Maitri Vihara Tempio

03/12/2025

01/12/2025

මාසිකව පවත්වන විශේෂ සම්බුද්ධ වන්දනා පිංකම. නොවැම්බර් 30 වන ඉරිදා සවස පවත්වන ලදි. නිහාල් පියසේන මහතා සමන්තා මහත්මිය, දර්ශණ මහතා ඉසංකා මහත්මිය ඇතුලු පවුලේ නෑ හිත මිතුරන්ගේ සංවිධානයෙන් සිදු කළහ.🙏🏻🙏🏻🙏🏻

17/11/2025

නොවැම්බර් මස 16 වන ඉරි දින මෝදෙනා මෛත්‍රී විහාරස්ථානයේ පැවැති මාසික සීල භාවනා වැඩ සටහන. සියලු දෙනාට පුණ්‍ය ආශිර්වාදය ලැබේවා.!

09/11/2025

සම්බුද්ධ පූජාව සහ ධර්ම සාකච්ඡාව..🙏🏻

20/10/2025

මෝදෙනා මෛත්‍රී විහාරස්ථානයේ පසුගිය 18-19 දෙදින පැවැති කඨින මහා පිංකම. මෙම මහගු පිංකම වෙනුදෙන් වැඩම කළ මහා සංඝ රත්නයටත්, කැපවීමෙන් වැඩ කළ සැමටත්, විවිධ අයුරුන් දායක්ත්වය ලබා දුන් සැමටත් මෙම පුණ්‍යකර්මයේ පිං බලයෙන් සියලු ආශිර්වාදයත් ආරක්ෂාවත් ලැබේවා..!

13/10/2025

වස් තුන් මාසයේ සෑම ඉරු දිනකම පැවැත් වූ ආගමික වැඩ සටහන්හි කඨින චීවර පිංකමට පෙර පවත්වන විශේෂ සම්බුද්ධ වන්දනා පිංකම 12 ඉරු දින පවත්වන ලදි. එම පිංකම වෙනුවෙන් දායකත්වය ලබා දුන් චේලක මහතා ශ්‍රීනිකා මහත්මිය ඇතුළු පිරිසටත් සහබාගී වූ සැමටත් දැක සතුටුවන සැමටත් ආශිර්වාද වේවා.!

06/10/2025

මෝදෙනා මෛත්‍රී විහාරයේ මෙවර ඔක්තෝබර් 18-19 දෙදින පැවැත්වෙන කඨින මහා පිංකම වෙනුවෙන් සකස් කළ කඨින චීවරය වැඩමවා 04 වන සෙනසුරාදා සවස Bologna නගයේදී සත් බුදු වන්දනා පිංකම සහ ආශිර්වාද පිංකමක් පැවැත්වීය. පිංකමට වැඩම කළ ගෞරවණීය මහා සංඝ රත්නයටත්, පිංකම සංවිධානය කළ සැමටත් විවිධ ආකාරයෙන් සහයෝගය ලබා දුන් සැමටත්, සහබාගී වූ සැමටත් මෙම සියලු පිංකම්හි ආශිර්වාදය ලැබේවා.!

06/10/2025

“පඨවිරිව න ජාතු කම්පතෙ
න චලති මෙරු රිවාති වායුනා
වජිරමිච න භිජ්ජතෙ ඝනං
තමිදමිතො කඨිනන්ති වුච්චති”

‘මහ පොළොව මෙන් කිසිකලෙකත් කම්පා නොවන, මහා මේරු පර්වතය මෙන් අධික සුළඟින් නො සෙල්වෙන ඒක ඝන වූ (එකට කැටි වූ) වජ්‍ර පර්වතය මෙන් නො බිඳෙන හෙයින් කඨින යැයි කියනු ලැබේ.’

