ウェブサイトとは何ですか？

https://mabuhayradiojapanworldwide.com/

Mabuhay Radio Japan - Worldwide, Fujisawa-shi (2026)

17/01/2026

PANAWAGAN SA DFA at sa Publiko!

Pakigalaw naman po ang baso . Pakibusisi nga po kung LEGIT ang "Red Ribbon" o Authentication Certificate na ito mula 2014?

Ito ang pinangangalandakan ng RKOM (Royal Kingdom of Maharlika) at ng lider nilang si Rolando Rhey Kipte Villar sa mga tao. Kung peke o paso na ang dokumentong ito, malinaw na panloloko ang ginagawa nila sa ating mga kababayan!

Hindi kami titigil hangga't hindi lumalabas ang katotohanan at mapanagot ang mga may sala.

Serial Number: 14A - 0337966
Date: July 28, 2014
Mag-ingat at huwag magpaloko! I-share natin para makarating sa kinauukulan.

16/01/2026

PUBLIC ADVISORY: ALAMIN ANG PAGKAKAIBA NG "LEGIT" SA "SCAM"

Naglipana ngayon ang mga organisasyon (Foundation, Religious Group, o Kingdom) na nangangako ng milyones na payout kapalit ng maliit na membership fee o ID fee.

Madalas nilang depensa: "LEGIT KAMI DAHIL SEC REGISTERED KAMI."

Huwag magpaloko. Narito ang TATLONG KATOTOHANAN na dapat malaman ng bawat Pilipino:

1. Ang "SEC Registration" ay HINDI Lisensya para Mangolekta ng Pera
Ang pagiging SEC Registered ay nangangahulugan lang na rehistrado ang PANGALAN ng korporasyon. HINDI ito lisensya para magbenta ng investment, membership cards, o stubs na may pangakong tubo.

• Analogy: Ang SEC Registration ay parang Birth Certificate. Patunay lang ito na "buhay" o nage-exist ang grupo. Pero hindi porke may Birth Certificate ang isang tao, pwede na siyang mag-opera bilang doktor. Kailangan niya ng lisensya.

• Sa batas, kailangan ng SECONDARY LICENSE mula sa SEC para ligal na makapangolekta ng pera (investment) mula sa publiko. Kung wala nito, ILLEGAL ang ginagawa nila.

2. Ang "Non-Stock, Non-Profit" ay BAWAL Magbigay ng Pera

Karamihan sa mga grupong ito ay nakarehistro bilang "Non-Stock, Non-Profit Organization" (tulad ng Foundation o Simbahan).

• Ang Batas: Ang pondo ng Non-Profit ay dapat gamitin lang sa charity o serbisyo.
• Ang Paglabag: BAWAL na bawal sa batas na ang isang Non-Profit corporation ay magbigay ng "dividends," "profit," o "share" sa mga miyembro nito.

• Kapag nangako sila ng ₱5 Milyon o anumang halaga pabalik sa miyembro, ito ay FRAUD at paglabag sa kanilang rehistro.

3. Walang "Processing Fee" sa Tunay na Ayuda

Ang tunay na tulong ay LIBRE.

• Kung may bilyones o trilyones talaga silang ipamimigay, bakit kailangan pa nilang maningil ng ₱150, ₱250, o ₱800 para sa ID o stubs?

• Ang tawag dito ay Advance Fee Fraud.

Kinukuha nila ang pera ninyo ngayon kapalit ng pangakong napako na.

🚩 PAANO MALALAMAN KUNG SCAM? (Red Flags)

Mag-ingat kapag narinig ang mga linyang ito:

❌ "Magbayad ka ng maliit ngayon, milyon ang kapalit pagdating ng 'Takdang Panahon'."
❌ "Hinihintay na lang ma-release ang pondo mula sa World Bank / Marcos Wealth / Royal Family."
❌ "Papalitan na ang gobyerno at magiging Monarkiya/Kingdom ang Pilipinas."
❌ "Secret group tayo, wag maingay sa iba."

