17/05/2026
परदेश पुगेपछि आफ्नै मान्छेको आत्मीय साथ-दुबईमा भावुक बन्यो सुशील सुनार र वर्षा शर्माको स्वागत
अन्तरजातीय विवाह गरेर सामाजिक सञ्जालमा चर्चामा आएका सुशील सुनार र वर्षा शर्मा रोजगारीका लागि दुबई पुगेका छन्। नयाँ सपना र उज्यालो भविष्यको आशा बोकेर विदेशिएका यो जोडीलाई दुबई पुगेलगत्तै आत्मीय स्वागत गरिएको छ।उनीहरूलाई त्यहाँ साबु विश्वकर्माले हार्दिक स्वागत गरेपछि त्यो भावुक क्षण सामाजिक सञ्जालमा अहिले निकै चर्चामा छ। “मेरो प्राणहरू आउनुभयो…” भन्ने शब्दसहित गरिएको स्वागतले परदेशको भीडभाडमा पनि आफ्नोपन र न्यानोपनको अनुभूति दिलाएको धेरैले बताएका छन्।
समाजका आलोचना, चुनौती र संघर्ष पार गर्दै प्रेमलाई विवाहमा बदल्ने यो जोडी अहिले जीवनको नयाँ अध्याय सुरु गर्न विदेश पुगेका हुन्। उनीहरूको यात्रा अझ राम्रो भविष्य र सफलताको खोजीमा केन्द्रित रहेको बताइएको छ।सामाजिक सञ्जालमा धेरैले उनीहरूको दाम्पत्य जीवन सफल होस्, प्रेम कहिल्यै नहारोस् र परदेशको संघर्ष सफलतामा बदलियोस् भन्दै शुभकामना व्यक्त गरिरहेका छन्।
