أسس ابنك صح مع ثروه الهاشم

أسس ابنك صح مع ثروه الهاشم صفحه تعليميه لتأسيس الأطفال
(530)

06/08/2025


يوم ما كنت توجيهي سنة 2006 طلعت نتائجنا يوم الجمعه العصر
الناس طالعه تجيب النتائج من محلات النت لانه ايامنا كنا ما بنعرف نت ولا تكنولوجيا وأمي بلشانه بالمقلوبه بدها تغديني قبل ما تدفني 🤣🤣 مثل كبش عيد الأضحى بضلهم يزقو فيه عشان يكبر ويذبحوه🤣🤣

طلعوا يجيبوا نتيجتي وأنا كل شوي أفوت على أمي على المطبخ أقول لها مطوله المقلوبه بدي أكل
خلصت غدا من هون والزمامير ترقع من هناك ينادو علي نجحتي
كانت أول نتيجه طالعه بالحاره كلها
ويلي بصفي الاوائل بعيطن وبرنن علي خايفات نتيجتهن بعدها مش طالعه ....اوائل بعيطن قال

الله يعطيكم برودة قلب يلي اعطاني إياها ونجاح تتمنوه بمعدل أكثر مما تتمنوه

05/08/2025

بتفكروا بس طلاب التوجيهي قاعدين على أعصابهم
بكره في تغيير وزاري اعصابي تلفت أكثر منهم
خايف يسلموني وزاره ما بحبها😝
يعطوني وزارة التعليم ومسامحهم بالتعليم العالي

‏🎉‏ لقد تلقيتُ تقديرًا من فيسبوك بوصفي أحد أبرز منشئي المحتوى الصاعدين هذا الأسبوع!حكولي اشارك الاحتفالية معكم🥳غلبت ام ن...
04/08/2025

‏🎉‏ لقد تلقيتُ تقديرًا من فيسبوك بوصفي أحد أبرز منشئي المحتوى الصاعدين هذا الأسبوع!

حكولي اشارك الاحتفالية معكم🥳
غلبت ام نمر نسخه للمكيودات 🤣

صدر حديثا للصف الثاني🔥🔥 المنهاج الجديد #شرح لمنهاجي اللغة العربية والرياضيات النسخه ...
04/08/2025

صدر حديثا للصف الثاني🔥🔥
المنهاج الجديد
#شرح لمنهاجي اللغة العربية والرياضيات
النسخه تباع pdf بسعر 5 دنانير للطلاب فقط
تشمل الشرح وورق عمل وحل التمارين
لا تحتاج لدروس خصوصي

🚗 تباع للطلاب فقط
للطلب وكيفية الشراء التواصل عبر الواتس اب
0772149426

02/08/2025

تعالوا نحكي شوي عن موقف بسيط... بس إله تأثير كبير على الطالب!

لما انادي الطالب يكتب على اللوح، لا تفكروا إنه مجرد طلع وكتب!
كل خطوة للّوح فيها رهبة، توتر، ويمكن شويّة فرح!
ولما يمسك القلم... بحس حاله مسؤول، وكأنه المعلم هسا!
لكن... إذا أخطأ، شو ردّة فعلنا؟ 🤔

في معلّم بصرخ:
❌ "خطأ! ارجع مكانك!"
هيك إحنا حطّمنا ثقته بنفسه، راجع بخطواته وهو مكسور!وعمره ما راح يرجع على اللوح ولا يكتب

وفي معلّم بقول:
❌ "مين يصوّب له؟"
هون الطالب بحس حاله انحرج، وكأن اللي صحّح له انتصر عليه!وبصير زميله يلي صحح له خصمه يمكن سمع جواب من زميل جنبه خجول وما عنده ثقه بجوابه ولا بنفسه وهمس فيه فسمه وبادر بالتصحيح على حساب مهارة طالب خايف وخجلان

وفي معلّم بصحّح له فوراً، والطالب واقف تايه، مش فاهم وين غلطه...

