18/08/2025
म कुनै संगठन, पार्टी वा सस्ता लाभका लागि होइन, आफ्नो पसिना र मेहनत गरेर जीवन चलाउने एक साधारण व्यक्ति हुँ। जापानमा बसोबास गर्ने क्रममा, यहाँका दाजुभाइ–दिदीबहिनीहरूलाई दुःख, संकट वा आपत् परेमा सकेसम्म सहयोग गर्दै आएको छु। यो मेरो व्यक्तिगत दायित्व र मनको चाहना हो।
तर पछिल्लो समय केही गलत बुझाइहरू र भ्रम फैलिएका देखिन्छन्। केही दिनअघि सामाजिक सञ्जालमा एउटा भिडियो आयो, जसमा भनिएको थियो— “लक्ष्मण पाठकलाई धेरैपटक म्यासेज गर्दा पनि उत्तर आएन।” यस घटनाले मलाई निकै दुःख लाग्यो। त्यसपछि मैले बुझ्न खोज्दा थाहा भयो, त्यो बहिनीले मेरो मौलिक (official) फेसबुक ID मा म्यासेज गरेको नै रहेनछन्। बरु अरू कसैले बनाएको fake ID मा म्यासेज पठाएको रहेछ।
यसै प्रसङ्गमा सबैलाई एउटा महत्वपूर्ण अनुरोध गर्न चाहन्छु—
1. मेरा धेरै fake Facebook ID हरू बनाइएका छन्।
2. कृपया सत्य/official ID पहिचान गरेर मात्र म्यासेज गर्नुहोस्।
3. Fake ID मा पठाइएको म्यासेज वा त्यहाँबाट आएको जवाफलाई मैले पढ्दिनँ र स्वीकार पनि गर्दिनँ।
4. Fake ID को दुरुपयोग गरेर समाजमा भ्रम फैलाउने कार्य नगर्नुहोस्।
म सबै म्यासेजहरूको तुरुन्तै जवाफ दिन सक्दिनँ भन्नेमा क्षमा चाहन्छु। धेरै साथीहरूको म्यासेज आउने भएकाले सबैलाई तत्काल उत्तर दिन असम्भव हुन्छ। तर यो मेरो बेवास्ता होइन, परिस्थिति हो।
म आजसम्म जस्तै भोलि पनि सस्तो प्रचार होइन, मनको सन्तुष्टि र समुदायको हितका लागि तपाईंहरूको साथमा रहिरहनेछु। मेरो लक्ष्य भनेको — जापानमा रहेका नेपालीहरूको आवाजलाई सम्बोधन गर्नु, सहयोग गर्नु र सकारात्मक भूमिका खेलिरहनु हो।
🙏 तपाईंहरूको विश्वास, सहयोग र समझदारीकै कारण मैले यहाँसम्म यात्रा गर्न सकेको छु। आगामी दिनमा पनि साथ, माया र विश्वास कायम गरिदिनुहोस् भन्ने हार्दिक अपेक्षा गर्दछु।
धन्यवाद।
लक्ष्मण पाठक