ANONG DAPAT GAWIN?
1. Huwag magbayad. Itago ang iyong pera.
2. I-check sa SEC. Pumunta sa website ng Securities and Exchange Commission at hanapin kung may Secondary License ang grupo.
3. Mag-report. Ipagbigay-alam sa NBI o sa SEC Enforcement and Investor Protection Department (EIPD) ang mga ganitong aktibidad.

MAGING MATALINO. WAG MAGPA-BUDOL.

16/01/2026

BABALA SA PUBLIKO: MAG-INGAT SA KUMAKALAT NA "KINGDOM OF MAHARLIKA" CARDS AT STUBS

Isang seryosong babala ang ipinapaabot sa publiko tungkol sa kumakalat na "Green Card" at "Yellow Stub" na nagmumula sa grupong nagpapakilalang "Kingdom of Maharlika."

ANO ANG MODUS?

Nagbebenta ang grupo ng mga ID at stubs sa sumusunod na halaga, na kamakailan lamang ay tinaasan ang presyo:

• Green Card: ₱800 (mula sa ₱600)
• Yellow Stub: ₱250 (mula sa ₱150)

ANO ANG PANGAKO?

Pinapangakuan ang mga bibili na makakatanggap sila ng ₱5 Milyon kada buwan (lifetime) para sa Green Card holders, at ₱5 Milyon (one-time) para sa Yellow Stub holders.

Ang payout daw ay mangyayari kapag naiproklama na ang isang "Rolando Rhey Kipte Villar" bilang "Hari ng Pilipinas" at papalitan ang gobyerno patungong "Royal Kingdom of Maharlika."

BAKIT ITO AY ISANG SCAM?

Nais naming imulat ang mata ng lahat sa mga sumusunod na Red Flags:

1. Too Good To Be True (Sobrang ganda para maging totoo): Walang legal na institusyon o bangko sa buong mundo ang magbibigay ng ₱5 Milyon buwan-buwan kapalit lang ng ₱800 na membership fee. Ito ay mathematically impossible at walang basehan sa ekonomiya.

2. Walang "Hari" sa Pilipinas: Ang Pilipinas ay isang Demokratikong Republika. Walang legal na proseso o batas na kumikilala kay Rolando Rhey Villar bilang hari. Ang anumang pangako na nakabase sa pagpapalit ng gobyerno ay purong imahinasyon at ginagamit lamang upang manghikayat.

3. Pangongolekta ng Pera: Ang tunay na tulong ay hindi naniningil ng "processing fee" o bayad sa ID. Ang pagtataas ng presyo (mula ₱600 naging ₱800) ay senyales na nais nilang makalikom ng mas malaking pera mula sa mga biktima.

4. Babala ng SEC at Bangko Sentral: Ang Securities and Exchange Commission (SEC) ay paulit-ulit nang nagbabala laban sa mga grupong gumagamit ng pangalang "Maharlika" o "Marcos Wealth" na nanghihingi ng registration fee kapalit ng pangakong yaman.

WAG MAGPAPALOKO.

Huwag ibigay ang inyong pinaghirapang pera sa mga ganitong klaseng scheme. Ang perang ibabayad ninyo ay mapupunta lamang sa bulsa ng mga nasa likod ng sindikato, habang kayo ay aasa sa wala.

ANONG DAPAT GAWIN?

1. Huwag bumili ng card o stub.
2. Sabihan ang mga kamag-anak at kaibigan, lalo na ang mga matatanda (senior citizens), na huwag maniwala.
3. I-report ang mga nag-aalok nito sa barangay o sa NBI (National Bureau of Investigation) para maimbestigahan.

Mag-ingat at maging mapanuri!

15/01/2026

YUNG GUSTO MONG MAGING ELON MUSK PERO ANG EFFORT MO PANG-JUAN TAMAD

Bes, gising-gising din pag may time!

