10/08/2025
Gabadh Somaaliyeed oo Lagu Qiyaanay Hospitaal Ku yaala Nairobi .
Zamzam Hassan, oo ka mid ah gabdhaha Soomaaliyeed ee ku nool dalka Kenya, ayaa dhowaan ku dhacday xaalad caafimaad oo murugo leh kadib markii lagu sameeyay qalliin kalyaha ah oo ka dhacay Isbitaalka Kenyatta National Hospital ee magaalada Nairobi.
Zamzam ayaa la sheegay in kalya looga bixiyay walaalkeed, Mohammed Rashid, si loo badbaadiyo nolosheeda. Qalliinka ayaa markii h**e loo arkayay mid guul ku dhammaan doona, balse xaaladdu si lama filaan ah ayay u qalloocatay. Qoyska ayaa sheegay in xaaladdeeda caafimaad aysan waxba iska bedelin, taas oo dhalisay shaki weyn oo ku saabsan in kalyaha lagu guuriyey jirkeeda ay dhab ahaan shaqeynayaan – ama xitaa in qalliinka laftiisa uu dhacay si aan habboonayn.
Shakigaas ayaa sabab u noqday in qoysku u tago Saldhigga Booliska ee Capitol Hill, Nairobi, halkaas oo ay 10-ka Agoosto 2025 ku gudbiyeen cabasho rasmi ah iyo bayaan faahfaahsan. Waxay codsadeen in la sameeyo baaritaan madax-bannaan oo degdeg ah, si loo ogaado waxa dhacay iyo halka uu ku dambeeyay kalyihii la sheegay in lagu beeray Zamzam.
Qoyska ayaa ku eedeeyay maamulka isbitaalka iyo dhakhaatiirta fulisay qalliinka in ay bixiyeen xog aan caddeyn oo mararka qaar is khilaafsan. Waxay sidoo kale ka codsadeen dowladda Kenya iyo hay’adaha caafimaadka ee madax-bannaan in ay arrintan soo farageliyaan, si loo hubiyo in cadaalad la helo, loona xaqiijiyo .
Kiiskan ayaa ku soo beegmaya xilli Kenya gaar Ayaan Nairobi uu horay uga jiray walaac ballaaran oo ku saabsan Is daba marinta ubnaha jirka iyo arrimaha caafimaadka ee muranka dhalinaya.
Xaquuqda Sawirka: Standard Digital
