ქართული ფესვები • Radici Georgiane, Florence (2025)

02/09/2025

Big shout out to my newest top fans! 💎

ემი გრანტები, Irma Baluxashvili, შპს ალტანი ალტანი

Drop a comment to welcome them to our community,

11/08/2025

Სახელი: ქეთევანი

Გვარი: ყურაშვილი

Პროფესია: ხატმწერი

Საქმიანობა: ქ. თბილისის საპატრიარქოს წმ. ილია მართლის სკოლაში_ხატწერის პედაგოგი .

– როგორ დაახასიათებდით საკუთარ თავს როგორც პიროვნებას❓
– ვარ მიზანდასახული და შრომისმოყვარე ადამიანი. უზომოდ მიყვარს ჩემი საქმე. ხატწერა ჩემთვის მარტო პროფესია და შემოსავლის წყარო არ არის – ეს ღვთისგან ბოძებული წყალობაა, რომელსაც დიდ მოწიწებით ვემსახურები. ეს საქმე მმატებს სულიერ სიმშვიდეს და ჰარმონიას.

– რა არის მთავარი, რაც გსურთ, რომ ადამიანებმა თქვენს შესახებ იცოდნენ❓
– დავიბადე სენაკში, 1983 წლის 10 სექტემბერს. ვარ დაოჯახებული, მყავს მეუღლე – ზვიად გურგენიძე და ორი შვილი – ნიკოლოზი და საბა.
ბავშვობიდანვე ვხატავდი და ვსწავლობდი სამხატვრო სკოლაში. ჩემს პედაგოგს, ხვიჩა ბებიას, დიდი წვლილი მიუძღვის იმაში, რომ ხატვა გამხდარიყო ჩემი ცხოვრების გზა.
ერთ-ერთი მნიშვნელოვანი მომენტი იყო პატრიარქთან ლოცვა-კურთხევის მიღება – მან მირჩია ხატწერის გზა ამერჩია. მიუხედავად იმისა, რომ მაშინ სულიერად მზად არ ვგრძნობდი თავს, უფლის შეწევნით და რწმენით ამ გზას დავადექი და უკვე 18 წელია ვემსახურები მას.

– რომელი მოვლენა იყო თქვენთვის გარდამტეხი ცხოვრებაში❓
– 2012 წელი ნამდვილად გარდამტეხი აღმოჩნდა – სამების საკათედრო ტაძარში მოსწავლეებთან ერთად გამოფენა მოვაწყვეთ, რომელმაც დიდი გამოხმაურება გამოიწვია.
მალევე, 2013 წელს, ჩავერთე პროექტში „ივერიაზე“, სადაც ჩემი დაწერილი წმინდა ილია მართლის ხატი პროექტის სიმბოლოდ იქცა. ეს ორი მოვლენა იქცა ჩემს ცხოვრებაში საწყის წერტილად – წარმატების, განვითარების და ღრმად გააზრებული გზის დასაწყისად.

– რა ასაკიდან გაჩნდა ხატვისა და ხატწერის სურვილი❓
– ძალიან პატარაობიდან ვხატავდი. მეექვსე კლასში ვიყავი, როცა სკოლაში სიარულზე უარი ვთქვი და მშობლები იძულებული გახდნენ, სამხატვრო სკოლაში წავეყვანე.
ხატწერას საფუძვლიანად გავეცანი სამხატვრო აკადემიაში ჩაბარების შემდეგ – თავდაპირველად დამოუკიდებლად ვსწავლობდი, ვეკითხებოდი რჩევებს კოლეგებს, ვცდილობდი განვითარებას პრაქტიკით.
პირველი შეკვეთით დაწერილი ხატი იყო წმინდა ელიას ეტლით აღტაცება, რომელიც ოთხმა მოცეკვავე ახალგაზრდამ პატრიარქს შესწირა.

– რას გრძნობთ ხატვის პროცესში, განსაკუთრებით მაშინ, როცა წმინდა სახეებს წერთ❓
– ეს არის სულიერი წვდომა, ლოცვა, მადლი და სიმშვიდე. ხატწერა მოითხოვს უდიდეს მოკრძალებას და სიფაქიზეს. როცა ხატს ვწერ, სხვა ადამიანად ვიქცევი – შიგნიდან ვივსები სიყვარულით. მჯერა, რომ ხატზე აისახება ხატმწრის ლოცვა და სულიერი მდგომარეობა.
ხშირად მეუბნებიან, რომ ჩემს ხატებში სახეები გამოირჩევა – ეს განსაკუთრებულად მიხარია.

– გქონიათ თუ არა სირთულეები ხატწერის გზაზე და როგორ გაუმკლავდით მათ❓
– სირთულეები ყოველთვის იყო და იქნება, მაგრამ უფალი არასდროს მტოვებს. რწმენით, ლოცვითა და შრომით ყველაფერი დაძლევადია.

– როგორ ფიქრობთ, ადამიანის ცხოვრება რას უნდა ემსახურებოდეს❓
– ქრისტეს სიყვარულს. ჩვენი მიზანი უნდა იყოს უფალთან მიახლოვება და მისი გზით სიარული. თითოეულ ჩვენგანს თავისი ჯვარი აკისრია და ის ღირსეულად უნდა ვზიდოთ.

