17/07/2025
Elodie est una pipia chi de tres annus a oi est cumbatendi una batalla manna po sa saludi.
In su mesi de cabudanni de su 2022, candu teniat feti 4 annus, sa vida sua est mudada po mori de una maladia chi at fertu is arrighixeddus suus e àterus òrganus vitalis.
De tandus est incumentzau unu caminu longu po sa pipia e po sa famìllia, fatu de ricòverus, terapias specialìsticas, curas in Itàlia e in s’èsteru, innui Elodie s’agatat de prus de 10 mesis.
S’abbisòngiu de curas est ancora mannu e costanti e si previdit chi sa pipia depat fai un’interventu delicau, de grandu importu po circai de ndi cuberai unas cantu abbilidadis motòrias chi ddi potzant garantiri una speràntzia de vida serena e dìnnia.
Po custas arrexonis sa comunidadi de Arrolli e de totu su Sarcidanu megat de si mòviri po agiudai sa famìllia in un’arregorta de fundus ùtilis po parai fronti a is ispesas sanitàrias.
Sàbudu, su 19 de argiolas de su 2025, incumentzendi de is 18.30 at a èssiri unu mericeddu speciali, cun giogus po pipius, ballus sardus e mùsica cun DJ.
Totus impari po Elodie, po torrai a issa e a sa famìllia sua sa speràntzia de unu benidori paxiosu, sighendi is bisus de una pipia chi tenit ancora milli cosas de bìviri cun s’alligria de sa pipiesa.
Elodie est una pipia chi de tres annus a oi est cumbatendi una batalla manna po sa saludi. In su mesi de cabudanni de su 2022, candu teniat feti 4 annus, sa vida sua est mudada po mori de una malad…
