05/04/2024
بدنا نحكي بحلقتنا لليوم عن الراس مالية وايش تعريفها
واذا حابب تعرف كل اشي عن الرأسمالية
وكيف بيتم السيطرة على الأسواق العالمية كمل معاي الفيديو للاخر
الرأسمالية وبتنعرف كمان باسم التَمَوّل
هي نظام اقتصادي تابع لملكية خاصة لوسائل الإنتاج وصنع السلع والخدمات منشان الربح
ومن التعريفات الثانية للرأسماليّة: هي البيئة الاقتصاديّة التي تعتمد على استثمار الملكيّة الخاصة ، لوسائل الإنتاج، وتبادل الثروات، وتوزيعها على المالكين من الأفراد، والمؤسسات، والدول.[١]
تُعرف الرأسماليّة في اللغة الإنجليزيّة بمصطلح (Capitalism)؛
وهي من الأنظمة الاقتصاديّة العالميّة، واللي بتعتمد على فكرة الملكيّة الخاصّة لجميع العناصر الإنتاجيّة،
بتشمل الخصائص الرئيسية للرأسمالية راس المال والملكية الخاصة والأسواق التنافسية والعمل المأجور .
وهذول يلي راح نحكي عنهم ونعطي امثلة عليهم
والحين راح نوضح ونعطي مثال عن أول خاصية للراس مالية
الخاصية الأولى هي راس المال
انو انتا يكون معك راس مال
الخاصية الثانية وهي الملكية الخاصة
وهي انو يكون عندك شركة او مصنع خاص فيك وتصير تبيع من خلالهم منتجات وتصير انتا تتحكم بالأسعار
الخاصية الثالثة هي الأسواق التنافسية
وهي لما يكون في شركات خاصة ثانية غير شركتك في نفس الدولة تصيرو تتنافسو بالأسعار
يعني انو لو كان في شركة بتبيع سلعة معينة بدينارين
والشركات الثانية بتبيع السلعة بدينار ابو الدينارين ما رح حدا يشتري من عندو وهيك راح يضطر انو يبيع بدينار مثل الشركات يلي حواليه مشان الناس تشتري من عندو
الخاصية الرابعة هي العمل المأجور
وهي انو تصير تجيب عمال للعمل داخل الشركة او المصنع الخاص فيك وتعطيهم اجرتهم
وخذ عندك هاي وخذ عندك هاي الخاصية الخامسة وهي الملكية الرأسمالية يلي بتعني شغلتين . أولاً ، يتحكم الملاك في عوامل الإنتاج. ثانياً ، بيجيهم دخلهم من ملكيتهم. وهالاشي بيعطيهم القدرة على إدارة شركاتهم بكفاءة. وبيوفر الهم الحافز لتحقيق أقصى قدر من الربح . هاذ الحافز هو السبب في انو الكثير من الرأسماليين بيقولو " الجشع جيد ".
الخاصية السادسة بتطلب الرأسمالية انو ينجح اقتصاد السوق الحر . وتوزع السلع والخدمات وفقا لقوانين العرض والطلب .
بيقول قانون الطلب انه لما يزداد الطلب على منتج معين ، يرتفع السعر. ولما يعرف المنافسين أنهم بيقدرو يحققة ربح أعلى ، بيزيدو الإنتاج. ويقللو العرض الأكبر من الأسعار لمستوى ما بضل فيه غير أفضل المنافسين.
بيتنافسو مالكين العرض على بعضهم لتحقيق أعلى ربح. وبيبيعو سلعهم بأعلى سعر ممكن مع الحفاظ على تكاليفهم المنخفضى على قد ما يقدرو. المنافسة بتخلي الأسعار معتدلة وفعالة في الإنتاج.