✋ لكن لحظة... مش الهدف من هالكلام ننتقد حدا!
أنا معلمة، شايفة وعايشة كل لحظة بالصف، وعارفة إن بينّا:
المعلم الداعم
والمعلم الصبور
والمعلم اللي بيصحّح بحب وبنية صافية
وما في حدا كامل، كلنا بنتعلم من بعض، ومن تجاربنا اليومية.

✍️ كلامي مش هجوم... ولا تجريح!
هو تذكير نابع من قلب سَبق ووقف قدّام طالب خايف، أو طالب أخطأ...
هو دعوة نعيد النظر ببعض ردات الفعل، نكون أقرب، أحن، أهدى.

ليش ما نقول له:
✅ "حلو إنك جربت، خطك مرتّب، وشجاعتك تُرفع لها القبعة! خلينا نراجع سوا ونشوف وين الغلط؟"
خليه هو يكتشف، يصحّح، وإنت بس داعم ومرشد. ومره على مره راح تقل نسبة الغلط والخوف وترتفع نسبة الصواب والثقه بالنفس للطالب

هيك بنتعلم:
الشجاعة بالمحاولة
كيف نغلط ونتعلم
نركّز ونفكر
نكتشف ونصحح
ونرجع نحب نوقف على اللوح من جديد!

هيك التعليم بصير فَنّ، مش عقاب!
والمدرسة بتصير بيئة آمنة، مش ساحة رعب!
ولادنا بحاجة يسمعوا: "عادي تغلط.. المهم تحاول!"
والمعلم هو الفنان يلي يعرف كيف يرسم الثقة جوّاهم، بكلمة، بنظرة، بابتسامة 🌟

خلونا نعلّم بمحبة... ونربّي بحكمة!



01/08/2025

إحنا كمعلمين دايمًا بنسعى نوصل المعلومة للطالب بأبسط طريقة، بس البساطة أحيانًا إذا زادت عن حدها، بتصير سطحية وما بتوصل المعنى صح. مادة اللغة العربيّة فيها عمق وجمال، بس لازم نقدّمها بطريقة تحيي الفهم، مش بس الحفظ.

اللغة العربيّة مش بس مادّة، هي بحر واسع، وقواعدها متشعّبة وفيها استثناءات كثير.
بس اللي بيصير إنه إحنا بمادة القواعد بنعطي الطالب "نمط" يحفظه ويكمّل عليه، وخلص.

يعني مثلًا:
معلم، معلمون، معلمين
طالبة، طالبات
صديق، صديقان
لعب، يلعب، العب

طيب ليش ما نشرح القاعدة نفسها؟
ليش ما نفهم الطالب شو يعني جمع؟ وشو أنواع الجمع؟
ليش ما نعلّمه الفعل وكيف يتحوّل من ماضي لمضارع ولأمر؟

كل وحدة دراسية فيها قاعدة لغوية ونحوية، بدل ما نمر عليها مرور الكرام، ليش ما نوقّف عندها، نشرحها، ونفصّل فيها، ونربطها بالدرس؟
خلي الوحدة تأخذ منّا ٣ أسابيع: أسبوع للقراءة والفهم، أسبوع للقاعدة، وأسبوع للتطبيق والاستخراج.
هيك ٥ وحدات بدها ١٥ أسبوع يعني تقريبًا ٣ شهور ونص... والوقت متوفر، ومرّة عن مرّة الطالب بصير يعرف يطبّق ويستخرج بنفسه، وكل درس بصير فرصة لتثبيت القواعد القديمة وتعلم الجديدة.

وبهيك طريقة، الطالب بصير جاهز لمرحلة الإعراب، واللي لازم نبلش نأسّس إلها من الصف الرابع، مش نستنا للمرحلة الإعدادية

بدنا نعلّم أولادنا يفهموا مش يحفظوا، يحكوا عن القاعدة ويفسّروها، مش بس يجاوبوا صح بالنمط المعروف. لما نفهم الطالب شو ورا القاعدة، بصير الإعراب والتعبير والتحليل أسهل عليه. التعليم مش سرعة، التعليم عمق.

28/07/2025

📚 جيل يقرأ... جيل يتحدث 🗣️
أول طريق للعلم... يبدأ بقراءة حرف بإتقان، مش بس نحفظه ونمر عليه مرور الكرام.

