Nikjarsky

Nikjarsky Follow 👉 në Instagram

30/05/2026

Më falni se unë nuk marr vesh shumë nga politika, dhe ajo që s’po marr vesh fare është pozicioni i Europës te ky konflikti me Iranin.
Ça pozicioni po mban?
Unë dyshoj se Europa po pret që të përdorë armën e saj më të fuqishme.
Gjobat.
Sepse Europa gjithmonë kundërpërgjigjet me gjoba.
SHBA krijoi Google. BE krijoi gjobën kundër Google-it. Kina krijoi Temu. BE krijoi gjobën kundër Temu-t. SHBA krijoi TESLA, Google, Facebook. BE lapsin gati.
Sa herë që Amerika, Kina, apo dikush tjetër ndërton diçka, Europa pret pak aty te skuta.
Sepse Europa e ka kuptuar diçka që pjesa tjetër e botës nuk e ka kuptuar akoma.
Biznesi më fitimprurës në histori nuk është teknologjia. Nuk është nafta. Nuk është Inteligjenca Artificiale.
Është letra.
Një fletë letre, disa shkronja, dhe miliarda euro hyjnë vetë. Zero investim. Zero produkt. Zero shërbim.
Ti po i jep makinës me 32 në orë. Limiti është 30. Gjobë 400 euro. Sepse ato 2 km shtesë janë kërcënim për demokracinë europiane.
SHBA ka Silicon Valley. Kina ka fabrikat. Arabia naften. Europa ka Departamentin e Gjobave dhe arkëton miliarda.
Dhe sinqerisht… Respekt. Sepse askujt tjetër nuk i shkoi në mendje…

28/05/2026

Për çfarëdolloj problemi që mund të jesh duke kalu në jetë, thjesht kujto se nuk je shtatzanë.
Gjithçka do bahet mirë. Okay?
Ke marrë gjobë. Punë e madhe fort. Të paktën nuk i ke dhanë organet e trupit me qira.
U ndave nga e dashura? Një model i ri flokësh, 4 javë palestër, pak kreatinë, dhe je në merkato prap. Nuk ke diçka tjetër brenda teje duke formu sistemin e vet kockor.
Je gropë nga financat, dhe e vetmja gjë që të shumohet është lista e filmave për t’u parë. Kalon edhe kjo.
Nuk je peng i një abonenti sa një kokërr ulliri që të kontrollon kondicionerin, orekset, dhe oraret e gjumit.
Ndoshta po jeton në një dhomë të madhe vetëm sa dyfishi i frigoriferit, me dyshek që të fali një shok, pronar hoteli…
Po të paktën nuk ke dhimbjet e trupit, formojnë group chat me dhimbjet e shpinës, në 2 të natës.
Nuk e ke trupin kantier ndërtimi, ku organet ndryshojnë krejt arredimin, thjesht sepse padashje, nuhate era qepë.
Dhe ti më ankohesh se Kristjani, qiradhënësi yt, nuk beson te mëshira, as te falja mëkateve të prapambetura.
Të gjitha problemet në jetë vijnë e shkojnë me datë skadencë. Shtatzania jo. Në momenti që një shkop plastik tregon “plusin” në ekran, skadenca shtyhet 9 muaj e 18 vite, automatikisht.
Kështu që, sa herë të kesh probleme, mos e vër dorën në zemër, vëre dorën në bark.

27/05/2026

Nuk duhet t’i ndash gjërat në dy kategori:
Të lehta apo të vështira.
Duhet t’i ndash në gjëra që janë familjare ose jofamiljare, për ty.
Sepse truri yt nuk e analizon fjalën "e vështirë." E ndien si kërcënim. Verdikt emocional. Dhe truri racional punon gjithnjë si avokat i trurit emocional. Mbledh prova, ku janë e ku sjanë, për të të vërtetuar se është e vështirë.
Tani, edhe ekuacionet me një ndryshore të duken si Hieroglife.
Thua "të bësh para është e vështirë." E njëjta gjë. Truri vendos që të gjitha dyert i ke të mbyllura, pastaj refuzon edhe ta provojë dorezën.
Si ndodh atëherë që Genti, me të njëjtën jetë, të njëjtat 24 orë, të njëjtin volum truri si ti, nuk i duken të vështira…
Sepse nuk ka gjëra të vështira, ka vetëm gjëra me të cilat nuk je familjarizuar akoma…
Herën e parë që ngave makinën, doje të qaje. Tani me njërë dorë je duke ngrënë byrek me tjetren po i bërtet dikujt në telefon, njëkohësisht.
Kur thua, “me këtë gjënë nuk jam familjarizuar akoma”, truri e merr si:
Diçka të re
Të mësueshme
Thjesht nuk e ka topografuar akoma.
Kjo do të thotë se gjuha nuk na shërben për të komunikuar, por shkon më thellë, gjuha krijon realitetin, botën, perspektivën tonë.
Fjalët nuk e përshkruajnë jetën tënde. E ndërtojnë. Fjala vjen e para, realiteti vjen pas.
Kështu që kujdesu sa fjalor ke. Sa fjalë ke, aq botë ke.

