01/05/2026
ဆယ်တန်းအောင်ပီးတော့ မူကြိုဆရာမလေး လျှောက်ဖူးတယ် ။ တစ်ရက်ပဲ လုပ်ပီးတော့ နောက်နေ့ ထွက်လိုက်တယ် ။ ဘာလို့လဲ ဆိုတော့ကာ ....... စီနီယာ ဆရာမတွေ မူကြိုကို စစ ချင်းလာ အပ်တဲ့ မိဘနဲ့ ကလေးကို ဆက်ဆံပုံက ပြုံးရွှင်နေတာ ပဲ ။ မီးမီးလေး ပျော်သွားမှာပါသားသားလေး နေသားကျသွားမှာပါနဲ့ အပြောလေးတွေက ချို လို့ ။ မိဘတွေက မသိရှာဘူး ပို့ပီး ပြန်သွားကြ ။ မူကြို တံခါးကြီးလဲ ပိတ်လိုက်ရော ခလေးတွေကို ငေါက်လိုက် ငမ်းလိုက် ။ မ , ပေါင်း တစ်ထောင်သားသမီး ထိန်းရတာ မလွယ်မှန်း သိပါတယ် ။ သို့သော် မူကြို အရွယ်ဆိုတာ ငယ်သေးတယ် တချို့ ကလေးဆိုစကားတောင် သေချာ မပြောတတ်သေးဘူး။နာမည်မေးလဲ မပြောတတ်ဘူး ။ တချို့ မိဘတွေကလဲအလုပ်နဲ့ မအားလို့ မူကြိုပို့ထားလိုက်တာ ဘာညာ ရှိချင်လဲ ရှိမှာပေါ့လေ ။ ထမင်းစားချိန် ရောက်ပီဆို ကလေးတွေမိဘတွေက သူတို့ သားသမီးလေး ကောင်းကောင်းစားဖို့ ရှယ် တွေ လုပ်ပေးလိုက်တာ ။ ပုဇွန်ကြော် ကြက်ကြော် ရှယ်ကောင်းပေ့ညွန့်ပေ့လေးတွေ။ အဲ ချိန်ကျ စီနီယာ ဆရာမတွေက သူတို့မှာ ထမင်းချိုင့်မပါဘူး။ ကလေးတွေ ထမင်းဘူးထဲက ထမင်းတွေယူ တစ်ယောက်စီက နည်းနည်း ယူရင်ပဲ သူတို့စားဖို့ ရပီလေ။ အယောက်ပေါင်းက နည်းတာ မှ မဟုတ်တာ ။ မိဘတွေ ထည့်ပေးလိုက်တဲ့ ကောင်းပေ့ ဆိုတဲ့ ဟင်းတွေ သူတို့ တစ်၀က်ယူ ။ ဟိုထမင်းချိုင့်က နည်းနည်း ဒီထမင်းချိုင့် နည်းနည်းပေါ့ ။ သူတို့ အတွက်က အိုကေ ပီ ။ထားတော့ ကလေးတွေကို ထမင်းကျွေးတဲ့ အချိန်ကျ ခွံ့ပေးရတာကိုး ။ ကိုယ်တိုင်စားတတ်တဲ့ ကလေးက ရှားတယ် မူကြို အဆင့်ဆိုတော့။ ဆရာမတွေက ခွံ့ပေးရတာ ။ ထမင်း ခွံ့တော့လဲ ကလေးက ပါးစပ်ထဲက ထမင်း မကုန်သေး ။ တစ်ဇွန်းပီး တစ်ဇွန်း အယောက်ပေါင်းကလဲ များတာကိုး ။မစားနိုင်တဲ့ ကလေးက သားမစားနိုင်တော့ဘူးလို့ ပြောတာကို မစားနိုင်လို့ မရဘူး ကုန်အောင်စားရမယ် ဆိုပီး ထပ် ခါ ထပ် ခါ ကျွေးတော့ အန် ထွက် တဲ့ ကလေး