Mabuhay Radio Japan - Worldwide

Mabuhay Radio Japan - Worldwide Media & News Company

04/08/2026

: TIMPI NOW, YABANG LATER? ( VS AGAIN AFTER )

Komentaryo ni: SENBATSU PATROL #2 - Stephen Zaraspe-Perez

Humiling ang Teachers Dignity Coalition sa pamahalaan ng mas matibay na mga mental health programs upang mapagbuti ang p...
03/08/2026

Humiling ang Teachers Dignity Coalition sa pamahalaan ng mas matibay na mga mental health programs upang mapagbuti ang psycho-social status ng mga g**o at estudyante sa gitna ng mga nagaganap na insidente ng karahasan na kinasasangkutan ang ilang eskwelahan

Partikular na giniit ng grupo ang epekto ng naganap sa Tacloban noong Hunyo 22 at ang naganap na pananaksak kamakailan sa Las Piñas ng isang 14 anyos na estudyante sa kaeskwelang trese anyos dahil lamang ng hindi naisoling sampung pisong sukli.

Dagdag ng grupo, walang puwang sa bawat paaralan ang karahasan at mas lalong dapat pagbutihin ang mental health at seguridad ng mga g**o at estudyante sa pamamagitan ng isang kumprehensibong programa upang matiyak na hindi paghaharian ng takot ang kanilang pag-aaral.

Nakukulangan rin umano ang Teachers Dignity Coalition sa sariling patakaran ng DepEd kaugnay ng child protection and school safety kaya nais ng pangkat ang review at paglalatag ng mas matibay na mandatong umaayon sa panahon.

Isinapubliko ng Japanese Ministry of Agriculture, Forestry and Fisheries ang pinakabagong datos ng naturang kagawaran na...
03/08/2026

Isinapubliko ng Japanese Ministry of Agriculture, Forestry and Fisheries ang pinakabagong datos ng naturang kagawaran na nagkukumpara sa kinokonsumong kanin ng ordinaryong Hapon at ng mga banyagang turista na dumarating ng Japan

Sa resulta ng kanilang pagsasaliksik na saklaw ang Fiscal Year 2025 mula Abril ng naturang taon hanggang Marso 2026, nanguna ang mga Vietnamese na kumokonsumo ng 718 grams o katumbas ng tig-limang mangkok kada araw.

Pangalawa naman ang mga Indonesian na kumakain ng 714 grams at pangatlo ang mga turistang Pinoy na umaabot ng 695 grams o tig-apat at kalahating mangkok. Pang-apat naman ang mga Thailander sa tig-629 gramo ng kanin.

Mas mataas umano ng 70% ang mga nasabing numero kaysa mga ordinaryong Hapon na ang konsumo ay kasingdami ng dalawang maliit na mangkok o 330 gramo kada araw.

Paliwanag ng Ministry of Agriculture, Forestry and Fisheries, pangunahing rason ang kasikatan ng onigiri rice balls at sushi kung bakit maramihan at matakaw sa kanin ang mga turista. Taliwas ito sa mga ordinaryong Japanese na pumipili ng iba pang pagkain na maraming carbohydrates gaya ng tinapay at ramen.

Target ng kagawaran na gamitin ang nasabing datos upang pagbutihin ang supply and demand assessment at lumikha ng mga kumprehensibong plano upang bumuti ang produksyon ng bigas sa kabila ng lumiliit na lupaing-pansakahan at tumatandang henerasyon ng mga magsasaka

Pormal na isinapubliko ng Finance Ministry ang naging currency intervention ng pamahalaan sa pakikipagtulungan ng US Dep...
03/08/2026

Pormal na isinapubliko ng Finance Ministry ang naging currency intervention ng pamahalaan sa pakikipagtulungan ng US Department of Treasury.

Ayon kay Finance Minister Satsuki Katayama, layunin ng naganap na currency intervention noong Biyernes na pigilan ang labis na paghina ng halaga ng yen sa international exchange rates

Bumili umano ang pamahalaan ng karagdagang Japanese yen bonds bilang remedyo

Samantala, kinumpirma rin ni US Treasury Secretary Scott Bessent ang buong pangyayari at handa umanong tutukan ng nasabing ahensya ang galaw ng merkado at iwasan ang labis na "undervaluation" ng yen.

Hindi rin umano maga-atubili ang magkabilang kampo na gumawa ng kasunod na joint intervention sakaling hingin ng pagkakataon

Pinasasauli ng Energy Regulatory Commission ang aabot sa P9.5 bilyong halaga ng "over-recovery" o sobrang singil ng Mera...
03/08/2026

Pinasasauli ng Energy Regulatory Commission ang aabot sa P9.5 bilyong halaga ng "over-recovery" o sobrang singil ng Meralco sa higit walong milyong konsumidores

Base sa ibinabang desisyon ng komisyon, katumbas ang nasabing halaga ng sobrang 35 sentimos kada kilowatt hour na ipinataw ng kumpanya mula pa noong Enero hanggang Disyembre 2025 at ito ay dapat isauli sa loob ng anim na buwan hanggang makumpleto ang refunds.

Magsisimulang maramdaman ang pagsosoli ng sobrang singil sa susunod na billing cycle ng Meralco ayon kay Energy Regulatory Commission chairman Francis Saturnino Juan.

