ウェブサイトとは何ですか？

https://www.facebook.com/123982247364115/

HEIN, Takadanobaba, Shinjuku-ku (2025)

01/08/2025

Marketing ကို အခြေခံကစပြီး လေ့လာနေသူတွေအတွက် Marketing ရဲ့အစိတ်အပိုင်းတစ်ခုဖြစ်တဲ့ Product Line (ကုန်ပစ္စည်း အမျိုးအစား) နဲ့ပတ်သက်တဲ့ အချက်တွေကို ဥပမာတွေနဲ့တကွ လေ့လာကြည့်ပါမယ်။

➡️ Product Line ဆိုတာ ဘာလဲ။

Product Line ဆိုတာ ကုမ္ပဏီတစ်ခုကနေ တစ်သားတည်းကျပြီး ဆက်စပ်မှုရှိတဲ့ ကုန်ပစ္စည်းတွေ၊ ဒါမှမဟုတ် ဝန်ဆောင်မှုတွေကို စုစည်းထားတာကို ဆိုလိုပါတယ်။ အများအားဖြင့် ဒီကုန်ပစ္စည်းတွေဟာ လုပ်ဆောင်နိုင်စွမ်းချင်း ဆင်တူတာ၊ ဖောက်သည်အုပ်စုချင်း တူညီတာ၊ စျေးနှုန်း အပိုင်းအခြား တူညီတာ ဒါမှမဟုတ် ဖြန့်ချိတဲ့လမ်းကြောင်း တူညီတာမျိုးတွေ ရှိတတ်ပါတယ်။

ဥပမာအားဖြင့်- Samsung ရဲ့ Galaxy S Series, Galaxy Note Series နဲ့ Galaxy A Series တို့ဟာ တစ်ခုချင်းစီက သီးခြား Product Line တွေ ဖြစ်ကြပါတယ်။ ဒီ Series တွေဟာ ဖုန်းဆိုတဲ့ Product အမျိုးအစားထဲမှာ ပါဝင်ပေမယ့် ဖောက်သည်အုပ်စု၊ စျေးနှုန်းနဲ့ ပါဝင်တဲ့ Features တွေမှာ ကွဲပြားကြပါတယ်။

➡️ Product Line တစ်ခုမှာ ထည့်သွင်းစဉ်းစားရမယ့် အချက်များ

Product Line ကို စီမံခန့်ခွဲတဲ့အခါ အဓိကအားဖြင့် အောက်ပါအချက် (၂) ချက်ကို ထည့်သွင်းစဉ်းစားဖို့ လိုအပ်ပါတယ်။

1️⃣ Product Line Length (ကုန်ပစ္စည်း အမျိုးအစား အရှည်)

Product Line Length ဆိုတာက Product Line တစ်ခုထဲမှာ ကုန်ပစ္စည်း ဒါမှမဟုတ် ပစ္စည်းဘယ်နှစ်မျိုးလောက် ထည့်သွင်းမလဲဆိုတာကို ဆုံးဖြတ်တာဖြစ်ပါတယ်။

➡️ Product Line Stretching (ကုန်ပစ္စည်း အမျိုးအစားကို ဆန့်ထုတ်ခြင်း)

✅ Downward Stretching (အောက်ကိုဆန့်ထုတ်ခြင်း): စျေးနှုန်းမြင့်မားတဲ့ ကုန်ပစ္စည်းတွေ ရောင်းချနေရာကနေ စျေးနှုန်းသက်သာတဲ့ ကုန်ပစ္စည်းအသစ်တွေ ထပ်ထည့်ပြီး စျေးကွက်ဝေစု တိုးချဲ့တာဖြစ်ပါတယ်။

ဥပမာ- Mercedes-Benz လို ဇိမ်ခံကားထုတ်တဲ့ ကုမ္ပဏီကနေ စျေးနှုန်းသက်သာတဲ့ A-Class Series ကို ထုတ်လုပ်ခြင်း။

✅ Upward Stretching (အပေါ်ကိုဆန့်ထုတ်ခြင်း): စျေးနှုန်းသက်သာတဲ့ ကုန်ပစ္စည်းတွေ ရောင်းချရာကနေ ဇိမ်ခံပြီး စျေးနှုန်းမြင့်တဲ့ ကုန်ပစ္စည်းအသစ်တွေ ထပ်ထည့်ပြီး ပိုပြီးတော့ အမြတ်အစွန်းများတဲ့ အပိုင်းကို ဝင်ရောက်ခြင်း။

ဥပမာ- Hyundai ကနေ ပိုပြီး စျေးကြီးတဲ့ Genesis လို ဇိမ်ခံ Brand ကို ဖန်တီးခြင်း။

✅ Two-way Stretching (နှစ်ဖက်လုံး ဆန့်ထုတ်ခြင်း): စျေးကွက်ရဲ့ အလယ်အလတ်အဆင့်မှာ ရောင်းချနေတဲ့ ကုမ္ပဏီကနေ စျေးအသက်သာဆုံးအဆင့်နဲ့ စျေးအကြီးဆုံးအဆင့် နှစ်ခုလုံးကို တိုးချဲ့ပြီး ဖောက်သည်အများဆုံးကို ဆွဲဆောင်ခြင်း။

➡️ Product Line Filling (ကုန်ပစ္စည်း အမျိုးအစားကို ဖြည့်ဆည်းခြင်း)

လက်ရှိ Product Line ထဲမှာ မရှိသေးတဲ့ ကုန်ပစ္စည်းအမျိုးအစားတွေကို ထပ်ဖြည့်တာကို ဆိုလိုပါတယ်။ ဒီလိုဖြည့်ခြင်းအားဖြင့် ပြိုင်ဘက်တွေကနေ ဖောက်သည်တွေ ဆွဲဆောင်သွားတာကို ကာကွယ်နိုင်ပါတယ်။

ဥပမာ- ကားတစ်မျိုးတည်းကိုပဲ အရောင်အမျိုးမျိုးနဲ့ ထုတ်လုပ်တာမျိုး ဒါမှမဟုတ် ဖုန်းတစ်မျိုးတည်းကိုပဲ RAM Size အမျိုးမျိုးနဲ့ ထုတ်လုပ်တာမျိုး ဖြစ်ပါတယ်။

2️⃣ Product Line Consistency (ကုန်ပစ္စည်း အမျိုးအစားရဲ့ တစ်သားတည်းဖြစ်မှု)

Product Line Consistency ဆိုတာကတော့ Product Line တစ်ခုထဲမှာရှိတဲ့ ကုန်ပစ္စည်းတွေဟာ ဘယ်လောက်အထိ ဆက်စပ်မှုရှိသလဲဆိုတာကို ဆိုလိုပါတယ်။ ဒီဆက်စပ်မှုဟာ ကုန်ပစ္စည်းရဲ့ အသွင်အပြင်၊ လုပ်ငန်းဆောင်တာ ဒါမှမဟုတ် ရောင်းချပုံစံမှာ ရှိနိုင်ပါတယ်။

