07/10/2026
تماشا سیزن 5 میں لیلیٰ کے ساتھ واقعی زیادتی ہوئی ہے۔ کم از کم اسے ٹاپ فائیو کے ساتھ اسٹیج شیئر کرنے کا موقع تو ملنا چاہیے تھا، کیونکہ وہ اس کی حقدار تھی۔ اس نے پورے سیزن میں ہر گیم میں بھرپور جوش و جذبے کے ساتھ حصہ لیا اور یہ ثابت کیا کہ عمر صرف ایک عدد ہے۔ وہ لڑی بھی، جھگڑی بھی، محبتیں بانٹیں، پیار دکھایا، غصہ کیا اور ہر وہ رنگ دکھایا جو ایک رئیلٹی شو کو دلچسپ بناتا ہے۔ بڑی اداکارہ ہونے کے باوجود اس نے گھر کے کاموں میں بھی بھرپور حصہ لیا اور خود کو کسی بھی مرحلے پر دوسروں سے بالاتر نہیں سمجھا۔ بادشاہ سلامت پر اس کا لٹو ہونا بھی اس سیزن کی ایک الگ پہچان بن گیا تھا اور بہت سے لوگ اس دلچسپ انداز کو خوب انجوائے کر رہے تھے۔ میرے خیال میں لیلیٰ اس وقت نہ صرف ٹاپ فائیو کی حقدار تھیں بلکہ میرے ذاتی ٹاپ تھری میں بھی شامل تھیں، اس لیے ان کا اتنی جلدی شو سے باہر ہونا مجھے واقعی بہت افسوسناک لگا۔ اس سے صرف لیلیٰ کا نقصان نہیں ہوا بلکہ میرے خیال میں شو کا بھی نقصان ہوا ہے، کیونکہ اگر اتنی بڑی اور معروف اداکارہ فائنل تک پہنچتیں تو ممکن ہے آگے آنے والے سیزنز میں مزید اچھے اور جانے پہچانے لوگ، خصوصاً وہ فنکار جنہوں نے پہلے ہی کچھ کام کر رکھا ہے، اس طرح کے شوز میں شرکت کے لیے زیادہ پُراعتماد ہوتے۔ لیلیٰ نے شو کو اپنا رنگ دیا، انٹرٹین کیا اور اپنی موجودگی بھرپور انداز میں محسوس کروائی، اس لیے ان کا اتنی جلدی چلے جانا واقعی ایک مایوس کن فیصلہ لگا۔
واجد ابرار
