Nikjarsky

Nikjarsky Follow 👉 në Instagram

19/06/2026

Një fjalë e urtë thotë: ‘Nëse dëshiron të njohësh një njeri, fol me të për politikën, fenë dhe gratë.’”
Ose, pak më e zgjeruar për të nxjerrë kuptimin:
“Nëse do të kuptosh vërtet karakterin e një njeriu, diskuto me të për politikën, fenë dhe gratë. Pikërisht aty dalin në pah vlerat, paragjykimet, vetëkontrolli dhe niveli i tij i pjekurisë.”
Ideja pas kësaj thënieje mendoj unë është se këto tema prekin bindjet më të thella të njeriut.
Shumë njerëz duken të arsyeshëm derisa hasin një mendim që sfidon identitetin e tyre. Atëherë nuk zbulon thjesht se çfarë mendojnë, por si mendojnë

18/06/2026

Një nga gjërat më të vlefshme që më ka thënë terapisti im ishte:
“Ndalo së supozuari se njerëzit janë të zemëruar me ty. Ndalo së u përpjekuri të lexosh mendjet e të tjerëve. Lëri njerëzit të jenë përgjegjës për veten e tyre. Nëse kanë diçka për të të thënë, do ta thonë. Nëse nuk e thonë, atëherë kjo është përgjegjësia e tyre, jo e jotja.”
Sa shumë energji harxhojmë duke hamendësuar se çfarë mendojnë të tjerët për ne. Ndërtojmë skenarë në kokën tonë, interpretojmë heshtje, shikime apo mesazhe të vonuara dhe i kthejmë në histori që shpesh nuk kanë asnjë lidhje me realitetin.
Nuk është detyra jote të lexosh mendjet e njerëzve. Nuk është detyra jote të mbash peshën e emocioneve të tyre. Dhe nuk është detyra jote të zgjidhësh probleme që askush nuk t’i ka shprehur.
Lëri njerëzit të flasin vetë. Lëri të marrin përgjegjësi për atë që ndiejnë dhe për atë që duan të komunikojnë.
Ky postim nuk është për të gjithë, është për ty që kishe nevojë ta dëgjojë këtë sot.

17/06/2026

Një kardiolog mund të zhbllokojë një arterie koronare për vetëm 45 minuta.
Mrekulli e mjekësisë moderne.
Por e njëjta arterie është ngushtuar për dekada, ndërsa pacienti ka kaluar nga një vizitë 12-minutëshe në tjetrën.
Nuk pati kohë për të folur për ushqimin, për gjumin, për pijen, për lëvizjen.
Ne jemi mjeshtër të shpëtimit.
Por ende të dobët në artin e parandalimit.
Shkëlqejmë kur duhet të shpëtojmë një jetë.
Dështojmë kur duhet të parandalojmë që ajo të rrezikohet.
Nëse banka tërheq 30 euro brenda natës nga llogaria klientët do të ankohen menjëherë.
Nëse tërheq vetëm 3 euro çdo muaj shumica e njerëzve mezi do ta vënë re.
Rrite çmimin e bukës me 30% brenda një jave dhe njerëzit do të zemërohen.
Rrite me 2% çdo disa muaj dhe shpejt bëhet normaliteti i ri.
Shto 20 kilogramë brenda një muaji dhe të gjithë do ta vënë re.
Shto 20 kilogramë përgjatë pesë viteve dhe askush nuk të thotë asgjë.
Prandaj parandalimi është kaq i vështirë. Sepse të duket sikur po lufton me gjëra të padukshme.

16/06/2026

Delja s'e fiton kurrë gjyqin kur gjykatësi shet mish.
Pak veta ia marrin kuptimin kësaj thënieje të urtë. Po ja si e shoh unë.
Nuk mund të fitosh kur arbitri përfiton nga dhimbja jote. Provat s'kanë rëndësi. Argumentet e tua vetëm ushqejnë vendimin që është shkruar tashmë kundër teje.
Kur ndodhesh atje, çdo lëvizje është humbje. Po fole, i ushqen. Po u lute, i legjitimon.
E vetmja lëvizje që të mbetet është të ndërrosh gjyqtarin.

15/06/2026

Ti i braktis qellimet tua pa u menduar dy herë, por mërzitesh kur dikush nuk të kthen një mesazh.
I premtove vetes diçka javën e kaluar dhe e harrove menjëherë, por kur dikush tjetër nuk e mban fjalën që të ka dhënë, papritur e quan mungesë respekti.
Ky standard i dyfishtë është i habitshëm. Kërkon nga të tjerët atë që nuk ia jep as vetes.
Është e lehtë të vëmë re kur të tjerët na zhgënjejnë, por shumë më e vështirë të shohim mënyrat se si e zhgënjejmë vetveten.
Ato premtime të vogla që i bëjmë vetes mund të duken të parëndësishme, por me kalimin e kohës grumbullohen.
Çdo herë që e mban fjalën ndaj vetes, forcon besimin te vetja; çdo herë që nuk e mban, e dobëson pak nga pak.
Vetërespekti nuk ndërtohet nga gjeste të mëdha, por nga ato mikro-besnikërite e përditshme ndaj fjalës që i ke dhënë vetes.