ဥပမာ- Samsung ရဲ့ Galaxy S Series ထဲမှာရှိတဲ့ S23, S23 Ultra, S23 FE စတဲ့ ဖုန်းတွေဟာ ဒီဇိုင်း၊ လုပ်ငန်းဆောင်တာနဲ့ နည်းပညာတွေမှာ တစ်သားတည်းကျနေပါတယ်။ ဒီလို တစ်သားတည်းကျမှုက ဖောက်သည်တွေရဲ့ ယုံကြည်မှုကို တိုးစေပြီး Brand ကို ပိုမိုခိုင်မာစေပါတယ်။

ဒီအချက်တွေကို သေချာနားလည်ထားခြင်းအားဖြင့် မိမိရဲ့ လုပ်ငန်းအတွက် Product Line Strategy ကို စနစ်တကျ ချမှတ်နိုင်ပြီး စျေးကွက်ဝေစုကို တိုးချဲ့နိုင်မှာဖြစ်ပါတယ်။

နောက်ထပ်လေ့လာမယ့်အကြောင်းအရာ

-Product Mix

- Product Life Cycle 🔄 PLC

- Product Change Strategy

31/07/2025

Marketing ကို အခြေခံကစပြီး လေ့လာနေသူတွေအတွက် Marketing Mix 4Ps ထဲက Product (ကုန်ပစ္စည်း) နဲ့ပတ်သက်ပြီးလေ့လာကြည့်ပါမယ်။

📦Product (ကုန်ပစ္စည်း) ဆိုတာ ဘာလဲ။
Product ဆိုတာ ရောင်းချသူကနေ ဖောက်သည်တစ်ဦးရဲ့ လိုအပ်ချက် ဒါမှမဟုတ် လိုချင်တပ်မက်မှုကို ဖြည့်ဆည်းပေးဖို့အတွက် ကမ်းလှမ်းတဲ့ အရာအားလုံးကို ဆိုလိုပါတယ်။

ဒါတွေက ရုပ်ပိုင်းဆိုင်ရာ ကုန်ပစ္စည်းတွေပဲ ဖြစ်နိုင်သလို (ဥပမာ - ဖုန်း၊ ကား၊ အစားအသောက်)၊
ဝန်ဆောင်မှုတွေ (ဥပမာ - ဘဏ်လုပ်ငန်း၊ ဆံပင်ညှပ်ဆိုင်)၊ အတွေ့အကြုံတွေ ဒါမှမဟုတ် အကြံဉာဏ်တွေလည်း ဖြစ်နိုင်ပါတယ်။

📥 Product တစ်ခုမှာ ထည့်သွင်းစဉ်းစားရမယ့် အချက်များ

Marketing စီမံချက်တစ်ခု ရေးဆွဲတဲ့အခါ Product နဲ့ပတ်သက်ပြီး အောက်ပါအချက်တွေကို အသေးစိတ် ထည့်သွင်းစဉ်းစားဖို့ လိုအပ်ပါတယ်။

1️⃣ Core Product (အဓိက အကျိုးကျေးဇူး)
ဖောက်သည်တွေက ကုန်ပစ္စည်းတစ်ခုကို ဝယ်ယူခြင်းအားဖြင့် အဓိကရရှိမယ့် အကျိုးကျေးဇူးပါ။ ဒီအချက်က ကုန်ပစ္စည်းတစ်ခုရဲ့ အခြေခံအကျဆုံး တန်ဖိုးဖြစ်ပြီး ဖောက်သည်ရဲ့ ပြဿနာကို ဘယ်လိုဖြေရှင်းပေးမလဲဆိုတာကို ဖော်ပြပါတယ်။
ဥပမာ- စမတ်ဖုန်းတစ်လုံးရဲ့ Core Product က လူတွေကို တစ်ဦးနဲ့တစ်ဦး ဆက်သွယ်ပြောဆိုနိုင်စေခြင်းဆိုတဲ့ အကျိုးကျေးဇူးပါပဲ။

2️⃣ Actual Product (အမှန်တကယ် ကုန်ပစ္စည်း)
ဒါကတော့ Core Product ရဲ့ အကျိုးကျေးဇူးကို ပေးနိုင်ဖို့ ဖန်တီးထားတဲ့ ရုပ်ပိုင်းဆိုင်ရာ အစိတ်အပိုင်းတွေဖြစ်ပါတယ်။ ဒီအချက်တွေက ပြိုင်ဘက်တွေနဲ့ ကွဲပြားစေပြီး ကုန်ပစ္စည်းကို ပိုမိုဆွဲဆောင်မှုရှိစေပါတယ်။

✅ Quality (အရည်အသွေး):
ကုန်ပစ္စည်းရဲ့ စွမ်းဆောင်ရည်၊ တာရှည်ခံမှုနဲ့ အသုံးပြုရလွယ်ကူမှု။

✅ Unique point (ထူးခြားတဲ့အချက်):
Competitors တွေနဲ့ ပြိုင်လျှင် အားသာတဲ့အချက်။

✅ Features (အင်္ဂါရပ်များ):
ကင်မရာ၊ ဘက်ထရီ၊ ရေစိုခံစနစ် စတဲ့ ကုန်ပစ္စည်းရဲ့ လုပ်ဆောင်နိုင်စွမ်း။

✅ Design (ဒီဇိုင်း):
ကုန်ပစ္စည်းရဲ့ ပုံသဏ္ဌာန်၊ အရောင်နဲ့ အသွင်အပြင်။

✅ Branding (အမှတ်တံဆိပ်):
အမှတ်တံဆိပ်နာမည်၊ လိုဂိုနဲ့ ကုန်ပစ္စည်းကို ကိုယ်စားပြုတဲ့ ပုံရိပ်။

✅ Packaging (ထုပ်ပိုးမှု):
ကုန်ပစ္စည်းကို ကာကွယ်ပေးတဲ့အပြင် ဆွဲဆောင်မှုရှိတဲ့ ထုပ်ပိုးမှု။ labels များ

3️⃣ Augmented Product (တိုးချဲ့ထားသော ကုန်ပစ္စည်း)
ဒါကတော့ အမှန်တကယ်ကုန်ပစ္စည်းအပြင် ထပ်မံဖြည့်စွက်ပေးတဲ့ အရာတွေပါ။ ဒီအချက်တွေက ဖောက်သည်တွေရဲ့ စိတ်ကျေနပ်မှုကို ပိုမိုမြှင့်တင်ပေးပြီး ရေရှည်ဖောက်သည်ဆက်ဆံရေးကို တည်ဆောက်နိုင်ဖို့ အရေးပါပါတယ်။

✅ Warranty (အာမခံ):
ကုန်ပစ္စည်း ချို့ယွင်းချက်ရှိပါက ပြန်လည်ပြုပြင်ပေးခြင်း ဒါမှမဟုတ် အသစ်လဲလှယ်ပေးခြင်း။

