23/08/2025
လုပ်ငန်းခွင်ထဲ ဝင်ရင်
Harassment နဲ့ ပတ်သက်ပီး ကောင်း”နားလာ်ထားဖို့ လိုလို့ ဖတ်ထားသင့်ပါတယ်
ဂျပန်လုပ်ငန်းခွင်မှာ လုပ်တဲ့အခါ မဖြစ်မနေသိထားသင့်တဲ့ harassment(ハラスメント) ဆိုတဲ့ အနိုင်ကျင့်ဆက်ဆံမှု တွေအများကြီးရှိပါတယ် အဲ့ထဲကမှ အသုံးများတဲ့တစ်ချို့ကိုပြောပြပါ့မယ်။ဒီထဲကတစ်ခုခုနဲ့ ရင်ဆိုင်နေရပြီဆိုရင် အထက်လူကြီး သို့မဟုတ် တာဝန်ရှိသူများ အင်မီဂရေးရှင်း အလုပ်သမားအဖွဲ့အစည်းတို့နဲ့ အမြန်ဆွေးနွေးသင့်နေပါပြီ။
ဂျပန်လုပ်ငန်းခွင်တွေက အရင်ခေတ်တုန်းကဆို အင်မတန်စည်းကမ်းတင်းကျပ်ပြီး customer သို့မဟုတ် အထက်လူကြီးကို ဘုရားလိုကိုးကွယ်ခဲ့ရတဲ့ ခေတ်တစ်ခုရှိခဲ့ဖူးပါတယ် အခုတော့ ဂျပန်လူငယ်တွေက နိုင်ငံတကာနဲ့ ပိုဆက်သွယ် ပိုဆက်ဆံလာတဲ့အခါမှာ customer တို့ အထက်လူကြီးတွေရဲ့ တစ်သွေးတစ်သံတစ်မိန့် မလုပ်မနေရ ဆိုတဲ့ ယဥ်ကျေးမှုကနေ တဖြည်းဖြည်း သွေဖယ်လာပါတယ် အဲ့အတွက် လုပ်ငန်းခွင်အတွင်း အာဏာပြ ဆက်ဆံမှုတွေ ခွဲခြားဆက်ဆံမှုတွေကို တားဆီးဖို့အတွက် အောက်ပါ စကားလုံးများပေါ်ထွက်လို့်လာပါတော့တယ်။
1. パワーハラスメント（パワハラ）
လုပ်ငန်းခွင်အတွင်း အသုံးများဆုံး စကားလုံးတစ်ခုပါပဲ တော်တော်များများလဲသိပြီးသားနေမှာပါ။ အထက်လူကြီးဆီကနေ ရာထူးအရှိန်အာဏာကို သုံးပြီး အတင်းအကျပ်စေခိုင်းခြင်း၊အနိုင်ကျင့်ဆက်ဆံခြင်းနှင့်တခြားသောအာဏာအလွဲသုံးစားလုပ်ခြင်းအကုန်လုံးအကျုံးဝင်ပါတယ်။パワハラလို့သာ ပြောလိုက်ရင် ဂျပန်လူကြီးတိုင်းဖင်တုန်အောင်ကြောက်ပါတယ်။
2.セクシュアルハラスメント（セクハラ）
ဒါကတော့ လိင်ပိုင်းဆိုင်ရာ စော်ကားမှုပါ။အလိုမတူပဲ အတင်းအဓမ္မဆက်ဆံခြင်း၊ခန္ဓာကိုယ်အားကိုင်တွယ်ထိတွေခြင်းနဲ့ အခြားသော လိင်ပိုင်းဆိုင်ရာ အသားယူခြင်းအကုန်ပါပါတယ်။ ဒီနေရာမှာ ယောက်ျားလေး မိန်းကလေးမခွဲပါဘူး ဘယ်သူမဆိုနစ်နာသူနေရာကနေဖြစ်နိုင်ပါတယ်။ကိုယ်ထိလက်ရောက်စော်ကားတာမျိုးမဟုတ်ပေမယ့်လည်း စကားနဲ့အသားယူအရသာခံပြောဆိုတာမျိုးကိုလည်း セクハラ ထဲအကျုံးဝင်ပါတယ်။ အထူးသဖြင့်မိန်းကလေးများ သိထားရင်မမှားတဲ့စကားလုံးတစ်ခုပါပဲ။
3.マタニティハラスメント（マタハラ）
