16/10/2025
အခုလို ခေတ်ပျက်ကြီးမှာ သွားချင်တဲ့ အချိန် သွားလို့မရတော့ပေမယ့်
ဟိုးအရင်က သွားချင်တဲ့နေရာမှန်သမျှ သွားခွင့်ရခဲ့ဖူးတော့ ကိုယ့်ကိုယ်ကို ကျေနပ်မိပါတယ်။
ပင်လယ်ပြင်ကြီးထဲမှာလဲ အိပ်ပြီး ငါးမျှားဖူးသလို ကျွန်းတွေ ပေါ်မှာ အိပ်ပြီးတော့လဲ ငါးမျှားဖူးတယ် ။
ဟိုးးးတောအနက်ကြီးထဲ သွားပြီး စမ်းချောင်းဘေးမှာလဲ တဲထိုးပြီးတော့လဲ အိပ်စက်ဖူးတယ်။ကိုယ်နေခဲ့တဲ့ ရခိုင်ပြည်ကိုလဲ တစ်ပါတ်ပြည့်အောင်လျှောက်လည်ဖူးခဲ့ တယ်။ ငယ်ငယ်ကတည်းက ကိုဖြစ်ချင်တာ (ဖြစ်နိုင်တဲ့အရာကို ပြောတာပါ)မှန်သမျှ ဖြစ်အောင် လုပ်ဖူးခဲ့သလို သွားချင်တဲ့ နေရာမှန်သမျှ ဆိုင်ကယ်တစ်စီး သူငယ်ချင်း သုံးယောက်စီးပြီးတော့လဲ သွားဖူးတယ်။ စိတ်တူကိုယ်တူ သူငယ်ချင်းတွေလဲ ရှိခဲ့ဖူးတယ်။
အဲဒါကြောင့် အခုအချိန်မှာ ဘယ်မှ မသွားဖြစ်တော့ရင်တောင် တစ်ချိန်က ငါ ခရီးတွေ အများကြီး ထွက်ခဲ့ဖူးတယ်ဆိုတဲ့ စိတ်နဲ့ ကိုယ့်ကိုယ်ကို ကျေနပ်မိတယ်။ ဒါကြောင့် ခြေနှစ်ဖက်နဲ့ ခန္ဓာကိုယ်အကောင်းတိုင်းရှိနေတုန်းမှာ ကိုယ်သွားချင်တဲ့ နေရာလေးတွေကို သွားထားကြပါ။ခရီးလေးတွေ ထွက်ကြပါ။ ကျွန်တော်ကတော့ ရှေ့ဆက်ပြီးလဲ သွားနိုင်တဲ့အထိ ခရီးတွေ ထွက်နေဦးမှာပါ။
