23/10/2024
Enkelejd Musabelliu, nga sot Zv. Ministër i MEKI, është një ekonomist politik me eksperiencë të gjatë në çështjet e zhvillimit ekonomik, planfikimit strategjik dhe politikat sociale. Ai ka një përvojë të rëndësishme në sektorin publik, si në institucione qendrore ashtu edhe në pushtetin vendor dhe ka qenë anëtar i Këshillit Mbikqyrës të disa institucioneve publike. Në periudhën 2018-2024 ai është angazhuar si konsulent me një sërë organizatash ndërkombëtare dhe institucione publike me fokus të veçantë tek planifikimi strategjik dhe pushteti vendor. Gjithashtu, në këtë periudhë ai është angazhuar si konsulent edhe në sektorin privat, për studime fizibiliteti dhe projekte investimesh në energjitikë, turizëm dhe infrastrukturë. Në periudhën 2015-2018 ai ka shërbyer pranë Bashkisë Tiranë si Drejtor i Përgjithshëm i Zhvillimit Ekonomik, duke qenë përgjegjës për zhvillimin ekonomik vendor, zhvillimin rural, planifikimin strategjik, menaxhimin e ndërmarrjeve publike dhe ngritjen e sistemit të statistikave. Më herët, në periudhën 2013-2015, ai ka mbajtur pozicionin e Këshilltarit të Ministrit të Mirëqenies Sociale dhe Rinisë i angazhuar kryesisht në reformën e pensioneve të vitit 2014. Enkelejdi është diplomuar në Filozofi pranë Universitetit të Tiranës dhe në Ekonomi Politike Europiane pranë London School of Economics, në Mbretërinë e Bashkuar. Suksese! 🤝
🇦🇱