Akala niyo ba sila Elon Musk, Jeff Bezos, at Steve Jobs ay yumaman dahil lang sumali sila sa GC at nag-antay ng payout? HINDI! Nagkandakuba 'yang mga 'yan. Natulog sa garahe, napuyat, nadapa, at bumangon.

Eh kayo? Anong ambag? Attendance lang?
Umaasa mga nagpakilalang Royal Budol?

Ano kayo, high? Adik sa hopium? Kami dito, halos lumuha ng dugo kakayod para sa future ng pamilya namin. Kayo, nakatunganga lang, nag-aabang sa "pangako" na mas malabo pa sa sabaw ng pusit.

Tigil-tigilan niyo na 'yang kakahintay sa wala. Kilos-kilos din, baka ugatin na kayo dyan! Walang instant millionaire sa mundo, instant noodles meron!

15/01/2026

JAPAN GOV'T PANEL, ISINUSULONG ANG "MANDATORY INTEGRATION" PARA SA MGA DAYUHAN

Mga Kabayan dito sa Japan, isang mahalagang balita ang dapat nating paghandaan.

Ayon sa ulat ng The Japan Times, isang panel long gobyerno ng Japan ang nagpanukala na gawing MANDATORY o sapilitan ang pagsailalim sa isang "Integration Program" para sa mga foreign residents.

Ano ang ibig sabihin nito para sa atin?

1. Hindi na lang "Optional" ang Nihongo: Kung maaprubahan, posibleng obligahin ang mga dayuhan na mag-aral ng wikang Hapon upang maabot ang basic conversational level.

2. Pagtuturo ng Batas at Kultura: Kasama sa programa ang pag-aaral ng Japanese lifestyle, rules sa basura, traffic, at iba pang batas para maiwasan ang friction o hindi pagkakaunawaan sa komunidad.

3. Epekto sa Visa at PR: Posibleng maging requirement ito sa pag-renew ng visa o sa pag-apply ng Permanent Residency (Eijuuken) sa hinaharap.

Ang Layunin:

Dahil sa dumaraming bilang ng mga dayuhan, nais ng gobyerno na siguraduhing ang mga nakatira dito ay "integrated" o marunong makisama at sumunod sa sistema ng bansang Japan.

Opinyon ng Mabuhay Radio:

Huwag po tayong mangamba, bagkus ay gawin itong motibasyon. Ang pag-aaral ng wika at pagsunod sa batas ay susi para sa mas maayos at payapang pamumuhay natin dito sa Land of the Rising Sun. Mas mainam na maging handa at sumunod sa tama.

Stay tuned para sa karagdagang updates!

Source: The Japan Times / NHK

14/01/2026

SUBJECT: REPORT ON ALLEGED INVESTMENT SCAM, ILLEGAL RECRUITMENT, AND USURPATION OF AUTHORITY (Royal Kingdom of Maharlika / RKOM)

TO:
Securities and Exchange Commission (SEC) - Enforcement and Investor Protection Department
National Bureau of Investigation (NBI) - Anti-Fraud Division
Philippine National Police (PNP) - Criminal Investigation and Detection Group

Mga Sir/Ma'am:

Nais ko pong ipagbigay-alam at ireklamo ang iligal na aktibidad ng grupong "ROYAL KINGDOM OF MAHARLIKA" (RKOM) sa pamumuno ng isang nagngangalang ROLANDO RHEY KIPTE VILLAR (tinatawag nilang "Supremo" o "Future King").