ومن خصائص الراس مالية
انو بتقول النظرية الاقتصادية للتدخل الاقتصادي انو على الحكومة أن تتبنى نهج " عدم التدخل " في الرأسمالية. يجب أن تتدخل فقط للحفاظ على مستوى الملعب او الدائرة الموجود فيها الراسماليين . دور الحكومة هو حماية السوق الحرة. ولازم انو تمنع المزايا الغير العادلة يلي حصلت عليها الاحتكارات أو الأوليغاركية . ويجب منع التلاعب بالمعلومات والتأكد من توزيعها بالشكل المنصف
طبعا الراسمالية الها 3 أشكال اساسية
1- رقم واحد هو نظام الترست: وهذا النظام يعني اتفاق الشركات المنافسة بين بعض على تكوين شراكة قوية بتجمعهم ليكونوا قادرين على الإنتاج بشكل أكبر.
2-رقم اثنين وهو نظام الكارتل: بينعرف هاذ النظام على انو خبيث وهو بيكون واحد من اهم أشكال النظام الرأسمالي وأسوؤه على عالآخر؛ بحيث انو بتلجأ الشركات الكبيرة للاتفاق بين بعض على انو يقسمو الاسواق العالمية يلي بيعطيها فرصة على احتكار هاذي الأسواق وبخليهم يسيطرو ويتحكمو في السوق والأسعار كيف ما بدهم وقهر الناس والاهالي بحرية تامة
3- رقم ثلاث نظام الكوربوريتزم: يلي بتعني النقاباوية؛ وهي الشركات المتعددة الجنسيات يلي بتملك رؤوس أموال كبيرة وبتدير تحتها الكثير من المؤسسات صاحبة اللشكال المختلفة، وبتتميز بهيمنتها وسلطتها الكبيرة على القرار السياسي والاقتصادي للدول يلي إلها فروع فيها ، انتقد هذا النظام القاتل الاقتصادي (جونز برينكز) وهو صاحب كتاب (الاغتيال الاقتصادي للأمم) في كتابه يلي انتقد فيه هذا النظام ويلي بيتبع الاساليب الغير إنسانية يلي بيتم فيها تجنيد العملاء الخاصين بنظام الكوربوريتزم، وكيف انو هاذ النظام بيدمر اقتصاديات الدول النامية بغرض نهب ثرواتها بدون أدنى وازع أخلاقي أو إنساني، وأعطى نماذج للدول يلي تم تدميرها اقتصاديا واحتلالها عسكريا
مثل الإكوادور وغواتيمالا وبنما
من سلبيات الراس مالية
رقم واحد وهي انو يلي ما عندهم مهارات تنافسية بيتضررو كثير مثل كبار السن والأطفال والمعاقين والقائمين. للحفاظ على عمل المجتمع ، مشان تنحل هاي المشكلة لازم يكون ورا الرأسمالية سياسات حكومية بتقدر وحدة الأسرة.
مع انو فكرة ساحة اللعب المكافئة موجودة
بس الراسماليين نفسهم ما بيشجعو الفرص المتكافئة
يعني مثل الناس يلي ما عندهم الدعم والتعليم الكافي
ما بيصلو لساحة اللعب داخل دائرة الراسمالية.
والمجتمع مش راح يستفيد من مهاراتهم القيمة.
رقم اثنين هي انو الرأسماليين الكبار يلي عندهم مصدر ربح عالي
بيكون عليهم عدد اقل من اشكال التهديدات التنافسية
لانو بيقدرو يستخدمو قوتهم بالتلاعب بالنظام
وبيقدرو يعملو حواجز للناس يلي بتنافسهم.
عن طريق التبرع للمسؤولين المنتخبين مثل النواب والوزراء
مشان يمشو القوانين يلي بتفيد بصناعاتهم
رقم ثلاث هي انو الراسماليين بيتجاهلو التكاليف الخارجية ، مثل التلوث وتغير المناخ . هالاشي بيخلي السلع أرخص وأكثر قابلية للوصول الها على المدى القصير. بس مع مرور الوقت ، بتستنزف الموارد الطبيعية ، وبتقلل من نوعية الحياة في المناطق المتضررة ، وتزيد التكاليف بالنسبة للجميع.