ဒါကတော့ မိန်းကလေးများအတွက်ပါ ကိုယ်ဝန်ဆောင်ခြင်း မီးဖွားခြင်းကိစ္စရပ်တွေနဲ့ပတ်သတ်ပြီး လုပ်ငန်းခွင်မှာ ခွဲခြားဆက်ဆံခံရခြင်း၊ရပိုင်ခွင့်များ လျှော့ချပစ်ခြင်း မိမိသဘောမတူညီပဲ အလုပ်ချိန်များလျှော့ချပစ်ခြင်း စသည့် အပြုအမှုများကို ပြုလုပ်ခြင်းကို ရည်ရွယ်ပြောဆိုတဲ့အခါမှာသုံးပါတယ်။
4. モラルハラスメント（モラハラ）
လူတစ်ဖက်သား၏ဂုဏ်သိက္ခာ နှင့် စိတ်ပိုင်းဆိုင်ရာ ထိခိုက်စေရန်ရည်ရွယ်ပြောဆိုခြင်း၊ပြုမှုလုပ်ဆောင်ခြင်း၊လှောင်ပြောင်ခြင်း တို့ပြုလုပ်ခဲ့လျှင် モラハラ နဲ့ ငြိပါတယ်။ ဥပမာ မင်းကငပေါကြီးပါကွာဆိုပြီး အများရှေ့မှာလှောင်ပြောင်ခြင်း၊ ငတုံးကြီးပါကွာဟု လှောင်ပြောင်ပြောဆိုခြင်းဖြင့် တစ်ဖက်သား၏ ဂုဏ်သိက္ခာနဲ့စိတ်ပိုင်းဆိုင်ရာထိခိုက်စေခြင်းမျိုးကို လုပ်ဆောင်ခြင်းကို ဆိုလိုပါတယ်။
5.ジェンダーハラスメント（ジェンハラ）
ဒါကတော့ လိင်ပိုင်းဆိုင်ရာခွဲခြားဆက်ဆံခြင်းကိုပြောဆိုပါတယ်။ယောက်ျားလေးမို့ မိန်းကလေးမို့စသည်ဖြင့် ခွဲခြားဆက်ဆံခြင်းမျိုးမနှစ်မြို့ဖွယ် ပြောဆိုဆက်ဆံခြင်းမျိုးကို ခံနေရလျှင် အထက်ပါ harassment မျိုးနဲ့ ကိုက်ညီပါတယ်။
6.カスタマーハラスメント（カスハラ）
အခုနောက်ပိုင်း တော်တော် ကြားလာရတဲ့စကားလုံးပါပဲ။အရင်ကလို customer ဆိုရင် ဘုရားနဲ့တစ်တန်းတည်းထားရတဲ့ ခေတ်တစ်ခုကုန်ဆုံးသွားပြီလို့ပဲပြောရပါတော့မယ်။ ငါက ကာစတန်မာကွဆိုပြီး အာဏာပြသူတွေ အတွက် ဖြစ်တည်လာတဲ့ စကားပါ။ ကာစတန်မာဆိုပြီး အထက်စီးကနေပြောဆိုခြင်း အော်ဟစ်ငေါက်ငန်းခြင်း မဖြစ်နိုင်တာကိုအတင်းခိုင်းခြင်း မသင့်လျော်သော service ဝန်ဆောင်မှုပေးခိုင်းခြင်း စတာတွေအကုန် カスハラ နဲ့ ငြိပါတယ်။ ဒါကြောင့် ကာစတန်မာဆိုပြီး မဖြစ်နိုင်တာတွေအတင်းလာခိုင်းနေရင် အထက်ပါ စကားလုံးနဲ့ပြန်ပြောလိုက်ပါ။ ငြိမ်သွားပါလိမ့်မယ်။
7.アルコールハラスメント（アルハラ）
အရက်သေစာအား အတင်းသောက်ခိုင်းခြင်း၊ဖိအားပေး သောက်စေခြင်း အကျပ်ကိုင်သောက်စေခြင်းတို့ကို ပြုလုပ််ခိုင်းစေခြင်းခံရလျှင် အခု စကားလုံးနဲ့ ငြင်းဆိုနိုင်ပါတယ်။
အဲ မတိုက်ခင်ကတည်းက သောက်ချင်နေတဲ့ ကိုကိုမမ များကတော့ ဒီပို့စ်ကို ကျော်သွားနိုင်ပါပြီ။
အားလုံးပဲ လုပ်ငန်းခွင်အတွင်း အနိုင်ကျင့်ဆက်ဆံခံရခြင်းမှ ကင်းဝေး၍ လိုရာပန်းတိုင်လျှောက်လှမ်းနိုင်ပါစေ။