ශාසන ප්‍රතිපත්තිවලට අනුව භික්‍ෂූන් වහන්සේලාට වස් එළඹීම් දෙකකි. ඒ පෙරවස් විසීම හා පසුවස් විසීම යනුවෙනි. ඇසළ පුර පොහෝ දින පොහොය කර්ම කොට පසු දින (අවපෑළවිය) පෙරවස් එළඹිය යුතුය. පෙරවස් එළඹීමට නොහැකි වූ භික්‍ෂූන් වහන්සේ පසුවස් එළඹිය යුතුය. නිකිණි පුර පොහොය දා පොහොය කර්ම කොට පසු දින පසුවස් එළඹීම සිදු කරයි.
උපසම්පදා භික්‍ෂූන් වහන්සේ නමක් නියමිත දින වස් නො එළඹිය හොත් දුක්කටාපත්ති ඇවැත සිදු වේ. එනිසා උපසම්පදා භික්‍ෂූන් වහන්සේ නමක් වස්විසීමට ආරාධනා කළත් නොකළත් වස් එළඹීම සිදු කළ යුතුය. වස් සමාදන් වූ උපසම්පදා භික්‍ෂූහු වස් ඡේදනය නොවී ආරක්‍ෂා කර ගනිමින් පිළිවෙත් පුරති.
පෙරවස් සමාදන් වූ භික්‍ෂූන් වහන්සේලා වප් පුර පොහොය දිනයේත්, පසුවස් සමාදන් වූ භික්‍ෂූන් වහන්සේලා ඉල් පුර පොහොය දිනයේත් මහා පවාරණ විනය කර්මය සිදු කරති.
වස්සාන සෘතුවේ මුල් මාස තුන භික්‍ෂූන් වහන්සේලා වස් වසා වැඩ සිටින කාලයයි. අවසන් මාසය වස් විසූ භික්‍ෂූන් වහන්සේට කඨින චීවර පූජා කරන මාසයයි. “කඨිනස්ස අත්ථාරමාසො ජානිතබ්බොති වස්සානස්ස පච්ඡිමො, මාසො ජානිතබ්බො” යනුවෙන් විනය පිටකයෙහි පරිවාර පාළියෙහි සඳහන් වන අන්දමට වස්සාන සෘතුවේ අවසාන මාසය කඨිනත්ථාර (කඨිනය පිළිගැන්වීම)කාලය වේ. වප් මස පුර පොහොය දිනට පසු දින (අවපෑළවිය) සිට ඉල් මස පුර පොහොය තෙක් ඇති දින විසිනමය කඨිනත්ථාර කාලය වේ. එම මාසයට චීවර මාසය යැයි ද ව්‍යවහාර කරති. චීවර මාසය තුළ වස් විසූ සෑම විහාරයකම,ආරාමයකම කඨින පින්කම පවත්වනු ලැබේ.
කඨින චීවර පූජාව උදාර බලසම්පන්න කුසල කර්මයකි.

වස්සාන සමයේ පෙරවස් එළඹුනු භික්ෂූන් වහන්සේ තෙමසකින් වස් පවාරණය කිරීම අද වැනි පොහොය දිනකදී සිදු කෙරේ.
සත්වන වස් කාලය ගත කිරීමට තව්තිසා දෙව්ලොවට වැඩම කෙරූ බුදුරාජණන් වහන්සේ දෙව්ලොවින් නික්ම දඹදිව සංකස්සපුරයට වැඩම කර මහා පෙළහර පාමින් වැඩසිට ඇත්තේ ද අද වැනි පොහොය දිනක බව සඳහන් ය. සැරියුත් මහ නාහිමියන් ප්‍රඥාලාභී භික්ෂූන් අතර අග්‍රස්ථානය ලැබීම මෛත්‍රී බෝ සතාණන් ගෞතම බුදු සසුනෙහි පැවිදි වීම ඇතුළු ශාසනික සිදුවීම් කිහිපයක් හේතුවෙන් මෙම පොහොය දිනය ලෝකවාසී බෞද්ධයන්ට වැදගත් වේ.
වප් පොහොය බුදු සිරිතේ වැදගත් සිදුවීම් රැසකට මුල්වූ දිනයක් සේම ලංකාවේ බුදු සසුන පිහිටුවීමේදී ද අනුස්මරණීය දිනයකි. එසේම කඨින පිංකමේ අවසන් පොහොයට පෙර යෙදෙන්නේ වප් පොහෝ දිනයයි.

05/10/2025

ඉරිදා සන්ධ්‍යාවේ පැවති වස්සාන සත් බුදු වන්දනා පිංකම. පිංකම වෙනුවෙන් දායකත්වය ලබා දුන් Bologna නගරයේ ජීවත්වන අබේරත්න මහතා ශ්‍රියාලතා අබේරත්න මහත්මිය, සමන්ත ඩිමෙල් මහතා තුෂාරා බටගොඩ මහත්මිය, ශාන්ති බටගොඩ මහත්මිය, ප්‍රියාල් මහතා නයෝමි මහත්මිය සහ එම පවුල්වල දූ දරුවන්, නිලන්ති සමරසේකර මහත්මිය ඇතුලු දූ දරුවන් සැමටත් සහභාගීත්වයෙන් පිංකම සාර්ථක කර ගැනීමට දායක වූ සැමටත් දැක සතුටු වන සෑම දෙනාටත් පුණ්‍යානුමෝදනාව සහ ආශිර්වාදය වේවා.!