لحل هاي المشكلة لازم الحكومة تفرض ضرايب
وتحول هاذي التكاليف الخارجية لفلوس ويحسنو الترفيه العام.
ومن ايجابيات الراس مالية
بتنتج أفضل المنتجات بأفضل الأسعار. لانو المستهلكين راح يدفعو أكثر بمقابل الشغلة يلي بدهم اياها .
بتوفر الشركات يلي بيحتاجو العملاء بأعلى الأسعار يلي راح يدفعوها.
بيتم الاحتفاظ بأسعار منخفضة من المنافسة بين الشركات. وبيخلو منتجاتهم فعالة على قد ما يقدرو لتعظيم الربح.
الأهم من يلي حكيناه
بالنسبة للنمو الاقتصادي هو المكافأة الكبيرة للرأسمالية على الابتكار.
هالاشي بيشمل الابتكار باساليب الإنتاج الأكثر كفاءة.
وهاذ بيعني ابتكار منتجات جديدة كمان وكمان
الحين راح نحكي عن الإيجابيات والسلبيات لراسمالية
من وجهة نظر بعض الناس
وهالحكي مأخوذ من صفحة عملو مقابلات مع الناس
ووجهت نظرهم كانت
انو المؤيدين للراس مالية بشوفوها انها بتحفز المواطن على
انو يشتغل أكثر لانو عارف بنهاية المطاف
انو مصاريه الو وهو حر بالتصرف فيها
وبالتالي بتشجع على الابتكار وعلى الإبداع
وهاذ يلي حاصل بالدول الغربية يلي صدرت التكنولوجيا والرفاهية لكل العالم
وبيتبعو مقولة ادم سميث يلي أسس الراسمالية
يلي بيحكي انو الربح محرك الاقتصاد
والمصلحة الخاصة محفز قوي لتحقيق الرفاهية
اما منتقدين الراسمالية بشوفوها انها نظام متوحش ما بهتم بالفقير
والربح بيزيد أصحاب رؤوس الأموال والباقيين مثل العمال المأجورين بياكلو هوا بسبب اجورهم البسيطة
يعني بتزيد الغني غنا والفقير فقر
ومن وجهة نظرهم انو الراسماليين ما بيهتمو بالبيئة
وممكن يسيطرو على السياسة
وهالحكي يلي راح احكيه لشخص كان معلق على منشور بيحكي عن الراسمالية
هاذ الشخص بيقول
انو بغض النظر عن إن كانت الرأسمالية منيحة او لا
ما في أنظمة اقتصادية بطبق الراسمالية
وحتى لو تطبقت
بتطبق بطريقة فاشلة جدا
وبستعبدو العمال والأجور قليلة والدوام طويل
مشان ينمو راس المال
طبعا هالحكي عن دولنا العربية
واحنا كعرل بنحاول نقلد أمريكا ودول اوروبا بس الفساد
مستشري وواصل للنخاع
و دولنا العربية كلها مديونة قاعدة بتمشي على شروط صندوق النقد الدولي وكلهم بحاولو يحصلو مصاري أكثر من جيوب الشعوب ورفع الدعم و والأسعار والسلع الأساسية
يا اخوان انا بفهمش كثير بهيك مواضيع ومش تخصصي يعني اذا في عندي اي اغلاط او اي معلومات منقوصة ادخلو واتاكدو من المصادر بأول تعليق
وهيك بنكون خلصنا حلقتنا لليوم عن الراسمالية
واذا عجبتكم حلقتنا لليوم ماتنسو تحطو لايك للفيديو وتشتركو بالقناة وتفعلو الجرس مشان يصلكم كل شي جديد
وشكرا لكم وشكرا عالمشاهدة
نراكم في الفيديو القادم ان شاء الله
والسلام عليكم ورحمة الله وبركاته