Base sa mga nakalap na impormasyon at ebidensya, ang grupong ito ay nagsasagawa ng malawakang recruitment sa Region III (Nueva Ecija, Aurora, Zambales, Pampanga, Bulacan, Bataan, Tarlac) at iba pang lugar sa bansa, na may mga sumusunod na paglabag:

1. INVESTMENT SCAM / SYNDICATED ESTAFA:

Nangongolekta ang grupo ng halagang PHP 5,500 mula sa mga biktima kapalit ng isang "badge" o "chapa". Ang pangako nila ay magkakaroon ng "Monthly Salary na PHP 150,000" ang mga miyembro kapag naging monarkiya na umano ang gobyerno. Ito ay malinaw na "Too Good To Be True" at isang uri ng Ponzi scheme o advance-fee fraud. Wala silang lisensya mula sa SEC para mangalap ng investments.

2. USURPATION OF AUTHORITY at ILLEGAL USE OF UNIFORMS:

Ang mga na-recruit ay pinagsusuot ng mga uniporme na kahawig ng sa mga alagad ng batas (PNP/Military), tinatawag na "Royal Marshall" o "Royal Vanguard Intelligence". Sila ay nagpapakita ng mga badge na mukhang official police badges. Ito ay labag sa batas (Article 177 at 179 ng Revised Penal Code).

3. DISINFORMATION AT POSSIBLE ARMED THREAT:

Sa kanilang recruitment posts, hayagan nilang sinasabi na ang kanilang ID at badge ay "Passport" para sa abroad at may pribilehiyong "Maximum Respect".

Nakakabahala rin ang pagbanggit nila ng "45 BANG BANG" na nagpapahiwatig ng paggamit o pag-aarmas ng baril (Illegal Possession of Fi****ms).

Ebidensya:

Kalakip ng report na ito ang mga screenshots ng kanilang recruitment posts, photos ng mga miyembrong may suot na uniporme at badge, at ang banner ng kanilang "Misyon sa Pagbabago".

Hinihiling ko ang agarang imbestigasyon at pagpapalabas ng Cease and Desist Order o Public Advisory laban sa grupong ito bago pa dumami ang mga mahihirap na kababayan nating naloloko at nananakawan ng pera.

Lubos na gumagalang,

Edmar Estabillo Former DZRH Reporter-Mabuhay Radio Japan-Worldwide

14/01/2026

TINGNAN DOKUMENTO NG RKOM :

Joint Venture Agreement kuno, pero ang authentication mukhang joke time.
Pansinin niyo ang ribbon. Ang official DFA ribbon ay may specific texture at security features. Ito? Mukhang tinahi lang sa kanto. Ganito kakapal ang mukha ng mga nasa likod ng RKOM. Lakas ng loob mag-claim ng yaman, pero dokumento palang, bagsak na sa quality check.

DFA: Department of Fake Affairs? 😂

Huli ka balbon! Yung seal at ribbon niyo sumisigaw ng 'C.M. Recto Avenue'. Sa tagal niyo na sa industriya ng pambubudol, hindi man lang kayo nag-upgrade ng forger? Masyadong halata ang gawa, parang nagmamadali.

Paki-check nga kung authentic o 'authentic-kuno'. Nakakahiya naman sa legit na dokumento.

Kung may bilyones kayo, bakit yung ribbon niyo mukhang tig-singkwenta pesos lang per yarda? 😂

Authentic daw sabi ni Lorna, pero yung ribbon mukhang galing sa DIY section. Huwag kami. Alam ng bayan ang itsura ng totoong Red Ribbon. Ito ay Red Flag. Itigil niyo na ang kahibangan, pati papel niyo peke!

Falsification of Public Documents is a crime. Good luck na lang sa karma niyo.

"

13/01/2026

ARALIN SA BATAS: PRESUMPTION OF INNOCENCE VS. CYBER LIBEL

Para sa "Kanan Kamay" ng RKOM na mahilig magbanta:

1. Alam mo ba ang batas?
Tinawag mo akong "CRIMINAL" sa public post mo. FYI lang, sa ilalim ng Philippine Constitution, may tinatawag na "Presumption of Innocence." Hindi mo pwedeng tawaging kriminal ang isang tao hangga't hindi convicted ng korte.