✅ After-Sales Service (ရောင်းချပြီးနောက် ဝန်ဆောင်မှု):
ကုန်ပစ္စည်းအသုံးပြုပုံ လမ်းညွှန်ပေးခြင်း၊ ပြဿနာဖြေရှင်းပေးခြင်း။

✅ Delivery & Installation (ပို့ဆောင်ခြင်းနှင့် တပ်ဆင်ခြင်း):
ကုန်ပစ္စည်းကို အိမ်အရောက်ပို့ဆောင်ပေးပြီး တပ်ဆင်ပေးခြင်း။

✅ Financing (ငွေပေးချေမှုစနစ်):
အရစ်ကျစနစ်နဲ့ ဝယ်ယူနိုင်တဲ့ ဝန်ဆောင်မှု။BOD စနစ် စသဖြင့်

ဒီအချက်တွေကို သေချာစဉ်းစားပြီး ကုန်ပစ္စည်းတစ်ခု ဖန်တီးမှသာ စျေးကွက်ထဲမှာ အောင်မြင်မှုရရှိနိုင်မှာ ဖြစ်ပါတယ်။

📚နောက်ဆက်တွဲ product (P)နဲ့ သက်ဆိုင်သော အရာများ

-Product line
-Product mix
-Product Life Cycle (PLC)
-Product change Strategy

31/07/2025

Marketing ကို အခြေခံကစပြီး လေ့လာမယ့်သူတွေအတွက် မရှိမဖြစ်သိထားသင့်တဲ့အချက်

➡️ Marketing ဆိုတာဘာလဲ?

Marketing ဆိုတာ ရောင်းသူနဲ့ ဝယ်သူကြားမှာ တန်ဖိုးဖန်တီးပေးပြီး ပေးကမ်းဖလှယ်ကြတဲ့ လုပ်ငန်းစဉ်တစ်ခုပါ။ အမေရိကန် စျေးကွက်ရှာဖွေရေးအဖွဲ့ (AMA) နဲ့ ခေတ်သစ် Marketing ရဲ့ ဖခင်ကြီးလို့ တင်စားခေါ်ဝေါ်ကြတဲ့ Philip Kotler တို့ရဲ့ အဓိပ္ပာယ်ဖွင့်ဆိုချက်တွေက ပိုပြီး ရှင်းလင်းပြည့်စုံပါတယ်။

➡️ Marketing concepts

American Marketing Association (AMA) ရဲ့ အဓိပ္ပာယ်ဖွင့်ဆိုချက်အရ Marketing ဆိုတာ ဖောက်သည်တွေအတွက် တန်ဖိုးရှိတဲ့ ကုန်ပစ္စည်း၊ ဝန်ဆောင်မှုနဲ့ အကြံဉာဏ်တွေကို ဖန်တီးပေးဖို့၊ ဆက်သွယ်ပြောဆိုဖို့၊ ပေးပို့ဖို့နဲ့ ကမ်းလှမ်းဖို့ လုပ်ငန်းစဉ်တွေအပြင် ဖောက်သည်ဆက်ဆံရေးကို စီမံခန့်ခွဲတဲ့ လုပ်ဆောင်ချက်တွေ၊ အဖွဲ့အစည်းဆိုင်ရာ လုပ်ငန်းစဉ်တွေနဲ့ ပညာရပ်ဆိုင်ရာ လုပ်ငန်းစဉ်တစ်ခု ဖြစ်ပါတယ်။

Philip Kotler ရဲ့ အဓိပ္ပာယ်ဖွင့်ဆိုချက်အရ Marketing ဆိုတာ ဝယ်ယူသူတွေရဲ့ လိုအပ်ချက် (Needs) နဲ့ လိုချင်တပ်မက်မှု (Wants) တွေကို ဖြည့်ဆည်းပေးဖို့အတွက် တန်ဖိုးရှိတဲ့ အရာတွေကို ဖန်တီးပြီး အချင်းချင်း ပေးကမ်းဖလှယ်ကြတဲ့ လူမှုရေးနဲ့ စီမံခန့်ခွဲရေး လုပ်ငန်းစဉ်တစ်ခု ဖြစ်ပါတယ်။

တိုတိုပြောရရင်တော့ Marketing ဟာ ကုမ္ပဏီတစ်ခုအနေနဲ့ သူတို့ရဲ့ ကုန်ပစ္စည်း ဒါမှမဟုတ် ဝန်ဆောင်မှုတွေကို သုံးစွဲသူ customer တွေဆီရောက်အောင် လုပ်ဆောင်တဲ့ လုပ်ငန်းစဉ်တစ်ခုလုံးဟာ marketing ပါပဲ။

➡️ What is Marketed? ဘာတွေကို စျေးကွက် ဖန်တီးလို့ရလဲ? ဒါမှမဟုတ် စျေးကွက်ဆိုတာ ဘာလဲ?

Marketing ကို ကုန်ပစ္စည်းတွေအတွက်ပဲ လုပ်ရတာမဟုတ်ပါဘူး။ Marketing လုပ်လို့ရတဲ့အရာတွေကို အကျယ်တဝင့် လေ့လာကြည့်မယ်ဆိုရင်

✅ ကုန်ပစ္စည်း (Goods): ကား၊ ဖုန်း၊ အဝတ်အစား စတဲ့ ကိုင်တွယ်လို့ရတဲ့ ပစ္စည်းတွေ

✅ ဝန်ဆောင်မှု (Services): ဆရာဝန်၊ အလှပြင်ဆိုင်၊ ဘဏ်လုပ်ငန်း စတဲ့ ဝန်ဆောင်မှုတွေ

✅ အဖြစ်အပျက်များ (Events): ဖျော်ဖြေပွဲ၊ အားကစားပွဲ၊ ကုန်စည်ပြပွဲ စတာတွေ

✅ အတွေ့အကြုံများ (Experiences): Disneyland ခရီးစဉ်၊ လေထီးခုန်ခြင်းလိုမျိုး အတွေ့အကြုံပေးတဲ့ လုပ်ငန်းတွေ

✅ နေရာများ (Places): မြို့တစ်ခု၊ တိုင်းပြည်တစ်ခု ဒါမှမဟုတ် ခရီးသွားလုပ်ငန်း

✅ ပုဂ္ဂိုလ်များ (Persons): နာမည်ကျော် အနုပညာရှင် ဒါမှမဟုတ် နိုင်ငံရေးသမားလိုမျိုး တစ်ဦးချင်းစီ

✅ အဖွဲ့အစည်းများ (Organizations): ကုမ္ပဏီတစ်ခု၊ တက္ကသိုလ်တစ်ခု ဒါမှမဟုတ် အစိုးရမဟုတ်တဲ့ အဖွဲ့အစည်း (NGO)

✅ သတင်းအချက်အလက် (Information): စာအုပ်တွေ၊ ပညာရေးဆိုင်ရာ အစီအစဉ်တွေ

✅ အကြံဉာဏ်များ (Ideas): ရွေးကောက်ပွဲအတွက် နိုင်ငံရေးသမားတွေရဲ့ ဆောင်ပုဒ်လိုမျိုး အကြံဉာဏ်တွေ

