Sheshe News

06/12/2022

24/09/2022

WACHENI KUWADHULUMU WAFANYAKAZI WAKONGWE -EACC YAAMBIA MAGAVANA WATEULE.

Tume ya maadili na inayopambana na visa vya ufisadi nchini Kenya almaarufu EACC imewaonya magavana wateule dhidi ya kuwadhulumu wafanyakazi walioajiriwa na serikali iliyotangulia kuwa watachakuliwa hatua ya kisheria.
Afisa mkuu mtendaji wa tume hiyo Twalib Mbaruk amesema kuwa tume hiyo imeshuhudia visa vingi vya dhuluma dhidi ya wafanyakazi hao.
"Visa hivi vimeongezeka kwenye kaunti ambazo magavana wapya wameshika hatamu za uongozi baada ya uchaguzi mkuu wa Agosti tisa,"alisema Mbaruk.
Alihoji kuwa baadhi ya magavana wateule wameshindwa kufanya kazi na wahudumu hao wakongwe.
"Wakati mwingine wafanyakazi hao hutishiwa kufutwa au hata kulazimishwa kufanya adhabu kinyume na sheria ili kuwang'atua maofisini,"alisema Mbaruk.
Afisa huyo amewasihi magavana wote ambao huchukua sheria mikononi mwao kujisalimisha kwa kufuata sheria za kikatiba katika kudhibiti nidhamu ya wafanyakazi wa serikali.
"Hivyo tume hii inatoa rai Kwa magavana hao kushirikisha washikadau wote na kufuata kanuni zote panapotokea tuhuma za ufisadi dhidi ya wafanyakazi serikalini.