins.

Sybil Van Antwerp, eftirlaunaþegi á áttræðisaldri, hefur um áratuga skeið reynt að skilja heiminn og sjálfa sig í gegnum bréfaskrif. Þrisvar í viku sest hún við skrifborðið á heimili sínu í Maryland og skrifar til fjölskyldu, vina og jafnvel ókunnugra. Hún skrifar til háskólarektorsins sem neitar henni um að sitja námskeiðið sem hana dreymir um og hún skrifar til rithöfunda á borð við Joan Didion og Ann Patchett til að segja þeim álit sitt á verkum þeirra. Bréfaskrif Sybils þróast smám saman yfir í djúpa og heillandi frásögn af lífshlaupi sem markast af ást, sorg og eftirsjá.

The Correspondent er áhrifarík skáldsaga um mannleg samskipti, tengsl og sporin sem við skiljum eftir í lífi annarra.

Þú færð bókina hér: https://www.salka.is/products/the-correspondent

08/07/2026

Taiwan Travelogue eftir Yáng Shuāng-zǐ hlaut Booker-verðlaunin í ár og það er auðvelt að skilja hvers vegna – hún er bæði ljóðræn og djúp og býður lesandanum að staldra við og hugsa frekar en að hlaupa í gegnum söguna á hundavaði.

Sagan gerist árið 1938 þegar japanski rithöfundurinn Aoyama Chizuko ferðast til Taívan og kynnist túlkinum Chizuru sem fylgir henni um eyjuna. Í gegnum lestarferðir um landslag, götur fullar af matarlykt og samtöl þróast samband þeirra á sama tíma og saga nýlendustefnu, valds og sjálfsmyndar er velt upp.

Þetta er bók fyrir þau sem elska að dvelja í ferðalaginu sjálfu – þar sem menning og mannlíf skipta jafn miklu máli og söguþráðurinn sjálfur. Jafnframt gefur sagan tækifæri til að líta inn á við og skoða eigin viðhorf og þekkingu varðandi fordóma og forréttindastöðu.

Við mælum með!

Þú færð bókina hér: https://www.salka.is/products/taiwan-travelogue

07/07/2026

Hinar geysivinsælu Yesteryear og Famesick eru komnar aftur í bókabúð Sölku!