➡️ Marketing Mix (4Ps)

Marketing Mix ဆိုတာ ပစ်မှတ်ထားတဲ့ ဖောက်သည်အုပ်စုကို ဆွဲဆောင်ဖို့အတွက် ကုမ္ပဏီတစ်ခုက အသုံးပြုတဲ့ ကိရိယာတွေ စုစည်းမှုတစ်ခုဖြစ်ပါတယ်။ 4Ps လို့ လူသိများပြီး အခြေခံ Marketing မှာ မပါမဖြစ် လေ့လာရမယ့် အကြောင်းအရာတစ်ခုဖြစ်ပါတယ်။

1️⃣ Product (ကုန်ပစ္စည်း)
- ဘာရောင်းမှာလဲ။
- ဒီကုန်ပစ္စည်းက ဘယ်လိုလိုအပ်ချက်ကို ဖြည့်ဆည်းပေးမှာလဲ။
- အရည်အသွေး၊ ဒီဇိုင်း၊ အမှတ်တံဆိပ်နဲ့ ပါဝင်တဲ့ ဝန်ဆောင်မှုတွေက ဘာတွေလဲ။

2️⃣ Price (စျေးနှုန်း)
- ဘယ်လိုစျေးနှုန်းသတ်မှတ်မလဲ။
- ဒီစျေးနှုန်းက ဖောက်သည်တွေအတွက် တန်ရဲ့လား။
- ပြိုင်ဘက်တွေနဲ့ နှိုင်းယှဉ်ရင်ရော ဘယ်လိုအနေအထားမှာ ရှိလဲ။

3️⃣ Place (ဖြန့်ဖြူးခြင်း)
- ဘယ်နေရာတွေမှာ ဝယ်ယူလို့ရနိုင်မလဲ။
- ဆိုင်တွေကနေပဲ ရောင်းမှာလား၊ အွန်လိုင်းကနေရော ရောင်းမှာလား။
- ဒီကုန်ပစ္စည်းကို ဖောက်သည်တွေဆီ ဘယ်လိုပို့ဆောင်ပေးမလဲ။

4️⃣ Promotion (မြှင့်တင်ခြင်း)
- ဘယ်လိုနည်းလမ်းတွေနဲ့ လူသိများအောင် လုပ်မလဲ။
- ကြော်ငြာတွေ၊ လူမှုကွန်ရက်တွေနဲ့ အရောင်းမြှင့်တင်ရေး အစီအစဉ်တွေက ဘာတွေလဲ။
- ဘယ်လို ဆက်သွယ်ပြောဆိုမှုတွေက ဖောက်သည်တွေကို ဆွဲဆောင်နိုင်မလဲ။

ဒီ 4Ps တစ်ခုချင်းစီကို စနစ်တကျပေါင်းစပ်လိုက်ခြင်းအားဖြင့် ထိရောက်တဲ့ Marketing မဟာဗျူဟာကို ဖန်တီးနိုင်မှာ ဖြစ်ပါတယ်။

Marketing ကို စတင်လေ့လာမယ့်သူတွေအတွက် ဒီအချက်တွေက အခြေခံအုတ်မြစ်ကောင်းတစ်ခု ဖြစ်မယ်လို့ မျှော်လင့်ပါတယ်။

နောက်ဆက်တွဲ P တစ်လုံး ချင်းဆီနဲ့ သက်ဆိုင်တဲ့ မဟာဗျူဟာ Strategy တွေကို ဆက်လက် လေ့လာသွားမှာဖြစ်ပါတယ်။

1. ပထမဆုံး(P) ဖြစ်တဲ့ Product >>>
https://www.facebook.com/100092605197329/posts/677765608653606/?

'

01/06/2025

ပျင်းရိခြင်းတွေကို ကျော်လွှားနိုင်တဲ့ ဂျပန်တွေရဲ့ နည်းလမ်း (၆) ခု

၁။ IKIGAI (အိခိဂိုင်)
ဘဝရဲ့ ရည်ရွယ်ချက်ပန်းတိုင်ကိုရှာပါ
မနက်တိုင်း မင်းကို အိပ်ယာပေါ်က နိုးထစေတဲ့ အရာကို သိအောင်ရှာပါ။
ရည်ရွယ်ချက်နဲ့ ပန်းတိုင်တွေဟာ မင်းကို အားဖြစ်စေပါလိမ့်မယ်။

၂။ KAISEN (ကိုင်ဇန်)
အကုန်လုံးကို တစ်ပြိုင်နက်လုပ်မယ့်အစား နည်းနည်းချင်းစီတိုးတက်ဖို့ကိုပဲ နေ့စဉ်အာရုံစိုက်လုပ်ဆောင်ပါ။

၃။ THE POMODORO TECHNIQUE (ပိုမိုဒိုရို နည်းလမ်း)
၂၅ မိနစ်တိတိသေချာ အာရုံစိုက်ပြီးအလုပ်လုပ်ပါ ပီးရင် ၅ မိနစ် အနားယူပါ ပီးရင် ဒီပုံစံအတိုင်း ဆက်လုပ်ပါ။
ဒီနည်းဟာ အချိန်နည်းနည်းနဲ့ အလုပ်များများပီးစေမယ့် နည်းလမ်းကောင်းတစ်ခုပဲဖြစ်ပါတယ်။

၄။ HARAHACHI-BU (ဟရာဟချီဘု)
ဗိုက်ပြည့်တဲ့အထိ မစားပါနဲ့ ။ ၈၀% လောက်ဗိုက်ပြည့်တာနဲ့ အစာစားတာကို ရပ်လိုက်ပါ။ ဒီနည်းဟာ မင်းရဲ့ စွမ်းအင်ကို တိုးတက်စေပါလိမ့်မယ်။

၅။ SHUSHIN (ရှုရှင်း)
စတင်ချိန်လိုအပြည့်အစ အာရုံစိုက်ပြီးအလုပ်ကို အမြဲကြိုးစားပါ။ လုပ်သမျှက်ို ပထမဆုံအကြိမ်အဖြစ်သဘောထားပီးလုပ်ဆောင်ပါ

၆။ WABISABI ( ဝဘိစဘိ)
အသေးစိပ်အားလုံးကို အာရုံစိုက် စိတ်ညစ်နေမယ့်အစား အပြစ်အနာအဆာတိုင်းကို လက်ခံလိိုက်ပါ။
ချက်ချင်းထလုပ်တာက ပြည့်စုံမှ လုပ်တာထက်အမြဲပိုကောင်းပါတယ်။

23/04/2025

ကြီးပွါးရေးလို့ ဆိုရင် သိထားသင့်တဲ့
Future contracts ကြောင်း…

22/04/2025

စောစော သိထားသင့်သော ဝင်ငွေလမ်းကြောင်း ၇ မျိုး..