بصراحة، إحنا كلنا شايفين وضع ولادنا،
بنهاية المرحلة الثانوية ولسّه في ناس ما بتعرف تقرأ صح!
تلعثم، أخطاء، ما بيميز الحركات…
والأصعب من هيك: كيف بيصلي؟ كيف بقرأ الفاتحة؟
وإحنا منعرف: اللي بغلط بالفاتحة صلاته باطلة!

الموضوع مش بس علم وامتحان، الموضوع دين وعبادة.
ما في صلاة بدون قراءة صحيحة، ولا فهم للدين من غير ما نعرف نقرأ آياته بإتقان.

وإحنا بعطلة الصيف،
الشوارع بتضج بالأولاد كل مساء: لعب، صراخ، كرات، وبسكوليتات،
ونهارهم؟ على التاب والموبايل… ألعاب عنف وفري فاير وسوشيال ميديا.

بس أول ما يبلّش الدوام، بنصير ندور على مس تأسّس ابنا وتحسّن قراءته
وإحنا من الأساس ما عملنا إشي لهالجانب!

طب ليش ما نمسك أولادنا كل يوم ساعة؟
صدقًا ساعة واحدة باليوم كفيلة تغيّر كتير.
العطلة حقهم يرتاحوا، صح... وإنتِ كمان
بس مش كل وقتهم لعب وتسلاية وبس،
ولما ترجع المدارس نرجع نحملهم فوق طاقتهم!

اعمل توازن… علّم ابنك يقرأ، علّمي بنتك تفهم شو تقرأ.
ساعة يوميًا بتصنع فرق كبير.

✍️ القراءة مش بس هواية،
هي حياة، علم، دين، ووعي.

لنصنع جيلًا يقرأ…
جيلًا يتحدث بثقة، ويعيد بفهم، ويتعلم من منطلق قوي.

هنا تسقط كل البطولات وكل الحروف من قواميس اللغة هنا لا نشاهد طفله انتهت من العذاب هنا نشاهد كم بكت وكم عانت من ألم الجو...
26/07/2025

هنا تسقط كل البطولات وكل الحروف من قواميس اللغة
هنا لا نشاهد طفله انتهت من العذاب
هنا نشاهد كم بكت وكم عانت من ألم الجوع والعطش
كبارا لا نقاوم ساعة جوع وساعة عطش كيف بطفلة تحملت هذا العذاب
بكاء طفل من اطفالنا نهرع لجلب الحليب والطعام له كم بكت هذه الطفله وكم حاول والديها جلب ما يسكت بكاؤها
فما اسكته إلا الموت جوعا وعطشا وألما

لكم الجنه طعامها شرابها وراحتها ونعيمها يا أهل العــ Z ــزه

26/07/2025

خاص لسكان اربد
بدي مبنى مستقل لمشروع مدرسه
بالحي الشرقي ....مناطق سال بشرى
بتابع التعليقات

26/07/2025

📚✏️ كلمة للأهالي الأعزاء 👨‍👩‍👧‍👦

كثير بنسمع هالأيام حكي عن تغيير المناهج وكتير ناس بتشكي إنها صعبة ومش مفهومة.. بس لازم نعرف شغلة مهمة: الطالب قبل ما يفتح الكتاب أصلاً بكون سامع من أهله إنه صعب، فبروح عقله دغري بصير حابس حاله إنه مش راح يفهم!

🔑 يعني زيه زي الطفل اللي لو شاف أخوه ما بحب أكلة معينة ببطل يحبها هو كمان، مع إنه لو جربها لحاله كان ممكن تعجبه! نفس الاشي مع الكتب والدراسة.

📖 ولو رجعنا لأيام السبعينات أو الثمانينات رح نلاقي إنه كمان كانوا الأهالي بيحكوا نفس الاشي: الدراسة مش سهلة.. بس كانوا يجتهدوا ويتعبوا وينجحوا. يعني الفكرة مش بالمنهاج قد ما هي بالمتابعة والاجتهاد.