14/06/2026

Nëse një majmun do të grumbullonte më shumë banane sesa mund të hante, dhe shumica e majmunëve të tjerë po vuajnë nga uria, shkencëtarët do ta studionin atë majmun për të kuptuar se çfarë dreqin nuk shkonte me të.
Kur bëjnë njerëzit të njëjtën sjellje, i vendosim në kopertinën e revistës Forbes.
E njëjta sjellje. E njëjta paaftësi për të kuptuar tejngopjen.
Njërin e mbyllim në kafaz. Tjetrin e vendosim në kopertinë.
E njëjta patologji. Thjesht te majmuni e quajmë çrregullim, te njerëzit e quajmë sukses.

13/06/2026

Një fjalë e mençur thotë:
“Nëse një peshk del nga uji për të të thënë se krokodili është i sëmurë, besoje.”
Beso informacionin që vjen nga dikush që është brenda situatës, veçanërisht kur del nga rehatia e tij apo të rrezikon veten për të ta thënë.
Njerëzit zakonisht nuk e prishin stabilitetin e tyre vetëm për të shpikur histori pa arsye.
Një peshk nuk “supozohet” të mbijetojë jashtë ujit. Prandaj, nëse arrin të dalë dhe të flasë, kjo është tashmë një akt ekstrem dhe me kosto të lartë.
Kjo e bën mesazhin e tij të ketë peshë ai ka rrezikuar mjedisin e tij natyror vetëm për ta përcjellë atë mesazh.
Në mos qoftë i vërtetë, të paktën meriton prioritet.

12/06/2026

Cili është interpretimi yt i kësaj thënieje...

11/06/2026

Është një proverb afrikan që thotë, "Qëndro buzë lumit mjaftushëm gjatë, dhe do të shohësh kufomat e armiqve të tu duke kaluar."
Të gjithë e lexojnë sikur proverbi thotë që të kesh Durim. Prit. Armiqtë shkatërrohen vetë. Ti rri urtë, dhe koha t'i sjellë të mundur përpara teje.
Por ka edhe një lexim tjetër.
Po sikur lumi të mos jetë koha? Po sikur lumi të jetë pasqyrë?
Uji gjithmonë ka qenë simboli i nënvetëdijes. Dhe kur sheh në ujë, gjëja e parë që duket... je ti.
Jung-u thoshte se armikun nuk e urren për atë që është. E urren sepse ai mban diçka tënden.
Diçka që s'e pranon dot tek vetja. Sa më shumë të acaron dikush, aq më shumë po të tregon hijen tënde.
Pra, kur ulesh buzë lumit mjaftushëm gjatë, që do të thotë, kur vështron veten me ndershmëri të plotë, armiqtë fillojnë e kalojnë. Të vdekur. Sepse një projeksion që e ke parë, është projeksion që ka vdekur. Nuk ka më pushtet mbi ty.
Armiku nuk u mbyt kurrë në lumë.
U mbyt ditën që ti pe përtej fytyrës tënde nën ujë.

10/06/2026

Ky këtu është shkruar para 2500 vitesh, dhe prap është më i lexuari midis sipërmarrësve, politikanëve, gjeneralëve, dhe sportistëve.

Është Arti i Luftës, nga Sun Tzu.

Shumica e njerëzve e paragjykojnë nga titulli dhe mendojnë se është libër për luftimin.

Nuk është.
Fjalia më e thellë që ka shkruar ndonjëherë Sun Tzu është: “Arti më i lartë i luftës është ta mposhtësh armikun pa luftuar.”
Sepse lufta nuk është kurrë falas. Në momentin që përfshihesh në të, ke filluar tashmë të paguash: me energjinë tënde, me qartësinë mendore, me kontrollin mbi situatën.
E fiton debatin me dikë, por humbet miqësinë.
E fiton përplasjen në punë, por tani të gjithë presin të humbasësh tjetrën.
Kjo nuk është pasivitet. Është pozicionim.
“Luftëtari fitimtar fiton fillimisht, dhe pastaj shkon në luftë. Luftëtari i mundur shkon fillimisht në luftë dhe pastaj përpiqet të fitojë.”, shkruan Sun Tzu.
Marrëveshja më e mirë nuk është ajo ku fiton ti është ajo ku pala tjetër largohet nga tavolina me ndjesinë se ka fituar edhe ajo.
Udhëheqësi më i mirë nuk i kontrollon njerëzit, ai i harmonizon interesat e tyre me të vetat, në mënyrë që të kundërshtosh atë do të thotë të kundërshtosh interesin tënd.
Debati më i mirë me gruan, me vëllanë, me partnerin e biznesit është ai që e pe të vinte tre ditë më parë dhe e shuajte në heshtje përpara se të merrte formë.
Çdo betejë lë një shenjë. Edhe ato që i fiton.
Sepse fitorja nuk ka qenë kurrë qëllimi kryesor. Stabiliteti është.
Prandaj mos pyet: “Si ta fitoj këtë?”
Pyet: “Si mund të mbarojë kjo gjëja para se të fillojë?”
Fitoret më supreme janë ato për të cilat nuk u luftua kurrë.

Indirizzo

Via Dei Campi 12
Merano
39025

Telefono

+447466081689

Sito Web

Notifiche

Lasciando la tua email puoi essere il primo a sapere quando Nikjarsky pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Scelte rapide

Condividi

Digitare