31/10/2025
👉😍ဟိုတယ်ခတစ်ည ဘယ်လောက်ကျခဲ့လဲ မော်လ်တနိုင်ငံမှာ။
နီတို့ဒီနိုင်ငံလေးကိုလည်ဖို့ တလ အလိုခန့်မှာairbnb ကနေ booking တင်ခဲ့ပါတယ်။
အိပ်ခန်း ၂ခန်းလည်းပါ ခလေးတွေလည်း လွတ်လွတ်လပ်လပ်ဆော့ရအောင် နေရာလည်း ရှိ၊ အပြင်မထွက်ချင်တဲ့ နေ့ခင်းေလးေတွဆိုလည်း ရေကူးကန်ထဲ ဆော့ပြီးနေလို့ရဖို့ သူတိူ့အတွက်အဆင်ပြေအောင် ရွေးခဲ့တဲ့ ဒီ မော်လ်တကျွန်းရဲ့ မြောက်ပိုင်းက Villa လေး ထဲက appartament လေးမှာ နီတို့တည်းဖြစ်ခဲ့တယ်။
ဧည့်ခန်းနဲ့ မီးဖိုခန်း ထမင်းစားခန်းလည်း ပါတော့ ကိုယ့်ဘာကိုယ် supermarket မှာဈေးဝယ်ပြီး ရေကူးကန်ဘေးက စားပွဲမှာ ညစာစား အဝေးက မြို့ရှု့ခင်းလေးလဲ ကြည့်ရင်းဖြတ်သန်းခဲ့ရတာ အရမ်း သာယာစရာ ကောင်းခဲ့သလို
ရေကူးကန်ဘောင်ပေါ် လစ်ရင်လစ်သလို လမ်းသွားလျှောက်တတ်တဲ့ သားသားကိုလည်း မလွတ်တမ်း နီတို့နှစ်ယောက်ထိမ်းရတာတော့ နဲနဲတော့ မောမိတာလည်း ကြုံခဲ့ရပါတယ်ရှင်။
ဪ ဒါတွေရှင်းပြရင်း ဘယ်လောက်ကျလဲတောင် ပြောဖို့မေ့တော့မလို့ သတိရလို့တော်သေးရဲ့။
တိုက်ခန်းခတစ်ညကို ယူရို ၁၂၀ ခန့် မြန်မာငွေ ခြောက်သိန်းခန့်ကျခဲ့ပြီး နီတို့ ဒီကျွန်းပေါ်မှာ 10ရက်နေခဲ့ကြပါတယ်ရှင့်။