💡 اليوم حتى لو المنهاج صعب فيه منصات تعليمية، فيه قروبات شرح بكل مكان، فيه أساتذة عم يشرحوا ببلاش وبكل وسائل التواصل.. زمان إحنا ما كان عنا هالتسهيلات، حتى بالتوجيهي أغلبنا ما كان ياخد خصوصي، ويمكن اللي وضعه كويس يدرس مادتين خصوصي بالكثير! ومع هيك كنا ننجح ونجيب علامات حلوة لأن الاجتهاد كان موجود.

✅ كل زمان إله ظروفه.. واليوم مناهجنا بتتطور عشان تجهّز ولادنا لعالم سريع ومتغير.. إذا بدنا ولادنا يكونوا أقوياء لازم نغيّر نظرتنا إحنا قبلهم.

🤝 دور الأهل أهم من أي كتاب: لما الولد يسمع من أهله إنه إنت قدها والمنهاج مش عقبة رح يفتح الكتاب وهو متحمّس مش خايف. وهون بيبدأ النجاح الحقيقي.

📌 خلي دايمًا رسالتنا لأولادنا: الدراسة دراسة، قديمة كانت ولا جديدة.. أهم إشي تعبك واجتهادك، وإحنا حدك ونساعدك.

25/07/2025

‏لما انقلبت الأدوار وضاعت المعايير…

صار الأستاذ يرضي طلابه بالضحك بدل العلم،
وصار الطالب يقيّم حصة اي معلم بعدد "اللايكات" مش باللي فهمه.
صار التعليم عرض مسرحي،
والمعرفة سلعة مهملة على الهامش.

📌 الصف صار ساحة لتصوير الفيديوهات،
📌 والمعلم يُطالب بأن يكون "مؤثراً" أكثر من كونه مربي أجيال،
📌 والطالب بينقل مشهد الحصة للترند… مو للدفتر!

ضاع الوقت بين نكات وسكتشات وما حدا سأل:
وين راحت قيمة العلم؟ شو مصير هالجيل اللي نشأ عالتصفيق للنهفات بدل الفكرة؟

الطالب ضاع بين نقيضين:
🔸 معلم شديد… همه فرض الهيبة، نسى الرحمة والتوجيه،
🔸 ومعلم ضعيف… همه رضا الطلاب ورضا المتابعين، حتى لو على حساب هيبته وعلمه.
فلا الشدة نفعته، ولا التراخي ربّاه. وبالآخر… بقي تائه، لا فاهم ولا محترم.

والأهل والمشاهد صاروا يركّزوا على الترند، على اللوح الذكي، على الكاميرا الذكية،
يتابعوا الفيديو الجذّاب شكلاً، وينبهروا بالشكل… دون ما يوقفوا عند المحتوى. صار المعيار منظر الصف، مش قيمة الشرح.صاروا يشيدوا بالمؤثرات، وينسوا المعلومة.

المعلم فقد احترامه… مش لأنه تغيّر، بل لأن المجتمع ما عاد يعطيه قيمته ولأن البيئة المدرسية صارت ساحة استعراض لا ساحة علم.

المدرسة ما عادت بيت تربية وتعليم،صارت مكان “نقضي فيه الوقت”…من دون هدف، ولا ضوابط، ولا حدود.

والإعلام يطبّل لأي لقطة خارجة،و يهمّش كل معلم حقيقي، وكل شرح صادق.

والخاسر في المعادلة هو الطالب…مش اللي اشتهر،بل اللي ضاع علميًا، وأخلاقيًا، وفكريًا.

🔔 صار الوقت نعيد الحسابات:
– نرجّع للمعلم هيبته
– نربّي قبل ما نعلّم،
– نُخرج الطالب من وهم الشهرة إلى نور المعرفة
– ونحط حدّ لفوضى التعليم المزيّف.

لأن التعليم مش عرض،ولا المعلم مهرّج،ولا الطالب لعبة في يد الترند، ولا الأهل جمهور يصفّق للفراغ.

Address

Hakama

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+962772149426

Website

Alerts

Be the first to know and let us send you an email when أسس ابنك صح مع ثروه الهاشم posts news and promotions. Your email address will not be used for any other purpose, and you can unsubscribe at any time.

Contact The Business

Send a message to أسس ابنك صح مع ثروه الهاشم:

Shortcuts

Share

Category