26/03/2025

ပြည်ပမှာ အလုပ်လုပ်ကိုင်နေရတဲ့ သူတွေအတွက် ဘဝကို ရုန်းကန်နေရချိန်မှာ ဝင်ငွေကို ထိထိရောက်ရောက် စီမံခန့်ခွဲဖို့က အရေးကြီးပါတယ်။ ဒီလိုအချိန်မှာ ကိုယ့်ရဲ့ ဝင်ငွေကို ရာခိုင်နှုန်း သုံးပိုင်းခွဲပြီး စီမံထားမယ်ဆိုရင် လက်ရှိဘဝကို တည်ငြိမ်အောင် ထိန်းထားနိုင်ရုံသာမက အနာဂတ်အတွက်ပါ ကြိုတင်ပြင်ဆင်နိုင်မယ်လို့ ယုံကြည်ပါတယ်။ဒါဟာ ကိုယ့်ရဲ့ ကြိုးစားအားထုတ်မှုတွေကို ပိုမိုတန်ဖိုးရှိစေပြီး အိပ်မက်တွေကို အကောင်အထည်ဖော်ဖို့ လမ်းစတစ်ခု ဖြစ်လာနိုင်ပါတယ်။

ဘဝရဲ့ လက်တွေ့ပုံရိပ်တစ်ခု
စိတ်ကူးကြည့်ပါ- ကိုယ်ဟာ မိသားစုကို ခွဲခွာပြီး ပြည်ပမှာ ကြိုးစားပြီးဘဝအောင်မြင်ဖို့ အလုပ်လုပ်နေရတယ်။ နိုင်ငံခြားရဲ့ ယဉ်ကျေးမှုသစ်၊ ဘာသာစကားသစ်တွေကို ရင်ဆိုင်ရင်း ကိုယ့်ရဲ့ ကြိုးစားမှုတွေက တကယ်ပဲ တန်ဖိုးရှိရဲ့လား တွေးမိဖူးလား။ အလုပ်က ရလာတဲ့ ဝင်ငွေတွေကို အိမ်ကို ပြန်ပို့ရင်း၊ ဒါမှမဟုတ် နေ့စဉ်လိုအပ်ချက်တွေအတွက် သုံးရင်း ကိုယ့်ရဲ့ အနာဂတ်ကို မေ့ထားမိတာတော့ မဖြစ်သင့်ပါဘူး။ ဒါကြောင့် ဝင်ငွေကို အနည်းဆုံး နေထိုင်စရိတ်၊ရေရှည်ရင်းနှီးမြှုပ်နှံမှုနဲ့ ကိုယ်ပိုင်စီးပွားရေးလုပ်ငန်း ဆိုတဲ့ သုံးပိုင်းခွဲပြီး စီမံဖို့ တွေးကြည့်ရအောင်ဗျာ..

၁။နေထိုင်စရိတ် - လက်ရှိဘဝရဲ့ အခြေခံအုတ်မြစ်

ပထမဆုံး ကိုယ့်ဝင်ငွေရဲ့ တစ်စိတ်တစ်ပိုင်းကို နေ့စဉ်လိုအပ်ချက် တွေအတွက် သီးသန့်ထားခြင်းပါ။ ဒါက အစားအသောက်၊ နေရာထိုင်ခင်း၊ သွားလာရေးစရိတ်တွေ ပါဝင်မှာပါ။ ဥပမာ၊ ကိုယ့်ဝင်ငွေ ရဲ့ ၅၀%လောက်ကို ဒီအတွက် သတ်မှတ်ထားရင် သင့်တော်ပါတယ်။ ဒါပေမယ့် ဒီအပိုင်းမှာ တတ်နိုင်သမျှ ချွေတာသုံးစွဲ ဖို့က အရေးကြီးပါတယ်။ ဘာကြောင့်လဲဆိုတော့ ကျန်တဲ့ ရာခိုင်နှုန်းနှစ်ခုကို ပိုမိုအာရုံစိုက်နိုင်ဖို့ ဖြစ်ပါတယ်။ လက်ရှိဘဝကို ထိန်းထားနိုင်ဖို့ ဒီအပိုင်းက အခြေခံအုတ်မြစ်ပါပဲ။

၂။ ရေရှည်ရင်းနှီးမြှုပ်နှံမှု - အနာဂတ်အတွက် မျိုးစေ့

ဒုတိယအချက်ကတော့ ကိုယ့်ဝင်ငွေရဲ့ တစ်စိတ်တစ်ပိုင်းကို ရေရှည်ရင်းနှီးမြှုပ်နှံမှုအတွက် ထားခြင်းပါ။ ဒါဟာ ကိုယ့်ရဲ့ အနာဂတ်ကို ငွေကြေးတည်ငြိမ်မှု ရှိစေမယ့် နည်းလမ်းတစ်ခုဖြစ်မယ်လို့ ယုံကြည်ပါတယ် ။ ဥပမာ ကိုယ့်ဝင်ငွေရဲ့ ၂၀%ကို ဒီအတွက် ခွဲထားနိုင်ပါတယ်။ ဒီငွေကို ရင်းနှီးမြှုပ်နှံမှုအတွက် စုဆောင်းပြီး အချိန်အခါနှင့် အခွင့်အရေးရှိလာလျှင် သင့်တော်တဲ့ လုပ်ငန်းတွေ နေရာတွေမှာ ရင်းနှီးမြှုပ်နှံပြီး အနာဂတ်အတွက် မျိုးစေ့တစ်စေ့ ကနေ အပင်တစ်ပင် ဖြစ်အောင် ပြောင်းလဲဖို့ဖြစ်ပါတယ်။

၃။ ကိုယ်ပိုင်စီးပွားရေးလုပ်ငန်း - (Personal Business)အိပ်မက်တွေကို အကောင်အထည်ဖော်ဖို့

နောက်ဆုံးအချက်ကတော့ ကိုယ့်ဝင်ငွေရဲ့ ကျန်တစ်ပိုင်းကို ကိုယ်ပိုင်စီးပွားရေးလုပ်ငန်းအတွက် စုဆောင်းခြင်းပါ။ ဒါက ကိုယ့်ရဲ့ အိပ်မက်တွေကို တစ်နေ့ အကောင်အထည်ဖော်နိုင်ဖို့ အခွင့်အရေးတစ်ခုပါ။ ဥပမ ကိုယ့်ဝင်ငွေရဲ့ ၃၀%ကို ဒီအတွက် သတ်မှတ်ထားနိုင်ပါတယ်။ ဒီငွေနဲ့ အိမ်ပြန်ရောက်တဲ့အခါ မိသားစုလုပ်ငန်းငယ်တစ်ခုစတင်ဖို့၊ ဒါမှမဟုတ် လက်ရှိနေထိုင်ရာဒေသမှာ ဝါသနာပါရာ လုပ်ငန်းတစ်ခုကို တည်ထောင်ဖို့ အသုံးပြုနိုင်ပါတယ်။ ဒါဟာငွေကြေးအရ လွတ်လပ်မှု ရစေပြီး ပြည်ပမှာ ကြိုးစားခဲ့တဲ့ အချိန်တွေရဲ့ ဆုလာဘ်တစ်ခု ဖြစ်လာနိုင်ပါတယ်။

