Ufìtziu Lìngua Sarda Sarcidanu-Barbàgia de Seulu

04/09/2025

Mércuris, su 3 de cabudanni in Nuragus eus bìviu un’àteru merì de leturas in cumpangia. Gràtzias a sa collaboratzioni de s’operadora Valentina de sa Biblioteca Comunale di Nuragus “Luisu Matta”, nd’eus pòtziu pesai una filera de propostas literàrias dedicadas a is pipius e a is mannus puru.

Si seus atobiaus a is 21.00 in sa friscura de sa pratzita de bia Aldo Moro, acanta de sa biblioteca, e totus ant pigau parti cun grandu gana e interessu.

Gràtzias a totus 🥰

Po lìgiri s'artìculu cumpletu, craca innoi 👇👇👇

Mércuris, su 3 de cabudanni in Nuragus eus bìviu un’àteru merì de leturas in cumpangia. Gràtzias a sa collaboratzioni de s’operadora Valentina de sa Biblioteca Comunali “Luisu Matta” de Nuragus, nd…

29/08/2025

Su Comunu de Biddanoa ‘e Tulu at publicau unu bandu pùblicu po sa passada de duas veturas de propriedadi de s’Enti chi non funt prus umperadas. S’asta s’at a cumpriri cunformas a is disponimentus de lei (R.D. n. 2440 de su 18 de onniasantu de su 1923 “Lei de contabilidadi generali de su Stadu” e R.D. n. 827 de su 23 de maju 1924 “Regulamentu de contabilidadi generali de su Stadu”), cun sa faina de is ofertas a crèsciri cunformas a su prétziu postu a basi de gara, segundu is artt. 73, lit. c, e 76 de su R.D. n. 827/1924, in s’arrespetu de is disponimentus cunténnius in su Bandu de asta pùblica in ogetu

Ligi s'avisu in su blog po ndi sciri de prus
👇👇👇

Su Comunu de Biddanoa ‘e Tulu at publicau unu bandu pùblicu po sa passada de duas veturas de propriedadi de s’Enti chi non funt prus umperadas. S’asta s’at a cumpriri cunformas a is disponimentus d…

28/08/2025

Custu mengianu eus fatu una bella atividadi cun is pipius in collaboratzioni cun sa Biblioteca Comunale di Esterzili. Custa borta si seus dedicaus a sa connosciéntzia de unus cantu animalis tìpicus de Sardìnnia, ma seus mòvius de is contus e de is lìbburus, coment’e sèmpiri.

Eus lìgiu unu contu pigau de s’arregorta “Contendi e arrexonendi” de M.T. Pinna Catte (Condaghes), innui is protagonistas funt unu mergiani e un’arriscioni. In custu contu su spantu est istau a duas bortas tanti: difatis, custa borta su prus abbristu e furbu est istau s’amigu arriscioni e non su mergiani, comenti acuntessit de sòlitu in is contus traditzionalis; in prus, spantosu est a iscobèrriri ca custu contu benit de s’Àfrica e non de Sardìnnia, e duncas is duas terras funt prus acanta de su chi si pensat!

Ma, arribbendi a s’ìsula, eus tentu su prexeri de provai unu de is duus giogus de cartas ambientaus in Sardìnnia e prodùsius de sa domu imprentadora Demoela.

In su giogu Tzìntzula, a pustis de àiri lìgiu is ischedas de presentada de is personàgius, donniunu de nosu at pigau sa parti de unu animali tìpicu de Sardìnnia e totus impari si seus dépius difèndiri de su sìntzulu chi arribbàt ònnia tanti a s’amaletzai.

Unu giogu de lestresa, de osservatzioni, de coordinatzioni e de bona sorti puru, cun ispàssiu assegurau!

https://ulsarcidanubarbagia.wordpress.com/2025/08/28/stersili-contendi-e-gioghendi-cun-is-animalis-de-sardinnia/

28/08/2025

Martis, su 26 de austu in sa Biblioteca Comunali de Nuradda eus cuncordau un’atividadi druci e spassiosa, dedicada a is pipius de tres a ùndixi annus.

