01/09/2026
إذا بدك تبدأ بالعمل الحر وتجيب أول عميل، مش ضروري تكون البداية من منصات الفريلانس ولا من الإعلانات.
أحيانًا أسرع طريق لأول مشروع موجود أصلًا حولك.
ابدأ من دائرة علاقاتك: أصحابك، قرايبك، زملاءك، أو أي شخص بيعرف طبيعة الخدمة اللي بتقدمها.
احكيلهم بشكل واضح:
أنا بقدم خدمة كذا، وإذا إنت محتاجها أو بتعرف شخص ممكن يستفيد منها، عرّفني عليه.
ليش هاي الطريقة قوية؟
لأن العميل اللي بيجي عن طريق توصية أو Referral عنده ثقة فيك من البداية، والمحادثة معه أسهل بكثير من إنك تكون واحد من عشرات الأشخاص اللي مقدمين على نفس المشروع بمنصة عمل حر.
مش المطلوب تزعج كل معارفك أو تبيع عليهم.
المطلوب إن الناس تعرف:
شو بتعمل، مين بتساعد، وشو المشكلة اللي بتحلها.
أول عميل ممكن ما يكون موجود على منصة أصلًا…
ممكن يكون على بُعد رسالة واحدة منك.
#الفريلانس
