23/04/2025
မြတ်စွာဘုရား သက်ရှိထင်ရှားရှိစဉ်အခါက
လှုပ်ခတ်ခဲ့သော ငလျင်ကြီး (၆)သွယ်...
၁ ~ ဘုရားအဖြစ်သို့ ရောက်တော်မူခြင်း
- ကဆုန်လပြည့်၊ ဗုဒ္ဓဟူးနေ့၊ မိုးသောက်ယံအချိန်မှာ ကိလေသာ အလုံးစုံကို အကုန်ပယ်သတ်နိုင်တဲ့ အာသဝက္ခယဉာဏ်တော်ကို ရတော်မူပြီ သဗ္ဗညုတရွှေဉာဏ်တော်ပိုင်ရှင် မြတ်ဘုရားအဖြစ်သို့ ရောက်ရှိသွားချိန်မှာ မြေကြီးသည် အားပြင်းစွာ တုန်လှုပ်ခဲ့ပါတယ်။
လှုပ်ခတ်ရခြင်း အဓိပ္ပါယ် - ကမ္ဘာပေါင်းများစွာ သံသရာဝဋ်ဆင်းရဲမှာ ကျင်လည်ခဲ့ပြီးနောက် ဉာဏ်အလင်း ရတော်မူသော မြတ်စွာဘုရားရှင် ပွင့်တော်မူသည်ကို မြေကြီးက သက်သေခံပေးခြင်းဖြစ်ပါတယ်။
၂ ~ ပထမဦးဆုံး ဓမ္မစကြာတရားတော် ဟောကြားခြင်း(ဓမ္မစက္ကပ္ပဝတ္တနသုတ်)
- ဘုရားဖြစ်ပြီ မိဂဒါဝုန်တောထဲမှာ ပဉ္စဝဂ္ဂီငါးပါးကို ပထမဦးဆုံး "တရားဦး" ဖြစ်တဲ့ "ဓမ္မစကြာ တရားတော်" ကို ဟောကြားချိန်မှာ မြေငလျင်လှုပ်ခတ်ခဲ့ပါတယ်။
လှုပ်ခတ်ရခြင်း အဓိပ္ပါယ် - ဘုရားရှင်ရဲ့ သာသနာတော် စတင်ထွန်းကားခြင်းအနေနဲ့ လှုပ်ခတ်ခြင်းဖြစ်ပါတယ်။
၃ ~ တန်ခိုးပြာဋိဟာပြခြင်း (ယမကပါဋိဟာရိယ)
- ဘုရားရှင် သာဝတ္ထိမြို့ကို ရောက်စဉ်မှာ ဘုရားကိုလာပြိုင်ဆိုင်တဲ့ ရသေ့တို့ရဲ့ မာနကို ချိုးနှိမ်ရန်အလို့ငှာ ဝေဟင်သို့ ကြွတက်ပြီ တန်ခိုးပြာဋိဟာကို ပြတော်မူတဲ့အခါ ကမ္ဘာမြေကြီး တုန်လှုပ်ခဲ့ပါတယ်။
လှုပ်ခတ်ရခြင်း အဓိပ္ပါယ် - ဘုရားရှင်ရဲ့ အံ့ဖွယ်တန်ခိုးတော်ဟာ အသာလွန်ဆုံးဖြစ်တော်မူခြင်းကို ပြသလိုခြင်းဖြစ်ပါတယ်။
၄ ~ ပရိနိဗ္ဗာန်ပြုတော့မည်ဟု ကြေညာခြင်း (မဟာပရိနိဗ္ဗာန)
- မြတ်စွာဘုရား ပရိနိဗ္ဗာန်မပြုမီ ၃လအလို ကုသိနာရုံပြည်မှာ ပရိနိဗ္ဗာန်ပြုတော့မည့်အကြာင်းကို ကြေညာသောအခါ ကမ္ဘာမြေကြီးဟာ တုန်လှုပ်ခဲ့ပါတယ်။
လှုပ်ခတ်ရခြင်း အဓိပ္ပါယ် - လောကသုံးပါးရဲ့ ကြီးမြတ်သော အလင်းရောင်ဟာ ကမ္ဘာလောကမှ ထွက်ခွာတော့မည်ဖြစ်တဲ့အတွက်ကြောင့် ကမ္ဘာလောကကြီး တုန်လှုပ်ခြင်းဖြစ်ပါတယ်။
၅ ~ ပရိနိဗ္ဗာန် စံဝင်တော်မူခြင်း
- အင်ကြင်းပင်နှစ်ပင်ကြားလျောင်းတော်မူ၍
" ဟန္ဒ ဒါနိ ဘိက္ခဝေ အာမန္တယာ မိဝေါ
ဝယဓမ္မာ သင်္ခါရာ အပ္ပမာဒေန သမ္မာဒေထ။ "
"ချစ်သားရဟန်းတို့...
သင်တို့ကို ယခု နောက်ဆုံးအနေနဲ့ ငါဘုရား မှာ ကြားတော့မယ်။ရုပ် နာမ် ဓမ္မ သင်္ခါရတရားတို့သည်
ပျက်စီးခြင်းသဘော ရှိကြကုန်၏။ထို့ကြောင့် သင် ချစ်သားတို့သည် မမေ့မလျော့သော သတိတရားဖြင့်
ပြီးပြည့်စုံအောင် အားထုတ် ကြကုန်လော့။ " ဟုနောက်ဆုံး မှာကြားတော်မူပြီးနောက် ပရိနိဗ္ဗာန် စံဝင်တော်မူသော တခဏ၌ ပထဝီမြေကြီးဟာ ပြင်းထန်စွာတုန်လှုပ်ခဲ့ပါတယ်။
လှုပ်ခတ်ရခြင်း အဓိပ္ပါယ် - လောကသုံးပါးရဲ့ အားထားရာ မြတ်စွာဘုရားရှင်ဟာ သံသရာမှ အပြီးတိုင်ထွက်ခွာသွားခြင်းကြောင့် ဝမ်းနည်းပူဆွေးခြင်းအနေနဲ့ ကမ္ဘာမြေကြီးမြည်ဟီးလှုပ်ခတ်ခြင်းဖြစ်ပါတယ်။
၆ ~ ဘုရားရှင်၏ အဓိဋ္ဌာန်တော် (အဓိဋ္ဌာန)
- ဘုရားရှင်ရဲ့ ခရီးစဉ်တစ်လျှောက် အခါအားလျော်စွာ ဓမ္မကို ခိုင်မြဲစွာ တည်ထောင်ရန် (သို့မဟုတ်) သတ္တဝါတို့ရဲ့ အကျိုးစီးပွားအတွက် ကြီးမားသော အမှုကိစ္စတစ်ခုကို ပြုလုပ်ရန် အဓိဋ္ဌာန် ပြုတော်မူတဲ့အခါ မြေကြီးဟာ တုန်လှုပ်ခဲ့ပါတယ်။
လှုပ်ခတ်ရခြင်း အဓိပ္ပါယ် - ဘုရားရှင်ရဲ့ ခိုင်မာတဲ့ အဓိဋ္ဌာန် ကို သက်သေတည်တဲ့အနေနဲ့ မြေကြီးသည် တုန်လှုပ်ခြင်းဖြစ်ပါတယ်။
ဗုဒ္ဓသာသနံ စိရံတိဌတု🙏🙏🙏
#ဗုဒ္ဓဘုရား
#တရားတော်များ
%