တကယ်လုပ်ကြည့်ရင် ဘာဖြစ်မလဲ?
ဒီနေရာမှာ နိုင်ငံခြားရောက်တဲ့သူတွေအနေနဲ့ ကိုယ့်ရဲ့ငွေကြေးကို ထည့်တွက်ကြည့်စေချင်ပါတယ်။
ဒီအကြံကို ပိုရှင်းလင်းအောင် ဥပမာတစ်ခုနဲ့ ကြည့်ရအောင်။ တစ်လကို ၃၀၀၀၀၀ ဝင်ငွေရှိတယ်ဆိုပါစို့။ ဒီဝင်ငွေကို ဒီလိုခွဲကြည့်ရင်—
- နေထိုင်စရိတ် (၅၀%) ၁၅၀,၀၀၀
- ရင်းနှီးမြှုပ်နှံမှု (၂၀%) ၆၀,၀၀၀
- ကိုယ်ပိုင်လုပ်ငန်း (၃၀%) ၉၀,၀၀၀

ဒီလိုလုပ်ရင် တစ်နှစ်အတွင်း ရင်းနှီးမြှုပ်နှံမှုအတွက် ၇၂၀,၀၀၀ နဲ့ ကိုယ်ပိုင်လုပ်ငန်းအတွက် ၁,၀၈၀,၀၀၀ စုဆောင်းနိုင်မှာပါ။ ဒါဟာ သင့်ရဲ့ အနာဂတ်ကို တကယ်ပြောင်းလဲနိုင်မယ့် ပမာဏတစ်ခုဖြစ်နိုင်ပါတယ်။ ဝင်ငွေအပေါ်မူတည်ပြီး သင့်တော်ရာ ရာခိုင်နှုန်းပြောင်းပြီး လုပ်ကြည့်လို့ရပါတယ်။ နေထိုင်စားရိတ်ကို မထိန်းချုပ်နိုင်ရင် ကျန်တဲ့အချက်နှစ်ချက်အပေါ်ကို သက်ရောက်နိုင်ပါတယ်။

ဘာကြောင့် ဒီလိုလုပ်သင့်တာလဲ?
ဒီလိုမျိုး ငွေကြေးစီမံခြင်းက ကိုယ့်ကို ဘယ်လိုကူညီနိုင်မလဲ?

စိတ်ချရမှု: ရှင်းလင်းတဲ့ အစီအစဉ်တစ်ခုရှိရင် ငွေကြေးစီမံမှုကြောင့် စိတ်ဖိစီးမှုတွေ လျော့နည်းလာမှာပါ။

- အနာဂတ်လုံခြုံမှု: ရင်းနှီးမြှုပ်နှံမှုက ကိုယ့်ကို ငွေကြေးတည်ငြိမ်မှု ပေးနိုင်တယ်။ ရင်းနှီးမြှုပ်နှံခြင်း အမျိုးအစားတွေနဲ့ ပတ်သက်တာကိုတော့ လေ့လာထားဖို့လိုပါတယ်။

- အိပ်မက်တွေ အကောင်အထည်ဖော်နိုင်မှု: ကိုယ်ပိုင်လုပ်ငန်းအတွက် စုထားတဲ့ ငွေက ကိုယ့်ကို အိမ်ပြန်ရောက်တဲ့အခါ လွတ်လပ်တဲ့ ဘဝတစ်ခု တည်ဆောက်နိုင်ဖို့ လက်ရှိ ဝန်ထမ်းဘဝ ကနေရုန်းထွက်နိုင်ဖို့ ကူညီပေးနိုင်ပါတယ်။

ဒီရာခိုင်နှုန်းတွေကို ကိုယ့်ရဲ့ဝင်ငွေအခြေအနေပေါ်မူတည်ပြီး ချိန်ညှိနိုင်ပါတယ်။ ဥပမာ၊ ဝင်ငွေနည်းရင် ၅၀-၂၀-၃၀ အစား ၆၀-၁၅-၂၅ လိုမျိုး ပြောင်းလဲနိုင်ပါတယ်။ ကဲ ဘယ်လိုသဘောရလဲ?

ဒီငွေကြေးစံမံခြင်းဟာ လက်ရှိကို ထိန်းသိမ်းရင်း၊ အနာဂတ်ကို လုံခြုံစေပြီး၊ အိပ်မက်တွေကို အကောင်အထည်ဖော်ဖို့ အခွင့်အရေးပေးနိုင်တဲ့ အားသာချက် ၃ခု ပါဝင်ပါတယ်။ ဒါကြောင့် ပြည်ပမှာ ရုန်းကန်နေရတဲ့ သူတွေအနေနဲ့ ဒီနည်းကို စမ်းသုံးကြည့်ပြီး ကိုယ့်ဘဝရဲ့ ပိုင်ရှင်ဖြစ်လာဖို့ အခုပဲ လုပ်ကြရအောင်ဗျာ....

Think for YOu 😇♻️ by "HEIN:"

26/03/2025

ကိုယ်လက်ရှိဝန်းထမ်းဘဝ မှ …ဖို့ လက်ရှိရနေတဲ့ ဝင်ငွေကို

၁။ နေထိုင်စားသောက် စားရိတ် (မိမိနေထိုင်ရာဒေသ အပေါ်မူတည်ပြီး expenses ကို ထိန်းရန်လို)

၂။ ရင်းနှီးမြှုပ်နှံမှု လျာထားချက် (ကိုယ်ရင်းနှီးမြှုပ်နှံမယ့် နည်ပယ် ကုန်ကျမှု budget plans သိရှိထားရန်လို)

၃။ ကိုယ်ပိုင် စီးပွားရေး လုပ်ငန်း လျာထားချက် (ကိုယ်ပိုင်လုပ်ငန်း အစီအစဉ်နဲ့ budget plans သိရှိထားရန်လို)

စတဲ့ အပိုင်း ၃ ခုပါတဲ့ တွက်ချက်မှုတစ်ခုကို စိတ်ဝင်စားရင် ဝင်တွက်ကြည့်လို့ပါတယ်ခင်ဗျာ။

တစ်ခုနဲ့ တစ်ခုက ချိတ်ဆက်နေတာကြောင့် ကိုယ်ဘယ်အရာကို ဦးစားပေးလဲ? ဆိုတဲ့အပေါ်မှာ ရာခိုင်နှုန်းပြောင်းပြီး စမ်းကြည့်လို့ရပါတယ်။

https://docs.google.com/spreadsheets/d/1EQ121Qiwo_xPHEA2cp74AMzj0e2tOOZyD_SCV-QOFmU/edit?usp=sharing