Ang ginawa mong pag-label sa akin na "Criminal" nang walang basehan ay pasok sa CYBER LIBEL (RA 10175). Paninirang-puri yan na may halong malisya. Ingat sa pagpo-post, baka yung tinatawag mong "karma" ay dumating sa anyo ng Warrant of Arrest.

2. Takot ako? ASA.
Sabi mo, "Wait for the signal" at "Count your fingers." Ano 'to, pelikula? Hindi ako madadaan sa sindak. Ang taong nasa katotohanan, matapang. Ang taong nanguuto, duwag at puro pagtatago sa likod ng keyboard.

3. Huwag mong idamay ang Diyos.
Sabi mo "In God I trust" pero ang asal mo parang mangkukulam na nagbabanta ng masama sa kapwa? Ang Diyos ay para sa katotohanan, hindi kasangkapan para sa pananakot niyo.

Ang KARMA, totoo yan. Pero ang BAD KARMA, tatama sa mga manloloko, sinungaling, at nagpapahamak ng kapwa. Ako? GOOD KARMA ang sasalubong sa akin dahil wala akong tinatapakang tao at nilalabanan ko ang mali.

May pa-english-english pa na "Mark my word" at "One day you will regret." Teh/Lola, ang tanging ireregret ko lang ay kung naniwala ako sa fairy tale ninyo!

May pa "wait for the signal" at "count your fingers" ka pang nalalaman. Ano ka, mafia boss o albularyo? Huwag mong gamitin ang pangalan ng Diyos ("In God I trust") habang umaakto kang kampon ng kadiliman. Ang Diyos, galit sa bulaan!

Good luck sa "hudyat" mo. Hihintayin ko naman ang Subpoena mo. 😉

13/01/2026

The Great "Budol" Face-off: KAPA vs. RKOM

Sabi nga nila, choose your poison. Pero sa labanang ito, mukhang lamang si KAPA sa "customer satisfaction" (bago nagkakahulihan) kumpara sa RKOM na puro "customer frustration."

Narito ang Tale of the Tape:

1. Ang Estilo ng "Donasyon"

• KAPA (The Galante): Ito yung tropa mong nangutang sa'yo ng ₱1,000, tapos binalik ₱1,300 kasi nanalo daw siya sa sabong. Ganado ka tuloy magbigay ulit ng malaki. Feeling mo blessed ka, yun pala stressed ka sa dulo.

• RKOM (The Kuripot): Ito yung tropa mong drawing. Sisingilin ka ng membership fee, ID fee, at seminar fee. Ang kapalit? Kwento tungkol sa ginto. Puro "kabig" lang, parang vacuum cleaner na walang exhaust!

2. Ang Pangako (The Promise)

• KAPA: "Mag-donate ka ngayon, next month may 30% love gift ka na!" (At least noon, may mga nakatikim talaga ng 'love gift' bago dumating ang NBI).

• RKOM: "Mag-member ka ngayon, bukas makalawa (o sa 2050), pamimigay natin ang yaman ng Maharlika!" Ang pangako nila ay parang diet—laging "bukas na magsisimula."

3. Ang "Return on Investment" (ROI)

•KAPA:

• Expectation: Yayaman.
• Reality: Nakabili ng motor, nakapag-jollibee, tapos biglang wanted na si Pastor. Pero aminin, may "kilig" moments noong una.

• RKOM:

• Expectation: Trillions na ginto at humanitarian funds.
• Reality: Isang pirasong papel, laminated na ID, at sakit ng ulo. Ang ROI mo dito ay Resibo Of Imagination.

The Verdict: Sino ang Mas Masakit sa Bangs?

KAPA is like a fast romance. Pinasaya ka, pinakilig, binigyan ng konting pera, tapos bigla kang iniwan at tinakbuhan. Masakit, pero at least nagka-jowa ka.

RKOM is like unrequited love (one-sided). Ikaw lang ang bigay ng bigay. Siya, tanggap lang ng tanggap. Puro salita, kulang sa gawa. Aasa ka sa wala hanggang sa maubos ang savings mo kakabili ng pamphlet nila.

