18/09/2026
برياني الدجاج مع الصوص الاخضر 😋👌 بتشهي
المكونات :
٣ كاسات رز حبة طويلة
٥ قطع دجاج
حبتين بصل كبار مقطعات لشرائح
لبن رايب
معجون طماطم
معجون زنجبيل
توم
بقدونس
نعنع
كزبرة
فلفل هندي ناشف
زعفران
صبغة طعام لون احمر
زبدة
فلفل حار
زيت زيتون
ملح
فلفل اسود
عصير ليمون
مي مغلية
كزبرة حب
قرنفل حب
هيل حب
يانسون حب
لومي
قرفة
بهارات دجاج
شطة مجروشة
بابريكا
كركم
كمون
هيل
طريقة التحضر :
بقطع البصل لشرائح وبقليهم في زيت نباتي وبكرملهم بنضف الدجاج وعلى عدد اهل بيتي احتجت ٥ قطع دجاج بنقعهم بخلطة بتشهي (
معلقتين لبن ، رشة هيل ، نص معلقة كمون ، رشة كركم ، معلقة بابريكا ، معلقة فلفل مجروش ، معلقتين بهارات دجاج ، معلقة معجون زنجبيل /
معلقة توم ، معلقة معجون طماطم ، معلقة فلفل اسود ، معلقة ملح ، شوية من زيت البصل المكرمل ، كمشة صغيرة نعنع وكمشة صغيرة كزبرة وكمشة صغيرة بصل مكرمل وقطع الدجاج وبحركهم مع بعض وبخليهم في التلاجة ربع ساعة
بعد ما ينتقع الدجاج بحط في الطنجرة زيت نباتي وقطع الدجاج و١٠٠ مل مي وبترك قطع الدجاج ساعة الا ربع
على بين ما يستوي الدجاج بحط في الطنجرة مي تقريبا لتر ونص وبحط من زيت البصل تقريبا معلقتين ومعلقة من الكزبرة الحب وكم حبة من القرنفل والهيل وحبة يانسون وتلات حبات لومي وعود قرفة وكمشة كزبرة ونعنع وبصل المكرمل ولما يغلو بحط الرز بتركه على نار واطية لمدة ربع ساعة ما يكون مستوي كامل
وبعدها بعمل طبقات في الطنجرة رز وكزبرة ونعنع وبصل مكرمل وقذع الدجاج والصوص يلي بكون معه وبعدها كزبرة ونعنع وبصل مكرمل ورز وعلى الوجه برجع احط نعنع وكزبرة وفلفل هندي وبنقع شوية زعفران بمي وبحطه على الوجه الرز مع صبغة طعام لون احمر وتلات معالق زبدة ورشة ملح وبسكر الطنجرة وبتركه ١٠ دقائق
على بين ما تستوي الطبخة بعمل الصوص ( بقدونس ، كزبرة ، نعنع ، زيت زيتون، فلفل حار ، ملح ، فلفل اسود ، عصير ليمون بعملهم بالهاند بليندر وبعدها بحط لبن رايب وبحركهم مع بعض وبقدمهم في صحون الصوص وبزين الوجه بصل مكرمل
وبعد ما يجهز الرز بزين الوجه بكزبرة وبصل مكرمل
#برياني #طبخ