– რამდენად მნიშვნელოვანია მიზანი ადამიანის ცხოვრებაში❓
– ძალიან მნიშვნელოვანია. მიზანი ადამიანს გზას აძლევს. მეც სწორედ მიზანდასახულობით მივაღწიე იმას, რაც დღეს მაქვს – რომ ჩემი ხატები მოსწონთ, აქვთ მოთხოვნა, მენდობიან.
ამჟამად ერთი დიდი ოცნება მაქვს – მქონდეს პატარა სახელოსნო, სადაც შევძლებ მუშაობას და მოსწავლეების მიღებას.

– რას ურჩევდით მათ, ვინც ეძებს საკუთარ გზას❓
– ვურჩევდი, რომ არ დანებდნენ და იბრძოლონ. უფალი ყველას გულს ხედავს და გზას აჩვენებს. მიზნის ქონა ადამიანს შინაარსს და ძალას აძლევს.

– როგორ წარმოგიდგენიათ თავი მომავალში, როგორც პიროვნულად, ასევე ხატმწერად❓
– ჩემი ბავშვობის ოცნება იყო ვყოფილიყავი ცნობილი და მყოლოდა მოსწავლეები. დღესაც იგივე ოცნება მაქვს. მინდა მეტად განვვითარდე ხატწერაში და ღირსეულად ვემსახურო უფალს და ჩემს ხალხს.
მინდა ჩემი შვილები და შვილიშვილები ამაყობდნენ ჩემით – და მაშინ ვიგრძნობ, რომ ცხოვრება სწორად ვიცხოვრე.

– არსებობს თუ არა სიტყვა ან ფრაზა, რომელიც გზადაგზა თან გახლავთ და შთაგაგონებთ❓
– დიახ. ხშირად გულში ჩუმად ვიმეორებ – „მადლობა უფალო“. ეს ფრაზა ძალას მაძლევს, იმედს მჩუქნის და გზას მიზნისკენ მიადვილებს.

Დიდი მადლობა ქეთევანს🌟

📣 ინტერვიუ მომზადებულია სოც. მედია სააგენტო „My Story – ჩემი ამბავი“-ს და გაზეთ „ქართული ფესვები“-ს ერთობლივი თანამშრომლობით.

My story -ჩემი ამბავი
ქართული ფესვები • Radici Georgiane

10/08/2025

October 4 TH Ready to go🦾⚔️🇬🇪

07/08/2025

შინდისელ ბიჭებს

გამიშვით, - მე დღეს მარტომ უნდა მოვიგო ომი,
გამიშვით, - მარტო გამიშვით, მარტო ჰოო მარტო,...
ან სად გინახავთ, დამარცხებული უფაფრო ლომი,
გამიშვით, - მარტომ უნდა მოვიგო მე დღეს ეს ომი.

გამიშვით, მე დღეს უნდა დავთესო ნამი,
გამიშვით, მე დღეს უნდა გაჩუქოთ წამი,
გამიშვით მარტო, - გამიშვით კენტად,
ანდაც მაყარეთ, - ტალახი, ლამი.

გამიშვით, მე დღეს უნდა გაჩუქოთ წვიმა
გამიშვით, მე დღეს მე დღეს ღმერთთან უნდა მივიდე მარტო,
გამიშვით, ცაზე უნდა დავხატო წვეთი,
გამიშვით, - რატომ მაჩერებთ, რატომ?!

გამიშვით, მე უნდობლობა მინდა დავმარხო,
ქართველს ქართველი შევაყვარო მე უნდა,
გამიშვით, - გამიშვით, რომ აღარ გნახოთ
გამიშვით, ომი მოვიგო დროულად უნდა!

გამიშვით, ნუ მიცოდებთ, ნუ განაღვლებთ, - გამიშვით მეთქი,
სისხლიც გამიშრა, ნუ მაჩერებთ ცოცხალ გვამს, გამიშვით მეთქი,
გამიშვით ვყვირი, ჰო - არ გესმით მე ვყვირი, ვყვირი -
გამიშვით, - ომი უნდა მოვიგო, გესმით? - გამიშვით მეთქი!

გემუდარებით - ტამიშელ ძმებთან გამიშვით მეთქი,
გამიშვით მეთქი, შინდისელ ძმებთან გამიშვით მეთქი,
არავის გესმით? ეჰეე ქართველნო - ომში გამიშვით,
ნუ გეცოდებით, ნუ განაღვლებთ - გამიშვით მეთქი!

მიხეილ, რუსლან, ფელიქს, ემზარი,
ნიკა, ილია, ირაკლი, ვეფხო,
ერთად ჩამოვკრათ ძმებო ეგ ზარი
თქვენთან მომიშვით ვაჟკაცნო, ვეფხვნო!

ზვიად, ალეკო, კახა, ჰეეე - ბაჩოოო...
ლევან, ილია, რომან, მარლენი,
თემოოო - ბიჭებო მომიშვით თქვენთან,
მარტომღა უნდა მოვიგო მე თქვენი ომი!

გამიშვით, - მე დღეს მარტომ უნდა მოვიგო ომი,
გამიშვით, - მარტო, გამიშვით მარტო, ჰოო მარტო...

ბესო ჩუბინიძე
8 აგვისტო 2017 წელი

Indirizzo

Florence

Telefono

+393287471843

Sito Web

https://www.facebook.com/groups/797958060387304/?ref=share_group_link, https://www.facebook.com/groups/461332270883067/?

Notifiche

Lasciando la tua email puoi essere il primo a sapere quando ქართული ფესვები • Radici Georgiane pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Contatta L'azienda

Invia un messaggio a ქართული ფესვები • Radici Georgiane:

ქართული ფესვები • Radici Georgiane