28/11/2025
ဒါဟာလွန်ခဲ့တဲ့နှစ်တွေက နေကြာပန်းတွေ ။
နေကြာတွေကြားမှာ စိတ်လှုပ်ရှားပြီး ပြေးလွှားနေတဲ့
မိန်းကလေးတစ်ယောက်ကိုရှာတွေ့ပြန်တယ်။
ခက်တာက အဲ့ဒီနှစ်က ပျော်ရွှင်မှုတွေဟာ ဒီနှစ်မှာ ဆိတ်သုဉ်းလို့ ။
အဲ့ဒီနှစ်က အတူတူရှိခဲ့တဲ့လူနဲ့လည်း တစ်ဘဝစာမြဲမယ့်လက်တွေဟာ လျော့ရဲလို့တဲ့။
ဘဝဟာဆန်းကြယ်တယ် ။ ဘယ်အချိန်ကစသလဲသေချာမသိခဲ့ပေမယ့် သတိထားမိချိန်မှာတော့ ငါဟာ သူနဲ့ အဝေးစီရောက်နှင့်နေခဲ့ပြီ။
မျှော်လင့်ချက်မဲ့တဲ့ နှလုံးသားအစုံနဲ့ သူ့ကိုငေးကြည့်မိနေရင်းကနေ သက်ပြင်းတွေရှိုက်နေမိတုန်းပဲ။
သေချာတယ် ဒီနှောင်ကြိုးတွေဟာ နေကြာတွေလိုပဲ ။နေဝင်ချိန်ဆို ခေါင်းငိုက်စိုက်သွားရတဲ့ဘဝတွေပေမယ့်နေထွက်ချိန်တန်ပြီဆို မျက်နှာမူရတဲ့အရပ်ဟာတစ်သွေမသိမ်းပဲ။
ခက်တာက ငါ့ဘဝရဲ့ မျက်နှာမူရာအရပ်ကလည်းသူဖြစ်နေတုန်းပဲထင်တယ်။
ကြိုးမပြတ်သေးသရွေ့ ဆုပ်ကိုင်ထားတဲ့ လျော့တိလျော့ရဲ လက်တွေစီက အနွေးဓာတ်ရပါစေ တကယ်မျှော်လင့်မိပါတယ်။
//Lost In the Story //
