23/08/2026
#رسائلكــــــــم 🌙🌠
رحت للعاصمة انا والزوج والذراري رايحين نحوسو، ايا فليل ندورو فالعاصمة شرينا لي صوندويش بقينا ناكلو فالطوموبيل وندورو 🚗.
وليدي مباغش ياكل، قلي الزوج: «شوفي كاش واحد نمدوهلو صدقة علينا»، ايا نمشو حتى شفنا طفلة قاعدة في بلاصة (السكوار على ما اظن)، وكان يبان عليها طفلة عندها حاجة 💔.
ايا حبست ورحت عندها وديتلها ذاك السوندويش، شادتو وبقات حشمانة ومبغاتش تهدر، ساكتة وتشوف هاك وهاك وخايفة! طفلة شويبة، لابسة مستور وتبان باكية بزاف 🥺.
المهم سمطت عليها حتى حكاتلي.. تخيلو خوها محاوزها! قاتلي: «احنا ثلاث بنات وهو الكبير متزوج وبابا متوفي، يما وهو دايرين فينا المنكر!» 😭
قاتلي: «تخيلي كون ميصيبش حوايجو مغسولين يضربني انا ويخلي مرتو بحكم انا كبيرة ومنيش قارية وهو راه يصرف عليا.. ميغيضنيش الضرب كيما الذل لي قدام مرتو! يبزق عليا غي كي يشوف مرتو، ويذلني ويعايرني!» حسيتو حقد وظلم 💔.
المهم مشاكل اجتماعية، تهدر وتبكي.. عييت فيها من وين انتي، وعييت فيها قلت نديها معايا تريح شوية، تاكل وتدوش ترقد ونكلمها ترجع لدارهم، مباغتش قاتلي: «والله ونموت ما نرجع!»
المهم الطفلة في عمرها بلاك 26 ولا 27، من هدرتها تبان من الغرب، خرجت لابسة حجاب عريض اسود وخيمار تان اسود. المهم دمونداتني في دراهم باه تخلص الكار راهي رايحة للسكيكدة على ما اظن، ومعندهاش تلفون 😞.
المهم طفلة مقهورة، عيب وحرام عليكم قسمتلي قلبي والله ما قدرت نرقد! بغينا نروحو لابوليس قلي الزوج راهي كبيرة معندهم ميدرولها.
المهم الاهل تاعها ايلا شفتو سطاتي والله غير تتحاسبو عليها، والطفلة كون مهيش مظلومة والله ما تبكي ذاك البكا.. اصلا الظالم ميحسش، وحسبي الله ونعم الوكيل 🤲💔💭
