03/07/2025
اٹلی میں شدید گرمی کی لہر بریشیا سمیت 18 شہروں میں ‘ریڈ الرٹ’ جاری بجلی کا نظام مفلوج 12 سے 16 کام کرنے پر پابندی
میاں آفتاب احمد۔۔۔2 جولائی 2025 کی دوپہر 14:00 بجے، اٹلی کے متعدد شہروں میں درجہ حرارت 35 °C سے تجاوز کرکے 40 °C تک پہنچ گیا؛ فلورنس، پرواتو اور ٹرنی میں 40° درج کیے گئے ۔
وزارت صحت نے 18 شہروں میں شدید گرمی کے لیے 'ریڈ الرٹ' جاری کیا: انکونا، بولونیا، بولزانو، بریشیا، کیمپوباسو، فلورنس، فرُسینونے، جینووا، لاتینا، میلان، پا لینسِیا، پیروگیا، رییِتی، روم، ٹورینو، ٹرائی اسٹے، ویروونا اور ویتربو۔ جمعہ کو اس فہرست میں وینس اور پیسکارا بھی شامل ہوں گے ۔
فلورنس اور برگامو میں ایئر کنڈیشنرز کے بے تحاشا استعمال سے بجلی کا نظام مفلوج ہو گیا اور افراتفری کی صورتحال پیدا ہوگئی؛
برگامو کے کئی علاقوں میں بجلی چلی گئی، ٹریفک لائٹس و دیگر سروسز نہ چل سکیں، اور لوگ لفٹ میں پھنس گئے ۔
فلورنس کے زیرِ زمین کیبلز تپش کی وجہ سے متاثر ہوئے، جس سے عام زندگی شدید متاثر ہوئی ۔
🛑 حفاظتی اقدامات و ہدایات
وزارت صحت نے عوام سے اپیل کی ہے کہ گرمی سے بچاؤ کے مشوروں پر سختی سے عمل کریں خاص کر بزرگ، بچے، دائمی مریض اور بیرونی ماحول میں کام کرنے والے افراد ۔
کچھ علاقوں (لومبارڈی اور ساردینیا) میں دوپہر 12:30 سے 16:00 تک بیرونی کام ممنوع قرار دیا گیا ۔
وزارت محنت، صنعتوں اور یونینز کے درمیان "ہیٹ ایمیجنسی پروٹوکول" پر قرارداد طے پانے جارہی ہے – اس میں کام کے اوقات میں تبدیلی اور معاوضے کے انتظامات شامل ہیں ۔
۔
