13/10/2025
مرحبا يا جماعة انا في الي جارة لزقة ملزقة فيني كل يوم وطول اليوم يعني مو عارفة شو اعمل معاها بنحكي عن الاكل اعزميني طيب عن الاواعي اشتريلي طيب عن كل شي بيصير بدها ووضعها احسن من وضعي انا اذا فات الحرامي عبيتي بدو يحط مو يسرق لانو ما حيلاقي شي يسرقو
المهم صارت كل يوم تيجي وتقعد وتطول ومتجوزة وعندا ولاد وبيت وجوز نفس تحكيلي هي بدي اروح اطبخ بضل اسمعها يا الله تعبانة بدي فوت اجلكم الله عالحمام عالفاضي ما بتفهم بتحكي فوتي هيني قاعدة بستناكي وكبيرة مو صغيرة اكبر مني لاحكي جاهلة متلا او ما بتفهمها عاطاير بحكي بدي قوم حتا اطبخ وكمان شوي جوزي مروح ولا عبالا لمرة كنا قاعدين وصولت صارة الساعة 11ونص مديت حالي بدي نام وبحكيلها نعسانة وساعة وانا ازن وعمل حالي اني نعسانة لقبلت تروح بحكي خلص انا عندي مشوار بكرا لا بترن تاني يوم من الصبح شو طلعتي بحكي اه طلعت ومرات بطنشها ما برد عليها يا بتيجي تسمع اذا في صوت بالبيت او بتبعتلي طيب ما شفتك طلعتي يلا هيني جاي مرات باخرها بحكيلها بدي اعمل دش للولاد وبدي ساعة او ساعة ونص بتيجي بتحكي لا باجي وبستناكي لتخلصي حكيت لجوزي مو هيك لزيارات حكا مع جوزها شو رايك لما نيجي عليكو تاني يوم انتا ومرتك تيجونا ولو ما ييجو عيالك والمرا لحال لانو لولاد بتضاربو وما بدنا يزعلو بعض اما بنزور بعض فما بتضاربو لولاد قدامنا ومن يومها بعتتلي ما كان في داعي تحكي لجوزك انو يحكي مع جوزي تخليش مرتك تيجي علي حكتلها ما حكا حكت كان حكيتيلي مشغولة او مو فاضي او وراي شي مشوار لحالي بختصر هلا انا غلطة صح الجار للجار بس والله مرات بتطول لسانها علي وبرضاش ازعلها بحكي عند الله ما بيضيع شي شو اعمللها الها شهر زعلانة وما بطلع فيها حتا هل بحقلها تزعل او انا وزوجي غلطنا مع انو زوجها حكالها اكتر من مرا قدامي بتروحي عليها ساعة او نص ساعة وبتروحي كوني خفيفت ضل عالجماعة عيب ... ؟؟
اسفة عالاطالة وياريت بلا تعليقات سلبية
