29/09/2025
ပထမဦးစွာ မင်္ဂလာပါလို့ နှုတ်ခွန်းဆက်သပါရစေ ။
စာရေးသူအနေဖြင့် လတ်တလော ကြားသိရသည့်သတင်းများအရ အလွန်စိတ်မကောင်းဖြစ်မိပါသည်။
မိမိတို့တန့်ဆည်မြို့နယ်ကို စစ်ကြောင်းမထိုးသည်မှာ အတော်တန်ကြာခဲ့ပြီ ဖြစ်သည်။
သို့ပေမယ့် အခုရက်ပိုင်း လေကြောင်း တိုက်ခိုက်ခံရပြီး အရပ်သားထိခိုက်သေကြေပျက်စီး များစွာရှိပြီး အလွန်ဝမ်းနည်းကြေကွဲရပါသည်။
စာရေးသူအနေဖြင့် တန့်ဆည်မြို့နယ်သူ/သားများကို (အထူး)မှာကြားချင်သည်မှာ မိမိကိုယ်ကို သတင်းပေး မဖြစ်စေလိုပါ။
ဆိုလိုသည်မှာ Starlink internet သည် ယခင်ထက် ပေါပေါသည်သည် သုံးလို့ရနေပြီ ဖြစ်သောကြောင်း Facebook ၊TikTok စသည်တို့ကို လွတ်လပ်စွာ သုံးစွဲခွင့်ရှိသော်လည်း
လုံခြုံရေးပေါက်ကြားရန် ဖြစ်ပေါ်စေနိုင်သောအချက်များကို အထူးသတိပြုပေးပါရန်။
တည်နေရာအတိအကျ သိစေနိုင်သော videos ၊ ပွဲလမ်းသဘင် ကျင်းပသော videos များ အတတ်နိုင်ဆုံး ရှောင်ကြဉ်စေလိုပါသည်။
ကျေးရွာအမည်၊လမ်းအမည်ကို အသုံးပြုပြီး social media ပေါ်တွင် ဖော်ပြခြင်းကိုလည်း ရှောင်ကြဉ်စေလိုပါသည်။
တန့်ဆည်သူ/သားများ ဘေးရန်ကင်းကွာ ကျန်းမာချမ်းသာကြပါစေလို့ ဆုတောင်းပေးလိုက်ပါသည်။