Para sa mga kumokonsumo ng 200 kilowatt kada oras, papalo ng P117.22 ang kabawasan sa kanilang bill

Iniharap ng prosekusyon ngayong Lunes sa ika-11 araw ng impeachment ni VP Sara Duterte si retiradong Commission on Audit...
03/08/2026

Iniharap ng prosekusyon ngayong Lunes sa ika-11 araw ng impeachment ni VP Sara Duterte si retiradong Commission on Audit state auditor Roderick Wamil.

Paglalahad ni Prosecution Counsel Atty. Lorna Kapunan, layunin ng paglalahad ni Wamil na patunayan sa korte ang limampung exhibit ng umano'y pagwaldas ng P125 milyong confidential funds ni VP Sara Duterte.

Labinlimang kahon ang umano'y naglalaman ng mga kwestyonableng liquidation documents na isinumite ng Office of the Vice President kasama ng DepEd.

Pagpapaliwanag ng retiradong state auditor na humawak ng Intelligence and Confidential Funds Audit Office, kapwa pumapapel bilang isang lump sum ang confidential fund at intelligence funds na pwedeng gastusin ng ahensyang nabigyan nito upang isagawa ang mga sensitibong gastusin

Tanging termino lang umano ni VP Sara ang inatasang irebyu ng ICFAO ayon pa kay Wamil dahil wala umanong confidential funds ang mga termino ni dating Bise Presidente Jejomar Binay at Leni Robredo noong napadestino ang testigo sa sangay ng COA simula 2014

Ipinakita ni Prosecutor Kapunan ang physical financial plan ng OVP noong Disyembre 2022 at diniin ng state auditor na mula kay Duterte ang pinirmahang dokumento na binuking ng COA bilang labag sa Joint Circular 2015-01 dahil walang nilahad na eksaktong alokasyon ang paggamit ng bahagi ng confidential fund.

Binisto rin ni Wamil ang isa pang liquidation report noong Enero 2023 na kahit sumusunod sa probisyon ay nakapagtataka ang bilis ng pagkagastos dahil katumbas na umano ang ginawang cash advance sa kabuuang pondo ng ikaapat na kwarter ng 2022

Kwestyonable rin umano ang pagbili ng OVP sa mga kagamitan gaya ng upuan at lamesa dahil acknowledgement receipts lamang ang ipinakita imbes na official receipts at minarkahan lang ang mga ito noong Disyembre 2023 na lagpas sa itinakdang spending period ng mga cash advances

Iniharap rin ni House Prosecution Counsel Lorna Kapunan ang mga acknowledge receipts na may pangalang Mary Grace Piattos, Renan Piatos, Nova Santos, Mico Harina, at Janice Marie Revilla. Muling giniit ng retiradong state auditor na may nilabag ang nasabing mga paggastos dahil ng kawalan ng kaukulang katibayan ukol sa katauhan ng mga tumanggap. Bunsod nyan ay binigyan umano ng COA ng notice of suspension for audit ang bahagi ng taunang gastos ng OVP dulot ng posibilidad na ilegal ang mga transaksyon at kanilang inatasan ang accounting section ng opisina upang magpaliwanag.

Nakatakdang ituloy bukas ng alas-10:00 ng umaga ang pagtatanong kay Wamil matapos abutin ng alas-2:34 ng hapon ang unang bahagi ng proseso. Nag-adjourn muna ang Impeachment Court pagtungtong ng kaparehong oras upang magbigay daan sa regular na sesyon ng Senado pasado alas-tres ng hapon

Nakapagtala na ng higit pitunlibong natiketang siklista ang Japanese National Police Agency sa loob ng unang tatlong buw...
01/08/2026

Nakapagtala na ng higit pitunlibong natiketang siklista ang Japanese National Police Agency sa loob ng unang tatlong buwan ng pagpapatupad ng mas mahigpit na bicycle rules

Sa datos ng otoridad, 7,159 katao na ang mga nabigyan ng warning citations kabilang ang 2,812 na bistadong gumagamit ng smartphone habang pumipidal, 2,706 na hindi nagkusang huminto bago ang mga pedestrian lanes, 686 na mga beating the red light at 527 siklista na pumadyak sa mga railroad crossing kahit nakababa ang protective barrier

Bawat paglabag ng mga patakaran sa bicycle courtesy ay may katapat na blue citation tickets at multang 5,000 yen para sa mga hindi nagmenor bago ang stop sign habang ¥12,000 naman ang babayaran ng mga nagtetext habang pumipidal

31/07/2026

: ONLINE REPOSITORY SA WEBSITE NG COA NA DALAWANG TAON NANG OUTDATED AT HALOS 500K HALAGA NG PANIS NA CHEKE SA SANCHEZ MIRA, CAGAYAN NA DI PA NAPAPALTAN

31/07/2026

MAKASAYSAYANG SA : DINUMOG ANG CHICAGO AT LUNETA | ulat ni: SENBATSU PATROL #2 - Stephen Zaraspe-Perez

31/07/2026

TUNGHAYAN: IMBENSYON SA JAPAN NA MAKAKATULONG PARA SA MGA SUPOT

住所

Fujisawa-shi, Kanagawa

電話番号

+818074134456

ウェブサイト

アラート

Mabuhay Radio Japan - Worldwideがニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

事業に問い合わせをする

Mabuhay Radio Japan - Worldwideにメッセージを送信:

ショートカット

共有する

カテゴリー