26/05/2026

"Mos kerko falje për theksin…"
Kur një emigrant shqiptar i kërkon falje për theksin dikujt që flet vetëm një gjuhë. Habitem shume.
Klodi jeton në Itali. Flet shqip me mamin, italisht në punë, ka mësuar pak gjermanisht për një kontratë, dhe flet anglisht si Shekspiri. Katër gjuhë, vëlla.
Dhe pastaj takon Markon.
Marko s'ka dalë kurrë nga Reggio Emilia. E vetmja gjë që Marko thote në gjuhet e tjera te botes është "ciao" dhe "pizza".
Dhe Klodi, i thotë: "Scusa, il mio italiano non è perfetto."
Klodi e çon mamin te mjeku italisht. Klodi perballet me burokracinë italisht. Klodi përkthen kontrata, paguan fatura, gjithçka në gjuhën e dikujt tjetër. Dhe akoma kërkon falje për theksin.
Theksi nuk eshte shenje emigranti vella, eshte shenje trimerie.
Heres tjeter kur Marko të nenqeshet “ngaqe ti flet me theks?” — Thuaj Markos: Po ti, pse flet vetëm një gjuhë…

24/05/2026

Ka 10 vite që kam e lexu këtë libër, më kujtohet vetëm një gjë prej tij.

Është një shembull: nëse do të të duhej të bëje llogaritje 3 plus 2, është e thjeshtë, mund ta bësh me mendje.

Por nëse do të të duhej të pjesëtoje, fjala vjen, 14,192 me 73, a do ta bëje në mendje apo do ta shkruaje në letër?

Sa më kompleks bëhet një problem, aq më shumë je i detyruar ta organizosh atë në letër për ta zgjidhur.

Dhe këtu nuk është fjala matematikë, është për mendjen njerëzore.

Sepse një problem në kokë është fluid, i patrajtë, i pafund. Në letër bëhet objekt.
Mund ta shohësh.
Mund ta ndash në pjesë.
Mund ta analizosh.

Dhe autori sugjeron teknikën terapeutike të 4 pyetje që duhet t’u përgjigjemi në letër rreth diçka që po na streson:
Cili është problemi?
Cila është shkaku i problemit?
Cilat janë zgjidhjet e mundshme?
Cila është më e mira?
Dhe pastaj tregon histori të shumë njerëzve të mëdhenj që i shkruanin në letër problemet e tyre.

Dhe ajo që zbuluan ishte se:
Kur duhet të përballeshin me realitetin, problemi nuk doli kurrë aq i zymtë dhe aq i pazgjidhshëm sa ç’e kishte katranosur mendja e tyre në fillim.

Si të mposhtësh stresin dhe të fillosh të jetosh, nga Dale Carnegie.

23/05/2026

Ekzistojnë disa tipa njerëzish që jetojnë vetëm për të korrigjuar të tjerët.
Ti thua “aromë” dhe papritur shfaqet Besniku nga hiçi:
“Erë”, thuhet erë në shqip.
Faleminderit, Besnik.
Problemi me Besnikun s’është që korrigjon. Është se ngjit. Të kap edhe ty.
Ke 12 minuta që Anxhela të shpjegon një serial televiziv koti me aq pasion, dhe ti ke dy zgjedhje:
Të bëhesh si Besniku Fanatiku.
Apo ta lejosh Anxhelën të bluajë.
Ka nje prirje qe po e shoh gjithnje e me shpesh. Besniku eshte bere epidemik.
E kemi humbur aftësinë për ta lejuar gabimin e tjetrit.
Sillemi sikur entuziazmi i tyre është bezdi, po na harxhon kohen.
Nganjehere s’ke nevojë ta kuptosh.
Thjesht tund kokën.
Lëri ta shqiptojnë gabim fjalën.
LĂ«ri ta duan serialin e keq.
Lëri të jenë teper teper të apasionuar pas asaj gjëje koti.
Sepse aftësia më e rrallë në botë nuk është të jesh i saktë.
Është të shohësh dikë që po shkëlqen…
dhe të mos kërkosh menjëherë butonin për t’ia ulur ndriçimin,
ngaqë ti gjete një gabim.