Link ကို နှိပ်လိုက်ရင် အပေါ်မှာ menu dot အစက် ၃ စက်နေရာကို နှိပ်ပါ ပြီးရင် open in external browser ကို နှိပ်ပြီး မိမိစိတ်ကြိုက်ကိန်းဂဏန်းကို ထည့်ကြည့်လို့ ရပါတယ်။

25/03/2025

ကိုယ့်ရဲ့ ဝင်ငွေကို ဒီလိုစီမံခန့်ခွဲထားရင်အနာဂတ်မှာ အပြောင်းအလဲဖြစ်နိုင်တယ်

နေထိုင်စားသောက်စားရိတ်ကို စီမံခြင်း (Living costs)

ရေရှည်ရင်းနှီးမြှုပ်နှံမှူ
(Long term investment )

ကိုယ်ပိုင်စီးပွါးရေး
(Personal Business)

ကိုယ်နှစ်သက်ရာ % တခုကို မိမိဝင်ငွေပေါ်မူတည်ပြီး သတ်မှတ်ထားလို့ရတယ်။

၃၀%-၃၀%-၄၀%
၄၀%-၃၀%-၃၀%
၃၀%-၂၀%-၅၀%

စသဖြင့် လုပ်လို့ရတယ်

Living costs(general expenses) ကို များများသတ်မှတ်ထားရင်တော့ ကျန်နှစ်ခု က အားနည်းလိမ့်မယ်

ဒီအရာကို ဖြေရှင်းလို့ရတဲ့နည်းက
ပိုရှာမလား? ချွေတာမလား? ကိုယ့်ကိုယ်ကို ပြန်သုံးသပ်ကြည့်တာမျိုးပါ

လက်ရှိမိမိအခြေအနေကို ချက်ချင်းပြောင်းလို့ရချင်မှရမယ် အနာဂတ်အတွက်ကိုတော့ ကြိုတင်စီမံထားလို့ရတယ်

17/03/2025

၁၄ နှစ်တာ ကြိုးစားမှု၊ နောက်ဆုံးတော့...

ကျွန်တော့်အလုပ်ထဲက အစ်မ တစ်ယောက်အကြောင်း ပြောပြချင်ပါတယ်။ သူက အလုပ် တစ်ခုမှာ ၁၄ နှစ်ကြာအောင် ကြိုးစားလုပ်ကိုင်ခဲ့တဲ့သူပါ။ အလုပ်ကို သစ္စာရှိရှိနဲ့ အချိန်အများကြီးပေးပြီး လုပ်ခဲ့ပါတယ်။ ဒါပေမဲ့ အသက်အရွယ်ရလာတဲ့အခါမှာတော့ လုပ်ငန်းက သူ့ကို မလိုအပ်တော့ဘူး ဖြစ်သွားပါတယ်။ ၁၄ နှစ်တာ ကြိုးစားမှုတွေဟာ ရုတ်တရက် အဆုံးသတ်သွားခဲ့ပါတယ်။

ဒီအဖြစ်အပျက်က ကျွန်တော့်ကို တော်တော်လေး စိတ်မကောင်းဖြစ်စေခဲ့ပါတယ်။ တစ်ချိန်တုန်းက လုပ်ငန်းအတွက် အားကိုးရတဲ့သူတစ်ယောက်ဟာ နောက်ဆုံးမှာတော့ အသုံးမဝင်တော့တဲ့သူတစ်ယောက်လို ဖြစ်သွားရတာကို တွေ့လိုက်ရတဲ့အခါ ကျွန်တော်တို့ရဲ့ အနာဂတ်အတွက် ဘယ်လောက်အထိ လုံခြုံမှုရှိလဲဆိုတာကို ပြန်စဉ်းစားမိပါတယ်။

ဒီအဖြစ်အပျက်က တကယ်ပါ။ ပြည်ပရောက်နေတဲ့ ကျန်တော်တို့လိုအတွက် အလုပ်လုပ်နိုင်ရင် ဝင်ငွေရှိမြဲပဲ ဒီအတိုင်းနေလည်း ဖြစ်ပါတယ်ကွာ ပြည်ပက ဝင်ငွေေဆိုတာ တို့နိုင်ငံရဲ့ လုပ်ခ လစာထက် အများကြီးသာတယ်ဆိုပြီး တွေးကောင်းတွေးနိုင်ပေမယ့် တကယ် ကိုယ်လုပ်ရတဲ့ နေရာနဲ့ ပုံစံကို ကြိုက်ရဲ့လား . ကိုယ့်အတွက် ဘယ်လိုအရာတွေကို အသုံးချလိုံရမလဲ ဘာတွေလေ့လာလို့ရလဲ ဆိုတဲ့အချက်တွေက ပိုပြီး ကြံဆဖို့လိုတယ်မြင်ပါတယ်။

ကိုယ်ရရှိထားတဲ့ အရာတွေကို ရင်းနှီးမြုပ်နှံမှု လုပ်မယ်ဆိုရင်ရော ဘယ်လိုရင်းနှီးမြှုပ်နှံမှုမျိုးလဲ လေ့လာထားတာမျိုး

ကိုယ်ပိုင်စီးပွားရေး လုပ်မယ်ဆိုရင်လည်း ဘယ်လိုစီးပွားရေးမျိုး ဘယ်လိုပုံစံနဲ့ ဘာတွေ ကြိုလေ့လာလို့ရနိုင်လဲ online နဲ့လား စာအုပ်တွေနဲ့လား စသဖြင့် ရတဲ့အချိန်လေးကို တစ်ရက်နည်းနည်းဆီလေ့လာတာမျိုး ဘယ်လိုလူမျိုးတွေနဲ့ ဆက်သွယ်ချတ်ဆက်မလဲ စတဲ့ ကြိုတင်စီစဉ်မှုမျိုး လုပ်တာ အကောင်းဆုံး ဖြစ်ပါလိမ့်မယ်။

မဟုတ်ရင် အပေါ်က သင်ခန်းစာလိုပဲ အချိန်နှောင်းမှ စမယ်ဆို....

သည့်အပြင် အချိိန်က တရွေ့ရွေ့ပြောင်းသွားတာနဲ့အမျှ တန်ဖိုးကျဆင်းနေတဲ့ ငွေကြေး အကြောင်းကို မလေ့လာထားမိရင်...

ကောင်းမွန်တဲ့အတွေးလေးတစ်ခုရစေ ရည်ရွယ်ရင်း ..🌱

18/3/2025 (JAPAN )

10/03/2025

Digital Income တွေရရှိအောင် AI ကို ယခုခေတ် social media Creator တစ်ယောက်အတွက် ဒီနည်းကိုလည်း လွယ်ကူမြန်ဆန်စွာအသုံးပြုနိုင်ပါတယ်။

ai တစ်ခုချင်းပေါ်မှာ အားသာချက်အားနည်းချက်တွေရှိလို့ စမ်းကြည့်ပြီး မိမိသဘောကျတဲ့ app ကို ရွေးချယ်ပြီးသုံးတာက ပိုကောင်းပါလိမ့်မယ်..