က အန်ထွက် ။ ကိုယ်က ဂျူနီယာ ဆိုတော့ စီနီယာ ဆရာမကို အစ်မ ကလေးတွေ မကုန် တဲ့ ထမင်း ဘယ်လို လုပ်ရမလဲ ဆိုတော့ သွန်ပစ်လိုက်လေ တဲ့ ။ ပီးတော့ ကလေးကို မေ့မေ့ကို ထမင်းကုန်တယ် ပြောလိုက်နော် တဲ့ ။ စားပီးတာ နဲ့ တန်း အိပ် ခိုင်း ။ မအိပ်ချင်သေးတဲ့ ကလေးက မျက်လုံးလေး ပေကလပ် ပေကလပ် နဲ့ ။ အိပ် အိပ်ဆိုပီး အော်ဟောက် အတင်းတွေ အိပ် ခိုင်း ။ အိပ်ပျော်လဲ သွား ရောမူကြိုကျောင်းက ဆင်းချိန်ရောက်ပီ ။စောလေးကမှ အိပ်ပျော်သွားကြတဲ့ ခလေးတွေကို အတင်းတွေ ပြန်နှိုး ။ ဟဲ့ ထကြ ထကြ ။ တချို့ ကလေးက ဘယ်လို မှ ကို နှိုးမရ ။ အိပ် ချင် မူးတူးနဲ့ အတင်းတွေ ဆွဲထူ ။ ပီးရင် ကဗျာတွေ ထသင် ။ အိပ်ရေး မ၀ လို့ ငိုက်နေသေးတဲ့ ကလေးက ငိုက် ။ ဒီကြားထဲ ကလေးတစ်ယောက်က ကိုယ့်ကို ဆရာမ ဆရာမ ဆိုပီး အတင်းကပ်ငိုယိုနေလို့ ။ သမီးရေ အဲလို လုပ်လို့ မရဘူး။ စာလိုက်ဆိုနော် လို့ ပြောပီး ကိုယ့်မှာ ရင်ထဲ စို့နေသေးတယ် ။ မူ ကြို ကျောင်းတိုင်း မဟုတ်ဘူးနော် ။ ကြုံဖူးတဲ့ ကျောင်းကို ပဲ ပြောတာ ။ တချို့ကျောင်းတွေလဲ အဲလို ဟုတ်ချင်မှ ဟုတ်လိမ့်မယ် ။ကောင်းတဲ့ ကျောင်း သေချာ စနစ် တကျ ဂရုစိုက်တဲ့ မူကြိုတွေလဲ ရှိမှာ ပဲ ။ သို့ သော် အဲ ထဲက ဆုံးဖြတ် လိုက်တာ ။ငါ့ သားသမီးကျ ဘယ်တော့မှ မူကြို မထားဘူးလို့ ။ မိဘ ကွယ်ရာမှာ ဘယ်လို တွေ ပြောဆိုခံ ဆက်ဆံ ခံ နေရမလဲ တွေးတောင် မကြည့်နိုင်ဘူး ။ ကိုယ်တိုင် အိမ်မှာ သင်မယ် ။ အသက်လေး ပြည့်မှ ကျောင်းတန်းထားမယ် ။ မပြောတတ် မဆိုတတ်သေးတဲ့ အရွယ်မှာ ဘယ်သူ့လက်မှ မအပ်နိုင် ။
နိုင်ငံခြားက မူကြိုတစ်ခုမှာ ဆရာမက ကလေးလေးတွေကို ခြေထောက်ကိုချည်ပြီး အတင်းအိပ်ခိုင်းထားတာဆိုတာ မိသွားတဲ့ video အောက်မှာ တွေ့တဲ့ A Phyu Yaung ဆိုတဲ့ တစ်ယောက်ရေးထားတဲ့ comment ပါ။
(တကယ်ဂရုစိုက်တဲ့ မူကြိုတွေလဲရှိမှာပါ။ CCTV အမြဲကြည့်လို့ရတဲ့မူကြိုတွေရွေးရင် ပိုကောင်းမှာ)
Credit sein moe sat
