19/09/2024
#منقول | إحدى الطالبات : " كُنت طالعة مع صاحباتي نوكل برّا، والمصاري اللي أنا عاملة حسابي فيهُم طلعوا ما بكفُّوا غير حق الوجبة..
واكتشفت هالشي بعد ما دفعت حق الوجبة، يعني هيك صُرت بقدرش أروِّح عالبيت لأنّه ما معي حق الترويحة.
ميِّلت على صاحبيتي بهمسلها :
" معك تعطيني أروِّح اليوم، وبُكرا أكيد بكونوا عندك "
" طبعًا ولك معي، هسّة بعطيكِ "
(وحكتها بنفس الهمس).
بس كانوا البنات متجمعين، لقيتها بتطول مصاري وبتحكيلي :
" بضللك عليّ 4 دنانير ، وشكرًا كثير وهيهُم "
وأنا أصلًا ما بدي منها شي، بس فهمت حركتها اللي عملتها بإنها ما تحرجني قُدّام البنات.
- مَر على هالقصّة فترة منيحة، ولحد هسّة أثرها فيّي ".
تذكَّرت مقولة "محمّد راتب النَّابلسي" بس حكى :
" إنّ مِن حياء المُؤمن أنّهُ لا يُحرج أحدًا، لا يُخجله، ولا يضعهُ في زاويةٍ ضيِّقة " 💙