Ligi in su blog ita totu eus cumbinau impari!
👇🤩👇

https://ulsarcidanubarbagia.wordpress.com/2025/08/28/nuradda-una-macedonia-de-ascurtai-e-de-papai/

26/08/2025

Geroni: sa de tres editzionis de Abbàida Film Festival
De su 26 de austu a su 1 de cabudanni
Guventu Béciu de is Paras Osservantis Minoris
in Bia Turati
A pustis de is editzionis de su 2021 e 2022, Geroni torrat a ospitai su Festival cinematogràficu Abbàida, cun òperas prudùsias de autoris sardus e chi rapresentant s’ìsula nosta in maneras diferentis e non comunas. Abbàida at a èssiri s’ocasioni po fai atobiai is contus de chini at traballau in custu territòriu po arrennèsciri, a s’acabbu, a ddu contai. Est una punna a rapresentai su stadu de s’arti de su cìnema sardu nou, unu cumbidu po su pùblicu a abbaidai, a castiai, a intrai in parti in su chi si produsit in Sardìnnia. Is film chi si proponint funt ambientaus in s’ìsula, ma non funt documentàrius a iscopu celebrativu o autoreferenziali de sa Sardìnnia o de Geroni. Funt stòrias pensadas e prodùsias de autoris sardus, andendi sèmpiri fàcias a s’avaloramentu de is temas, de su linguàgiu e de is contus chi si contant.

Ligi su programa de is proietzionis in su situ de su sportellu!
👇🤩👇

De su 26 de austu a su 1 de cabudanni Guventu Béciu de is Paras Osservantis Minoris in Bia Turati A pustis de is editzionis de su 2021 e 2022, Geroni torrat a ospitai su Festival cinematogràficu Ab…

21/08/2025

Su progetu “Verso l’Europa: Sportello in spalla a Seulo” nascit de su cumbincimentu chi si potzat fai intrai s’Europa fintzas in is comunidadis piticas de sa Barbàgia de Seulu umperendi una manera de s’arrelatai chi siat noa, dereta e funguda. S’idea de unu “sportellu a coddu” sinnalat pròpriu sa voluntadi de parai fronti a is làcanas geogràficas e burocràticas, furriendi sa manera de donai iscedas e de acumpangiai in modu chi siat discansosu po totu e cincu is comunus de su territòriu, avalorendi sa retza de arrelatas e collaboratzionis chi de sèmpiri ddus acàpiat s’unu a s’àteru.

Ligi innoi su bandu cumpletu, in sardu!

ART. 1 PRESENTADA GENERALI Su progetu “Verso l’Europa: Sportello in spalla a Seulo” nascit de su cumbincimentu chi si potzat fai intrai s’Europa fintzas in is comunidadis piticas …

21/08/2025

Su Comunu de Sàdili cumbidat a totu is interessaus a pigai parti a su laboratòriu gratùitu in lìngua inglesa. Incumentzau cun sa passillada de su 31 de argiolas, sighit cun s’atòbiu de

GIÒBIA, SU 21 DE AUSTU

a is 18.30 localidadi sa Madonnina

S’at a fàiri una passillada fintzas a sa zona de “S’Orrunduledda” in sa gava de “Nurassolu”.

S’arrecumandat de portai:

– crapitas de ginnàstica

– bestiris còmudus

– capeddu po su soli

– àcua in cantidadi

– cosa de papai

See you on Thursday!

https://ulsarcidanubarbagia.wordpress.com/2025/08/21/sadili-passillendi-in-inglesu/

21/08/2025

Su 29 de austu de su 2025 torrat a Seulu su progetu “Àndalas de Libertade – Laboratòriu de benèssiri mentali de comunidadi”.
Un’atòbiu chi at a mòviri de pratza de Genneria cun sa proietzioni de su docufilm “Àndalas de libertade” e sa presentada ufitziali de su progetu, po si cumpriri in sa bia Roma cun s’inciungiadura de su murales dedicau a “Àndalas de libertade”.
Sa saludi mentali est unu beni pretziau chi pertocat a totus: fainas comente custa s’ammentant cantu su susténniu de pari a pari, sa cumpartzidura e sa bellesa de is logus potzant mudai in ainas de incuru e de ispera.
Seis cumbidaus totus a pigai parti po bìviri impari custa grandu ocasioni po fai comunidadi.

https://ulsarcidanubarbagia.wordpress.com/2025/08/21/seulu-presentada-de-su-progetu-andalas-de-libertade/

19/08/2025

Iscroca: Provas abertas de tennis
Sa Polisportiva Tennis de Iscroca, de annus presenti e ativa in sa comunidadi, cumbidat a totus is interessaus a pigai parti a is provas gratùitas po imparai a giogai in is campus comunalis abertus e serraus postus a disponimentu in localidadi Is Ceas.

https://ulsarcidanubarbagia.wordpress.com/2025/08/19/iscroca-provas-abertas-de-tennis/

19/08/2025

Austu est unu mesi de grandu importu po sa comunidadi isilesa: totu sa bidda s’aprontat po afestai su Santu cumpatronu, Giusepi Calasàntziu.