19/05/2026

Vajzat që thonë “Më mirë të qaj në Lambo sesa në autobus”, nuk janë materialiste.
Materialiste është Tefta, mami saj.
Tefta pagoi shkollën private të vajzës.
Tefta pagoi kursin e anglishtes.
Tefta pagoi dentistin, universitetin, makinën e parë.
18 vite fatura.
18 vite duke pyetur: “Sa kushton?”
Pastaj shfaqet Stefani.
Me Opel Astra 2007, pa kolaudim.
Që ka në plan bashkë me çunat të hapin një bar-cafe.
Jo, Stefan. Jo.
Ti mendon se po takohesh me vajzën, dilni bashkë. Nuk po njihesh me të. Ajo është thjesht droni. Telekomanda është te Tefta, në shtëpi.
Dhe Tefta nuk është materialiste. Tefta është kontabiliste.
Ajo pagoi një herë për ta rritur vajzën.
Nuk do paguajë prapë për dasmën. Për qiranë. Për shtatzëninë.
Dhe absolutisht jo për birrarinë e shokëve tu.
Kështu që jo, mamat nuk i rrisin vajzat materialiste.
I rrisin që ta dallojnë një gropë para se të bien brenda.

13/05/2026

Njerëzit që nuk u pëlqen t’u shkojnë mysafirë, nuk janë antisocialë.
Për ta shtëpia nuk është thjesht lokacion. Është stacion karikimi. Ti kthehesh prej pune dhe qetësia ka shije tjetër. Ke 20 minuta pa dëgju zërin e askujt dhe të duket biseda më e mirë e javës.
Është e shenjtë.
Dhe pastaj troket halla, me energjinë e saj, komentet e saj për pe**et. Nuk është vizitë, është invazion.
Halla nuk e shikon shtëpinë tënde si stacion karikimi, e sheh si event. Divana bosh që prisnin atë. Përvojë emocionale me parkim falas.
Ajo s’ka çbën, ka ardhë të vrasë pak kohën, kohën tënde specifikisht.
I hap derën sikur e ke pritur gjithë ditën. Ofron çaj që përton ta bësh. Qesh me historinë që e ke dëgjuar katër herë. Tund kokën kot pa dëgjuar asgjë që thotë…
Dhe brenda vetes je me 3%.
Personi më i mençur në këtë histori, është Klodi. Sapo dëgjoi zërin e hallës, i doli një punë urgjente. La mamin e babin aty.
Si përfundim, Halla ikën krejt e rifreskuar, mami e babi janë sikur i ka shtyp makina.
Njerëzit që nuk e kanë merak t’u shkojnë mysafirë nuk janë antisocialë. Thjesht nuk janë aq të zotë sa të tjerët të hiqen sikur s’po u kushton asgjë.

27/04/2026

T’Lutem, mos më pyet pse s'jam martu akoma.
Kur unë nuk të pyes ty pse s'je divorcu akoma. Okay?
Si ka mundësi je kaq i mirë, nuk të mungon asgjë, pse s'gjen nuse?
Nuk e di, Anxhela. Ndoshta ngaqë më pëlqen paqja, qetsia. Nuk kam frikë të rri vetëm.
Karikuesin e gjej aty ku e lë.
Nuk pres që të ketë hapësirë për dy veta që të marr ashensorin.
Kur shkoj në restorant, askush nuk mi godet këmbët poshtë tavolinës.
Dhe Klodi është i shqetësuar pse unë nuk po shtoj popullsinë e botës. Klodi ka shtatë vjet që s'e shikon gruan drejt në sy.
Klodi del për darkë me gruan dhe e vetmja gjë që thuhet tërë mbrëmjen është "ta porosisim edhe pak bukë?"
Njerëzit sillen sikur të jesh i pamartuar është diçka që të ka ndodhur, okay? Sikur të ka ra një diagnozë. Të ka ra pamartesa.
Nuk jemi të vonuar. Nuk po presim askënd. Nuk kemi asnjë defekt.
Kështu që të propozoj një pakt, Klodi. Unë nuk të pyes ty pse je akoma i martuar. Ti nuk më pyet mua pse akoma bëj jetë normale.

Indirizzo

Via Dei Campi 12
Merano
39025

Telefono

+447466081689

Sito Web

Notifiche

Lasciando la tua email puoi essere il primo a sapere quando Nikjarsky pubblica notizie e promozioni. Il tuo indirizzo email non verrĂ  utilizzato per nessun altro scopo e potrai annullare l'iscrizione in qualsiasi momento.

Scelte rapide

Condividi

Digitare