17/09/2025
Ndai bat hta gaw Python List Indexing hte seng nna kadun tawk hkaja yu ga.
List ni gaw manu ni hpe mazing da ai jahpan langai re nna, dai jahpan ni a madang (index) hpe gaw kaman 0 kaw na hpang ai. (Anhte chyena da ai order hte shai ai re.)
Ga shadawn,
namsi_jahpan = [“makawk_si”, “lwi_dwi_si”, “sang_hpaw_si”, “gin_shau_si”, “langu_si”]
Ndai list hta “makawk_si” ngu ai manu gaw shawng hpang ai re. Dai manu hpe [ ] lang nna namsi_jahpan[0] ngu masat ai. Dai hku re yang namsi_jahpan[1] gaw “lwi_dwi_si” gaw re. Ndai gaw list indexing galaw ai re nga ai.
Hpang jatum manu re ai “langu_si” gaw namsi_jahpan[4] re ai zawn namsi_jahpan[-1] ma re. Hpang jahtum hku na hti ai majaw index “-” kumla hte hpang ai.
List langai hte bai hka yu ga.
crush_jahpan = [“A Roi”, “A Pan”, “A Mai”, “Myi Bawng Kaw”, “A San”]
Lamana, jahpan hta shawng mu ai crush masum (index manu crush_jahpan[0], crush_jahpan[1], crush_jahpan[2]) hpe shawng tsun dan mayu yang gaw index slicing mai galaw ai.
Index slicing, crush_jahpan[0:3]
(index 0 gaw index shawng hpang ai hpe masat ya nna no.4 hta ang ai index 3 gaw, index slicing dai shara kaw du yang hkring na hpe masat ya ai)
crush_jahpan[0:3] gaw “A Roi”, “A Pan”, “A Mai” ngu ai manu sum hpe kalang shaw ya ai.
Hpang jahtum hku na mung mai hti ai.
crush_jahpan[-1:-3:-1] shing nrai crush_jahpan[4:2:-1] gaw “Myi Bawng Kaw” hte “A San” ngu ai manu hpe shaw ya ai. Hpang jahum na -1 gaw manu hpe nhtang hku hti na (backward slicing) hpe masat ya ai. (gashadawn_jahpan[0:3:1] hta +1 gaw default re majaw nbang ai re.
