13/05/2023
Yaamicha Nageennaa, Tokkummaa fi Araaraa Oromoo fi Oromiyaa
Abbaa Gadaa Booranaa Kuraa Jaarsoo Dabarse jira
BGM Camsaa,11/2023
Abbaan Gadaa Booranaa Kuraa Jaarsoo yaamicha Nageennaa, Misoomaa, Tokkummaa fi Jaalalaa ummata Oromoo, Sabaa fi Sablammii Itoophiyaaf dabarsan.
Abbaan Gadaa Oromoo Booranaa tokkummaan Oromoo fi Oromiyaaf murteessaa ta'uu himuun Oromoo lagaan,gandaa fi amantii walqooduu dhiisee tokkummaa akka jabeeffatu dhaaman.
Abbaan Gadaa Kuraa Jaarsoo dhimmoota waliin jireenna obbolummaa fi Oromummaa irratti mariin keessoo Ilmaan Oromoo murteessa ta'uu himan.
Abbaan Gadaa dhimma hundeeffama Godina Boorana Bahaa fi teessoo Godinichaa Magaala Nageellee Booranaa irratti komii gama Oromoo Gujiitiin ka'e irratti Marii waliin taasisanii walii galtee irra gahan irratti yaamicha Tokkummaa, Jaalalaa fi Araaraa dabarsan.
Abbaan Gadaa Booranaa fi Gujiin dhiiga tokko akka ta'an kaasuun Oromoon waan argate waliin argatee waan dhabullee waliin dhabee waan ta'eef waan waldhabuuf hin qabuu jedhan. Abbaan Gadaa Kuraa Jaarsoo Godinii 21ffaan Oromiyaa Godinii Boorana Bahaa nuu dabalamee dogongora seenaa turees waliin nuu sirreesse waan ta'eef waan qabnu waliin jabeeffannee waan nuu malees waliin haa barbaannuu dhaaman.
Dabalataan walmilluu Obboleeyyan lamaan jidduu turte Mariin Aadaa fi duudhaa teennaan fulaa Abbootiin Gadaa Sabboo fi Goona,Kontomaa fi Daarimu, Sikkoo fi Mandoo, Jilboo fi Loosaan argamanitti Gadaa Oromoo bal'oo fi finnii Oromiyaa Hangafa hirmaachisetti waliigaltee irra waan geenneef kutaaleen hawaasaa nageennaa fi tokkummaa akka jabeessan dhaaman.
Qaamii faallaa waliigaltee kanaa waan Obbolummaa, Tokkummaa fi Jaalala Oromummaa diigaa hawaasa keenna jidduutti lallabuu fi Aadaa fi duudhaa Oromummaa cabsuu akka adabatan dhaame jira,Dabalataan safuu hawaasaa keennaa eeguu dhabuu isaaniitiin itti gaafatamummaa jalaa akka hin baane hubachiisanii jira
Abbaan Gadaa Kuraa Jaarsoo Oromoon dhimmoota keessa isaa mariin fixachuun nagaa naannoo isan egachu qaba jedha.
BGM MADDA ODUU DHUGAAFI GUDDINAA