Nàsciu in Peralta de la Sal – una bidda bastanti pòbura de sa Spànnia – fuat istau su fundadori, in su 1661, de is primus iscolas popularis impari cun is Paras Iscolàpius. Iat donau a totus is pipius de sa bidda sa possibilidadi de crèsciri cun is valoris de sa cultura e de su stùdiu, ma fintzas de s’ugualidadi sotziali, de s’arrespetu e de sa libertadi in su pentzamentu. In unu cuntestu sòtziu-culturali comente cussu de su Sescentus, cun sa genti acostumada a sa poburesa, a su sfrutamentu feudali e a su scoramentu po su benidori de is giòvunus, su predi spanniolu fuat arrennésciu a mudai sa mentalidadi e a ndi bogai a p***u s’idea ca sa sotziedadi podit crèsciri gràtzias a s’avaloramentu de sa scola e de is potentzialidadis de is pipius, sentza peruna diferéntzia intre pòburus o arricus.

Po custas arrexonis de fundamentu stòricu, in is sèculus sa figura de Santu Giusepi Calasàntziu s’est acapiada a su patrimòniu spirituali e culturali de Ìsili, comenti ammostat sa crésia dedicada a issu giai de su ‘700, su bellu fràigu innui s’agatàt su guventu de is iscolàpius e chi oi est sedi de su museu MARATE’, e no ùrtima, sa traditzioni educativa e assistentziali chi su santu at lassau in eredidadi a sa bidda.

In dì de oi, sa Festa de Santu Giusepi rapresentat ancora un’ocasioni po afortiai sa partecipatzioni populari e s’unidadi comunitària, in prus de pòdiri espressai su bonu acatu a totu is abbisitadoris chi in custa simana arribbant de su territòriu e de foras de s’ìsula.

Su Comunu de Ìsili arreconnoscit de sèmpiri s’importàntzia de is valoris stòricus, identitàrius e culturalis chi funt acapiaus a Santu Giusepi Calasàntziu e po cussu s’acòstiat a is organizadoris po garantiri sa bona arrennéscida de “Sa Festa Manna”.

Ligi totu s'artìculu e su programa de sa Festa in su blog de su sportellu!

https://ulsarcidanubarbagia.wordpress.com/2025/08/19/isili-de-su-23-a-su-26-de-austu-sa-de-276-editzionis-de-sa-festa-de-santu-giusepi/

14/08/2025

De su 6 de ladàmini de su 2025 at a incarrerai su Censimentu permanenti de sa Populatzioni e de is abbitus, ghiau de s’Istat e chi at a interessai 2.533 Comunus e unus 1,5 milionis de famìllias e personis.
Su Comunu de Arrolli puru at a intrai in parti: unu campioni de famìllias e de personis at a arriciri una lìtera chi cuntenit totu is inditus chi serbint po pòdiri pigai parti.

Ligi innoi totu s'artìculu 👇

De su 6 de ladàmini de su 2025 at a incarrerai su Censimentu permanenti de sa Populatzioni e de is abbitus, ghiau de s’Istat e chi at a interessai 2.533 Comunus e unus 1,5 milionis de famìllias e p…

14/08/2025

Unu merì friscu de mesaustu, una pratzita paxiosa e unu pùblicu atentu s’ant arriciu ariseru in Nuragus. Impari cun Valentina, s’operadora de sa Biblioteca Comunale di Nuragus, eus cuncordau unu atòbiu dedicau a mannus e piticus innui is protagonistas funt istaus is lìbburus.
Funt lòmpius pipius e pipias cun is famìllias insoru e genti de ònnia edadi, sceti cun sa gana de abarrai impari e de ascurtai contus e contixeddus in sardu e italianu.
Eus arrexonau de su tempus chi passat, de sa relata de s’òmini cun sa natura, de s’amori chi non timit làcanas e giudìtzius, de amighéntzia e de soledadi. Eus connotu contus de sa traditzioni orali sarda, tenendi su prexeri de torrai a iscobèrriri personis, fatus e fainas chi unu tempus ndi preniant s’imaginàriu de totu unu pòpulu e chi imoi arriscant de si spèrdiri.
Po s’augurai una noti serena eus lìgiu unu contu chi est unu biàgiu in s’ànimu nostru, in circa de sa seguresa e de sa cunfirma ca onniunu est ùnicu e a su matessi tempus parti de unu totu.
Sa prumissa est cussa de si torrai a atobiai allestru, po sighiri a cumpartziri imàginis, bisus e fueddus de ariseru e de oi.

https://ulsarcidanubarbagia.wordpress.com/2025/08/14/nuragus-leturas-a-suta-de-is-isteddus/