Bottom Line: Ang KAPA, Ponzi Scheme—kumukuha ng pera sa bago para ibayad sa luma. Ang RKOM, Hopia Scheme—kumukuha ng pera sa lahat, tapos "Thank You" lang ang balik!

13/01/2026

BILANG NG NASAWI SA IRAN PROTESTS, PUMALO NA SA 650; IRAN LEADER, BINUWELTAHAN ANG US!

TEHRAN — Umabot na sa hindi bababa sa 648 ang kumpirmadong nasawi sa marahas na crackdown ng pamahalaan ng Iran laban sa mga kilos-protesta, ayon sa ulat ng isang human rights group.

Nagbabala ang Norway-based na Iran Human Rights na posibleng mas mataas pa ang tunay na bilang ng mga biktima. Gayunman, nahihirapan ang grupo na beripikahin ang datos dahil sa ipinatutupad na "communication blackout" sa buong bansa.

Sa gitna ng kaguluhan, nagpalitan ng maaanghang na salita ang liderato ng Iran at Estados Unidos.

Nauna nang sinabi ni Pangulong Donald Trump na ikinokonsidera ng US ang "matitinding opsyon" (very strong options) upang makialam, kasunod ng kanyang banta na aaksyon ang Amerika kapag may dumanak na dugo sa hanay ng mga raliyista.

Bilang ganti, inakusahan ng Kataas-taasang Pinuno ng Iran ang US ng "panlilinlang" at paggamit ng mga "taksil na mersenaryo." Pinuri rin nito ang mga counter-protest na inorganisa ng estado para suportahan ang gobyerno.

Ayon kay Paul Adams, diplomatic correspondent, nakatakdang magdesisyon si Trump kung itutuloy ang kanyang banta—isang hakbang na inaasahang magdadala ng seryosong epekto sa rehiyon.

Samantala, aminado ang BBC at iba pang international media na limitado ang kanilang pag-uulat mula sa loob ng Iran dahil sa mahigpit na restriksyon ng mga awtoridad.

13/01/2026

DISENYO NG TAMBAK AT MATINDING ULAN, TINUKOY NA SANHI NG PAGGUHO SA BINALIW LANDFILL - MGB-7

LAPU-LAPU CITY, Cebu - Inihayag ng Mines and Geosciences Bureau - Central Visayas (MGB-7) na ang kombinasyon ng matagalang pag-ulan at posibleng kakulangan sa structural design ng tambak ng basura ang nakikitang ugat ng pagguho sa Binaliw Sanitary Landfill.

Batay sa inspeksyong isinagawa ng MGB-7 nitong Biyernes, Enero 9, lumalabas na hindi kinaya ng disenyo ng waste piles ang bigat ng basurang pinalambot ng walang humpay na ulan, na nagresulta sa pagbagsak ng pasilidad sa Barangay Binaliw, Cebu City.

12/01/2026

Ang tatak na ito ay hindi lang nakaimprenta sa tasa, nakaukit ito sa puso ng bawat Pilipinong pinaglilingkuran natin. Mula sa studio hanggang sa abroad, ang koneksyon natin ay walang hangganan. Simulan ang araw nang may tapang at puso. Mabuhay ka, Kabayan!

“Sabi nila, malayo pa ang lalakbayin. Ang sagot ko? May kape ako at may misyon ang Mabuhay Radio. Walang dagat na masyadong malawak para sa boses na may layunin.”

Mabuhay Radio Japan - Worldwide

17/01/2026

16/01/2026

16/01/2026

15/01/2026

15/01/2026

14/01/2026

14/01/2026

13/01/2026

13/01/2026

13/01/2026

13/01/2026

12/01/2026

住所

電話番号

ウェブサイト

アラート

事業に問い合わせをする

ショートカット

共有する

カテゴリー