10/03/2025

နိုင်ငံခြားမှာ ဝင်ငွေများများရှာနိုင်သလို လိုချင်စရာ ပျော်ချင်စရာတွေလည်းများတဲ့ အတွက် ဒီနာမည်ကျော်ဘီလျံနာလီကာရှင်းရဲ့ အကြုံပြုချက် ၅ချက်ကို မိတ်ဆွေတွေအတွက် ဝေမျှပါရစေ ဗျာ

နာမည်ကျော် ဘီလျံနာ သူဌေးကြီး လီကာရှင်းရဲ့ ငွေကြေးစီမံခန့်ခွဲမှုဆိုင်ရာ အကြံပြုချက်တစ်ခုကတော့ ဝင်ငွေ ဘယ်လောက်ရှိရှိ ၅မျိုး အချိုးကျ ခွဲဝေသုံးစွဲဖို့ဖြစ်ပါတယ်။ ဒါက ငွေကြေးဆိုင်ရာ အသိပညာ ဗဟုသုတတွေ တိုးပွားစေပြီး ငွေကြေးစီမံခန့်ခွဲမှုကို လေ့လာသင်ယူနိုင်ဖို့အတွက် အထောက်အကူဖြစ်စေနိုင်ပါတယ်။ သို့သော် မိမိရရှိတဲ့ ဝင်ငွေနဲ့ နေရာဒေသပေါ်မူတည်ပြီး လိုအပ်သလို အချိုးအစားကို ပြောင်းလဲသတ်မှတ်နိုင်တာကိုလည်း သတိပြုစေချင်ပါတယ်။

လီကာရှင်းရဲ့ အကြံပြုချက်ကတော့ ဝင်ငွေကို အောက်ပါအတိုင်း ၅မျိုး ခွဲဝေသုံးစွဲဖို့ဖြစ်ပါတယ်။

၁။ အသုံးစရိတ် (နေ့စဉ်လိုအပ်ချက်) ၃၀%

နေ့စဉ်လိုအပ်တဲ့ အစားအသောက်၊ အဝတ်အထည်၊ အိမ်လခ၊ ခရီးစရိတ်နဲ့ အခြားအသုံးစရိတ်တွေအတွက် ၃၀% ကို အသုံးပြုပါ။ အသုံးစရိတ်ကို သေချာမှတ်သားထားပြီး လိုအပ်တာထက် ပိုသုံးစွဲခြင်းကို ရှောင်ရှားတဲ့ အချက်ဖြစ်ပါတယ်။

၂။ မိတ်ဆွေသူငယ်ချင်းများအတွက် ၂၀%

မိတ်ဆွေသူငယ်ချင်းတွေနဲ့ (သို့) မိမိထက် အသိဗဟုသုတ ကြွယ်သူတွေ စီးပွားရေးလုပ်ငန်းတတ်ကျွမ်းတဲ့ သူတွေနဲ့ ၊ အတူတူ အစားအသောက်စားတာ၊ လက်ဆောင်ပေးတာနဲ့ ဆက်ဆံရေးကောင်းမွန်ဖို့အတွက် ၂၀% ကို အသုံးပြုပါ။ ဒါဟာ လူမှုဆက်ဆံရေးကောင်းမွန်စေဖို့နဲ့ ပျော်ရွှင်စရာအချိန်တွေကို ဖန်တီးပေးနိုင်ပါတယ်။

၃။ မိမိကိုယ်ကိုယ်မြင့်တင်ဖို့အတွက် ၁၅%

မိမိတိုးတက်ဖို့ အတွက် လိုအပ်တဲ့ သင်တန်းတွေတက်တာ , စာအုပ်စာပေတွေ ဝယ်ယူလေ့လာဖတ်ရှုတာ အသင်းအဖွဲ့တွေနဲ့ သင်ယူလေ့လာမှုတွေလုပ်တာ ,အတတ်ပညာတွေ သင်ယူတာ စတာတွေအတွက် မဖြစ်မနေသုံးဖို့ အကြံပြုထားပါတယ်။ ဒါဟာ ကိုယ့်ရဲ့ တန်ဖိုးကို မြင့်တင်ပေးနိုင်ပါတယ်။

၄။ အပန်းဖြေဖို့ အတွက် ၁၀%

ဝင်ငွေရဲ့ ၁၀ ရာခိုင်နှုန်းကိုတော့ မိမိကိုယ်ကိုယ်ဆုချတဲ့ အနေနဲ့ သုံးခိုင်းပါတယ်။ အားလပ်ရက် အပန်းဖြေခရီးတွေထွက်တာ၊ ပိုပြီးအတွေ့အကြုံနဲ့ အမြင်တွေကျယ်ပြန့်လာအောင် အခြားနိုင်ငံတွေကို ခရီးထွက်လေ့လာတာ စတဲ့အခြေအနေတွေအတွက် သုံးဖို့ အကြံပြုထားပါတယ်။

၅။ ရင်းနှီးမြှုပ်နှံမှုအတွက် ၂၅%

ရင်းနှီးမြှုပ်နှံမှုအတွက် ၂၅% ကို အသုံးပြုဖို့ဖြစ်ပါတယ်။စီးပွားရေးလေးတစ်ခုခုလုပ်တာ အနာဂတ်အတွက် ငွေစုတာ၊ အိမ်ခြံမြေဝယ်တာ၊ စတော့ရှယ်ယာတွေဝယ်တာ စတဲ့ ရင်းနှီးမြှုပ်နှံမှုတွေအတွက် အသုံးပြုနိုင်ပါတယ်။ ဒါဟာ အနာဂတ်အတွက် ငွေကြေးလုံခြုံမှုရှိစေဖို့နဲ့ ပိုမိုချမ်းသာကြွယ်ဝစေဖို့ အထောက်အကူဖြစ်စေနိုင်ပါတယ်။ ဒီအချက်ကို အောင်အောင်မြင်မြင်လုပ်ဆောင်နိုင်ဖို့ အထက်ဖော်ပြတဲ့ အကြောင်းအရာတွေကိုလည်း ဟန်ချက်ညီညီလုပ်ဆောင်နိုင်ဖို့လည်း လိုတယ်လို့ အကြံပြုထားပါတယ်။

ဒါဟာ ဘီလျံနာသူဌေးကြီး လီကာရှင်းရဲ့ ငွေကြေးအကြံပြုချက်တွေဖြစ်ပါတယ်။ခင်ဗျာ

အလုပ်သွားရင်းဖတ်မိသော စာအုပ်မှ ဝေမျှခြင်း
10/3/2025

HEIN

01/08/2025

31/07/2025

31/07/2025

01/06/2025

23/04/2025

22/04/2025

26/03/2025

26/03/2025

25/03/2025

17/03/2025

10/03/2025

10/03/2025

住所

電話番号

ウェブサイト

アラート

事業に問い合わせをする

ショートカット

共有する