19/01/2026
ප්රභල ශ්රී ලංකාවට නොබියව මුහුණ දුන් " ජපන් " කොලු ගැටව්....
ජපානයේ වෙසෙන ශ්රී ලාංකිකයන් හට ජනවාරි 17 දිනය සුවිශේෂී දවසකි. ඊයේ දිනයේ පැවති ක්රිකට් තරඟය අපට මව හා පියා අතර තරඟයක් වැනිය..
අවුරුදු 19න් පහළ ICC ලෝක කුසලාන ක්රිකට් තරඟාවලියේ ඊයේ දිනයේ එනම් ජනවාරි 17වන දිනයේ පැවතියේ ජපාන කණ්ඩායම හා ශ්රී ලාංකික කණ්ඩායම අතර තරගයයි.
තරගයේ ජය ශ්රී ලංකාවට. තර්ක අනවශ්යයයි. ඔවුන් දක්ෂයි. නමුත් මේ කතාව ජපන් කණ්ඩායම ගැනයි..
බැලු බැල්මට ලොව විශාලතම ආර්ථිකයකට හිමිකම් කියන ධනවත් රටක හා කුඩා දිවයිනක අතර තරගයක් සේ කෙනෙකුට හොවා දැක්විය හැකිය. තවත් පසෙකින් බලන කල ක්රිකට් ලොවේ කිරුළු පැළඳි රටක් හා ක්රිකට් ක්රීඩාවට ආධුනික රටක් අතර තරඟයක් ලෙසද ක්රිකට් රසිකයින්ට පෙනෙනු ඇත.
සැබැවින්ම මෙය දුප්පත් හා පොහොසත් රටවල් දෙකක් අතර තරඟයක් යන මතය සත්යයක් වුවද මෙහි දුප්පත් රට ශ්රී ලංකාව නොව. ජපානයයි..
ජපානය යනු ක්රිකට් ක්රීඩාවෙන් ඉතා දුප්පත් රටක් බව මහපොළවේ යථාර්තයයි. මෙවර 19න් පහළ ICC ලෝක කුසලානය වෙනුවෙන් ලොකයේ රටවල අතරින් තේරිපත් වි තරග වදින රටවල 16 වන,,,,
ඇෆ්ගනිස්ථානය,ඔස්ට්රේලියාව,බංගලාදෙශය,එංගලන්තය,ඉන්දියාව,අයර්ලන්තය,නවසිලන්තය,පකිස්ථානය,ස්කොට්ලන්තය,දකුණු අප්රිකාව,ශ්රී ලංකාව,ටැන්සානියාව,ඇමරිකාව,බටහිර කොදෙව්(West Indies),සිම්බාබ්වේ සහ ජපානය යන රටවල් ය,,,,
මෙම රටවල් 16 අතරින් ටැන්සානියාව, සිම්බාබ්වේ වැනි රටවල් පවා ආර්ථිකයෙන් කොතරම් දුප්පත් වුවද ක්රිකට් ක්රීඩාවෙන් පොහොසත් රටවල්ය.
ක්රීඩාව පොහොසත් වනුයේ මුදල් වලින් පමණක් නොවේ. මානව සම්පත, ක්රීඩාවට අවශ්යය යටිතල පහසුකම්, රජයෙන් ලැබෙන සහයෝගය, ප්රේක්ෂකයින්ගේ දිරිගැන්වීම, ක්රීඩකයින් පුහුණු වන කාලය, ක්රීඩාංගන, මුහුණ දෙන තරග ගණන යනාදී සියල්ල ඒ සඳහා බලපානු ඇත.
ඊයේ දිනයේ පැවති තරගය පිළිබඳව අවදානය යොමු කලවිට,
ශ්රී ලාංකේය කණ්ඩායම සතුව සියළු අංශ වලින් වෙන් වෙන්ව පුහුණුකරුවන් ඇත. අවශ්යය තරමටත් වඩා වැඩියෙන් ක්රීඩාංගන පහසුකම්, ක්රීඩාවට අවශ්යය තාක්ෂණය ඇත. ලෝකපූජිත ක්රීඩකයින්ගේ අවවාද, අත්දැකීම් බෙදාගැනීම් මෙන්ම ඔවුන්ගේ ආශිර්වාදයද ඇත.
තරග දිනුවත් පැරැදුනත් අත් නොහරින රසිකාගාරයක් ඇත. ඉතා හොද පළපුරුදු තේරීම් කමිටුවක්, පාලක මණ්ඩලයක් ඇත.
ජපානයේ තත්වය ඊට හාත්පසින්ම වෙනස් ය. ජපාන ක්රීඩක සංචිතයේ අති දක්ෂ ක්රීඩකයින් සිටියද ඔවුන්ගෙන් වැඩි දෙනෙක් ලොව පුරා විහිදී ජීවත් වෙයි.
උදා :- එංගලන්තය, ඕස්ට්රේලියාව,නවසිලන්තය වැනි රටවල,,,,
මේ සියළු දෙනා එක තැනකට එක්ව එකට පුහුණු වීම ඉතා දුශ්කර ක්රියාවකි. එලෙස එක් වුවත් ඔවුන්ට පුහුණු වීමට ඇත්තේ ජපානයේ තණතිලි 02ක් පමණි. නැගී එන කණ්ඩායමක් ලෙස ජපාන ක්රිකට් කණ්ඩායමට ඇති පහසුකම් ඉතා අල්පය.
නමුත්,
එවන් දුශ්කරතා මැද වුවද ප්රභල ශ්රී ලංකා කණ්ඩායමට එරෙහිව ඉයේ දිනයේ ජපන් කණ්ඩායමේ ක්රීඩකයෙක් ශතකයක් රැස් කර තිබේ. තවත් ක්රීඩකයෙක් කඩුළු 03ක් දවාගෙන ඇත. දුර්වල කණ්ඩායමක් ලෙසින් කිසි සේත් නොපෙන්වා කරට කර තරගයක් ශ්රී ලංකා කණ්ඩායමට ලබා දී ඇත.
ශ්රී ලංකා කණ්ඩායමේ ජයග්රහණය පිළිබඳවද අපි හදවතින්ම සතුටු විය යුතු බව සත්යයක්.
නමුත් ප්රභල ශ්රී ලංකා කණ්ඩායමට අඩු පහසුකම් යටතේ මෙලෙස මුහුණ දුන් ජපාන ක්රිකට් කණ්ඩායම පිළිබඳව අප එයටත් වඩා සතුටු විය යුතුය.
ඔවුන්ට ලෝකයේ ප්රභල කණ්ඩායන් හා කරට කර තරග වැදීම පිණිස අප සවියක් විය යුතුය. එය කල හැක්කේ නහර වල ක්රිකට් ක්රීඩාව ලේ සමග මුසුව ඇති ශ්රී ලාංකික අපටය.
ශ්රී ලංකාවට මෙන්ම ජපානයටද එක සේ ආදරය කරන අපටය.
ඉදිරියේ ජපාන කණ්ඩායම සහභාගි වන තරගවල ඔවුන් හැකි උපරිමය ලබාදෙන බව විශ්වාසය. අපි ඔවුන් තනි නොකර හැකි උපරිම දිරි ගැන්වීම ඔවුනට ලබා දෙමු.... ඔවුන්ට සවියක් වෙමු
ඔවුන් සමග සිටගමු..!
