Dawati La Michezo

07/11/2025

Kocha Mkuu wa timu ya taifa ya soka ya Kenya ya wanawake ya Harambee Starlets Beldine Odemba, alizawidiwa kitita cha Ksh.100,000 pamoja na kikombe baada ya kushinda Tuzo ya Betika/SJAK ya Kocha Bora wa mwezi Oktoba mwaka 2025 nchini Kenya.
Odemba, mwenye umri wa miaka 41, alishinda tuzo hiyo kutokana na kupata mafanikio makubwa mwezi huo wa Oktoba, kwa kuiongoza Harambee Starlets kufuzu kwenye Michuano ya Kombe la Mataifa ya Afrika kwa Wanawake (WAFCON) itakayoandaliwa mwakani 2026 nchini Morocco.

Jopo la Chama cha Waandishi wa Habari za Michezo Nchini Kenya SJAK, likiongozwa na mwenyekiti wa jopo hilo, Abuller Ahmed, lilimchagua Odemba ambaye aliwashinda makocha wenzake waliokuwa wanawania tuzo hiyo k**a vile kocha wa timu ya taifa ya Kenya ya mchezo wa raga ya wanaume, maarufu k**a Shujaa, Kevin "Bling" Wambua pamoja na mwenzake wa timu ya raga ya wanawake ya Kenya, maarufu k**a Lionesses, Simon Odongo.

Wengine ni kocha wa kikosi cha Kenya katika mchezo wa ndondi, Musa Benjamin, kocha wa Nairobi United FC, Nicholas Muyoti, kocha wa kikosi cha taifa katika mchezo wa mpira wa magongo, maarufu k**a Blades, Meshack Senge na kocha timu ya taifa ya triathlon, Camilla Lydya.

01/11/2025

Kocha Mkuu wa zamani wa timu ya taifa ya Kenya Harambee Stars Mohammed Kheri akitia sahihi kitabu cha wageni katika afisi za Shirikisho la Soka Nchini Kenya ...

01/11/2025

https://youtu.be/nnRN4cwzNDA

Kocha Mkuu wa zamani wa timu ya taifa ya Kenya Harambee Stars Mohammed Kheri akitia sahihi kitabu cha wageni katika afisi za Shirikisho la Soka Nchini Kenya ...

28/10/2025

28/10/2025

Shirikisho la Soka Nchini Kenya FKF Tawi la Mombasa lina mipango ya kutaka kuwahusisha magwiji wa soka, kutoka Kaunti ya Mombasa, kuwa washauri wa Shirikisho hilo kutokana na uzoevu na ujuzi walionao wa miaka mingi katika medani ya soka.

Shirikisho hilo, chini ya mwenyekiti wake Alamin Ahmed Abdallah, lilifanya kikao maluum na magwiji hao waliotembelea afisi za FKF Tawi la Mombasa waliongozwa na Kocha Mkuu wa zamani wa timu ya taifa ya Kenya Harambee Stars Mohammed Kheri.

Kikao hicho kilifanyika kwenye afisi za FKF Tawi la Mombasa zilizopo mtaa wa Kaloleni, jioni ya siku ya Jumatatu ya Oktoba 27, 2025.
Magwiji wengine walioandamana na Mzee Kheri walikuwa ni beki wa kulia wa zamani wa Bandari FC Ricky Solomon, aliyekuwa mwamuzi wa kati wa Kimataifa wa FIFA Khamis Baghazal, ambaye baadae akawa kocha wa soka ya vijana, na mshambuliaji wa zamani wa Coast Stars, Ingwe AFC Leopards na Harambee Stars U-21 Abdulmalik Wafula.

Wengine waliokuwemo kikaoni ni Katibu Mkuu wa Shirikisho la FKF Mombasa Branch, Stephin ‘Manyatta’ Murithi pamoja na Afisa Mkuu Mtendaji CEO wa shirikisho hilo Sumba Bwire, ambaye ndiye aliyewakaribisha magwiji hao kabla ya kupokelewa na mwenyekiti wa FKF Mombasa Branch, Alamin Ahmed Abdallah.
Magwiji hao walitia sahihi kitabu cha wageni kabla ya kikao hicho kuanza.

14/10/2025

Jumla ya timu 22 ndizo zimeshafuzu, hadi kufikia sasa, kwenye Michuano ijayo ya Kombe la Dunia la FIFA itakayofanyika mwakani 2026 na kuandaliwa kwa pamoja katika mataifa ya Canada, Marekani na Mexico.
Timu hizo ni Algeria, Argentina, Australia, Brazil, Cape Verde, Colombia, Ecuador, Ghana, Iran, Japan, Jordan, Korea Kusini, Misri, Morocco, New Zealand, Paraguay, Tunisia, Uruguay, Uzbekistan pamoja na wenyeji wa Kombe la Dunia Canada, Marekani na Mexico.

14/10/2025

Hizi ndizo nchi 109 ambazo, hadi kufikia sasa, zimeshaondolewa na haziwezi kufuzu kwenye Michuano ijayo ya Kombe la Dunia la FIFA itakayofanyika mwakani 2026 na kuandaliwa kwa pamoja katika mataifa ya Canada, Marekani na Mexico.

Hizo timu ni Afghanistan, American Samoa, Andorra, Angola, Anguilla, Antigua and Barbuda, Aruba, Bahamas, Bahrain, Bangladesh, Barbados, Belarus, Belize, Bhutan, Botswana, British Virgin Islands, Brunei, Burundi, Cambodia, Cayman Islands, Jamhuri ya Afrika ya Kati, Chad, Chile, China PR, Chinese Taipei, Comoros, Congo, Cook Islands, Cuba, Cyprus, Djibouti, Dominica, Dominican Republic, Estonia, Ethiopia, Eswatini, Fiji, Gibraltar, Ugiriki, Grenada, Guam, Guinea, Guinea-Bissau, Guyana, Hong Kong, China, India, Indonesia, Kazakhstan, Kenya, Korea DPR, Kuwait, Kyrgyz Republic, Laos, Lebanon, Lesotho, Liberia, Liechtenstein, Libya, Lithuania, Luxembourg, Macau, Malaysia, Maldives, Mali, Malta, Mauritania, Mauritius, Mongolia, Montenegro, Montserrat, Myanmar, Nepal, Pakistan, Palestine, Papua New Guinea, Peru, Ufilipino, Puerto Rico, Rwanda, Samoa, São Tomé and Príncipe, Ushelisheli, Sierra Leone, Somalia, Singapore, Solomon Islands, Sudan, Sudan Kusini, Sri Lanka, St. Kitts and Nevis, St. Lucia, St. Vincent and the Grenadines, Syria, Tahiti, Tajikistan, Thailand, Gambia, Timor-Leste, Togo, Tonga, Turkmenistan, Turks and Caicos Islands, US Virgin Islands, Vanuatu, Venezuela, Vietnam, Yemen, Zambia na Zimbabwe.