20/08/2026
सचेत रहनुहोला 🙏
ब्रेन वास चै एकदमै मजाले गर्दिन्छन लाग्छकी डलर को बर्षानै हुन्छ
जापानमा अध्ययनरत विद्यार्थी तथा कार्यरत नेपाली समुदायलाई लक्षित गरी सामाजिक सञ्जाल (फेसबुक, टिकटक र इन्स्टाग्राम) मार्फत "घर बसी बसी डिजिटल बिजनेस गरेर महिनाकै लाखौँ कमाउनुहोस्" भन्दै भ्रम फैलाउने क्रम ह्वात्तै बढेको छ।
विशेष गरी विदेशी भूमिमा दुःख गरिरहेका सोझा नेपालीहरूलाई "कम मिहिनेतमा सजिलै पैसा कमाउन सकिने" लोभ देखाएर नयाँ शैलीको पिरामिड/नेटवर्किङ (MLM) ठगी धन्दा चलाइएको पाइएको छ।
📌 ठगीको शैली कसरी हुन्छ?
१. प्रायोजित विज्ञापन (Sponsored Ads): फेसबुक र टिकटकभरि "जापानको दुःखबाट मुक्ति", "पार्ट टाइम डिजिटल बिजनेस" वा "घरबाटै १-२ घण्टा मोवाइल चलाएर कमाइ" भन्दै भिडियो विज्ञापनहरू फैलाइन्छ।
२. फ्री सेसन/जुम मिटिङ: कामको बारेमा सोधपुछ गर्दा सुरुमा स्पष्ट कुरा नभनी (Zoom Meeting) मा सहभागी गराइन्छ।
३. मोटी रकमको माग: केही दिनको 'ब्रेनवाश' पछि "डिजिटल कोर्स", "सिस्टम इन्गेजमेन्ट" वा "अनलाइन लाइसेन्स" को नाममा लगानी गर्न लगाइन्छ।
४. वास्तविक काम के हो?: लगानी गरिसकेपछि कुनै वास्तविक उत्पादन वा सीप (Skill) हुँदैन। पीडित व्यक्तिलाई उल्टै "तपाईंले पनि अरू मानिसहरूलाई यसै गरी जोड्नुहोस् अनि कमिसन पाउनुहुन्छ" भनेर अरूलाई फसाउन लगाइन्छ।
⚠️ विज्ञहरूको चेतावनी
सञ्चार तथा साइबर सुरक्षा विज्ञहरूका अनुसार, बिना कुनै प्राविधिक वा व्यावसायिक सीप रातारात अनलाइनबाट पैसा कमाउन सकिने दाबी १०० प्रतिशत फर्जी हुन्। वास्तविक डिजिटल काम (जस्तै: वेब डेभलपमेन्ट, डिजिटल मार्केटिङ, भिडियो एडिटिङ) का लागि सीप र अनुभव अनिवार्य हुन्छ, न कि पूर्व-लगानी।
💡 कसरी जोगिने?
अज्ञात व्यक्तिलाई पूर्व-भुक्तानी नगर्नुहोस्: कुनै पनि काम वा कोर्स सुरु गर्नुअघि ठूलो रकम माग्ने संस्था वा व्यक्तिबाट टाढै रहनुहोस्।
पारदर्शिता माग्नुहोस्: बिजनेसको मोडल, प्रडक्ट र आधिकारिक दर्ता छ कि छैन स्पष्ट नभई रकम नलगाउनुहोस्।
सचेतना फैलाउनुहोस्: आफ्ना साथीभाइ र जापानमा रहेका आफन्तहरूलाई यस्ता भ्रामक विज्ञापनको पछि नलाग्न सुझाव दिनुहोस्।
