DALA TV

DALA TV Kenyans No 1 Luo Tv Station

dalatv.org
https://youtube.com/?si=kmkbmL1I13tYgxn6

28/08/2026

Familia moro e gwenge mag Kapuonja, Kisumu West kwayo kony mar omenda mondo okonygi e yor dwaro theith ne nyathigi Brian Omondi Ogalla (13) ma tuo mar Cancer oketo piny kendo dwaro thieth mapiyo kaka nyalore.

Min rawerano Eunice Ogolla, maen chi liel, wacho ni wuodeno sani ok yud chenro moro amora mar thieth, koyango ni lwete ninono kendo mwandu mane en godo osetiyogo duto e manyo thieth.

Owacho ni ng'anyo mar nases bende en achiel kuom midhiero ma sani gikaloe.

Ng'ato ang'ata ma nyalo gombo tudore kod Mama Eunice nyalo yude e namba 0717 039 669.

28/08/2026

Jothumbe kod jolomb oganda e yore mbui man e piny Luo ne oyawo ayanga riwruok mar saga, Onagi Creative Arts SACCO, e nyasi maratipo mane okelo miche gi miche mag jokanyo mar riwruogno kod welo mamoko modhial mawuok e Piny Luo.

Riwruog saga mak**a geto miyo jothum kod jolomb ogandago lwasi mar bero ngimagi giwegi, e yor jiwo yore kungo kod hola e kindgi kendo neno ni gidago ngima makare kinde duto.

Kane oloso e sach nyasino, jaod bura ma Uriri Mark Nyamita mane e wendo modhial kaachiel gi nyawadgi ma Langata Feliz Oduor (Jalang'o) ne jokwayo jothumbe duto e dhood Luo mondo odonj e riwruok machalo k**ano mabiro loko kit ngimagi e yor sirogi e kinde duto.

27/08/2026

Oganda ma odak kod ng'ol e aluora ma Kanjira, e od chung' bura ma Karachuonyo, e Kaonti ma Homa Bay noyudo sir mag gige konyogi e wuoth kod chenro mamoko e nhimagi kokalo e agulu mar chenro moyiedhi e piny owacho, National Fund for the Disabled of Kenya.

Kane oloso e kinde chiwo mwandugo e ne jogo, apisa e duolno Samwel Okombo, wacho ni chenroni biro konyo joma odak kod ng'ol, joma hikgi oniang' duto biro yudo sirgo kaachiel gi bende chuogonegi thuolo mag tije kaka yor neno ni gikonyore e ngimagi ma kinde ka kinde.

27/08/2026

Riwruog nases e kaonistis ma Kisumu, Siaya, Homa Bay kod Migori ne obago ng'anyo ma galamoro e boma ma Kisumu kagiramo ni ok gibi dok e tich nyaka chop chieng' moro tend kaontis winj kendo ket e tim winjruok mane giketo e kokgi.

Bende ne gikwedo buok kod monj ma moko kuom jotendgi osebedo ka ibuogo, kagiwacho ni onge gima biro miyo gidog e tich kopogore gi chopo kare dwachgi.

Ng'anyo mak**a odonjo e ndalone mar 30, kagikwayo jopiny mondo bende ounggi lwedo e dwaro ratiro.

25/08/2026

Tend kaonti ma Kisumu oyangi kaka achiel kuom kaontis matimo mabeyo e weche mag thieth kod tudruok makare gi jopiny, kaluwore gi nonro mane ogol gi bad migao mar piny owacho mar NEPAD.

Magi timore e kinde ma migaono dhi nyime gi choko pach jopiny e yango rem manitie kendo manyo kaka inyalo tieki midhiero ma nitie.

Jakom mar duolno Sospeter Ojaamong' chenro mar kawo pach jopiny ibiro tim e wards duto e kaonti ma Kisumu kod kaontis mamoko ma chneorno dhie nyime pachoka.

24/08/2026

Riwruog jotend din e aluora ma Nyanza, Nyanza Clergy Fellowship, okwedo malit tulo kod njore ma osebedo ka neno e rombe mag siasa e kor gwenge ma pachoka.

Kane otelnegi kod Jatend Kanisa mar Warruok kod Chang, Bishop Dr. Winnie Owiti, jodologo okwayo oganda jokenya mondo obed akicha kendo kik yie tii kodgi gi josiasa.

Gwacho ni piny owacho kod migepe mowinjore ong'eyo kaka lwenjegi chakore kendo owinjore gichiw wach moriere e wii lwenje mak**ago.

Ginyiso luoro ni tulo kod weche majosiasa diro kinde ka kindegi kidek chopo e tulo e tok yiero ma 2027.

19/08/2026

Jodak ma Kogony mayudore e ward ma Central Kisumu, Kisumu West kwayo piny owacho mamalo kokalo e migao mar arita kwe mondo okonygi e rakruok gi nyaw mar arita e gwengego.

Giywakni jonjore monjogi e udi otieno kotieno kendo weyogi kod hinyruoge maricho. Gibuono kawo chik e lwetgi ponono ok okonygi mapiyo kaka nyalore.

17/08/2026

Michael Mute, maen achiel kuom jofwambo mane omonji e boma ma Homa Bay, lero kaka ne rowere mane nigi mau mager ne omonjogi gi paro mar hinyogi.

17/08/2026

Riwruog Jofwambo e Kaonti ma Kisumu, Kisumu Journalists Network (KJN) okwedo kit monj mane otim ne jofwambo wetegi e kinde mane gin e tijgi e Kaonti ma Homa Bay, k**a moko kuomgi ne odong' gi hinyruoge maricho, gigegi mag tich kethi, kendo nyamburko mekgi bende okethi.

Kane otelnegi kod jakom margi Rushdie Oudia, riwruogno wacho ni tamo jofwambo e chwalo tijgi en yoo makende mar thiro demokrasia kod thuolo mar keyo weche pachoka.

Giwacho ni monj mak**ano ni e wii josiasa giwegi matiyo gi rowere e yoo maok odhi kare. Bende gidwaro mondo obila otim nonro mar yudo joma ne osiayo rowere mondo omonj jofwambogo, e sama gidwaro mondo obila ochak timo apendha mar manyo gigegi mag tich mane jomaundu olalgodo.

12/08/2026

Gavana e Kaonti ma Siaya James Orengo olieko ni nitiere chenro maling'ling' ma ochan gi kweth jotelo moko e Kaonti ma Homa Bay mar biro kelo tulo kendo monjogi e kinde romo margi mar Linda Mwamanchi mabiro timore Jumapil tarik 16 dweni.

Orengo wacho ni oikore mar kedo ne ratiro kata tek nade, kosingo biro chung' motegno e adiera.

Owacho ni en ratich JoKenya duto mar chokore e rombe duto machik opuodho kendo ni romo margino en mano ma chik oyiego. Gikwayo obila mondo obi omigi mana arita e kinde romo mowacho ni en mar kwee.

Address

Kisumu

Website

Alerts

Be the first to know and let us send you an email when DALA TV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category